茶魚飯后

营业中

休息中

食物質素無乜特別想講，總知就係茶餐廳。但想講點解服務咁差，呢間餐廳可以仲存在？話說小妹消费左$132, 但知道商場要消費滿$150先可以做免費泊車，咁我就問收銀小姐可唔可以俾張$150單我。收銀小姐好有禮貌咁幫我揾單，但其間聽到後面個男經理：無呀, 無呀，下午茶無咁大張單呀!我都忍佢， 因為收銀小姐已經揾到張百六蚊嘅單俾我。我行出門口，仲聽到個經理話：痴線!食野唔包泊車。嘩，幫襯你仲要受氣？!結果雙方大嘈，不歡而散! 我地走後，仲聽到個經理不停講粗口!今次真係一個好差嘅經歷，本人決不會再幫襯!

天氣凍，住附近也想周圍試吓味道，係門口己聽到個男經理瓜瓜嘈的討厭聲，後來都忍住入去叫左個羊腩煲細的$128,跟一個飯，飲品另加錢，唔跟爐，煲仔上。份量小，味道差，不知所謂，正垃圾！好耐無幫襯，今日又中伏！

調景嶺茶餐廳唔算多, 呢間都算幾多野食揀, 門口放既麵包傳統味道及都幾大個下。今次我就去食個DINNER, 佢地出咗2人套餐, 可選2個餸, 1個油菜, 2個例湯, 2個飯, 2杯野飲, 168蚊, 凍飲加3蚊正常啦! 當日8號風再另加10蚊。叫咗支竹炆炸班塊, 我向都幾鍾意食炆支竹, 只係個炸班塊就唔夠跪口, 味道不錯。而另一個就係封煎黃花魚, 幾香口同都幾滑加埋個甜豉油剛剛好味道。呢個套餐其實都幾多選擇, 係茶餐廳黎講都幾多元化。

其實我唔係第一次幫襯，食物、服務態度我覺得還可以接受。但係今次火滾！我老豆買外賣翻嚟，點知貨不對版！我叫咖喱薯仔炆雞、佢竟然俾左個茄子我，打電話落去、兩次叫我等陣（搵人幫手聽電話得唔得？）落去先發現搵個東南亞人士聽電話、做收銀！連埋上一次落錯單火上加火！

今日去個friend屋企幫佢整啲嘢行開呢邊整完嘢冇耐好肚餓，就喺附近求其搵間餐廳食算。啲侍應叫極都冇反應，唔知係咪扮聽唔到最後我嗌咗個雲吞麵，我心諗都唔會好快有，所以就嗌咗個雲吞麵算，真心一般

用家感受，不是打手！2️⃣0️⃣CP值，3人埋單$270免加一，平均每人$90，晚餐時段，一般多人，食物生嘅，洋蔥叔嘅，係咪我唔好彩 ? 回家仲肚疴，只此一次，永不再去，20分係比個通菜嘅。5️⃣0️⃣位置，距調景嶺地鐵站有一段距離，算難搵，做街坊生意。4️⃣0️⃣環境，望入去有特色嘅，我都因為咁入左去，但坐低，好明顯見到坐椅枱等係污糟嘅。4️⃣0️⃣招呼，個個都好似好忙咁，叫幾次先落單，又漏單。……………⬇️⬇️二人套餐$168，有湯有飯熱飲，可樂及凍朱古力跟餐每杯另加$3。0️⃣0️⃣啫啫豬潤雞煲，嚇死人，難食到無法形容，雞得5塊，食左3件，其中2件係生嘅，豬潤得2塊，二人餐，一人一塊咁精緻？個餸唔熱嘅，洋蔥係叔嘅，垃圾。4️⃣0️⃣西蘭花花枝片，水汪汪，菜林坺坺。7️⃣0️⃣椒絲付乳通菜跟餐另加$12，好味嘅。…………….5️⃣0️⃣菠蘿咕嚕魚塊$66，加$15有飯湯熱飲，凍飲再加$3，成個餐合計$84，魚塊正常嘅，但洋蔥又係叔叔臭臭，都唔知講乜好。

外賣等候時間超過半小時，店員服務態度好差，一味叫你等，分別同收銀，3個侍應追單，取消又話追緊，要求退款又話要問經理！一句道歉都冇！最後取外賣出來時當冇事發生！其實漏單情況都常有發生，但服務態度至為重要，話做街坊生意都要懂得建立關係，而不是愛理不理！

早期奶茶兼咖啡很有水準，近日幫襯好幾次都發覺水準下降，係降低得好利害，茶底超喼，啡走簡直不能叫合格，又苦有喼，完全沒有半点對品質控制誠意。下次都不敢再試了，希望管理層能加注意。明白因疫情關係，大家都有很多事情要關注，但做得好的招牌不容易的，如果做差了就難以回復顧客的信心，因在此平台可以表達一下意見。另外部分員工的服務態度都很好，唯獨專門負責收銀那位女士，像是機械人般，對顧客完全沒有一點交流，收錢找錢就像櫃圓機一樣。

