荳子 (新都會廣場)

营业中

休息中

噚日（6-7-2024 Sat）晏晝，同老公特登去葵芳LOGON買嘢， 買完嘢都食個下午茶 ，由於新都會都冇乜茶餐廳，行經呢喥，我見有窩夫，於是就食呢間。入到去，帶我哋去一張方形枱，但由於我覺得嗰喥太擠迫，於是指住單邊圓枱，問可唔可以坐嗰邊？店員答可以。咁我哋就去坐。坐低睇完menu，就決定要：2. 跟餐嘅凍檸蜜，少甜少冰係做到少甜少冰，唔錯嘅。3分4. $18.00嘅凍十字牌鮮奶老公見佢話叫一樽十字牌鮮奶，BEANS就捐$1.00去兒童癌症基金，所以佢揀呢個。2. $98.00嘅法式吐司呢個配煙肉，希臘式乳酪鮮果杯同BEANS烘焙湯種吐司兩件。佢哋已經唧咗啲糖醬喺吐司，夾埋鹹嘅煙肉食都幾好食；鮮果乳酪杯就有蜜瓜，火龍果，青蘋果同菠蘿 ，呢啲正常冇問題。4分1. $94.00嘅焦糖香蕉早餐窩夫配炒蛋同煙肉睇到窩夫唔係我想像中正方形格仔嗰隻，而係圓形，食落口感係大不同，唔係脆而係軟綿綿。老公讚佢嘅忌廉好味，我食落係甜啲，似桂花嘅甜。炒蛋就全熟但好彩過火而變得粗嚡。4分同UNIQLO合作，出示UNIQLO APP會員就可享買一送一優惠，$42.00一件嘅Polo衫造型蛋糕，咁我哋就要兩件：

今日約左朋友行街，行到攰攰地想搵間cafe坐下，大家都講起以前成日食🍞吐司磚，好耐冇食過啦，所以今日要去懷舊下🤣✨✰⋆🍵 抹茶流心吐司 𝐆𝐫𝐞𝐞𝐧 𝐭𝐞𝐚 𝐥𝐚𝐯𝐚 𝐭𝐨𝐚𝐬𝐭 $64我哋叫左tea set，跟餐仲有杯野飲送☕️吐司賣相好吸引，大大個竹炭吐司盒子上面仲有一球抹茶雪糕，仲有滿滿既焦糖醬伴碟😋🍞烘到好脆，入面裝住抹茶流心醬🌿抹茶味好濃好出，又唔會太甜，佢個抹茶醬點麵包一齊食真係好好味(๑´ڡ`๑)另外仲有好多棉花糖，紅莓，杏仁片鋪係吐司上面，令到成個抹茶吐司口感都好豐富✨好正🤤✰⋆

個檸檬汁羅勒真係好香濃👍✴️比起平時食嘅羅勒更加香濃鍾意香草味嘅話會好正👍🏼份量其實ok👌再加上會比較濟（呢類Pasta始終）😶‍🌫️🫡呢三樣味道都好會話美中不足嘅係：啲嘢食唔夠熱明明商場冷氣已經唔凍，但係啲嘢食都係唔夠熱。熱會好好多海鮮搞唔掂喎，擺盤ok但係真係好鞋、乾。預咗唔會特別好。。。但係確實係食啲醬，同埋意粉。。。。。海鮮唔得×黑松露都濃郁，所以都係正當然會想佢菇再多啲😀❕嗰個焦糖番薯條開頭都擔心番薯條就ok，但係焦糖會唔會好甜（？）🤔🧐好彩都冇問題😊😊😉😉✓

