荳號 (明德商場) (已結業)

經過將軍澳明德 見到呢間小店裝修幾別緻 加上炎熱嘅天氣 所以就去買左杯野飲同冷面首先講野飲 叫左杯芒果小丸子 味道好有驚喜 芒果沙冰並不是膠芒果味 飲落好fresh 小丸子亦十分足料 店員亦非常有禮貌 問我需唔需要少甜 因為我第一次飲唔知道夠唔夠甜 佢亦有比建議我👍🏻冷面比普通出面賣的好食多了 聽講每日都會賣晒 佢啲醬比出面好食 餸亦到好好食 粒粒蜆肉 鮑片 唔會好似旺角賣開個啲勁少又爛爛地 重要有個靚靚盒裝住 唔怕食到成手係 超級推薦🤍

天氣咁熱，行完街點少得要去買杯嘢飲，見到有間飲品店，裝修簡潔，感覺幾吸引，一於試吓佢哋嘅嘢飲🧋-荳腐花冰號 （原味） 見到呢杯嘢飲係推介之一，滿心歡喜諗住試下，點知感覺有啲伏，雖然豆腐花份量十足，真係啖啖飲到豆腐花，不過味道偏淡，感覺係豆漿加豆腐花一齊飲，唔太特別😥加上價錢有啲貴…唔太值

呢間糖水同飲品真係超難食 收成30蚊碗 同30蚊野飲完全比唔到應有嘅質素Menu 寫明兩碗糖水係「熱 」我買完返屋企只係3分鐘嘅路程 碗野溫度只不過係室溫水咁咋 完全稱唔上熱 䁔都唔係🥲而家夏天黎架🌚 兩碗糖水極稀 又無味 1）芒果冰號 mango smoothie 未試過飲杯芒果嘢 完全冇芒果味你話如果飲到酸嘅芒果都算啦佢係冇芒果味囉😡😡😡成杯嘢都係香精味 飲水好過 2）腐竹蛋糖水 甜到爆 食一啖都唔想再食落去 甜到喉嚨唔舒服 食腐竹糖水就係想有滋潤嘅感覺 呢個完全無 仲衰過X記賣10幾蚊腐竹味仲香過呢間 人地又有薏米 個價錢包3款配料 當日1/3既配料都話賣晒🥲 芋圓/ 小丸子/ 地瓜圓/ 珍珠 / 豆腐花呢d 熱門野全無 女店員又無禮貌 用5秒講你聽 乜乜賣晒 就即刻問 「咁你要咩？ 咁你要咩？ 」唔俾人消化下剩返啲咩揀催催催 而當時後面冇顧客排隊架 3）紅豆湯 無紅豆味🤷🏻‍♀️ 又係得個甜味 自己煲水落幾斤紅糖得啦 就係咁嘅效果浪費左$90 超嬲 😡😡😡😡😡😡純粹如果我食唔到咁甜既糖水都唔會咁樣比劣評人 係自己口味問題但問題係呢間野賣既糖水都無基本應有既味

一望埋去你未必會以為係野飲既店。因為佢放得最大既係野食。係有成十年我無食過既撈撈粉！即係你㨂完麵之後㨂餸，隨意配搭之後加上自家製醬汁既撈麵。麵今次就無食喇！叫左佢既黑糖珍珠鮮奶。張單打出黎係鮮奶茶加黑糖珍珠🤔店員主動問需唔需要小甜小冰。最終我要左半糖走冰。其實多數叫親黑糖既，你都唔好諗住佢會唔甜。而今次呢個真係唔甜喎！正常味道！ 小小甜。最正既係勁多珍珠呀。平時果d 我好多時食晒d 珠就唔會飲晒d茶。但今次呢個我竟然飲晒d 茶都未食晒d 珠，我實在太開心喇。珍珠仲要好煙靭，唔係一舊粉黎𠺢下次有機會要試埋撈撈粉先得。😉

我第一次飲係飲白桃冰號，係好好飲架，又fresh但係第二次就試左奶茶，今次係第三次買衣間真係算幾抵(⁎⁍̴̛ᴗ⁍̴̛⁎)但係我唔知係奶蓋唔掂定係咩問題，我飲左兩次奶茶都係麻麻地。我兩次一飲都覺得有陣壞左既味道，唔知點解直情有想拎去或者打電話去換(｡ ́︿ ̀｡)不過都懶得再去😂只好下次唔再嗌衣類既飲品，可能係奶蓋問題，可能係芋圓問題，你地試下再話我知另外，烏龍茶係唔出的，唔係好飲到茶味不過我對佢既白桃冰號係覺得好飲既，所以我都會再去試

