華御結

营业中

休息中

華御結嘅傳說人氣隱藏甜品 - 「提拉米蘇丸子杯」回歸啦😝⭐️！甜品杯都只係$25！下次黎唔好淨係食飯糰🍙，記得試埋佢哋嘅甜品，特別係tiramisu😌☕️好正‼️-1️⃣「提拉米蘇丸子杯 Tiramisu Mochi Cup☕️($25)」佢哋將傳統Tiramisu變成和風甜品杯，expresso味香濃，加上意式軟芝士忌廉同煙韌白玉丸子，口感豐富！佢哋嘅白玉丸子沾滿可可粉，唔太甜，超好食✨👍🏻-另外仲有其他布甸、黃豆粉黑蜜蕨餅等，「北海道特濃牛乳布甸」滑lulu、「黃豆粉蕨餅」都好煙韌，中間仲有香甜黑蜜、另外仲有傳統和式甜品「紅豆白玉杯」！

今次買咗三個飯團，金平牛蒡飯團、蒲燒三文魚腩飯團和蒜片燒牛肉飯團，三個都係都是唔錯嘅選擇。.金平牛蒡飯團（素食推介）佢嘅牛蒡纖維豐富嘅質地，食落口感好特別。係煮嘅過程添加左一d調味料，好似日本醬油咁，增添左唔少風味。另外另個係一個素食嘅選擇，適合素食者或喜歡蔬菜嘅人買黎品嚐。蒲燒三文魚腩飯團係一個經典嘅飯團。它包括用蒲燒醬汁燒烤嘅三文魚腩，放係飯團入面，再用紫菜包裹。蒲燒醬汁賦予左三文魚腩特殊嘅甜燒烤風味，同飯團嘅口感相得益彰。蒜片燒牛肉飯團用蒜、醬油同其他調味料燒煮，具有濃郁嘅蒜味同牛肉味。結合左牛肉的嫩滑口感和蒜香嘅特殊風味，提供左一種濃郁的口味體驗。

社蓄今日都係心思思，決定再去華御結買飯團，琴日買咗個焙茶味布甸幾好食，今日買另一隻味嘅布甸黎試下。🙈😂⭐️特濃朱古力布甸我覺得同焙茶比，朱古力味遜色咗啲🥲，有少少失望添。用左比利時朱古力，味道都算燶，但唔太特別，無話唔好食，但又唔係十分好食。佢個質地似mousse多過布甸，無左布甸嘅滑🙈。可能我不太喜歡食mousse，又同想像中嘅布甸有啲出入，呢個我就唔太like啦。不過你鐘意mousse嘅話，都可以試下嘅🥲。

話說今日係華御結，諗住買兩個飯團，作為社蓄的午餐。🥲俾我見到，雪櫃多左排布甸🍮咁嘅物體，仲要好多個味！我見今日都係好忙，慰勞下自己，就買個焙茶味，哄下自己啦😊。點知，佢出奇地好食！👍🏻👍🏻😬😬⭐️濃香焙茶布甸根據簡介所講，佢係用咗三重縣伊勢茶，仲要係日本製造！佢冇好重嘅牛奶味，亦唔似牛奶布甸咁滑。食落，好深印象，真係有一陣好香嘅焙茶味。個焙茶嘅茶味，令到個布甸有陣茶嘅苦澀味，好吸引好特別💕🍮，仲要一啲都唔會太甜！一杯細細隻，好快就食完，搞到我聽日心思思又想再去買🙈好想試埋其他味啊！😂😂😂

之前朋友買過嗰豆乳雞湯俾我，真係一試難忘🤣 佢買俾我嗰個係已經煲好咗😎 我再係地鐵舖買就係仲要自己叮翻佢🤔 比起煲好咗嘅熱湯，無咁好飲，所以我特登行去呢間唔係地鐵舖嘅先有已經熱嘅湯買😂 佢好講究亦都好貼心，我見佢有嗰check温度嘅物件check住啲湯要特定度數，令我食得好放心🥰 我今日買咗個飯團🍙加$12就可以要碗湯，真係好平！不過就用唔到之前可以買飯圈-$5嘅coupon，只限單買先得其實佢喺青衣城入面，但係唔知點解被定義為地鐵舖，所以買湯要返去叮🥲