這間在新都會Beans，真係一間超chill的coffee shop. 我們星期日去飲下午茶，點了一個窩夫，味道超棒，外脆內軟，香味十足。冷熱飲品似乎也不錯👍🏼。當天客人都幾多，但服務依然很周到。Staff們大部份都有禮貌，又主動幫我們加熱水，感覺幾貼心。而且速度也很快，即叫即做，也不用等太久就上菜。總的來說，這裡非常適合簡單聚會或者自乙悠閒下午茶。食物好，服務又好，在新都會來也尚算抵食和有些特色，下次可以再來👍🏼

經過門口，睇到餐牌有新菜式，就入去試吓啦！店員帶你到座位前，會叫你先用噴霧噴一噴手。二人枱很細，放咗兩碟菜之後就已經冇位，很迫挾。當晚時間尚早，餐廳仲有吉枱，便要求店員要張大小小（即四人）的枱，但店員說安排唔到。過咗一陣，店員突然將隔離枱拉到嚟，將我倆的枱變成四人枱，此舉動有點奇怪，因為隔籬枱都係兩人，但本來佢哋係坐緊四人枱。🌱意式香草烤五花腩卷紅菜頭沙律五花腩皮微脆帶韌，雖然有油分，但肉質比較乾身，蕃茄口感很生，好似冇煮過，洋蔥甜美，羽衣甘藍口感唔會硬挖挖，紅菜頭沙律打成蓉，味道清甜，但份量太少。🌱烤雜菜南瓜暖沙律南瓜烤過，口感軟腍微甜，車厘茄脹卜卜，入口咀嚼即爆汁，薯仔口感唔會太粉，孢子甘藍很硬而且有苦味，🤔秋葵又有種奇怪的味道，個3片類似班戟質地配上南瓜蓉又幾好食喎！座位分配有待改善，食物份量可以多番少少。

All day breakfast: 滑疍竟然口感似水煮蛋，好明顯係煮定放左入蒸爐保溫。煙肉唔係腩肉似係合成煙肉。炒雜菌好難可以炒到冇乜菌味。烤蕃茄好新鮮但應該冇落黑椒有啲臭青味。豬肉腸唔好食。成個餐最好食都係cream cheese bagel同埋茄汁焗豆😅

難得過嚟新都會，伏第二次真係唔容易，兩次都難食證明都真係難食🥲點解我兩次都要俾佢嘅外表呃，明明都係荳子，新都會呢間特別難食，仲要漏單，等咗成粒鐘都算，仲要唔食得人，好嬲搞唔掂無下次👎🏼👎🏼坐到隔籬枱遲來過我哋，食完走埋我個餐都未嚟，問第一次叫我等，第二次先同我講話漏單塊五花腩又乾又柴，真係吞唔落點好意思收人138，食過朗豪坊分店，明明可以整得好好食，我真係好嬲 仲要等成個幾鐘，只係食個薯蓉就走人，五粒星嚟講，佢一粒星都冇👎🏼一餐好差嘅用餐體驗

Beans 新都會廣場分店今朝本來諗住上大冒山嘆個端記茶樓，但攻略失敗！😅 太多人太多車位泊唔到，最後敗走新都會廣場，轉戰Beans。☕ 先來兩杯凍美式，冰涼提神，香濃得嚟不過酸，超醒神！🍜 蝦醬沾麵味道濃郁，鹹香之餘，蝦味非常突出，沾麵簡直一絕！🍞 法式吐司配煙肉，外脆內軟，鹹甜交融，口感豐富，無敵美味！🍠 焦糖蕃薯條外脆內軟，焦糖香甜的味道完美融入，讓人一試難忘！🥣 最後加上希臘式乳酪鮮果杯，清新健康，搭配全日早餐真係非常豐富！🍓🍇#新都會廣場 #Beans #全日早餐 #凍美式 #焦糖蕃薯條 #美食攻略

