茶餐廳2.0 (已結業)

趁着今日紅假就陪屋企人去咗黃大仙，行都有啲肚餓就去左附近茶餐廳2.0醫吓肚仔😛雖然已經有下午茶餐，但唔知點解，我當刻好想食pho，所以就叫咗個生牛肉泰式清湯河粉（$48），加杯熱嘅朱古力咖啡（原價$33，套餐轉飲減-$10）提提神 ☕️🤓但我夾起啲河粉我就覺得唔對路🥲放埋入口更加證明我嘅推測係無錯嘅…呢間嘅河粉 係粉漿好厚嘅質感，食落去完全唔煙韌，無錯，佢同煙銀呢兩個字完全扯唔上關係，屬於一咬開就斷開嗰種😔 簡單來講係唔合格嘅河粉😞 (為咗令大家更加明白我想表達嘅質感，我特登拍左條片，放左係ig👉🏻▶️）而佢嘅泰式清湯只係普通茶記公仔麵嘅湯底，所以建議如果有人想去食嘅，不如就試吓佢嘅喇沙或者冬陰功湯底，可能有驚喜呢？🤣至於杯朱古力咖啡…只可以話比普通茶餐廳嘅咖啡好少少，連MCafe既咖啡都比唔上，建議大家嘗試其他嘅特飲（e.g. 沙冰）好過🤢

牛角包同隻太陽蛋一樣大，述你到同隻碟相映成趣😂但味道OK嘅，起碼熱嘅先搵火腿代替法蘭克福腸就算了（根本唔同Level）個拉麵又唔知點煮，完全成餅野，食落口仲似漿糊，明顯無過冷河🤮好彩杯凍啡尚可👌

早前係睦鄰街打完籃球，經過現崇山，見到依間餐廳啲野食又大份又靚，價錢又抵，好想搵一日黎試，今日放咗學同媽媽去黃大仙一帶，終於有機會去試一試。今次叫左2個鐵板餐：雞髀扒配凡立貝、T字骨排餐。重點：配包、湯、野飲、甜品！！！！包：係果隻酥皮感覺嘅包、仲要係烘熱左，正！湯：忌廉同羅宋湯忌廉湯：雖然係黃色但係係忌廉湯，黃色應該來自雞湯而不是南瓜，而非常之濃郁忌廉湯。羅宋湯：食唔到入面有肉，但有蔬菜食下，唔辣的。主菜：就算嗌薯菜或意粉都會有蔬菜奉上，啲蔬菜都唔係求其，有西蘭花、椰菜花、豆角、紅蘿蔔、洋蔥。薯哥亦都係即炸，充滿薯仔口感。意粉是蕃茄醬意粉。1）雞髀扒配凡立貝（蒜蓉汁）大大雞髀扒，皮薄，厚肉，唔會鹹，有肉質有肉汁。另外有兩粒凡立貝，正正常常冇乜特別。而佢嘅蒜蓉汁偏橙色，甜甜地嘅蒜蓉汁。2）T字骨排餐（黑椒汁）T字骨好大塊，一半連住少許肥膏同筋嘅肉質偏煙，萬眾期待的甜品：雞蛋仔配朱古力醬可能雞蛋仔已經整咗好耐，所以質感較林、雖然有蛋味，但雞蛋仔最重要嘅溫度同脆度！所以有啲啲遜色啦⋯⋯總括來說，抵食，又坐得耐，值得介紹！

呢間茶餐廳2.0 lunch套餐選擇又多又抵食，所以到咗午餐時間都座無虛席。今次我哋叫咗秘製咖喱豬扒配農夫包$68。有香濃嘅港式咖喱汁加芝士豬扒，釀入去一個大大個嘅農夫包入邊，農夫包外脆內軟，配上咖喱汁一齊食，非常配合！另一個叫咗商務午餐-美式豬鞍扒配意粉$78，豬鞍扒係厚切架，大大塊，配上黑椒汁，每一口都啖啖肉！餐湯忌廉湯雖然睇落去平平無奇，但係其實有不少海鮮喺入邊所以好鮮甜～仲叫咗特飲芒椰派對$20（跟餐減咗$10）同莓莓奶昔，兩杯都幾好飲，同台式飲品店嗰啲飲品冇分別，兩杯都係沙冰質地，消暑解渴呀～

