榮峰餐廳 (已結業)

星期六約咗朋友去打波，打完波就食餐晏仔，醫下肚。今次去咗龍門居呢間榮豐茶餐廳。大家體力透支，梗係要食返啲硬嘢補充一下。我叫咗個咖喱牛腩飯，加個熱可力。朋友就叫咗個海南雞飯套餐，油飯轉白飯。咖喱牛腩D汁好正，唔太辣又唔太甜，啱啱好。牛腩雖然唔多，但有一兩件牛筋，唔算多但啱啱好。唯一係略嫌薯仔少啲。朋友個海南雞飯都算多，雞大大件，有脾位。肉又夠滑，好味。例湯係蓮藕紅蘿蔔煲雞，料都算多，夠火喉。另外加個即磨熱咖啡，比一般茶記好飲。簡簡單單一餐性價比唔算太高，但食物質素算係中上。

今日叫咗個佢出名嘅菠蘿咕嚕斑腩飯$56，叫少飯，點知盒飯超細，得5粒好細嘅斑腩，好搵笨，轉左羅宋湯，點知冇比匙羹，完全唔化算，最唔抵食！作為一個女生，我都覺得唔夠飽，更何況係男人，不會再幫襯！味道只係正常，並唔係招牌菜，份量過少！得一粒菠蘿、兩粒紅椒、6片洋蔥，仲要極少汁！我唔明個廚房做咩囉，唔通堂食份糧會多啲？如果我喺街市買另一間3送飯，呢個價錢可以變三餸飯+冇味精湯，味道仲好食過佢！我只可講個羅宋湯都夠味、都多料！

呢間野完全無服務可言, 樓面呀姐自己落錯單, 好聲好氣同佢講,仲好似我錯咁, 黑口黑面, 態度真係極品 有d樓面送餐直接放係你檯邊邊位, 食物質素就一時時, 有時係好d, 有時好難食

今天下午到屯門龍門居探朋友，到達剛好吃飯時間，兩人便到附近榮峰餐廳吃飯。我叫了一個蝦醬生炒生肉飯 ，飯來了，先嗅到一陣蝦醬味，一啖入口，不太鹹，剛剛好，配上熱飲，價錢都係45元抵。

咖哩魚柳飯（$62）咖哩唔會辣，配有少少三色椒。白飯少少硬，不過配埋咖哩其實岩岩好。本身諗住快手買個外賣返去食，不過似乎太多外賣單，所以都等左有啲耐，最少十五分鐘。

蒜茸汁牛仔柳意粉太霖,且冇味(雖然有疑似茄汁紅色),牛柳入口還算嫩口,但蒜蓉汁只有其色…蔥花咸魚雞粒炒飯是OK的,蔥花但多一些相信會更好,因蔥油味還未被足夠釋放出來,但仍算可口的! 下午茶餐,夫復何求…

今朝叫個吉列魚柳煎蛋配熱咖啡＃熱咖啡得半杯，飲都未飲過＃多士同煎蛋用膠盒裝 ＃但反之塊吉列魚柳竟然用紙袋裝住，搞到成袋外賣油林林，拎到返屋企我再要搵一隻碟裝起塊吉列魚柳未食已經整到成手油林林未開始食已經好不滿，價錢仲要唔算平諗住新開張試下，而家未必會有第二次。Btw, 塊魚柳都算正常size, 都叫夠大塊食物都還可以，但咖啡少得過份，魚柳竟然用紙袋裝真係唔掂。仲有啲侍應態度都好一般。真係普通茶記羅。希望之後你地會有改善啦！

不得不稱讚榮峰餐廳裝修優美，餐廳整潔，環境舒適而且十分零靜，可以令人慢慢享受美食餐牌好多選擇，樣樣都想食，花多眼亂乾炒牛河$56，冰飲加$3乾炒牛河炒得好夠火喉，夠乾身唔會濕淋淋，牛肉份量都好多，有牛肉香味，軟硬適中，唔會鞋颯颯，加了辣椒醬一齊食辣椒醬夠辣夠香，味道即刻提升焗芝士肉醬意粉$58，同樣冰飲加$3焗肉醬意粉好快上枱，唔使等好耐上面舖了滿滿芝士，肉醬汁好香濃美味，不過略嫌意粉腍咗些小，不過份量搭夠，好大一盆食唔曬