今天經過將軍澳的茶魚飯後茶餐廳，看到有不少人，就進去試一下。今晚點了一個二人晚餐。分別是金蒜椒鹽鮮魷，麻辣水煮牛肉煲和白灼菜心。只是出品質素非常一般，先來了兩碗例湯，湯味不足，但感覺很重味精，只喝了兩啖就放棄了。水煮牛肉味道很淡，沒有辣度，牛肉不算太老，還可以送飯。椒鹽鮮魷外表很漂亮，只是內裏是凍的，沒有椒鹽味，外皮是淋的。白灼菜心亦太老，不新鮮。餐飲的奶茶很淡，好像是加了很多水，沒什麼茶味，口感很差，可免則免。檸檬茶還算正常。

今日晨早約咗到朋友家，去到將軍澳彩明商場先發覺無乜早餐可以選擇，就試下這間「茶魚飯后」，其實都係「銀龍」屬下另一品牌店舖門口位放了麵包櫃，睇價目亦算親民。可能星期日上午未夠9點，店內唔係大多食客。至慳至抵食平至$25 有早餐(連飲品)，$20有下午茶四寶粉(只限平日供應，假期除外)醒晨早餐有11款可供選擇，仲可以自選粉麵餐，都有好多選擇。1. A11 豬柳漢堡煙肉西煎雙蛋及法國牛角酥(連熱飲) $41，整個早餐無特別，而牛角酥微微暖，如熱度夠會更加好味。2. A5 沙嗲牛肉公仔麵配香滑炒蛋及法國牛角酥(連熱飲) $40，沙嗲牛肉份糧唔多，湯偏喊少少，牛角酥同樣唔夠熱。奶茶茶味香濃，入口夠滑，無嚡口。整體來講，今次早餐都係普普通通茶記水準，當中只有杯奶茶較為好飲，如果飽類夠熱度會更加出色。

與朋友來到將軍澳打籃球後經過來到此餐廳，碰巧遇到下午茶時段，想叫的芝士肉醬焗飯加凍檸檬茶由$70多元減至$48＋3元。當熱騰騰且大大碟的焗飯送上面前，芝士的香味巳撲入鼻中，吃進與牛肉碎醬混合並帶有芝士的飯粒，味道還算OK，以此價錢肖能吃到此飯，性價比尚好。

一直都鍾意食乾炒牛河，但又好驚食乾炒牛河⋯⋯好矛盾，因為一講起乾炒牛河，就係油、好油、非常油⋯⋯出面食過有啲係一見到已經好油，傾一傾斜個碟已經見到個底嘅油都可以匯聚成一個池塘咁誇張；一係就係啲牛都炒到好硬，點咬都咬唔到⋯⋯但茶魚飯後呢間嘅牛炒牛河係我會反食又反食嘅。佢炒得算幾乾身，唔會食一啖就成口都係油，而且食咗幾次，幾次嘅牛都炒得啱啱好，軟身又入味！係碟令人滿意嘅乾炒牛河！！ ：）呢個時候就唔好計較咁多卡路里了⋯⋯食埋呢餐先再考慮做運動呢個問題🤣

由於附近茶記有限，所以隨便試吓呢間！一入門口個男經理已經先聲奪人，講嘢大大聲係度喝D客坐咩位又係度鬧伙記！似趕客多過做生意，啲伙記又唔知自己做乜，櫃面話有位叫客入，但入到去又話冇位叫你出返去等係咁玩你幾轉。食物同一般茶餐廳差唔多，選擇都算幾多，但佢所謂出名嘅菠蘿包出奇地唔好食！而且地方亦唔算乾淨，成間店就係個男經理同啲亞姐大大聲吵吵鬧鬧，想食餐安樂茶飯都好難。但如果你唔想耳仔受罪及食到一肚氣，最好去第二間！

因為區內沒有什麼茶餐廳， 沒有選擇之下 上班前偶然都會到訪， 無非都係想飲杯奶茶醒神一吓 。但每次都遇到驚險事件。 今次真係忍唔住 要報告一吓， 一人入座 揀了一張圓枱， 食吓食吓见到有小昆蟲在玻璃 和枱中間散步， 隔住玻璃我係無法 趕走牠， 唯有眼不見為乾淨， 逐個逐個位退開～ 最後都係返番原位又遇見牠！ 同阿姐講有冇辦法， 佢立刻應其他落單嘅人就冇咗件事～算啦唯有當自己唔好彩嗱嗱臨食埋個米粉早餐就撇啦～ 轉頭又見到隻 好細嘅小昆蟲又喺玻璃下面遊蕩～～唉， 可唔可以乾淨啲勤啲抹枱同玻璃之間？ 坐到火都嚟，冷氣又唔夠 ，食物普普通通， 但價錢相當唔親民， 出前一丁百搭餐盛惠$48 ，想加塊多士要加$8！ 似乎比一般盛行嘅冰室，茶室索價更貴！ 服務接近零～

剛好來到調景嶺，查了查附近的茶餐廳，便試了這間位置比較偏僻的茶餘飯後。我點了咖哩雞飯，點知是一隻大大的雞髀！十分驚喜，雞的份量意外的多。肉質當然好啦，因為剛好是雞髀肉（問了問侍應，原來只是剛好給了雞髀肉我）雖然薯仔只有兩三舊，不過都算大粒的，幾入味。咖哩味濃，偏辣，意外地味道十分不錯是我喜歡的口味然後再點了看似不錯的豬扒包，雖然外貌普通，沒有什麼特色，但勝在份量都足，味道都幾好下次如果經過，會再試下其他