華園甜品專家

营业中

休息中

幫襯咗佢嘅蓮子蛋白燉鮮奶、合桃糊。係呀，佢哋啲質素真係差咗好多。就係因為米芝蓮過朵，嗰日專誠過嚟食合桃糊，好失望；除咗得個甜字之外完全食唔到合桃味，燉奶冇奶味。都唔係第一次對佢有失望。

🇭🇰華園甜品專家·飛鵝山都幾易行 係彩虹站出一路沿住斜路上德望學校 就可以係飛鵝山道開始行😎😎個零鐘鬆啲就可以上到山頂 難得我地去個日天氣好好 所以我地就坐係山頂睇埋日落🌄不過山頂真係超凍 如果大家想睇日落既話記住要著多啲衫 因為佢入夜既夜景都好靚 不過天黑落山就要小心啲睇車啦🚗不過彩虹真係無咩野食 我地最後都係要行翻去新蒲崗覓食🤭😂·金牌芝麻糊 l 補腎合桃糊 $23之後因為我地係山頂太凍啦 所以就一路諗住要食呢間米芝蓮推介既糖水舖😎佢個糖水質地煮得好好 個芝麻糊都濃既 但就無我想像中咁香咁🤔之後個合桃糊就真係少少失望啦 佢係偏甜既 甜到唔係好食得出個合桃味🙊🙊·📍新蒲崗祟齡街38號地舖

傳統糖水做得唔錯，間中都會幫襯下，但名氣大就態度差。疫情前已經試過同幾個朋友堂食，食完一round，有個朋友想加單，個阿姐態度勁差，好吾耐煩，似系嫌我地得一個加單，霸住張台。之後一次買外賣，個阿姐又係唔休做咁嘅態度，又串咀到爆，貼錢買難受!!

華園這名字在新蒲崗是略有名氣的, 皆因他是連續三年(2016-2018)獲米芝蓮街頭小食推介的食店。雖然如此, 我從來沒有因此而光顧過這店。是次友人飯後推介, 覺得昔日獲得米芝蓮的, 應該有一定質素, 比面友人, 一試無妨。小店座位不多, 裝潢簡單樸實。看了看餐牌, 主打傳統中式糖水, 也有售綿綿冰。沒有多想, 點了我的例牌芝麻糊。金牌芝麻糊 $23因為店舖張貼著連續三年(2016-2018)獲米芝蓮街頭小食推介食店的海報以作招徠, 故對其有一定的質素期望。但嚐過一口後, 不禁有點懷疑人生。芝麻糊芝麻味道不足, 質感略算稠密, 入口有粉的感覺, 不夠順滑, 有嗱喉的感覺。以同樣的價格, 絶對有更好的選擇。 

之前到過華園甜品，可能抱著到「米芝蓮甜品店」的心態…總之，上次感覺不太好……今天Honey飯後想食甜品，說要到華園，我就……不過，今次還不錯……Honey點他喜歡的桑寄生蓮子茶。桑寄生茶濃濃的，好甘。蓮子應該是分開煲，預先用糖煲好。所以，茶甘蓮子甜。而且蓮子好鬆化，真的不錯。我就點了喳咋這個就麻麻地，雖然材料好多，但是豆煲得不夠淋。米芝蓮……

前幾年食過華園甜品覺得相當出色,今日咁啱經過附近又買一碗返去試下睇下當年既水準仲保唔保持到.合桃糊配芝麻湯圓 hkd$26合桃糊帶有少少糊狀,磨得未算幼滑.合桃味較淡而且味道唔香,質感亦無磨糊沙沙既口感.入口似混合左糖水,以老字號黎講味道偏失望.湯圓皮煙煙韌韌又綿糯,但唔算好薄,黑芝麻蓉香而且微甜.整體比以前水準下降左好多.雖然價錢平民但水準少少參差,如果下次有機會經過附近都會想再試試其他傳統中式糖水,希望下一次唔會失望.

我喺新蒲崗廣場長大,華園甜品糖水係大家既童年回憶!啱啱同客見面,咁就舊地重遊!呢度嘅糖水 ,全部都好食!個人最喜歡就係燉蛋!燉奶和腐竹雞蛋糖水 都好受歡迎。呢度嘅價錢一向都係貼地,二十零蚊有交易,即是近年大熱仍然沒有因此而大幅加價。 有好幾年冇去食過呢度嘅燉奶,今日叫咗一碗 ,燉奶再加上連子, 32蚊!燉奶上檯時係熱辣辣的 ,食的時候要小心,因為還在冒煙!蘭味道 充滿 奶香, 天氣凍嘅時候食一碗 !非常溫暖 。上面嘅蓮子分量非常大方!真係超飽呀 !呢度嘅 番薯糖水亦都好出名嘅薑味十足 大家不放 路過入嚟試一試