由於「新蒲崗」跟「將軍澳」「坑口」之間，有專綫小巴服務，所以對於有時在「將軍澳」食完「牛腩飯」晚餐，如何乘搭交通工具前往「坑口」光顧食店享用「雞肉」晚餐食品，就成為一個難以取捨的問題。因為我其實只需要從「采頤花園」或者「萬迪廣場」出發，都可以透過徒步，成功步行返回「鑽石山」港鐵站，乘搭港鐵返回「坑口」，又或者在「新蒲崗」「康強街」乘搭專綫小巴返回「坑口」「東港城」。結果我今次選擇在「康強街」乘坐專綫小巴前往「坑口」食雞肉部分晚餐食品，小巴返回「坑口」之後，我二話不說急急徒步前往「明德邨」跟「明德商場」，看看目標飲品甜品店「荳號」還是否仍然在營業。幸好我趕到「明德商場」地下的時候，「荳號」仍然未打烊休息，只是「荳號」原來沒有提供堂食，迫使我要購買外賣自取台灣「剉冰」甜品，然後才光顧其他食店享用「雞肉」食品。我之所以想光顧「荳號」，其中一個主要的原因就是「荳號」廚房有製作台式「剉冰」甜品，「剉冰」有別於一般的「雪花冰」，「雪花冰」的甜味大多來自於「牛奶」，相反「剉冰」甜味來自於「黑糖」。而且我很少有嘗試購買外賣自取刨冰甜品的經驗，所以我購買了一份，可以自選配料的車仔「黑糖剉冰」，配料包括有

係居住區裡面基本上廢水都係連鎖式嘅 終於係近排開左間小店啦 鋪頭設計以簡潔為主 位置都非常大 望落去非常舒適寛落 佢仲有一個位置比人可以打卡-🧏🏻‍♀️溫馨提示：佢同其他鋪頭吾一樣 佢有指定款式外 都有車仔檔方式簡法 可以選茶式/配料 3種配料$30 而5款配料$35 岩曬我呢啲好多野吾中意食嘅人 平時叫廢水總有1-2款配料會吾中意食 以後可以自己簡🙈👍🏻-▪️ 奧利奧波波奶茶配黑糖珍珠 $30+芝士奶蓋$5-#奧利奧波波奶茶身為奧利奧迷，佢嘅黑糖珍珠唔會太甜，而且奶茶嘅底係用鮮奶 ，啲樣嘢佢已經唔慳成本非常抵讚。然後佢奧利奧非常之多，每淡奶茶都飲到珍珠同奧利奧，而且我叫少冰，都唔會有好多冰，因為有啲舖頭少冰都依然成杯都係，所以我擺咗喺度成個鐘都唔會味道變淡 。奶蓋可以稍為濃味啲，不過份量都算多，唔會淨係比得少少你😋啲間可以再試下佢嘅糖水款嘅廢水—————————————-————————-—————-📍Location 將軍澳培成里10號明德商場地下25號舖🕙Business hours 11:00am-10:00pm.𝖂𝖊𝖑𝖈𝖔𝖒𝖊 𝖘𝖍𝖆𝖗𝖊 𝖞𝖔𝖚𝖗 𝖋𝖊𝖊𝖑𝖎𝖓𝖌𝖘 ✍🏻

嗰日喺屋企樓下路過見到開咗呢間新嘢飲！所以就買咗杯嚟試吓！今次叫左佢地嘅招牌配搭：珍珠，芋圓再加小丸子，茶底揀咗芋香鮮奶綠。呢度成半杯都係配料♥︎款款都好友咬口，但係個人最鍾意小丸子，因為平時淨係喺甜品舖先食到，依家加埋入嘢飲度好開心。茉莉奶綠唔會太甜，亦都唔會有浸化學味。總結而言味道不錯，仲要唔算太貴！推介！

尋日放工經過，諗住試下新嘢，點知~今日食lunch就即刻再去幫襯!真係唔錯既飲品店，尋日試左荔枝冰號(本身有蘆薈)， 初時諗住小店，唔得就冇下次, 成個過程5分鐘內完成，好快一杯荔枝冰號完成，因為舖頭細細，所以可以睇到成個製作過程，好耐未試過荔枝味飲品真係用荔枝肉打成(當然有可能用罐頭荔枝)，但好多鋪既荔枝味都係用果味糖水，但佢地就放幾粒荔枝肉加冰同糖水打成，好重荔枝味，另外杯嘢飲居然真係用蘆薈肉,呢杯嘢飲只需30蚊，絕對超值! 連續飲左2日同一杯味嘢飲，自己都覺得搞笑! 下次真係要試埋其他嘢! 正...!

