荳子 (新都會廣場)

营业中

休息中

對beans嘅印象係由大概十年前喺荃灣路德圍坐到唔夠三十人嘅舖頭到最近見到佢喺新鴻基商場開咗分店仲要係轉過好多次手嘅中央位置每次行過都見到有人等緊位但自己食咗次lunch其實有啲失望有限時但坐得唔舒服同撘枱嘅非常近去嘅時候係週末嘅晏晝應該好多單嘢食嚟得快嘢飲嚟得慢甜品要催先有成個節奏就算幫佢諗埋理由我都覺得唔過關更何況嘢食質素係一般牛肝菌湯用咗個茶壺裝🫖其實浪費咗啲湯係裏面倒唔到出嚟味道偏鹹菇菌類嘅味道唔夠濃蟹膏甲羅燒黃金蟹肉意大利粉甲羅燒份量偏少偏乾加落去略嫌唔夠汁食到最後覺得似係忌廉汁蟹肉意粉多啲羽衣甘藍藜麥沙律份量亦比預期中少有生洋蔥但又冇乜藜麥個沙律得醋味豪華英式全日早餐就不過不失只係對個黑松露炒蛋有啲失望放咗啲黑松露係個我覺得冇炒過嘅蛋上面配個窩夫嘅亦都只係普通俾咗啲忌廉個人嚟講覺得少咗啲當初會有嘅心思最後提返黑松露薯條普通甜品更普通呢間價錢我會揀食其他類型嘅嘢如果想食cafe類嘅會覺得去返小店好過

這碟手撕豬仔骨令我感到相當失望。首先，豬仔骨的口感令人困惑。我期待著一種有咀嚼感的肉質，但這些豬仔骨卻缺乏這種特點。它們不僅難以咀嚼，而且肉質相對較乾燥，缺乏豬肉的鮮嫩口感。此外，醬汁的味道也令人感到奇怪。它缺乏深度和層次感，且調味不夠均衡。整體而言，這碟手撕豬仔骨的口感和風味並不令人滿意。我建議餐廳應該重新檢討他們的烹飪方法和調味配方。豬仔骨應該經過適當的處理，以保留一些咀嚼感並保持肉質的鮮嫩。此外，醬汁需要更多的調味和深度，以提升整道菜的口味。作為一個食客，我希望能夠在餐廳享受美味和滿足的體驗。這碟手撕豬仔骨未能達到這樣的期望，因此我將不太可能再次點選這道菜。希望餐廳能夠重視顧客的意見並改進他們的菜品，以提供更出色的飲食體驗。

一早聽聞荳子這間餐廳，聽朋友講幾好食，所以特登過嚟試下，嚟到嘅時候已經好肚餓，見到好多人排隊應該幾好食啩。等咗差唔多10分鐘就有位，見賣相唔錯，點咗個八爪魚意大利飯，（八爪魚好un ）黑蒜蜆酒意粉，（又咸又唔香）最後仲點咗個全日早餐,只有個冬甩系比較好食，所以都係食環境囉😔______________________________

今次係第一次平日下午黎食 原來佢地係有下午茶 同時都有午餐 所以餐牌既選擇非常之多 好多都好吸引 不過今次就唔太肚餓 所以都係叫小食同埋甜品我地叫左個焦糖單骨雞翼配薯條 呢個焦糖單骨雞翼真係每次都必叫 每一次食都覺得咁好食 唔會失望 炸到金黃色脆卜卜加埋焦糖更加好味 但係今次個薯條可能炸得過火左 有啲硬身 越食越覺得難食 有啲失望甜品叫左個流心抹茶吐司 賣相好靚 岩晒打卡 味道唔錯 幾好味 唔會太甜 另外仲加左件蛋糕 係焦糖脆餅雲呢拿吉士拿破崙 呢件蛋糕我地都覺得甜左啲 跟餐叫左杯凍檸檬蜂蜜 味道正常 幾好味整體黎講 食物幾好味 餐牌多選擇 價錢合理 值得一試

之前一直都是BEANS的忠實粉絲, 由它在荃灣海霸街時已經幫襯! 後來搬了去東九龍, 去過德福分店幾次, 但是印象麻麻, 感覺品牌有點退步。後來原來新都會開了一間BEANS, 仲要在新都會地下中庭位置, 座位都算很多, 2人座位與2人座位之間好彩不算太擠迫。上菜速度都快,  基本上我QR CODE下單, 轉個頭已經有店員PRINT張單出黎同我對單, 確認係我下單的食物後, 不用等很久已經有食物送來! 我覺得整體上性價比都高, 難怪排隊的人龍到我食完飯8:30 都仲係滿滿的。我本來計劃好了一定要叫正式的甜品, 但最後因為太飽放棄了......  原來跟意粉仲有餐飲送, 我又覺得OK喎.......以為只可以飲水, 飲品是熱檸蜜, 最適合轉季乾燥的天氣。