佢已經講咗好多次想食喳喳。點知原來喳喳都唔易搵，上次行過幾間糖水舖都冇。今晚喺Mikiki睇完戲就行過黎呢間懷舊糖水舖滿足下佢。舖頭細細，座位安排好逼，但係好快就有位坐。落單唔夠兩分鐘就有得食。佢話碗喳喳好足料，終於滿足咗佢嘅food crave。我就一向理解唔到點解喳喳係糖水，滿滿一碗澱粉，似係正餐多過甜品🤭🤭薑汁燉鮮奶好滑溜，奶味香濃，甜度稍重，食完感覺上好滋潤☺️如果甜味淡少少，薑汁再重手少少就更加好。

趕喺10點之前食埋糖水好耐無食過桑寄生蓮子蛋茶難得九龍城食完飯行過去新蒲崗都唔會太遠仲可以消化埋晚餐極速坐低menu都無睇就揀咗桑寄生蛋茶姐姐仲極力推薦加2蚊要埋蓮子蓮子又真係幾鬆化嘅而隻蛋外表好似好深色 以為會好入味不過食落又完全兩回事朋友叫嘅益力多綿綿冰我食咗一啖覺得有啲啖朋友就話幾好食一間裝修比較懷舊嘅糖水舖都多咗好多選擇始終最愛嘅桑寄生蓮子蛋茶都係源記🤍

係新蒲崗食完飯諗住買外賣糖水返屋企食，search見到呢間攞過米芝蓮就諗住試下，買咗三樣野食，全部都唔得，仲要有昆蟲😰芒果河粉好普通，芒果味唔出，但算係正常。見椰子糊出面好似冇就試下，但感覺好似鼻涕。諗住芒果西米露一定冇死啦，點知見到有一隻蚊🦟，原本諗住食物都有機會有，就攞走隻蚊繼續食，點知食咗一啖又見到一隻😰😰😰，即刻就唔食！不過見到佢2018年就冇咗米芝蓮，可能之前真係好啲掛，但而家真係唔駛試😰😰。

在附近食完飯，想食糖水，見它是一間應該幾有歷史的傳統甜品糖水店，又說有米芝蓮星星，而且有不少學生和街坊幫襯，心想應不會太差吧，便去試下。坐下叫了兩碗熱糖水，店內瀰漫着一種香味，不是糖水的味道，反而是炸物的香味，很吸引，以為它還供應炸物。可是細閱餐牌卻又不見有糖水甜品以外的選擇，好奇怪，不知是哪兒傳來的。只好專心食糖水。*芝麻糊*。好細碗，夠熱，夠晒甜，但唔香！聞唔到也食唔到芝麻香味。*紅豆沙*。蓮子百合齊備，非常甜，但唔香！明明有豆有料就係無香味。傳統糖水店連這兩種最基本的糖水也做不好，非常失望，唔會有下次了。

一行四人 叫左芒果綿綿冰 芒果河粉 腐竹薏米 同芒果布甸。個芒果冰同河粉係甜同痴線 係好假果隻糖漿甜 無芒果味。個薏米入面係無薏米。總括黎講呢間野係好難食，服務態度好一般 成日逼你走咁。無下次。

同朋友係新蒲崗食完晚飯後，仲想食甜品，係OpenRice search完最近係呢間，冇乜所謂就入去試下。我叫左凍冰花燉蛋，朋友叫左個熱嘅薑汁燉蛋。可能食燉嘅野食熱食會好味啲，我食左一啖，淨係得甜味，冇蛋香味，亦唔夠滑。朋友嗰碗就好正常，薑味好濃，亦好香。諗起之前去九龍城地X館都係食冰花燉蛋，係又滑又香又唔會過甜，自此以後對中式糖水舖都好有信心，點知原來個差別都幾大下⋯⋯今次教訓我無論天氣幾熱食燉嘢一定要熱食😪

在新蒲崗區食完飯，指定動作一定會同老婆去華園甜品店，食靚媽至愛嘅芝麻糊，而事實上呢間米芝蓮一星店，所出品嘅糊類甜品確係出色，而且價錢親民可以講好食抵食，但今晚我兩公婆都食到碗所叫嘅芝麻糊有酸味，非常難食，我個碗食左三份一就吾想食，速速埋單走人，因為之前在七喜食過梅子蒸排骨，所以我吾會將今次食到酸味芝麻糊嘅不快經歷賴落呢間店上，因有可能係我兩公婆殘留在口腔内，梅子排骨的酸味影响到該碗芝麻糊，下次若我再到該區，必定會清理口腔後，再食一次芝麻糊，引証今次食到呢碗酸味芝麻糊是華園錯定我食錯。

⁣⁣▫️芝麻燉鮮奶🔳⁣ 💰24⁣↬中式糖水一定要吃熱的 鮮奶蛋白中加了芝麻糊 燉奶十分滑 甜度適中 芝麻糊夠濃 一碗糖水滿足兩個願望⁣⁣⁣⁣▫️楊枝甘露🥭⁣ 💰24⁣↬ 由細吃到大的糖水 有西米 碌柚 芒果 很足料 芒果汁不會太甜 芒果熟度剛好 微酸 夏天吃解暑一流⁣⁣⁣⁣ᐠ ♥︎ ᐟ因為是舊式糖水舖 所以環境衞生方面都不要期望太多 但味道和質素補救 飯後來一碗很滿足(´>∀<｀)ゝ⁣⁣⁣⁣⁣