影片
食完lunch咁啱經過，見到$14一杯鮮奶茶/鮮奶綠，真係好抵，加其他配料加$6，嗌咗杯鮮奶綠+珍珠，少甜少冰，$20。等候期間先醒起要上嚟睇下評價，點知兩個comment都話超伏，嚇到即刻search吓附近有冇其他茶飲店，如果難飲再買過第二杯🫢終於店員好快預備好嘢飲，係大杯嘅，個杯如同另一comment所講的確冇logo，戰戰兢兢咁飲一啖，飲得到平時鮮奶綠嘅味道，唔算好甜，珍珠煙韌有咬口，係一杯正常嘅珍珠鮮奶綠👌🏻呢個價錢嚟講性價比好高，如果將來再經過會encore。當然我唔肯定如果唔係鮮奶綠，而係普通奶茶底，個味會唔會差好遠，不過鮮奶綠少冰少甜係OK嘅，可以一試。
继续阅读
付款方式
以上资料只供参考，请与餐厅确认详情
十分後悔落單前無睇食評，上一篇的食評 「伏伏伏」完全係我心聲。見外賣app落單做緊優惠買一送一，又有得減運費，除返只需要$20一杯就送到府上！一於落單試試，叫左一杯琥珀珍珠奶茶和一杯琥珀珍珠奶綠，好準時送達。一來到，發現個杯無logo，好似山寨貨咁，不過是旦啦，我都唔係要打咭，但求杯野好飲。我自己飲奶茶底那杯～oh no！又無奶味又無茶味，好似甜甜地的水咁 like light syrup..... ，心諗杯野買一送一，唔通個奶茶底都要慳成本溝到咁淡？貪平無好，寧願貴d飲第二間。
继续阅读
外賣平台免運費，夜麻麻口痕就試下，點知伏到冇朋友芝士珍珠奶茶，40蚊杯，可以淡到似飲水！！珍珠硬到咬唔到，冇茶味士多啤梨益力多，見係季節限定先order, 又係冇味既！40蚊唔係平，任何一間茶飲店應該都好味過佢。永久blacklisted
继续阅读