主食1 ：「珍珠元貝大澳蝦醬忌廉汁燴沾麵」好咸嘅蝦醬味、食唔到忌廉汁味，同埋啲麵好硬，個心好似唔熟，難食。主食2：「喇沙蟹肉意大利飯」（辣）我地先食咗飯面上兩舊焦糖波羅、波羅就正常。之後嗶咗一小啖飯食、咸到我唔相信自己個口即刻嗶多一小啖俾我男朋友試（男朋友平時食嘢都食得濃味）男朋友即刻話：哇、好咸！喇沙味唔係好覺有，佢餐牌仲要括住個辣字，唔辣，基本上得個咸字！好似食咗一匙羹鹽咁！由於兩個主食都中伏，麵果個可以話口味問題我地唔岩食。但飯果個真係咸到懷疑人生就唔係口味問題，咁就唯有同個侍應反映個喇沙飯好咸睇佢地點處理啦⋯⋯首先個長長地攣毛嘅男侍應都好好態度嘅，話收返碟嘢問返廚房啦。出返嚟就同我地講話個飯係咁嘅味冇問題嘅，話如果太咸食唔到嘅就幫我地轉過第二樣主食，咁我地都要食嘢嘅，咁就轉第二款飯啦、已揀好第二款飯。點知過冇一陣，就有另一個金髮帶眼鏡嘅男侍應過嚟同我地講，話個飯係咁，真係太咸就叫廚房煮過冇咁咸嘅俾你，話冇得轉第二款，我就話岩岩另一個哥哥仔話可以轉，佢就走埋去同果個哥哥仔唔知講咩啦，又走返嚟話只可叫廚房煮淡啲，咁佢咁堅持，咁咪等佢再煮過囉。於是乎都唔知有冇過5分鐘啦，個飯又出現返

朋友介紹咗我去新都會廣場間 Beans 試下，話佢環境夠chill，咁我哋就決定過去食晚餐。🍽️小食🍟 黑松露醬薯條呢個薯條真係冇得輸，一上枱已經聞到好香嘅松露味，薯條炸得外脆內軟，食落去鬆化鬆化嘅口感，配埋濃郁嘅黑松露醬，簡單但好滿足！🤤主菜🍜 珍珠元貝大澳蝦醬忌廉汁燴沾麵呢個麵真係有驚喜！大澳蝦醬嘅香味好突出，配埋濃滑嘅忌廉汁，成個味道好豐富。蝦醬係大澳勝利香蝦廠出產嘅，香氣濃郁，完全唔會搶走元貝嘅鮮味，真係好好食！🦐🍜🥩 開心果烤羊架 配 薯蓉雜菜羊架烤得啱啱好，外層帶少少焦香，內裡仲保持住嫩滑嘅肉質，有羊味又有淡淡嘅開心果香，幾特別，食完感覺好滿足！🥔🥦湯 & 沙律🍄 牛肝菌湯呢個湯好香濃，牛肝菌嘅味道好突出，湯底creamy但唔會過重，飲完覺得好暖胃。🍵🥗 羽衣甘藍藜麥雜菜沙律呢個沙律夠哂健康，羽衣甘藍同藜麥加埋雜菜，口感豐富，清新又唔會太heavy。🥬🍅甜品🍊 Mandarin Orange呢個甜品好特別，係橘子果凍配埋桂花慕絲同橘子慕絲，每一啖都充滿橙橘嘅清香，仲有一層朱古力牛油蛋糕做底，甜而不膩，口感豐富又有層次，係一個完美嘅結尾！🍫

第一次去新都會分店，去過一次就會明白其他人評論所講嘅服務態度問題。有一位男職員，佢上嘅任何飲品或者菜式，全部都好大力放喺枱面啪啪聲，唔講以為自己得罪咗佢…有一位女職員，對單係會RAP咁一路行一路行去你身邊同你講，都唔緊要。有二次，品嚐緊食物嘅時候，出現空碟係枱面，佢直接係拎起之後就話你唔需要我就同你收起佢。佢唔係詢問你先，而係通知你。(前題係只食左一小時，用餐時間係90分鐘)食物其實正常，只不過係每位職員嘅工作態度行為需要去改善，進行培訓

