荳蔻年華

营业中

休息中

最近，深水埗街坊就介紹我往西面行，會找到呢間荳蔻年華。此店位置比較偏僻，不過我幫襯咗2次，2次都見到啲街坊排隊買，似乎好受街坊歡迎👏🏼 以下喺我食過嘅糕點款式(以我喜歡的排名，只供參考)：🍪 紅棗糕 (HK$5/件)．紅棗味香濃，口感Q彈不黏牙，雖然手感比較黏手🍘 綠豆海帶糕 (HK$5/件)．好多料，啖啖都有綠豆及/或海帶，好似食緊綠豆沙糖水咁．有清熱功效，不過對身體比較寒喔，小食多滋味呀🍪 紅豆糕(HK$5/件)．同樣多料，令每一口都有紅豆，紅豆有起沙口感，也似食緊紅豆沙糖水🍘 千層糕 (HK$5/件)．看得見有9層糕組成，滿紅糖香和甜味🍮 熱豆腐花 (HK$8/碗，外賣 +HK$1)．店員從木桶𥚃𢳂出一殼又一殼的絲滑口感豆腐花，拎到回家都仲熱的，正👍🏼．唯一只係店員落咗比較多黃糖，不能自己調味，對我來話是比較太甜🍪 芝麻卷 (HK$7/件)．一卷卷的似小時候的黑膠菲林卷．有些少芝麻味，不過我覺得偏甜，所以不是我首選🍘 白糖糕 (HK$5/件)．唯一糕點係「三角派形」，味道正正常常

荳蔻年華，活潑好動?價錢也是可以!吃糕點尤如吃下糖水!紅豆糕和海帶綠豆糕十分足料!紅豆糕的紅豆好「擠擁」，紅豆佔了九成，糕佔了一成! 紅豆的質地及豆香佔據了味蕾，好滿足!「擠擁」紅豆之間偶爾會嚐到糕，紅豆結實夾雜彈牙如啫喱，天作之合!海帶綠豆糕宛如海帶綠豆沙的凝結版，我還可嚐到海帶的微腥!芝麻卷 甫打開盒子，芝麻的香氣撲鼻!芝麻卷好滑，質地好薄，差點以為正在吃粉皮!味道和質地好輕盈，絕不沉重!

見個鋪頭好舊式 又見啲人話唔係成日開 見佢啲糕點都放左係個櫃到 幾乾淨咁 所以就買左幾款試紅豆糕 綠豆糕 好似同食紅荳沙綠豆沙咁差唔多 意外的綠豆糕有埋海帶 但個人鐘意糖水既口感多啲紅棗糕 幾清香 有紅棗味 但咁岩食到一粒核 大家食個陣都要小心啲芝麻卷幾香軟 不過媽媽大人鐘意深水埗既出品多啲白糖糕正常 每款的糕點都唔會好甜 外賣番到去都沒出水 沒變酸 除左芝麻卷要七蚊 其他都係五蚊 算幾抵 可一試但唔會好似深水埗咁做到一個checkpoint

位置唔算好方便，見到D人話佢地營業時間都好講彩數，今日好彩行到黎有開門之餘，又唔太多人排隊，今次叫左:芝麻卷大推 $7 一條 好滑溜香甜，甜得黎又唔係死甜，仲有好香既芝麻味，食落口感好軟滑而唔係死實。紅豆糕 勁足料勁多豆 大推!!綠豆糕又係勁多豆得黎介有D海帶絲，係綠豆沙既糕點版紅棗糕紅棗味偏淡，同埋有一件放左第日食已經變硬了。食起黎味道似年糕。行開既真係可以買黎一試，價錢真係好抵，份量十足~佢地仲有其他甜品，下次再黎試下。

