菊一巷 (已結業)

呢間好細嘅隱世小店，開咗無幾耐。一直lunch都有幫襯開外賣便當。水準驚喜，性價比極高。等lunch 時成日喺正門大玻璃見到師傅燒雞扒，見到師傅功㗎非常認真。終於等到解除限聚令，可以嚟夜晚來試吓佢啲串燒！我冇訂位，差啲無位一入去已經見到全場爆滿。好彩坐到最後一張枱。感覺有居酒屋嘅熱鬧，播住好groovy嘅日本歌! 有陣陣燒烤嘅氣味！點左一支獺祭清酒，夠dry , 好配串燒！極度推介下酒小菜，紫菜白飯魚乾。見到一條一條小魚鋪咗喺紫菜上面，極香口！唐揚炸雞沙律，炸雞竟然食到陣陣用薑醃過嘅味，一定係自家製唔係來貨。沙律新鮮脆口。厚切牛舌心串燒，真係極正，出邊已經好少食到咁厚切，好入味，又唔奀。燒雞翼老闆話係日本嘅阿波尾雞種，皮特別薄同脆，果然冇錯。免治雞棒都係極推介，食到脆脆嘅雞軟骨喺入邊，點埋日本蛋黃，啖啖肉，又香又脆又滑。經理推介今日海鮮係燒北寄貝，佢哋當日晏晝會喺街市買最新鮮嘅海鮮。真係從來冇食過，北寄貝好好肉，有清酒同牛油嘅香味，一試難忘。其他嘅秋葵，蘆筍，銀杏，正常發揮啦。佢仲有比較少見嘅燒日本蒜頭。完全冇蒜頭嘅辣味，有啲似糯米粟米嘅粘糯，好特別！

朋友在附近上班，極力推薦這一家在「巷子裏」的串燒店。因疫情關係，開店近兩個月前天才開始做晚市堂食，但因午市水凖奇高，已經在商業大廈區做出口碑，一於大年初八約齊4人拔草去。菜單主打串燒，另有好幾款特色前菜。首推炸紫菜白魚乾，炸得香脆一滴油也沒有，下酒一流！其他精彩的菜不少，個人最愛燒牛舌心，牛舌真的是厚的才好吃。免冶阿波美雞棒裹了剁碎的雞軟骨，確實正宗。燒雞胸軟骨用雞胸骨，唔係度度有，值得一試。油甘魚鮫最抵食，才$118。 朋友說午餐最叫座的照燒雞扒，也來了一份，果然名不虛傳。若一人簡單叫這個，加一碗北海道珍珠飯，已經大滿足了！小店的優勢就是能隨季節食材靈活變化，期待更多精彩好菜！

◭ 日式咖喱吉列大蝦定食 $80◭ 鹽燒鯖魚定食 $76◭ 蒲燒鰻魚定食 $108◭ 照燒雞扒定食 $76◭ 燒雞翼 每隻$28*定食包括前菜、沙律、味噌湯、飯&綠茶 ✌🏻菊一巷位於鰂魚涌近太古坊嘅隱世小巷🤩✌🏻店內以日式居酒屋做主題🎏✌🏻更有室外餐桌，方便要呼吸嘅食客🚬✌🏻午市有多款定食～有吉列大蝦、鯖魚、照燒雞扒....定食又附送前菜中華沙律、沙律等等✌🏻每款午市定食質素很不錯，份量足👍🏻✌🏻係一個超級豐富午餐定食🥰✌🏻我哋仲追加「燒雞翼」✌🏻雞皮燒得好脆身✌🏻入面又保持到雞肉好嫩好滑🥳聽聞菊一巷下星期晚市重開，會有多款串燒供應😍好期待

週六巧合撞入去食，原來新開。定食有驚喜，以價錢大部分$100樓下來說，食物水準超高。同朋友埋 beer, 追加串燒，週末 long lunch 好正！！舖面雖小，但新淨舒服，外面仲有少少户外席，見到歡迎狗狗。外賣餐單好抵，認真水準之作。鰂魚涌嚟講，不常見，勝價比高。返工時一定再去外賣。

Wfh後再返公司，發現附近有些餐廳撤走了，同時也有些新面孔。同事說巷子裡開了一間有外賣便當的日式小店，我滿腦子魚生 壽司，原來午餐便當都是熟食，也好，冬天吃暖一點。日式咖喱吉列豬扒 $64一打開就聞到日式咖喱香，豬扒肉厚鬆軟，外層炸粉適中、香脆，沒有太油或太厚生薑豚肉燒 $60豚肉香口入味，醬汁惹味，份量比較少外賣包裝乾淨精緻，很有好感。從餐牌看午市定食（堂食）更多選擇，下次可以試吓堂食，也對晚餐有點期待呢！

Working (like a dog) in Quarry Bay. Too cold to eat out, so colleague suggested ordering takeout from this new Japanese place. According to colleague, chef used to work at Nadaman and there was an option to sit outdoors. I ordered the Terriyaki chicken rjce and colleague ordered grilled mackerel with rice. Not bad- I was given 5 Ok sized strips of chicken (but had to give away one for colleague to try). The skin was crispy enough. Vegetables decently portioned. Friendly service. Sorry no photos

Lunch 時間同事話呢度開左間日本餐廳，我地三人一齊去試食下，以為日本嘢好費唔抵食，點知Lunch 都係大約60蚊，真係超平。唔好諗住平嘢冇質素，我地分別叫左鰻魚飯，豚肉飯同玉子牛肉飯，大家都讚不絕口。很開心呢間餐廳開係我地公司附近，經常可以大飽口福。老板好好人，佢仲話啲菜式仍不斷研究中，希望再增加菜式迎合大衆口味及喜好。而家限聚令，晚市外賣仲有優惠。到限聚令完後一定約啲朋友一齊黎試下。到時睇下老板有乜嘢介紹先

太古坊返工嘅人都知道呢度lunch 搵食艱難，尋日經過見到呢間好似新開，今日即刻嚟試咗。佢哋lunch 有日本定食，包前菜沙律湯同一個飯。我個滑蛋豬扒定食$80，呢區嚟講係性價比好高。味道好唔錯，米有日本米味道，豬扒夠脆。同事叫咗個鹽燒鯖魚，竟然皮脆肉Juicy, 呢個係幾驚喜嘅。餐廳裝修好骨子，如果限聚令完咗都會令試吓夜晚變做居酒屋嘅燒物同清酒。