出街去葵芳想食Cafe既選擇真係冇乜 一定會諗到係食Beans 佢地既食物賣相吸引 食物又高質 之前係新開張個陣食過一次呢間分店 隔左一排 又再黎試下 餐廳多左好多食物 甜品 好多都好吸引今次叫左個全日早餐 焦糖香蕉熱烘窩夫全日早餐 可以揀窩夫或者比高包 不過呢間餐廳既窩夫同出面唔同 黎到呢度一定會叫窩夫黎食 窩夫係圓形 熱辣辣 好鬆軟好香口 全日早餐仲有兩條煙肉 炒蛋同埋焦糖香蕉 份量岩岩好 唔會太大份小食叫左個焦糖單骨雞翼 呢個真係每次食都必叫 係特別好食 熱辣辣又香口 食落係脆 加埋蜜糖甜甜地更加好味甜品叫左個焦糖脆餅流心吐司配雲呢拿雪糕 賣相好靚 一切落去係好脆 入面既焦糖流心即刻流晒出黎 幾好味 唔會太甜飲品叫左杯青檸梳打 酸酸甜甜幾好味整體黎講 食物高質 多選擇 價錢合理 值得一試

第一次試beans嘅burger，叫左個shredded bbq porkrib burger with smashed potato，包皮好香牛油味，但若果上碟前可以烘番脆身就更加好；洋蔥有炒到cameralized, 有焦香味；至於個shredded bbq pork rib就有啲失望，本身expect會淋身d但食落有啲鞋，但調味唔錯，食得出有bbq醬而又唔咸；要大讚個薯溶，好滑好香奶味同牛油味，食得出落左忌廉，好creamy同滑身唔會食到一粒粒！整體黎講都好食嘅！

同朋友做完gym 去左附近食早餐 十點幾左右唔洗等 裝修幾清新 日本風 唔多人主菜：牛排叫左個牛排餐 牛排都幾大塊 多汁 唔錯 加埋個包 搽左d jam 一齊食 個包唔知點解好油 仲有一堆salad 幾新鮮 同埋加左錢 叫左d 燒雜菇 估唔到得咁少 加埋隻蛋 整體來說都算高質 同比較細份 飲品：tonic expresso 一早食靚早餐一定要配杯靚咖啡 見到有杯tonic 咖啡就試試 唔錯 酸味又有氣 幾好飲咁樣食個早餐都要百幾蚊 加埋一 認真唔平 但質素仍然係到

嚇了一跳的午餐，無論食物同員工都係😅我同朋友看見drink menu上有3款熱飲鮮奶咖啡話可以免費upgrade整3D泡沫造型。我哋就滿心歡喜，立即order了2杯榛子鮮奶咖啡， 點知職員前來同我說由於現在lunch time太忙，要等45分鐘，已經感覺佢唔想整俾我哋，點知我朋友話唔緊要，我哋食完嘢先上。個職員馬上就話，每枱只限整一杯（但餐牌上沒有列明）於是我哋就話唔緊要，照來一杯吧！點知一來的時候真是驚嚇，同meun 上的完全兩回事，仲有是從來未見過咁醜的3D泡沫！竟然用色素點睛！我真係好怕d色素，有紅有紫。最搞笑是先來一杯正常的榛子鮮奶咖啡，我朋友問要否加糖？職員回答所有嘢已加哂入去。點知再來一杯嚇人嘅榛子鮮奶泡沫咖啡時，竟然附上糖包。你哋話係咪搞笑？ 撇除個樣係嚇親人，但係杯咖啡係好飲嘅。另外叫咗個芝士薯條，個芝士醬冇乜芝士味，之前喺坑口分店食個黑松露味好食好多，仲叫左個鹹蛋黃蟹肉意粉同帆立貝蟹籽Pizza，意粉冇乜驚喜正正常常，pizza d 芝士已經凍咗完全冇拉絲。到來pizza時已沒心機拍照了所以今次嘅經驗完全非常失望。同坑口分店簡直係兩回事。坑口分店價錢再平啲同埋嘢食好味

今日適逢放假，一早起身去Beans享受一個高質早餐，這間餐廳位於葵芳新都會廣場，環境舒適，坐位也寬躺，讓人可以悠閒中享受美味豐盛的早餐。他們的西冷牛扒炒蛋煙肉是一道令人垂涎的早餐選擇。牛扒煎得剛剛好，保持了肉質的嫩滑，搭配炒蛋和煙肉，讓整道菜色香味俱全。每一口都帶來滿滿的滿足感，絕對是肉食愛好者的最佳選擇。凍榛子Mocha是一杯冰涼的咖啡飲品，以鮮奶為基底，加入了榛子和巧克力的香氣。這杯飲品既清涼又濃郁，榛子的香味與巧克力的甜美完美融合，給人一種令人愉悅的口感。炸魚早餐配太陽蛋是另一道受人喜愛的早餐選擇。炸魚外酥內嫩，配上金黃色的太陽蛋，讓整道菜色彩繽紛，讓人回味無窮。最後，他們的熱焦糖燉蛋Latte以鮮奶為基底，加入了焦糖燉蛋的香甜。這杯飲品濃郁而滑順，焦糖燉蛋的香氣充滿口腔，讓人陶醉其中。總括來說，Beans早餐真是值得一試，讓人可以在假日輕鬆享受早晨的美好。不論是單獨一人還是與摯愛相伴，這裡都是一個美好的選擇。

