影片
营业时间
今日营业
15:30 - 01:30
星期一至日
15:30 - 01:30
以上资料只供参考，请与餐厅确认详情
大围除左村南道个边多食肆🙂依家仲有围方一齐争😂所以谂系大围食咩都真系对于选择困难症既人黎讲唔容易😮💨所以突破盲点👻今次就决定去云叠个边食糖水第一次去发现都几多人😵💫时间尚早既关系咁岩唔驶等位😳然后就点左个杨枝甘露小丸子同埋合桃糊仲加咗两粒汤圆😍但系发现我都比较钟意冇咁甜既关系😄所以相对嚟讲就比较争少少🙂但系个汤圆就啱啱好😊煮得唔错🥰附近嘅人我见佢哋都有食小食🤔如果唔系食咗夜晚饭嘅话都应该几吸引😂希望下次我试吓佢啲小食😗唔会令我失望啦😝
继续阅读
疫情之前，呢度越夜越旺，疫情嘅时候好担心佢哋挨唔住泊车可以睇住，又唔会嘈到街坊，有糖水有嘢食，硬件本身已经系优势其实呢度食特色糖水系抵啲，不过我钟意食传统嘢，所以叫咗芝麻糊加合桃糊返到云叠都差唔多12点，虽然系平日，但系都有坐满八成嘅位，我食碗糖水治愈一下，人生有黑有白，捞匀佢都系一种感受同味道，希望呢度生意再好返啲
继续阅读
呢一日夜晚11点几由九龙返新界途中想食糖水，拿拿临望吓边度仲有得食之余又方便泊车！Search到大围呢间，#泊车方便 ，店前可以泊车，附近亦有咪表位🅿️于是去try try佢😌一人一碗叫咗呢两样：#榴梿皇子 $68榴梿＋小丸子＋水晶珠+椰皇呢个味道可以，甜度刚好，料都足，有好大旧榴梿～不过 #水晶珠 脆脆哋嘅口感唔是我杯茶😂#黑白配 $52即芝麻糊+小丸子+奶冻个奶冻俾黑芝麻抢咗味，小丸子份量少，得几粒🥲作为小丸子忠粉觉得严重唔够🫠呢间甜品舖泊车超方便，当晚系星期五晚，都满座，不过味道普通🙉 系咪我哋叫唔中佢哋嘅招牌？食过嘅留言分享吓🙌
继续阅读
呢间甜品舖生意手法好唔老实，有一晚突然想食甜品，咁朋友就话不如试下呢间，满心期待去食甜品，我同朋友谂住堂食，但系我哋有单车，所以唔方便坐入去舖头，店员好热诚咁样招呼我哋，话门口开张枱俾我哋坐。但系当我哋埋单嘅时候，睇到张单每人要加收一蚊外卖费，然后我哋就问点解，点知个店员就话因为坐门口用外卖嘅餐具，我哋当堂好愕然！唔系钱嘅问题，主要系我觉得佢哋好唔老实，当时你叫我哋坐门口开张枱俾我哋，唔同我哋讲清楚坐门口要加收外卖费用，如果唔系我哋知道就唔会坐门口，或者佢系想快快用晒啲胶餐具，但系事先又唔同人讲，咁样做生意手法好唔老实，冇下次👎🏻👎🏻👎🏻blacklist
继续阅读
相信大围友对呢间糖水店不会陌生，好多人都会去食个宵夜，尤其是一众单车友。✨司华力肠芝士捞面（$38）芝士酱好多，够捞晒成个面，捞面既份量都好似唔止一个，算系高CP值。✨榴梿黑糯米（$52）钟意食榴莲唔少得叫榴莲糖水，黑糯米既份量都OK多，食完会有些少饱肚既感觉，榴莲味道够重。✨榴莲鲜奶（$45）比我预期中好饮好多，榴莲味道重而且鲜奶好滑，两者夹埋真系好好饮，推荐！✨西瓜汁（$34）夏天解渴一流，西瓜沙冰好凉快，食完油腻嘢，解腻都好。
继续阅读