茶魚飯后

营业中

休息中

目前食過兩次外賣，感覺到好好味好滿意。第一次晚市六點後外賣自取，買咗個涼瓜枝竹排骨飯，因為涼瓜賣晒，所以圖片的食物中沒有涼瓜。豉椒味超濃，夠晒鑊氣同濃味，配白飯勁開胃。另一個係麻辣水煮牛肉飯，超有食川菜嘅感覺。醬汁香辣、牛肉軟淋很好咀嚼。仲有配料豆芽豆卜都好入味。牛肉分量略少。第二日下午叫左2個外賣送到住宅。在電話裏職員服務態度很親切友善。咖喱牛肉腸仔飯和黑椒豬扒腸仔飯。咖喱牛肉腸仔飯嘅咖喱超好食，香辣得來帶點椰奶味，有點像泰國餐廳的黃咖喱。但比一般的黃咖喱偏辣。牛肉吸收晒咖喱汁，食落好開胃。咖喱汁撈白飯正！腸仔是廚師腸兩條。以$65這個價錢吃到這個質素的咖喱飯真的很值。另一個黑椒豬扒腸仔飯的腸仔是一條長的芝士腸。黑椒醬汁味道剛好不會太糊不會太清，豬扒是厚切的，看上去覺得不太好食，但當咬下去，口感軟熟！好味！除此之外不得不讚的是兩杯飲料。廚師推介的凍檸茶，淡淡茶香帶蜜糖味，內有五片檸檬🍋！另外凍奶茶，口感香滑、茶底不會太濃太澀，適合喜歡清淡口味的我。兩個午餐外賣共126元。有點兒貴！但食物質素很滿意！會繼續光顧！待疫情好轉應該會去試試堂食

在天瑞邨找到一家又乾淨又地道的茶餐廳，卡位還有USB 叉電口，炒飯基本上就是傳統的茶餐廳味道找不到任何毛病，鮮奶是新鮮的很喜歡，外賣只限天瑞邨有些可惜，不能八達通埋單有些遺憾，其他都很好

今晚打電話去天瑞茶魚飯後叫外賣自取，我叫左個生炒骨飯～椒鹽肉排飯～西炒飯～肉醬意粉～去到我見到門口有個特價餐牌上有我叫的種類～我問收銀嗰員工我係咪呢個價錢～佢話唔係～你叫嗰個時冇講菠蘿同時菜，甘你電話落單時都冇問我～我唔會知喎～態度超差己經唔想理我～我今後唔會再叫呢間茶鱼飯後任何食物同外賣～亦提醒各位叫外賣時一定要問清楚同講清楚～

又話自取9拆，上次堂食+另叫外賣，店員就話要自己去收銀叫先有9折都算啦，今次買3盒飯$167，9折完$150我：9折點解會係平$10蚊店員：啱㗎，電腦唔會錯。我：咁分開3張單又點計？店員：米每張單9折囉。

真係未試過甘搞笑，夜晚收工翻到樓下23點幾想叫宵夜餐食下（已經唔系第一次食），就叫做個天海醬唔知咩肉菘炒飯。叫完落單后系門口等左10分鐘後走去M記幫屋企人買個餐，之後M記餐攞到手個炒飯都系未得，問佢一次幫手催，佢話廚房單多要等等，我張單就735號，我未去M記前就有736號外賣整好但個客好似行開左，所以其實你地外賣單系用倒序形式出號碼？姐系736在735之前？甘我之後的外賣單系咪734啊? 之後又不停同我講廚房多單， 等多陣，阿姐，你當我盲嫁？ 成個鋪位好有幾多客我會睇唔到？ 以前就算我做廚房時個鋪爆滿仲有人排隊情況下我出個炒飯最遲都唔會超過10分鐘啦！最後攞到翻去，我知你宜家少鹽， 但係你放鹽得唔得啊！個飯，的個飯味，我承認系有鑊氣，但一D鹹味都無，你仲好意思收我40幾蚊，天瑞街市D熟食店D炒飯都好食過你啦！玩野咩

茶魚飯后係銀龍其下既公司，我都知比較貴，但後來發現平日跟假期的收費不一樣，平日比紅色假日便宜 3－5蚊，大家可以留意一下。 這間餐廳的服務員工作比較混亂，我坐4號台，他下單寫了2號台，不停送錯餐。

