影片
电话号码
26531313
附加资料
200个露天座位
营业时间
星期一至日
11:30 - 21:45
公众假期
11:30 - 21:45
公众假期前夕
11:30 - 21:45
以上资料只供参考，请与餐厅确认详情
食记 (228)
Lunch set 可以选其一个前菜 分别叫左两个set 我叫左 白汁忌廉周打蚬汤 同 炸春卷 汤有惊喜，浓浓既汤充满牛奶和忌廉的香味。法式焗田螺已经唔系好多地方有得食，就算有都系啲肉劲细粒，食完都唔觉自己食左咁既，但呢到个法式焗田螺俾到回忆我啊，系以前食到既味道同口感，大粒有口感，田螺肉入口鲜甜不失爽嫩，底部的薯蓉🥔更是无得弹 跟住就食 蟹肉酱配蒜蓉包 试食野个酱好，点啖蒜蓉包外脆内软阵阵蒜蓉焦香，浓稠惹味， 香气十足而芝士三重薄饼 #芝士控必食 个饼底系用薄饼底脆卜卜 牛扒5成岩岩熟够嫩口
继续阅读
2年前曾经试过晩餐，个个都系食肉兽，今次我哋叫一份34oz牛肉眼扒，另一份堡云苏羊架，再加一份德国咸猪手，等咗成半个钟第一份咸猪手上枱，第一眼见到己经心知不妙，猪手软身，还有种怪味，完全同以前的不一样，再隔15分钟第二份羊架上枱，一切落羊架，全部熟晒，味道偏咸，配菜又差，连最基本嘅（烧汁）淡而冇味，跟住最后以为牛肉眼扒会好一点啦，点知又系失望，后来先知原来厨房焕咗师傅，怪不得食物出品时间和质素每况越下，感觉上被人受骗，本以为价钱贵，食物质素会相对同等，一定不会再来！
继续阅读
坐室内 午饭 午饭散叫 大概叫了300 一位。食物方面：牛扒唔及花园餐厅既80蚊餐 有筋无味份量少，靠个白饭维持住，唔系既话饿住出门口。 前菜份量都少 哈密瓜火腿得几片 卖相都唔雅观。甜品以为系tiramisu 点知到系薄荷唔知咩。 酥皮汤个汤稀既 得个酥皮好食d。成餐饭两个字 难食。环境：应该系村屋改装成既 外面睇都ok 入面好普通。服务：ok啦 正正常常建议：首先食物方面拜托做好少少 一系就价钱落翻少少，我觉得外面市区100蚊埋单既茶餐厅都好食过呢餐 又平过呢餐，好少忍唔住踩到咁尽 不过同女朋友山长水远开车入黎 太失望
继续阅读
男朋友同我补祝生日，因为之前听同事话呢间好食，见餐厅有得泊车，就book左位试试佢。可能因为听人讲好食，期待太高，所以真系有落差🥲。先讲环境，餐厅有户外位坐，有好多花花草草，有啲位仲系有间屋仔，好似包厢咁。而我地去个时系夜晚，其实周围都好暗，加上而家咁热都唔会考虑坐出面🥵。而且系我地食饭途中，都有两只好大既蚊飞左入黎，门口既电蚊机电唔死佢地。佢地就系咁嬲住我地，好似完全唔怕人咁。最后我地系食食下饭都要拍蚊😐，唔敢想像坐户外位既系未要喂蚊。而餐厅入面都系好暗😂，比较怪既系明明食物系西餐，但整个装修都系中式，有挂住啲细红灯笼，啲台櫈都系木既😂。我地嗌左个二人餐，饱足感黎讲系食得饱既，但食物质素就唔太对得住$980（未加一）呢个价钱啦🥲。📍海虾鲜果沙律基本上有八成系水果黎，值得开心既系真系新鲜水果。虾呢其实得两只，一开二，然后加左草莓酱同沙律酱。都comment唔到好唔好食，因为主要都系沙律酱既味。（其实自己系屋企都整到⋯🥲）📍酥皮龙虾汤+野菌汤我谂全晚最好食已经系呢两碗汤，男朋友话野菌汤好饮，都有好多菇碎。而龙虾汤就不过不失，有少少龙虾肉碎，上菜个时仲系热辣辣。📍烧焗日本黄金凡立贝我谂我最不解就系呢一道，本身见佢个样岩岩烧出黎好似几靓仔，应该都几鲜。食落原来佢加左大量沙律酱，基本上除左沙律酱就无其他味，阵味浓到食完要饮多几啖水中和下。牛同猪都系正正常常咁，唔系好食都唔系难食。职员上碟个时会问洗唔洗帮你切埋，呢样系几贴心既。而佢地切完个猪之后发现入面唔太熟，话帮我地拎去再煎多阵🥸。感觉即刻再扣分，出得餐都要确保猪肉系熟晒啦？猪唔可以生食架㖞🥲？📍椰汁红豆糕最后系甜品，menu上都只系写住「甜品」。本身仲谂住系未有火焰雪山仔又或者心太软食呢，点知系红豆糕😂。唔止装修同食物系中西合璧，连一个set入面都中西合璧。二人餐既价钱系$980，加一之后$1078。比成千蚊食咁既质素既话，真系唔推荐，亦都无下次🥲。
继续阅读
已经系第五次去呢间餐厅，因为可以坐户外，可以带同小狗去用餐。12:00去到，可能系大厨未返工，由小厨出餐。叫咗焗肉酱意粉，一向食开。上餐的卖想是🍝(一模一样）：白烚意粉（冇味）+白烚猪肉（冇味）+唔太热的蕃茄酱（焗完都系冻）+一个豉油碟般大少的芝士粉放在中间+放入焗炉焗了5分钟。真系无办法唔问下侍应点解会咁差🥲［问：点解难食咗咁多？］［侍应话：厨师比较环保，煮法比较清淡]比快餐店还要差，但价钱系$98，真系好难食呀☹️
继续阅读