我個人都好鍾意食茶餐廳小食呢間茶餐廳2.0係比較新派，以前成日經過，但都未幫襯過本來想試佢啲新派雞蛋仔，但當日冇供應，所以下午茶就叫咗T6菠蘿包三文治🥪 ($33)，配餐肉同鹹牛肉，一個T9香濃芝士熱狗包🌭️配薯條🍟 ($38)，餐飲就要咗熱即磨咖啡☕️同凍招牌咖啡(+$3)，再叫咗個朱古力心太軟配雪糕🍦 ($38)• T6菠蘿包三文治🥪 ($33) 7/10配餐肉同鹹牛肉，好食！菠蘿包皮鬆脆，包夠鬆軟，食物溫度夠熱即磨咖啡☕️份量比較細• T9香濃芝士熱狗包🌭️配薯條🍟 ($38) 4/10芝士熱狗包芝士份量適中，芝士味唔太重，包面芝麻多，略嫌包底有啲乾身及薯條偏硬身• 朱古力心太軟配雪糕🍦 ($38) 6/10賣相唔錯！朱古力心太軟同雲呢拿雪糕甜度適中，心太軟溫度剛好，唔會太熱，朱古力亦有流心*𝑇𝑖𝑝𝑠: 製作時間較長，建議盡早落單𝑃𝑟𝑖𝑐𝑒: $112𝑇𝑜𝑡𝑎𝑙 𝑅𝑎𝑡𝑖𝑛𝑔: 7/10𝐿𝑜𝑐𝑎𝑡𝑖𝑜𝑛: 𝑊𝑇𝑆#sandyfoodies #foodie #food #茶餐廳2點0 #茶餐廳 #下午茶 #菠蘿包三文治 #菠蘿包 #pineapplebun #三文治 #sandwich #

夜晚黎到呢間fusion茶餐廳 menu又幾得意 好似咩中式西式都有叫咗個羊扒同埋牛扒 茶餐廳得來有幾好食喎 一開始嚟咗個麵包同湯先 個麵包真係好鬆軟又厚身 仲有啲拉絲 反而個湯就有啲Hea Hea地不過啲扒就真係好正 重點係佢超大件 意粉真係好好味 一啲都唔乾 好Juicy 羊架 三大嚿 唔會好騷 食落都唔會太乾 不過上面啲調味料就多咗啲 兩杯嘢飲就比較一般 見到紅豆冰個紅豆都唔算太多 不過都唔係太差嘅只係普通 都幾有驚喜 餐廳位置只喺啲屋村商場 但係有啲咁嘅質素會想再嚟幫襯 -後記 試過佢哋朝早嘅外賣早餐 普通沙爹牛麵 不過湯麵冇分隔 食落就真係差少少

沖住個農夫包而黎餐廳係正商場門口，有分室內+外。室外係吸煙區？室內冷氣唔係好強，好多時都要靠大風機至夠風。見到lunch set有農夫包就緊係叫左先。有包飲品同餐湯。好似係$6x-7x。同晚市叫無set既農夫包價錢一差，旦lunch set就多好多野☕️🫕個包超脆，一切既時候會係咁整到d碎屑出嚟。我仲要攤咗一陣間至食。就算浸緊咖喱嗰啲麵包都唔會淋好多。塊牛扒都算大，不過覺得似係普通牛扒多過美國安格斯西冷牛扒？唔知有無記錯個名。薯角就係好脆好新鮮😋好似係氣炸鍋整咁，無咩油。如果有得單叫薯角都正。👍🏻本身個餐係包飲品同湯旦 唔知點解一早叫咗黎左先，但係差唔多埋單先至到😪

