荷里活冰室 (樂悠居商場)

营业中

休息中

我第一次幫襯，見佢開左咁耐都無試過，上黎睇過佢餐牌，咁就打個電話叫左兩個外賣啦，個呀姐聽電話問我要咩，我話要咸蛋肉餅飯，豬扒炒出前一丁，個呀姐問我攞號碼，無號碼落唔到單，佢好忙喎，我識鬼咩號碼咩，要號碼落單就寫明吖嘛，同佢講左唔飲野，佢話有杯熱飲免費的，咁我求期要個熱奶茶，佢講完個號碼就收線，我估應該取單號吧，去到攞完外賣返屋企打開，個咸蛋肉餅無飯既，杯飲品仲要收左我3蚊，再上黎睇返個餐牌，餐牌又無列明有飯，82蚊個咸蛋肉餅，點諗到無飯跟架，落單都講到明要咸蛋肉餅飯架啦，唔跟飯就講聲吖，乜咁做生意都有架，我唔會再去幫襯囉，亦都會叫埋身邊d人唔好幫襯囉！

茶記嚟講算係坐得舒服，唔使夾硬同人搭枱，夜晚食小炒，都幾有鑊氣，尤其是椒鹽豬扒同埋薯仔牛柳粒，呢兩碟最快食晒夜晚小菜仲有套餐，送埋白飯同嘢飲加$6有紅豆冰，杯紅豆冰幾好飲

今早到呢間餐廳食早餐，坐咗成個幾兩個字都冇侍應會理吓你行埋來同你落單，有個後生D女待應我舉到手軟，佢睇到跟住望你一眼我行去睇到當睇唔到，咁嘅服務態度,一世都唔再幫襯，奉勸各位荃灣街方工友，如唔想食到唂住氣走就最好不再幫襯.週邊都有好多餐廳.何必食到唂氣受氣呢？如果你你荷里活餐廳老闆.睇到呢段嘢.你D員工同你倒緊米！知道未呀？香港飲食業係自己搞死自己，唔係香港人唔想在香港消費，而係比呢D又貴,又冇服務又差嘅餐廳迫上北上消費,上面起碼服務好過香港百倍！再唔改遲早玩完！

下午5:45分坐低，擧手叫D阿姐落單，但舉咗好耐都冇人理，嗰陣時餐廳得幾台客，但啲阿姐又扮睇唔到，咁大聲叫啲阿姐過嚟，阿姐又掛住去寫其他客落單，落完又唔過嚟我嗰度，咁我咪行去收銀台叫個阿姐落單，佢又話掛住收錢唔得閒理我，卒之好耐之後先至行過嚟，仲要阿吱阿咗話要收錢嘛⋯⋯卒之把鬼火唔食走人！香港D飲飲食業咁差，咪多得呢啲人囉！

食品質素份量尚可！眾女員工質素非常非常差！ 如果不是屋苑餐廳，不會再光顧。人手不是不足， 女員工愛一堆傾偈請是非、收銀玩 WhatsApp 微訊、顧客揮手炸看不見、落餐問多句黑口黑面態度晦氣、問有無餐紙巾叫你自己行出去十幾廿呎近櫃檯取、特別那些夾雜操方言女員工傾偈大大聲講未上班同事是非，已不只一次服務差劣，接近是每次！眾女員工有持無恐的低質素服務態度，可能係老闆娘或老闆娘姊妹！相反幾位男員工服務態度很好，願意解答及介紹餐牌食物！成間餐廳被眾差服務女員工破壞，實屬可惜！

呢間分店唔係好耐，大約三個月左右，但係服務態度就一直都好差，一開始就唔夠人手，叫極都冇人落單，呢排好少少多番啲人，請多左人，但係就成日落錯單，又慢又態度差。野食就正常，覺得個意粉ok,價錢都正常，地方都算乾淨，位置ok今日叫咗個A4,雙蛋方包，送錯左兩次，仲要同我講又錯？？？即刻同佢講你自己睇吓張單！！送錯嘢唔係第一次，仲要係話客人問題？ 之後仲要攞咗塊方包都唔知喺邊一碟拎過嚟（睇相，一睇就知係啲炒蛋汁），真係唔留個言唔得….

焗豬扒飯太咸。咸到想嘔。問多句邊處可以反映下，收銀話同厨師講啦😂。問有冇公司電話可以反映，話無喎。我都係幚緊你帮緊你😂。希望你哋做好啲啦。唔怪之得越嚟越少人食啦。👍🏻

之前試過下午茶，印象都唔錯😌今次就嘗試食早晨☀️早餐相比其他餐廳我覺得比較多選擇。燈光明亮，卡位有限度。感恩有一張卡位的食客離開。人手看起來不夠，但設有自助拿水位：「已盛好水的杯」欣賞收銀姐姐在兼顧收銀及樓面的工作會說「歡迎光臨」「多謝」語氣沒有因煩忙而顯得不耐煩🥰我選擇了火腿粟米通粉，熱檸水，健康白麵包🍞檸水很大杯🍋炒蛋暖的。通粉味道不錯。男友選擇了沙嗲牛肉荷包蛋公仔麵及凍檸水。他很少會說味道不錯的👍會再來光顧的😁