影片
招牌菜
叫皮蛋瘦肉粥系水汪汪嘅好似生粉水咁成个粥得一粒皮蛋，肉片都冇好无奈窝蛋牛肉饭，牛肉有浸缩味，牛肉好生好无奈蒸鸡饭，鸡有浸酸味，金针云耳亦都系酸好无奈叫咗碗桑寄生茶，得一只蛋其他料都冇，糖水系非常非常非常甜，过分甜好无奈餐厅冇冷气，我哋很友善叫佢开冷气，年长白头女侍应不愿开冷气好热好无奈年长白头女士及年长男侍应叫我哋食炸两，仲话嚟跑马地莲园唔食炸两，即是未嚟过莲园好无奈成餐饭食得好唔安乐，食唔饱急急脚买单就算是但啦，佢话几多钱就几多钱急急脚即刻走人
继续阅读
原本今日去跑马地一间意大利薄饼店午餐，但原来已经搬舖了，咁唯有喺附近揾一间餐厅医肚，见到呢一间经过咁多次都冇食过嘅粥面店，就入去试下啦，冇咩期望，只希望系正正经经嘅一间食店，但结果系…一入到去觉得系家庭式既粥粉面饭舖头，有一个声大大嘅年长女仕招呼我哋，我哋叫咗一个牛腩面同埋一个双丸米粉套餐，系包一碟油菜，各$45/每个餐。年长嘅女士就叫我哋点炸两，我哋话唔叫住，佢就好大声咁讲：嚟呢度唔食炸两就等于冇嚟过！我哋话睇吓有几多嘢先，佢再讲：有几多嘢啫，咪一碗啰！年长女仕继续讲：我哋呢度几十年，上过好多杂志访问，跟住下删1000字自吹自擂自己舖头有几巴闭。咁都算啦，由得佢自己讲，我哋系唔想叫炸两啫。牛筋腩面其实味道系可以嘅，但系份量就偏细，油菜系白烚嘅生菜，冇豉油又冇蚝油嘅，基于唔想再同个年长女仕讲嘢，冇要求豉油同蚝油。另一碗系鱼蛋牛丸米粉，个汤底认真淡，鱼蛋有啲腥，系粒牛丸好少少，米粉偏硬，落咗一匙羹辣椒油，连辣椒油都系冇味嘅，睇到个辣椒油樽身系好多尘，冇晒啲油得返啲辣椒渣喺个底，相信放咗好耐亦冇加过新嘅辣椒油落去𠮶只，所以走晒啲味。都算。成餐饭就系不停咁听到呢位年长女士讲嘢极度晦气，把口冇停过，唔系闹呢个就闹𠮶个，个世界好似得佢一个啱咁样，真系成餐饭都觉得好烦，点解要咁样折磨啲食客？极度非常之骚扰，真系冇可能会再去，请都唔去，去嘅人绝对系被虐待狂，完全系贴钱买难受。返到屋企上网揾吓呢一间餐厅，原来我并唔系孤独，呢位年长女士应该就系老板，仲要系好出名态度差，历史悠久又如何？食物完全冇质素，环境完全令人不安，完全冇服务质素。见到跑马地都有好多餐厅结业了，各有各原因，如果将来呢一间都结业，绝对不意外。
继续阅读
中学时期在跑马地渡过。出嚟做嘢亦曾经住上几年。那些年爱上了莲园嘅炸两。西米布甸。粥。真系一间有心做食物的小店。食物出名，老板娘霞姐更出名🤣可能我自细习惯了老板娘直率的性格。抱住有麝自然香心态。我想真系吓怕咗好多人。讲真当然我都惊嘅，不过一谂起好好味嘅嘢食，我又会只脚不期然地去。已经搬离左跑马地10几年。一个月总会跑去跑马地食返一次，咁多年都仍然保持水准，实在难得。眼见呢几年好多原本好好味嘅店舖，因为游客太多出咗名，食物水准每每走下坡。已经食唔番以前细个嘅味道。确实可惜。幸好仲可以喺呢度食到。值得！上两次食过佢嘅椰汁西米露简直惊为天人！佢嘅椰汁系新鲜嘅椰汁！超级好味。大家不妨一试。今晚我又去买咗外卖啦。我觉得而家好味道嘅食物。真系要支持！佢嘅炸两我可以讲系全香港最好食。
继续阅读
今晚谂住买糖水回家给家人，入到去我同佢讲外卖，要芒果西米露，椰汁西米露，芝麻糊加汤圆，跟住佢同我讲冇芝麻糊加汤圆，一系芝麻汤圆一系红豆沙汤圆，我就话等等，我打电话俾细佬话俾佢知冇芝麻糊加汤圆问佢想转乜嘢。喺我打电话之际，坐喺度𠮶个应该系老板娘，即刻喺度串我，一系食一系唔食冇第三条路选择啦，我即刻着火，但系应承咗买糖水我就忍咗佢，我真系唔明咁嘅态度都有人去食嘅😡😡返到屋企两碗西米露，里面有好多冰块，我谂应该雪咗好耐，结咗冰，咁样都可以卖得俾人，喺呢间铺先可以做到，都唔知食完会唔会肚屙，我唔会再帮衬，唔会有下次😡😡
继续阅读
初三赤口，去完朋友家，想附近清清地食粥，一家人就近行左入莲园。一入去，中间一大张枱，放左好多杂物同一盘多碗类似焦糖炖奶的甜品，系冇嘢冚住嘅。叫嘢食，老板娘问几次要唔要肠粉。后来有人想食炸两，佢好晦气话：「过年油炸鬼师傅冇返，叫左你食肠粉啦，冇炸两呀！」❌艇仔粥，冇味、少料、好水。卖$55碗难食过海皇粥店好多。❌双丸捞面，系白水烚咗就咁上枱。感觉唔对路，一问，老板娘又大大声答：「你唔讲要捞咩我地都就系咁上㗎啦，你要咩讲啦。」咁你落单又冇问埋我地捞咩酱，餐牌都冇注明。❌云吞面，汤冇味，但云吞味道尚可。小朋友用筷子敲左只碗两三下（真系唔系狂敲打鼓𠮶种），老板娘又走嚟话：「你咪敲呀！之前啲小朋友好乖，而家啲小朋友好曳，我会认得你！」😨想试啖阿女的双丸捞面，一睇，抽面夹住只瓜子咁大嘅曱甴仔！🪳🤮🪳怕女吓亲，定一定神，快快夹抽面去另一碗度。（最衰系我冇影相！！）立刻挥手叫老板娘嚟。佢见到🪳，就问：「咁你而家想点呀？要整过定系点？成碗换哂佢呀？」第一次食到曱甴面，第一次见到咁冇礼貌的老板娘！带住小朋友我冇同佢嘈交，但呢次经验值得同大家分享！呢间真心唔应该帮衬啦。
继续阅读