是日同朋友再到來哩間茶餐廳2.0食飯，本身想坐佢的露天位，但真的太熱，所以要入去坐卡位~~見到MENU有個好正的熔岩椰青海鮮珍珠飯 同埋咖喱牛腩配農夫包 ，好吸引，所以同朋友點左哩兩款食，另外加多個小食薯絲蝦，同埋點左特飲芒椰派對同埋雜果賓治芒椰派對，雜果賓治芒椰派對同埋雜果賓治都系夏日好飲品，芒椰派對芒果味濃，另外雜果賓治飲落爽口，薯絲蝦薯絲蝦有5隻，蝦外圍有薯絲，食落脆口~~~咖喱牛腩配農夫包咖喱牛腩配農夫包真的好大個，麵入面的咖喱牛腩煮得入味，另外有埋芝士在面，邊食麵包邊食咖喱牛腩，真的好正，熔岩椰青海鮮珍珠飯大大個椰青飯，加埋好多不同的海鮮，入面仲有熱的氣出來，食落d飯唔會太濕，有椰香味，海鮮都唔少，真的有d驚喜，心太軟伴雪榚加25蚊就有心太軟伴雪榚，都ok好食，作為甜品一人一半真的剛剛好~~朋友同我食得開心~~

食物水準依舊，味道賣相同樣吸引，次次食完都好滿足，係一間性價比好高嘅平民高質茶餐廳。好鐘意佢嘅紅白餐湯，羅宋湯酸酸甜甜，足料之餘仲好夠辣；忌廉湯相對無咁濃味，但一樣咁入味，口感好滑身，飲完唔覺得漏👍晚餐A 肉醬焗雞扒意粉 $68 8.5/10 呢款係港式肉醬意粉，無西餐嘅落咁多蕃茄，但肉醬同芝士都好濃厚，焗完出黎，食落啖啖都有拉絲嘅效果，好邪惡啊晚餐D 香煎比目魚扒 $88 8/10魚扒外層煎得好香口，食落脆卜卜，當食到魚肉時，肉質好軟身，好滑，整體皮脆肉嫩，配上燒汁一齊食，真係胃口大開😋親子丼 $58 8/10洋蔥炒滑蛋配上香煎雞扒，撈飯真係一流，同係普通日式餐廳食嘅味道無分別，而且佢上碟時仍然保持微溫，食落雞蛋滑順，雞肉鮮嫩多汁，不錯😋紅菜頭野菌珍珠飯 $68 8/10第一次食用紅菜頭整嘅飯，成個飯都好粉紅，顏色豔麗，賣相相當吸引，味道好特別好清新，飯中仲有粒粒紅菜頭，令成個飯食落多一份清甜嘅味道

好朋友生日，本來約咗去佢屋企打麻雀，點知比另外兩個朋友放飛機，唯有去朋友住的現祟山樓下商場行吓，商場內有間茶餐廳2.0，望到門口餐牌好啱食，我們就入座食晚餐！餐廳地方整潔，設室外同室內座位。朋友生日，當然要叫扒餐慶祝下！餐湯creamy,餐包香脆，有牛油香味。寶雲酥烤焗羊扒3枝骨跟薯菜。在烤羊架面層塗上芥末醬、麵包糠和香草來焗香，從而增加食物的層次感，羊扒外酥內嫩，沒有羶味。配黑椒汁更顯美味，薯角亦炸得香脆。特大雞扒拼帆立貝跟薯菜：雞髀扒厚肉又大塊，煎炸至金黃色，做到外皮脆卜卜，內裏嫩滑有汁，帆立貝亦煎得好香，加上黑椒汁帶少少辣，十分惹味！凍檸樂有冰底送，夠解喝。雪糕紅豆冰，奶味香濃，加左雪糕更creamy,紅豆夠林唔係好甜。最後有甜品送。

茶餐廳2.0同一般茶餐廳嘅食物選擇有好大分別，款式新穎左，但又保留到舊有茶餐廳嘅味道。今晚我最鍾意食嘅咖喱海鮮農夫包😎農夫包烤得好脆！中間係海鮮同咖喱，面頭有一層芝士～海鮮份量唔少，咖喱又夠香，搣開農夫包點落去咖喱度好正！.另外都叫咗份龍蝦汁海鮮天使麵，上面嘅海鮮同農夫包差唔多，海鮮份量亦絕無吝嗇～但係佢嘅龍蝦汁就好似中式嘅焗龍蝦伊麵嘅芝士汁咁，食落好重芝士味😆.最後既唐掦魷魚鬚上碟睇落有少少燶，不過食落都好香口，小食水準都唔錯唔錯