有日非繁忙時間諗住外賣杯抹茶，落單時我指住menu話要抹茶latte(兩人平排一齊望同一張menu, 亦好肯定我指抹茶 因為coffee同non coffee 相隔好遠)然後佢問我係咪latte 我話係. 之後拎嗰陣另一個人比咗咖啡latte我，我話 唔好意思，我想要抹茶，然後嗰位職員向落單職員查詢後，佢突然間衝過黎話 :我問過你㗎！你話要latte! (然後一手拎我張單走咗)我: 我真係要抹茶…. ; 然後我等換一杯嗰陣，個店員即向另一位同事話我，指手畫腳，跟住佢過黎再印單嗰陣超悪話 你有冇張單 ！ 我超唔開心，話比咗佢…. 我: 唔要啦唔該… PS 我當刻完全唔趕，所以唔會唔耐煩，甚至反應唔切.. 仲好後悔我自己講咗唔該… 有陰影，以後唔會去呢間

約了舊同學在這間豆子餐廳晚飯，6時左右，距離正常晚飯時間尚早，所以餐廳內食客不多，服務員帶領我們二人到一角落坐下，坐下不久已傳來一陣陣不好的異味（可能太近那飯菜剩盤（收集客人用餐後的殘餘飯餸））經店鋪經理同意下，我們轉到另一二人枱。二人枱的枱面太細，本身已經擺放了餐具籃而和兩杯水已佔用了餐枱部份位置，我們點了兩個主食、兩杯飲品、薯條及蛋糕share吃，先送上來一個薯條，加沙律醬，再來就是兩杯飲料，不久，那個All day Breakfast也送到，因菜份量足，盛菜的碟也頗大，但那張二人的餐桌面實在太細，用來分食物用的小碟只能勉勉強強放在餐桌的角落，而碟的邊緣已超出餐桌外，生怕若不小心輕輕一碰便會掉在地上，向服務員反映，他竟然毫不考慮就把餐具籃放到我坐位旁邊（沙發上）！！這是什麼操作？幸好另外一碟主菜因為我們下單比較遲，所以亦延遲了上菜的速度，否則所有菜上齊後，很可能要把食物放在大腿上吃！這餐晚飯吃得一點也不舒心，而且壓迫感強烈，店鋪經理說二人吃飯只能坐二人枱，但店鋪的二人枱那麼細，食量大的客人，想點多一點菜也沒位置擺放，這個不會變通的安排是否在為難食客呢！！埋單差不多$400 ，服務員

平日經過荳子見到有提供早餐，就去試試。葵芳分店設計明顯不同，有一排小小竹林，平日人流不算多，大概坐了五成座位。我點了炒蛋牛油果醬酸種吐司炒蛋牛油果醬酸種吐司HKD48 +10%炒蛋的油份比較多，使整個吐司顯得油膩。牛油果醬的味道並不明顯，很難品嚐到牛油果的風味。另外，沙律醬的份量過多，影響了整個吐司的口感和味道。看似好細份早餐，但實在太油膩，所以食完後都好飽肚。小總結❤️❤️📌炒蛋過油膩📌牛油果醬味道不明顯

好耐冇食荳子，中午葵芳分店都好多人食，環境用咗商場冷氣唔太夠，見佢午市套餐都ok抵食，佢上菜都算快，餐具污糟換咗，不過今日呢份黑松露軟殼蟹意大利麵令我極失望，以前都算成日食，依家佢hea過之前太多！軟殼蟹炸到黑色，真係唔講都知系軟殼蟹…入口乾扁完全食唔到…意大利麵份量少過之前，午市冇擺盤可以理解，但黑松露少得可憐！成個感覺一個字形容：頹！將近100蚊呢個價錢實在晤抵食！另外手撕豬漢堡都算發揮正常，就係手撕豬太甜，味道有啲怪。