-疫情影響下大家都唔可以出國，今日就想介紹大家去岩岩以健康生活「明日有你」既主題活化後既明德商場🤩商場重新規劃後除左特色上蓋運動場可以打卡之外，其中一間新式飲品店都好值得大家去試吓👍🏼「荳號」係以簡潔設計理念既小店，佢地唔似一般台式飲品，同店主傾偈下發現小店理念係希望糖水茶飲化，將一碗碗既糖水變成可以一路行一路飲嘅嘢飲🧃然後將經典糖水 大大碗用香港車仔麵嘅方式去配搭今次我就試左💛腐竹糖水+小丸子+芋圓+西米呢碗同車仔麵咁大兜既糖水只係$30❣️抵食麵好味💛香芒小丸子小店仲專登訂左同小丸子一樣大小既飲管，等大家飲用既時候更方便咁去享受😆💛腐竹冰號西米如果怕甜既朋友可以揀少甜，第一次用杯飲腐竹糖水真係超正，再加西米簡直絕配店主又靚仔靚女超好傾 想去試新野打下卡，快啲去明德商場搵佢地喇☺️

住咗坑口咁多年 不嬲都知明德商場又靜又悶冇睇頭前排帶個孫去親戚屋企經過明德商場 有間裝修好靚嘅舖頭我哋一開頭以為買豆奶 豆腐花點知原來係賣珍珠奶茶🧋 個孫聽到即刻勁興奮俾錢我仲拎咗$40出嚟 點知都只係$22整得又快 比完錢已經搞掂拎得我見到佢哋全部奶都係用鮮奶好飲都算 最抵死係個孫而家日日打電話叫我過去買🙈

“多芒小丸子”($34)將軍澳明德商場新開咗間飲品店🧋除咗一般嘅純茶,奶茶仲有啲幾特別幾有港式風味嘅飲品好似有西米腐竹雞蛋冰,蘆薈凍檸茶咁😆我就叫咗杯多芒小丸子🥭平時去糖水舖就食得多變咗一杯飲品咁飲就真係第一次🤣飲落芒果味道幾清甜☺小丸子食落軟糯好好咬口😆完全係一杯飲嘅甜品🤣呢道仲有啲車仔糖水組合配搭都幾多,價錢都係30蚊左右住附近嘅街坊可以試試🤣

車仔甜品雖然並唔係新鮮事但係⋯加入台式飲品配料我又真係未試過喎叫得「荳」就試下佢嘅腐竹喇豆漿濃、不太甜、蛋花足加埋芋圓、丸子、寒天好滿足嘅感覺呀～～Edaciousness 7/10如果當飯食好似好正咁喎⋯⋯

今日叫左碗紅豆湯加紫米、芋圓、地瓜圓當時男店員重問我係咪133編號 但又俾錯左我咁好啦 要落去再換過 個女店員好好 雖然無哂我叫既野 俾左三碗我 但係我想講紫米係臭酸點解要咁對我 請問您地點會整到咁 最慘我前個係一位輪椅既先生 佢叫既腐竹糖水 我既係紅豆湯 人地拎錯左番黎要幾麻煩 希望您地出餐睇清楚同埋試食物品質 湯又甜 料又甜 混埋淨係得甜 無哂原料既味 好失望 雖然我好想多謝個個女店員 但係紫米係臭酸宜家我又無得食 唔知好笑定好嬲好唔開心 唔會再幫襯了

喺一間新開張嘅飲品店，餐牌上嘅飲品都唔貴，可以自己選擇茶底/奶，然後自己揀配料，配料嘅選擇都好豐富，如果唔想諗嚟諗去，佢地都會有推薦嘅配搭。我今次叫左杯奶蓋草莓冰號，由排到比錢到拎到飲品都喺十分鐘內嘅事。杯野喺由草莓同茶打成嘅沙冰底，杯面奶蓋都好多，可以滿足到鐘意飲奶蓋嘅朋友，奶蓋鹹鹹地配番草莓嘅酸甜，配搭啱啱好！但全糖比較甜，如果唔鐘意飲咁甜可以叫少甜。見到餐牌仲有車仔糖水，感覺好新鮮！下次去要試下！