榮光飲食中心 (已結業)

有睇過網上潮文「澳牛的黃昏」文章 (講及澳洲牛奶公司對客咁差, 都咁多人幫襯) 一定心有同感, 消費者絕對係犯賤既, 尤其香港既消費者, 唔使講咁多, 睇我就知喇, 我就係人辦, 哈哈...呢間店, 同事和我, 都是食一次就鬧一次, 但都係繼續去幫襯.... 有時..真係無辦法, 午飯, 工作時段, 行得唔遠, 唯有揀附近, 好食既又排長龍, 無偈.下午茶, 近近地, 蛇一陣, 要了炸魚柳沙律. 蕃茄一片, 唔差, 無收水, 但應該雪得太耐, 入口又粉又淋. 沙律合格, 菠蘿, 紅蘿蔔, 青瓜, 無薯仔, 甜/酸味道適中. 最差? 唔使問, 一定係件主角: 炸魚柳. 上檯時就已經係圖中咁既款, 三小件爛開的模樣, 有好多店的早餐魚柳都好過佢, 因為不是大件裝, 所以炸起後, 入口都硬硬的. 唯一驚喜, 竟然用”千島醬”...哈..哈..哈服務方面, 又係十分攪嘢, 入去坐低, 舉手, 女員工眼尾描了一描, 都無理我, 成班女員工, 企埋一邊, 係咁傾計.幸好, 其中的一名男員工走過來幫我落單, 服務態度良好, 多謝前多謝後, 見佢一路不停行來行去, 又執檯又抹檯. 後加的一件油占多士,

正所謂唔信邪…如我…, 上次來食下午茶, 唔多滿意, 今次再試早餐, 比上次更差.名為: 歐美早餐, 吉列龍脷柳, 香腸和煎蛋, 還配以茄汁焗豆和多士, 收費$32. 有圖為証, 如根據政府的最新的商品說明條例….根據介紹, 圖片上的多士一件切開兩片, 上檯時只有半件一片, 圖片上的茄汁焗豆, 有一小碗, 現實中只有一湯匙左右, 圖片大塊龍脷柳, 來到時只有兩小件, 全不成比例.全店員工一起［努力工作］, 講明要煎蛋, 多次重覆, 連侍應都覺得我煩了些少, 誰知, 都是來了”火腿”!！ 頂!!! 睇翻張單, 原來侍應無打錯, 係［上帝］出錯,　係［我］既錯， 火腿放了空氣太耐, 又梗又實. 好彩香腸炸過, 夠熱, 些少脆口.　註：（原來有些字係唔可以用的，唯有改到編輯滿意為至啦！）吉列龍脷柳喎, 都唔知用咩炸粉, 完全不是市面上的麵包糠, 淋淋一塊, 表面油又多, 用义壓一下, 唧出了幾滴油, 沙律醬求其唧一篤, 還有些乾了變黃色狀.凍奶茶, 講明”少甜”, 飲一口, 茶味超淡, 奶味少, 甜味就十足, 唉, 好耐無食過次咁差既早餐鳥….

兩人都唔想食飯, 等到下午茶時段先出動, 每人一個出前一丁餐, 一碗麵加一杯凍飲, $32.雪菜肉絲腸仔米粉, 雪菜偏淡, 肉絲無味, 最不滿係: 腸仔無煎或炸過, 失望! 米粉咬口尚好, 爽而偏些少梗.沙嗲牛肉煎蛋麵, 看得見, 麵身未完全散開, 煮得時間不足, 但尚算可入口, 牛肉未經嚴重醃製, 有原始牛肉口感, 鹹味重而沙嗲味不足, 煎蛋脆邊? 唔好發夢了! 但收我$32既下午茶得一碗麵咋喎!? 煎好些少隻蛋唔算太高要求啩?!?!加多件油占多, 厚身又烘得唔夠燶, 牛油都未溶, 麵包近皮部份入口又梗又實, 唉… 人做厚多士, 你又做厚多士, 需知厚多士烘得技巧高, 又要烘得平均, 明知做得唔好, 不如出”薄多士”好過啦.第一次幫襯, 唔算數, 比多一次機會, 下次試試其他食品, 再定案.

Came here randomly because there were not many customers.There were sets for $40 which I felt were a bit over priced.★☆★☆★☆★☆★☆★☆★☆★☆★☆★☆★☆★Chicken steak and frankfurter in tomato sauce :It was the usual frozen chicken steaks and frankfurters thrown in a pan and fried with tomato sauce plonked on top.The chicken steak was surprisingly juicy but tasteless, but the tomato sauce was quite nice because it tastes like cream of tomato soup.★☆★☆★☆★☆★☆★☆★☆★☆★☆★☆★☆★

份量夠大碟，牛栢葉魷魚撈麵食了多次，都覺得好味，其實如果細食的話，一個麵其實都夠兩個人食，牛栢葉好爽，但美中足，是牛栢葉太大件，如果切得細件d，會較易入口...