影片
附加资料
瑞士雞翼及日式鰻魚蛋包飯都受不少街坊愛戴 另外我們的鑊氣小炒更是必食之選 例：黑椒薯仔牛柳粒。椒鹽金沙骨等
营业时间
星期一至日
07:00 - 22:00
以上资料只供参考，请与餐厅确认详情
離晒大譜，叫個早餐成廿分鐘都唔出餐，本身8:30叫左餐預計有30分鐘時間食，拖到9點都未出餐，員工態度極差唔幫手追，由8:44催到9點一個簡單早餐都出唔到，全間餐廳都係催單既，趕返工切忌幫襯呢間，就算早出門口都會畀佢累死你，仲扮睇唔到個客揮手，服務態度差劣程度冠絕全港，累人累物早執早著
继续阅读
有日叫咗個下午茶餐吉列豬扒伴沙律外賣。點知打開見到塊豬扒俾人切咗一大忽！！即刻打電話俾佢地，問係咪搞錯咗？係咪有客食過退返俾佢，但佢再攞出嚟當外賣俾我？！佢堅持話唔係，冇人食過。我問咁點解俾人切走咗一大忽？聽電話個女人話可能係廚師覺得塊豬扒太大，所以要切走一忽！！咁嘅解釋仲離譜！！唔通炸咗隻雞髀出嚟覺得佢大隻又會切走一忽？！未見過囉！其實就咁睇塊豬扒冇咗一忽係比一般細塊d，咁又如何解釋？根本就係狡辯！後來個女人同意退款，不過第日當我去退款嘅時候，佢塊面黑到呢…..
继续阅读
一天的好心情完全被破壞甚至十分憤怒等個外賣等成半個鐘最慘佢現場堂食又唔係爆場但又唔俾我企係門口/坐低等要我係門口出面曬住等我見到堂食既就客都出出入入換左幾轉就行返入去問先話部機出唔到單咁堂食個D點解又有野食要我繼續行返出去門口出面等您有問題叫我入黎坐低等都好吖唔係我問仲要等幾耐都唔將我張單擺到最頭但都仲係狂出堂食既想食個早餐把幾火再更新 姐姐打漏單俾少野飲我無為意 但姐姐死撐2個麵餐都可以得一杯野飲咁我已經逐個餐叫 淨係一杯野飲唔問多句既仲要叫我想要返就自己行返落黎拎如果唔係等多幾個鐘忙完曬先考慮下搵人送過黎睇返張單 咁又識收我4蚊外賣盒錢定2個麵1杯野飲就要收4個外賣盒錢先服務態度咁差野食幾好食都無用囉甚至佢野食水準都只係中上所以絕對唔會再食呢間野
继续阅读
星期六朝早去食早餐, 啲態度趕客咁嘅款, 0尊重, 唔食就算咁嘅款, 嬲爆, 建議餐廳Review吓啲員工質素,唔建議大家去食受氣, 同埋本身質素都差咗好多, 香港就係比呢啲人搞灣晒。
继续阅读
本人第一篇食評，如表達得不好，請見諒😃年三十，2點左右去到安蔭街市附近搵食由於成朝未食過野，所以想食啲飽肚嘅嘢。經過呢間餐廳門口，見到下午茶餐兩點開始，餐牌好似幾多選擇，價錢唔算貴，所以就決定入去試一試！一行二人，入面八成滿坐，自行揀位，坐左張四人枱，座位闊落，枱與枱之間唔會太迫，室內光線充足，是蠻不錯的！一坐低，服務員遞上兩杯熱水，頗貼心的！然後看看餐牌，有包類，有炸物，有炒粉麵，款式什多！好多餐廳既下午茶炒飯都係得幾款，但呢間嘅炒粉麵多達26款，只係炒飯都佔咗六款，對於有選擇困難症嘅我10分頭痛😆經過多重考慮，我決定選擇好少餐廳有得供應嘅廈門炒米，$40包熱飲，我叫咗熱檸茶。而太后就叫咗鹹魚雞粒炒飯，熱鴛鴦，同樣$40。過了3分鐘，餐飲送上，熱檸茶茶夠香夠熱，有啲似雀巢檸茶嘅味道，唯一扣分嘅係只有兩片檸檬🍋，如果有三片就好啦！而太后既熱鴛鴦，茶唔夠香，唔夠滑，整體一般！10分鐘後，太后嘅鹹魚雞粒炒飯送上，熱辣辣，聞就冇乜鹹魚味，食落就有，鹹魚粒唔算多，雞粒適中！炒飯唔會好乾，亦唔會好油！食得出係即炒！份量適中！算有下午茶嘅份量！太后表示滿意，有7分！過多5分鐘，我嘅廈門炒米終於都到！又係即炒，熱辣辣，味道好啱我，唔會太甜，唔會太酸，最難得嘅係有酸瓜條，有種好傳統嘅感覺，並唔係一般用茄汁煮！配料都足夠，有三隻蝦仁，叉燒絲，蛋絲！好和味！😋😋😋我俾夠9分！整體嚟講，會再幫襯！
继续阅读