路過現崇山，地下有間叫茶餐廳2.0，座位分室內同戶外，我地坐左室內位置，入面牆身係藍綠色好靚，好耐無食扒餐，今次叫左個雜扒餐，好大份，有腸仔，火腿雞扒豬扒同牛扒，大碟夾抵食，仲有甜品雞蛋仔小食，而且仲有羅宋湯同忌廉湯選擇，厚切多士都好鬆軟，加左25蚊叫多左個心太軟，職員好有禮貌問無雲喱拿味雪糕味道改做朱古力得唔得，也不錯，薯角香脆仲叫左個羊架餐，羊架好淋，其中一塊係羊扒好大塊好多肉嫁，加上外面既炸蒜好香好惹味，有三件甘多。

同事昨天去咗黃大仙現崇山商場茶餐廳2.0食飯，今日大讚very good,咁啱我今日去果度探朋友，一於同朋友一齊去食晚餐。所有扒餐都配是日餐湯及餐包及是日甜品石燒招牌雜扒配黑椒汁薯菜，雜扒有新鮮彈牙的串蝦。豬扒、牛扒、雞扒都好入味，肉質鮮嫩。還有法蘭克福腸、火腿。配埋黑椒汁更添美味。揀配薯菜，薯角脆囗又香口。南瓜忌廉湯入口順滑有甜味！麵包香脆有牛油香味。飲品：檸樂和雪碧，奉送冰底。寶雲酥烤焗羊扒3枝骨，揀咗6成熟，在烤羊架面層塗上芥末醬、麵包糠和香草來焗香，從而增加食物的層次感，羊架肉質鮮嫩有肉汁，只有羊肉的香味，沒有羶味！跟黑椒汁好惹味和，意粉用茄汁炒過，彈牙美味！套餐還有甜品，有驚喜！是雪糕雞蛋仔，雪糕雞蛋仔冷與熱的交融，鬆軟與細滑的結合，令人一試難忘！

ꜱɪᴍᴘʟᴇ ɪꜱ ɢᴏᴏᴅ 🍜🧇🍨《Cafe 2.0》黃大仙不嬲都係飲食沙漠近地鐵既都係啲大型連鎖餐廳又多人又貴又普通於是行遠少少去現崇山商場覓食～🔺石燒雞扒烏冬（配細份雞蛋仔雪糕）$58睇個名普普通通但食落去唔係！由於係石燒關係上菜既時候係熱辣辣出晒煙，食到最尾都仲係熱既感覺非常好！雞扒出奇地嫩滑多汁，份量同烏冬係成正比！烏冬煮得岩岩好唔會太淋同有彈性！讚！至於雞蛋仔雪糕就真係gimmick，可以忽略😆

晚市周圍都多人，所以去了較冷清的現崇山找食。這店前身是有格調的西餐廳，而家轉型了這間「茶餐廳」拼「西餐廳」，菜色更包羅萬有。有中式小菜、有西式粉麵飯、更有扒餐等等。我們叫了什麼海陸空雜扒餐同肉眼扒餐。先來羅宋湯，沒有特別，隨之而來是多士。不是普通薄薄方包，厚厚的，而且質感軟軟，香而且可一絲絲的食，很有質素的多士。來了雜扒，非常豐富啊！豬扒、雞扒、火腿、司華力腸等。從來雜扒難有什麼特別水準，屬正常吧！我的肉眼扒配薯菜，扒是16oz, 量是充足。我叫五成熟，但我感覺是七成，因為有買硬和乾。講真，價錢同份量絕對抵，但質素真一般。可能為避雪味，調得鹹了，肉質也不好。我選擇薯菜，這裡薯角幾好味，不會過鹹，亦不會炸得過火，我很喜歡。不過，這店可慢慢食，慢慢坐，侍應服務態度非常好。或者再給它機會，下次試其他吧！