呢度嘅紅豆糕同芝麻糕呢係我食過最好食嘅一間。佢嘅紅豆糕同平時酒樓食嘅唔同，因為佢全部都係紅豆，所以質感比較硬身啲，冇咁重奶味，亦都唔係好彈牙嗰種。芝麻糕好有芝麻味，煙煙韌韌。價錢方面，紅豆糕$5一件，芝麻糕係$7一條。呢間舖頭嘅位置有啲偏僻，喺太子地鐵站再行多幾分鐘先到，店舖門面比較細同埋唔係好顯，係舊式的糕點舖。除咗紅豆糕同芝麻糕，佢仲有其他甜品，例如臭草綠豆糕同埋豆腐花。呢度嘅甜品甜度唔算好甜。只有外賣。

因為地理位置比較不方便，她 介乎在太子站和深水埗站之間的白陽街只因在附近的診所覆診，才無意間發現她的存在不過有幾次經過也吃了閉門羹，開店時間有點難捉摸也可能因為疫情關係？？今次再次經過，看見也有不少人排隊，所以決定要買多一試紅豆糕 $5紅豆糕紅豆粒非常多，口感綿綿但也因為紅豆很多，不太吃得出糕的本體味道不會太甜，有紅豆味，而不是紅豆的臭豆味只是紅豆煮或浸得不夠，偏硬了點和乾了點如果可以煮淋一點，口感會好紅棗糕$5雖然真材實料，紅棗味出， 不死甜，清香微甜彈牙口感，少少煙韌可惜太多渣， 建議可以隔走啲紅棗皮味道媲美坊間不少被人吹捧的中式糕品店 但仍有不少進步空間，款式也夠多元

佢豆花自己整，豆漿有黑豆味揀，有得揀大樽細樽，真係正。菲林都好好食，好有心造，去開嗰頭食飯一定去呢度買嘢。價錢又相宜。店主年紀唔細，應該多支持下佢，唯一就係唔知道佢幾時唔開，有時真係摸門釘

深水埗有間好出名的店賣中式糕點但已經名過其實了 經屋企人推薦下 難得食到更好食的糕點買左紅豆糕 芝麻糕 薑汁千層糕睇相都見到紅豆糕好大件成件糕都有紅豆 分佈得好好 唔會無料紅豆唔算太淋 同塊糕的口感好配比起紅豆沙 紅豆糕能食到更多粒粒紅豆芝麻糕有芝麻香是捲捲的有一層一層的感覺糕有點滑身唔粘口 同時唔會好甜好似食緊固體芝麻糊一樣千層糕最嚼口粘口薑味唔算好重 有點普通 有時糕點太薄身就會影響口感薑汁千層糕勝在糕夠大件又厚身入口的口感好好

行過外賣一碗豆腐花，返屋企食完飯打開，好核突🤢又無豆味, I won’t go again, bad service as well, and such a small bowl charges $8...why Openrice need me to write 200 hundred word so they can let people give marks to that shop? I don’t know why and I just want to give comment here so that no one will 中伏again

那一天去太子探朋友而經過這一間店，看下去十分普通，於是坐下來吃一點東西便叫了一個綠豆鹹肉糭和一碗豆腐花試一試。先講那件糭，香味十分特出，一看便知道是自家製作，味道方面有肉的鮮味和糯米的口感，十分不錯；至於那豆腐花不是放糖漿而只是用黃糖，吃下去更加有豆腐花的香滑感覺；再看下去，發現他們也有一些不是每一個地方都吃到的甜點，例如芝麻卷丶紅豆糕、白糖糕；於是我便買了每五件去朋友家做甜點。芝麻卷的味道十分芝麻味而且一㸃也不過甜，十分滿意；紅豆糕果真是珍材實料，糕裏全是一粒一粒的紅豆，而且味道也十分好；至於那白糖糕，在其他店舖吃過的會帶一點酸味，這裡的十分香而一點酸味也沒有，十分好味；真值得一讚。後來才發現有紅豆沙丶綠豆沙丶蕃薯糖水丶腐竹薏米糖水，下一次真的要來再試試。