22/12/2021 14:45基本每日都會去買一個飯團當lunch 今日去買飯團比錢時、已經放左銀包係八達通機前比錢、但又扣唔到、我問係咪扣左？佢話㩒錯左比現金、可否比現金啊？我話你取消左佢再轉八達通咪得Lor 之後幾秒內改完比八達通比完錢、食得。加佢小小黑我面。其實一件小事、但就睇出什麼以客為先。十幾蚊一件飯團🍙⋯⋯你係咪要求咁多啊？但而家做服務業的確差左好多！希望大家做服務業、其實係一個專業、希望專重自己做緊嘅職業💪🏻

一件御結，由選擇食材，已經很嚴選，華御結今次推出的健康拌飯系列，一共6種口味。之前已經試過「櫻花蝦醬油拌飯」，今次「昆布茶豆拌飯」，這款御結大概是素食者的選擇，甘香鮮既昆布加上高級枝豆茶豆粒，混合多種雜穀，口感濃郁豐富而且清新。有時候不想吃肉也可以選擇這款。

一開始我係鍾意食留流心蛋黃飯團，唔係好鍾意食日式嘅流心蛋，但係後來我對於飯團有一種上癮嘅感覺。因為佢嘅紫菜嘅鹹味加上珍珠米飯嘅甜味，啱啱好達到可以令人味覺上癮嘅味蕾點，所以我依家偏向鍾意食鹹鹹地嘅蔬菜例如牛蒡飯團、野菜飯團多d。佢每次推出啲新嘅反正我都會好想食，好想試吓，但係除咗飯團之外，佢賣嘅配菜對我來講又唔算話好吸引，同埋有少少遺憾嘅就係佢冇微波爐，如果佢有微波爐嘅話我諗個飯團應該會更加鬆軟，因為就算佢係凍櫃放住，但都無抽乾晒米粒入面嘅水份。所以係好鍾意食華御結嘅飯團！

-🦄華御結-雞肉築前煮 Hkd20Rating🌕🌕🌕🌕🌑蒜香蔬菜 Hkd20Rating🌕🌕🌕🌑🌑-今次又食下華御結既小食喇🙈🙈其實佢既小食都做得幾出色架👻👻絕對唔會輸比啲飯團呀Haha😛-當我好掛住日本既時候🇯🇵就可以食呢盒築前煮🍲絕對係日本家庭既小菜代之一🙈同我係日本食到既味道係99.9%相似🤔我個人真係好中意食築前煮🍲雖然多數都係澱粉質來😂簡單的食材🐾✨再加上佢獨特既調味 就成為我最愛既料理🌸-蒜香蔬菜就係2月份限定既小食🌱但個人覺得佢都係麻麻地普通啦🌚蒜香既味道唔係好重🤔可以話食唔到😂不過見到佢好多油🤢但食落又唔覺好油😅做得好既就係蔬菜既口感覺比較爽口😀應該都幾新鮮下🤔🤔🤔🤔但2月既小食暫時冇一款係深得我心既😂-期待下個月會有啲咩新品推出🧐🧐-

平時經過華御結，都會買一兩個飯糰keep喺公司，鍾意佢足料兼且係選用日本米。今個月限定既炸蝦天婦羅飯糰入面有成4隻蝦！每隻都醃過所以好入味。已經買咗n個，希望遲d唔會只係1月有啦。

一早去朋友屋企玩，連早餐都未食，去到青衣城逛下，已經無時間坐低食，見到呢間一向喜愛嘅飯糰店🍙，即刻入去買外賣店面大，放咗雪櫃放不同味道的飯糰，每款仲寫咗卡路里，我攞個籃仔揀好食物比錢，八達通比錢方便！店員袋好比我辛口明太子飯糰（$16）喜歡呢個飯糰紫菜撕開即食，紫菜可以保持爽脆，味道微鹹，白飯鬆軟，明太子落得幾多（至少每啖都食到明太子）明太子微辣，粒粒鹹香，唔撈沙律醬，食到明太子原味！好味！抹茶黑糖蕨餅（$30）自己係抹茶控，見到賣相不錯，包裝衛生，配嘅膠籤仲係竹葉造型，一粒粒均勻包裹抹茶粉，唔會黏結，抹茶粉微甘，蕨餅軟糯軟滑，中央紅豆餡唔多，唔會太甜，好味！食物一貫好味，女仔食份量剛好，店員有禮斯文味道好又方便做早餐

華御結，係青衣城1期新開咗哦～咁一定要去視察下啦，就失守荷包，買咗幾樣野食，慢慢同大家分享～先黎一個紅鱈場蟹沙律飯團，屬於8月限定之一哦米係100%日本米，食落口，口感都係黏度很好，同唔會太乾或太濕～沙律醬份量岩岩好，唔會搶咗蟹味成個飯團CP值好高，不過一個飯團當一餐就唔多夠啦～