間唔中就好想食西多士，剛好附近嘅茶餐廳嘅下午茶有西多，仲有邪惡炸雞脾😝😝·1️⃣牛油西多士($27)貌相不錯，不過失望嘅係中間無花生醬🥹🥹少左花生醬嘅西多😭😭得糖漿同牛油已經滿足唔到我邪惡嘅胃😢·2️⃣脆炸雞脾配雜果沙律($40)雞脾都算大隻，炸得幾香幾juicy，不過雜果沙律太多薯仔同紅蘿蔔⋯本身期望係多啲生果先會叫沙律😢😢原本係可以揀薯條嘅～·整體黎講，係會有少少失望，但價錢黎講又唔貴，環境都乾淨，坐得都舒服嘅，如果口痕想食下炸雞脾建議配薯條會開心啲😂

來吧😊有啲肚餓，找個地方 …榮峰餐廳，下午茶時間 2:00-5:30就在家附近，非常方便先看看餐牌：焗飯 /意粉、炒類、茶點、湯麵、、等等，任君選擇 煙三文魚牛角🥐酥 $44賣相不錯，長長牛角包🥐 大大件估計有8、9 吋長，放在木碟上焗得脆脆 香噴噴，夾住番茄🍅、爽口生菜、煙三文魚、甜酸沙律醬、口感豐富 😋咖哩牛腩飯 $46牛腩 煮得「淋」，香濃咖喱汁撈飯一流奉送餐飲熱好立克 … 香凍檸茶走甜（另加$3）食飽飽🤗滿足

豬扒份量夠多，意粉份量好足夠，唔太鹹，餐廳選擇嘅類別呢都非常之多，職員嘅服務態度都好好👍🏻上咗速度呢非常之快，餐牌嘅種類都算多元化，餐廳嘅座位嘅都非常之夠坐落呢覺得擠迫👍🏻👍🏻👍🏻

第一次食咁垃圾既焗飯，同屋企人泥食，阿姐服務態度差到算，聽野又聽唔清楚講左3,4次，覆單都仲錯緊，又以為自己好快，一開頭就落左單叫飯，落完單之後仲要問飯定意粉。個飯一上到泥，3個焗飯，得我一個飯同汁分開既，仲要白飯底，個飯仲要凍既，個汁焗完都係稀既，同叫個垃圾汁飯一樣，叫阿姐泥，阿姐話"個飯係咁架"，收成60蚊，食完成臺都係骨，d綠，黃椒仲多過雞。嬲到野飲都無飲到，連普通茶餐廳質素都無，無下次就緊喇，睇下點投訴

今日2個人搵食,入到屯門行街,去到附近見到間茶餐廳幾平試下!焗意粉同炒飯都係42就有得食,比起出面市區平好多呢!泰式炒金邊粉 就算下午茶都好足份量食材有蝦,蔥,辣椒粉,蒜,魚片,豆腐,用泰式香料辣醬炒香好夠獲氣之餘,金邊粉炒到好爽身唔油! 香辣惹味!焗肉醬意粉 即焗,意粉放滿肉醬芝士焗香肉醬微辣惹味,入面仲食到鮮番茄蓉,估唔到咁大碟食個陣撈埋醬同半溶芝士!意粉啖啖肉醬夠濃味!味道不錯又抵食!凍飲3蚊,熱咖啡不用加錢!屯門龍門路45號富健花園地下84-86舖消費$86

第一次食呢間見佢有個正宗海南雞所以嗌咗左黎試但我冇估到原來海南雞係冇汁點因為我係外賣 我返到去見到冇汁 我就打返去問店員 店員都話係冇汁食南雞冇汁真係第一次聽 你話唔記得比都算但店員話係冇汁 我即刻o左嘴乜正宗海南雞係冇汁點嘅咩好似食緊白切雞咁 真心失望

星期六搵朋友食個快lunch，就是但係附近搵左間茶餐廳。餐廳環境都新淨舒服，唔會大家坐得好逼個種，價錢算ok，但味道就一般般啦～🔸蒜茸西冷牛扒意粉（HK$50）意粉係蕃茄味，食到甜甜嘅蕃茄醬味，不過上枱時碟意粉溫度只係常溫狀態，唔夠熱(可能係煮定架啦)🤔牛扒肉質普通，蒜茸汁唔係自行落，覺得鹹左少少。🔸焗芝士雜菌海鮮長通粉 (HK$52)芝士味就係最普通個種，海鮮有青口、魷魚、蟹柳、魚柳。份量都算ok多嘅，長通粉淋軟度適中～🔸焗咖哩雞扒意粉 (HK$52)咖哩醬只係面個層，一攞起雞扒就已經無咩醬😂塊雞扒食食下仲覺得超鹹...