配合度max，振興夜經濟第一擊，行番轉葵廣先，但行之前當然要醫飽個肚先啦，黎咗新都會一樓嘅依間Beans。舖位唔算好大，枱同枱之間都少少密，好易聽到隔離講嘢。叫左個蟹膏甲羅燒黃金蟹肉意大利粉，一上菜係驚訝嘅，因為佢有成個蟹殼嘅膏，愛膏人士必試，意粉個醬就加咗啲蛋黃，食到後尾會有少少膩。另外再叫咗個牛舌粒紅酒汁燴沾麵，鍾意佢用咗闊身嘅麵條，配埋紅酒汁，即刻中和番膩嘅感覺。再加上切碎咗嘅牛舌，設計貼心～

呢間是由我在荃灣開始想食到現在葵芳店先有機會食到的餐廳。唔知道是不是比較夜晚，所以不用怎樣排隊就已經有位。呢到的環境好舒服都比較闊落，是在服務態度又好。黑蒜•磯燒鮑魚•蜆肉•意大利粉醃製的黑蒜屋企，令到成個意粉酸酸甜甜，令人幾開胃，海鮮都算新鮮。軟殼蟹凱撒沙律份量適中，軟殼蟹俾想像中多。不過醬汁同芝士比較少。燒豬仔骨半份其實份量好大份，都有成八件咁多，仲大量薯條。整體嚟講，味道唔錯，不過食物唔夠熱。

卡邦尼黑松露煙肉意大利粉每一啖都充滿奶油和煙肉的濃郁風味，味道適中，但相對意大利飯就少d黑松露香氣。黑松露野菌意大利飯同樣地黑松露的香氣瀰漫在整個菜式中。意大利飯蓬鬆而濕潤，惹菌的獨特風味讓這道菜格外引人入勝。烤肉眼牛扒五成熟牛扒烤得恰到好處，外焦化內嫩，肉汁四溢。搭配醬汁和香料，絕對是肉食者享受。焦糖單骨雞翼配薯條外皮烤得酥脆，而內部肉質嫩滑多汁，配上甜美的焦糖醬汁，味道令人驚艷。薯條則是香脆可口，是這道美食的完美伴侶。---## 評分標準食物:4/5環境:4/5服務:4/5性比價: 👍🏽pp$100-150回購率:👍🏽地址：葵芳興芳路223號新都會廣場1樓135號舖

Beans不設訂位，每次經過都好多人排隊，今次見冇乜人就試下佢～ ✨手撕豬漢堡豬肉撕好多汁，唔會太鹹，味道剛好，而且份量好多❤️個包都烘得脆口，薯條都係剛炸起，又熱又脆😋配埋沙律中和返，就唔太膩啦❤️❤️✨餐廳係日式裝修，好chill，但美中不足係餐廳空間留咗好多係走廊位，令枱與枱既間距好密，完全聽到隔離枱傾緊咩，關注私隱度人士要注意😂 同埋估唔到lunchtime都有liveband ，不過廣場有啲少嘈，唔算太聽到🙈

經過見到有人排隊，抱住有人排隊應該好食既心態跟住排好彩排左一陣就有位😎依間Cafe環境裝潢走小清新路線，有唔少綠色植物，不過座位稍為有D細開心果烤羊架.鮮忌廉蓉.雜菜$232（七成熟 ）好少見到烤羊架有得簡幾成熟羊架擺盤好靚，肉質鮮嫩多汁，醬汁搭配得幾好，配埋開心果依個組合好好味估唔到cafe都有咁高質既羊架,拍得住高級扒房既水準😋✨黑蒜磯燒鮑魚蜆肉.白酒意粉 $138竟然有鮑魚意粉，見幾特別所以叫黎試下醬汁幾好味，但意粉略嫌有D乾有一隻細鮑魚&幾粒蜆，普通好食，擺盤靚幫佢加分自家製龍蝦海鮮濃湯$52 見到侍應拎個茶壺，心唸我地都無叫熱茶點知原來係龍蝦湯，即場幫我倒落碗碗裏面有蜆肉，帶子＆蝦仁龍蝦湯好濃郁，唔錯👍🏻黑松露醬薯條薯條新鮮炸起好脆，唔會好油黑松露醬夠香青檸梳打 The Beans 最出名就係甜品，當然唔可以唔食啦焦糖拿破崙因為想全部野食一齊影相，所以甜品簡左跟餐上食完MAIN DISH 食拿破崙都仲好酥脆，層次分明，抵讚Tiramisu 無唸到佢係用杯裝，成日睇錯佢係飲品Tiramisu咖啡味夠濃，大人味十足，正全部野食都好味，好高質，價值都唔算貴，性價比高值得再去食❣️