影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
已經係第二次黎幫襯啦，第一次因為啲買單唔比我碌卡，然後食物要乜冇乜，搞到我唔過200，差幾蚊，所以唔比，但係都係自己問題啦，冇得講，但係今日係我叔想試吓，所以一齊去左，今次仲垃圾過第一次啦，冇得唔爆粗，落完嘢食，都係好多話冇，究竟係真係冇，定係唔想做？隔離檯都係到爆粗，因為都係要乜冇乜，然後樓面完全搵唔到人，叫左加水，都冇人理，後邊又加左單，等左至少半個鐘都冇上，然後要張出單紙睇吓，見到依家先幫我落單，激到死，買單時候係到話廚房出單機有問題，但係點解唔同我講聲？要我自己出聲先講？咁樣邊有服務？仲要收服務費？垃圾酒樓，不如上家，轉人啦
继续阅读
大前日（15-9-2024 Sun)朝，老公因縮醉就唔去教會，咁我，亞姨同佢一齊嚟飲茶啦。我哋嚟到都有人等位但唔多，我哋等咗幾分鐘後就有位，坐低後都冇人問要咩茶，之後侍應推住開咗嘅茶問要咩茶，我答香片。佢望望，話冇，轉頭拎嚟。咁我哋睇menu揀嘢食，揀好就遞俾侍應，點知話呢張已經過咗供應時段，要我哋剔過另一張。咁我哋再剔啦，最後要咗：1. $48.00嘅八珍豬腳薑好耐冇食喇，所以叫呢樣。先食豬腳，未腍，都幾韌，而薑係好甜冇渣，醋汁係甜，好味，最後食隻蛋，竟然係溏心蛋，然而，豬腳薑用溏心蛋，係唔合格，因為偏離傳統。3.5分2. 大點QQ香蕉包餡係香蕉，成個唔太甜亦唔太濃，個皮係好彈牙，唔錯。4.5分3. 中點櫻花蝦潮州粉果呢個足料而偏多西芹，皮腍咗啲，好似食到沙葛，而五香味唔濃。2.5分4. $41.80嘅鯪魚球粥呢個粥有4個大小不一嘅鯪魚球，口感好鬆軟，味道淡，粥底都棉。3.7分5. 特點嘅爆漿榴槤球榴槤味夠，外脆。5分6. 精點懷舊鴨腳扎呢個味道有啲怪，材料有芋頭同雞肉，芋頭粉腍。3分服務：門口知客好好傾，侍應記性算唔錯，傳菜嘅都好留心，係收銀一般。環境：有少少窄，冷氣舒適。價錢：menu完全冇寫點心價錢，就連茶位都冇寫，只可以喺埋單時至知，令人冇預算。而喺我埋單時，收銀話$31X.00，我即問係咪計咗冇嚟嘅薄罉？佢至望望張咭同張單對，係圈少一個至知冇上齊。如果唔係自己記住，好容易被呃。最後終於知道茶錢係$12.00一位，大點係$30.80，中點係$26.80，精點係$34.80，特點係$37.80。而呢餐連加人總共$283.00。2.5分上次食評係2024年8月9日刊登嘅呢篇：https://www.openrice.com/zh/hongkong/review/%E9%8A%80%E8%83%83%E9%A4%90-e5613820
继续阅读
天文台剛好掛八號，大家相約晚飯，友人提議屋村商場試新店，反正免費泊車，都算方便⋯⋯朋友見街市有平價海鮮，本想來貨加工，於是5點幾致電食店，店員語氣不耐煩，話價錢已貼在門口，自己過嚟睇，電話唔方便講⋯⋯親身攞得海鮮過來，就唔使睇啦！難道嚟到門口睇完先去買海鮮之後朋友又叫筆者問問關於是否收開瓶費，第一句店員話唔收，之後又改話要收$50，最後我們都決定唔帶酒來，反正正直將會打風大家飯聚後還有節目⋯⋯蜜汁柚子骨$98~份量少，其實可以用細一點的碟就冇咁著眼，由於解凍未夠全面，有點失色。蓮子八寶冬瓜盅$168~店員落力推廣冬瓜盅，夏日炎炎都是一個好選擇。豉油皇炒麵$88~未見乾身，濕濕油油，還有進步空間。順徳煎焗魚雲$118~煎得過火，深深色，新開店舖，油的質素有待改善⋯⋯香辣 孜然牛肉$88~孜然粉蓋過一切。乳鴿$198($68/隻)-友人喜吃乳鴿，於是點了兩隻，炸得過火有點柴，最後都有吃淨。海鮮孖寶$198(美國桶𧐢配小炒王)先來講韮菜，每啖都咬落有渣，豐富纖維⋯⋯美國桶𧐢，中規中矩南乳炆齋煲$98~淡淡的，南乳味未夠突出整體來說作為屋村酒家，而且還是新開店，給食客感覺未算吸引，平均每人$230,這個價位及質素，同區有更多更好的選擇。
继续阅读
放左工同同事Chill，搵間坐得舒服既酒樓，又唔限時，近近地去石圍角既酒樓。酒樓環境好舒服好乾淨，綠色椅子，很悅目。6點時入座唔係好多人，7點就爆滿，可見街坊都好鐘意呢間飯堂。 酒樓餐牌選擇好多，星期一至四仲有一蚊雞優惠，我地都唔執輸，嗌左個一蚊乳豬。上菜速度都好快，乳豬份量都唔少，又多肉，抵食! 之後仲叫左唔少餸菜，有椰子雞湯，份量足以5個人份量，又足料，好滋補。 又叫左涼瓜排骨、小炒皇，蒸白饍，味道不錯，冇嘜味精，好適合一家人一起吃飯。 店員服務態度不錯，很快就幫客人換碟，而且仲問我地有咩需要。下次放工想同同事去Chill 下，可以黎呢間舒適既酒樓!
继续阅读
I tried this new restaurant in Shek Wai Kok this afternoon. This is the only Chinese restaurant opened after the last one closed for more than a year and most SWK people are hoping for.The dim sum and environment is good. A queuing machine is available outside. There are many choice of dim sum at reasonable / good prices.Unfortunately the service was really poor. The waiter simply can’t entertain the tables and made errors all the time. Most people ordered food but wait for a long time. She even refused to give me the order form.Some customers left without further warning.The shop manager came and blamed the waiter…Hope it can improve the service soon.
继续阅读