同一時間落單，食完炒飯，麵都未黎，眼見麵在出餐口放左幾分鐘，提店員傳餐，店員應完走開無去傳出，再次指出已出餐，先肯去攞碗麵出黎，期間只見幾個店員圍在食客小孩玩，及相約拔罐。

其實呢間開左一個月，我都麻麻地鍾意去呢度食，皆因我覺得佢地都幾貴下，唔係話自己食唔起，而係佢地啲野食唔值咁貴😪呢日因為有啲時間，所以返工前在附近食左飯先返工，當我打開餐牌，揀左好耐先揀到呢個常餐，其實個餐無乜特別🤦‍♀️咁就要收$48，見餐牌好多都唔包野飲，閒閒地加埋杯野飲$6x-$7x🥴鮮茄濃湯日式蟹柳雜菌稻庭麵 ：個名就好長，不過整體好一般，偏咸！吉列豬扒：即叫即炸，都算ok，唔會太油囉🤪

叫了一份西冷牛扒晚餐，足足等左四十五分鐘，其間分別叫三個伙計摧左四次！ 個個都答我廚房煮緊！ 最後發火鬥先有人認真問廚房！ 頂！ 原來廚房一直漏單冇煮過！嬲到取消個餐走！ 個餐廳主管仲夠膽收番我$20杯野飮錢！ ！當堂著哂火拍枱鬥！ 擺明佢地唔岩，我摧左四次都冇人理我，第一次幫襯就個咁差既經歷！ 以後唔會再去！ 超差差差差差差差差差差差差差差差差差差差差差差差差差差差差差差

09/10/2018 14:47 午餐：煎豬扒煙肉煎雙蛋飯— 豬扒味道較淡、煙肉有一塊。— 荷包蛋煎得不錯，蛋黃並非全熟，食物熱度足夠。— 整體味道偏淡。要求另上豉油，豉油味道較淡，不甜不鹹。飲品：凍奶茶少冰— 奶茶的確有少冰— 牛奶與茶的份量調配正確— 曾點過凍咖啡，咖啡味道相比奶茶遜色— 有微微的咖啡酸味，口感偏濁

睇住佢裝修睇住佢開今日同老公Lunch終於食到...午餐餐牌普通野大餐牌好似好食d...各叫一個試試喇...椒鹽豬扒同埋咖哩腸豬扒午餐我地兩個真係太愛豬喇..哈哈..咖哩普通野咁喇椒鹽豬扒好好味.但乾身d好d..

近期愛上左墨西哥包係因為屋企附近新開既一間茶記—茶魚飯后♡ 呢間茶記有一個麵包部所有麵包都係即日新鮮烘焙除左菠蘿包外 本地傳統既包款好似雞尾包、忌廉包、蛋撻等都一應俱全♡ 最令我留下深刻印象係墨西哥包大大隻抵食又好味已經令我一連食左4日墨西哥包唔單止皮夠脆麵包質感亦夠哂煙韌 食落口感帶點Q彈 非常過癮!即使擺過夜 墨西哥皮仍然能保持香脆 十分抵讚♡須知個皮係墨西哥包既靈魂做得唔好就會破壞成個麵包既口感!墨西哥皮奶香味濃 仲帶有些微奶黃既咸香味 可以話係甜而不膩♡有時個皮幾乎係一比一咁完美地覆蓋係麵包表面 真心正!更重要既係個包非常大隻都只係$6 認真好味又飽肚♡♡♡

新開張-銀龍集團，下午茶時段，光顧一份下午茶餐(外賣+$1) ，支竹火腩飯配飲品(凍飲+$3) $43+$3+$1=$47(新張期間折扣減$4), 五塊火腩三塊全肥，真的吃不消，這口味誰頂得住，真心服，喜這類出品的朋友，恭喜您們了。飯底：偏硬-我喜歡汁底：正常-我接受支竹：碎上-一般般伴菜：正常-還可以火腩：全肥-我怕怕檸茶：偏濃-還不錯價錢：偏高-不值得另購：幾個蛋撻$6及波籮包$5,蛋撻還可以，波籮包大也可以。會不會再光顧，很難說，有選擇肯定不光顧這裡，買蛋撻﹑包可能性大很多。