華悅海鮮酒家 (已結業)

買了個108蚊的牛肉海鮮火鍋團購， 等了很久也沒看到食評， 終於等到了~~是極負評，即時不知點算好，可伸請退錢嗎？ 但只不過158蚊的火鍋，無論怎樣差，也應該都回本吧。 一行四人，膽粗粗去嘗新1） 傳說中的牛肉和海鮮，並沒有出現過，難道收了團購券後忘記上嗎？ 我們因為掛著追其他嘢，忘了追討主打牛肉和海鮮2） 所謂無限量供應的小食，也只是炸多春魚，椒鹽豬手骨，四件叉燒，每人四分一隻乳鴿。 都是三催三請才到。3） 大堂有兩張大檯，一張放了調味料，另一張放了自取食物，包括：十多款凍肉丸，支竹，三四款菜，諗了的炸魚皮，大光麵.......4）廚房點的也有廿多款，多是魚類和內臟， 催了三次才提供一次其中發生了一個小插曲，正在打邊爐期間，有個經理 狀的員工，拔去去了我們的電源，說是危險，跟著走了， 又再催其他員工，他們才找回另一個 拖板， 給回電源 繼續打邊爐。總括來說只有 ：差差差差差埋單每人158個大洋，真是 貴貴貴貴貴

想不到第一次寫食評就是寫一篇負評, 但這篇食評就是希望其他食客不要中伏. 8號晚上和兩位朋友去到這間酒家, 坐下後並選了花蛤湯底, 過了一會侍應奉上一窝清水加幾隻花蛤和幾片菇的湯底, 我們立即點了第一輪的食物,在等食物期間侍應送上放題已包括有的北京填鴨和乳鴿, 約10分鐘後送來第一輪的部份食物, 我們一邊食一邊等, 但沒有其它食物再送到, 只有呆等,同侍應投訴, 都是叫我們等, 於是再落第二輪的食物,但食物紙去如黃雀, 什麼都沒有送來, 谷氣搵經理投訴, 才拿來幾碟好點食物過來, 等的期間只能食出面放住的菇, 菜, 蘿蔔等價錢平的食物填肚, 還有食那些花蛤食到成口沙, 至於廣告說的水果, 雪糕全部沒有, 所以奉勸各位不要中伏.

因為太難食忍唔住第一次打食評。 話說今日幫個同事farewell, 就去左呢間任食火鍋首先個爐唔知點解煲極都唔滾, 淨係煲水都斷斷續續用左半個鐘以上, 問佢攞個蓋都話冇員工態度極差, 食物點極都黎唔齊, 問職員就淨係一味叫我地寫過每枱會送一個海鮮拼盆, 入面有蜆, 魚。當將海鮮放入火鍋後, 成個湯底都充滿臭腥味, 之後需要整個湯底更換, 整體食物質素奇低, 放心食用的大約只有5種。熟食類都好奇特, 豬頸肉碎上, 乳鴿極咸, 基本上不能入口

放假當然約朋友睇戲飲茶今朝一早又來到華悅..飲個早茶準備睇戲..喜歡吃這𥚃蒸飯，覺得較正宗，用原盅去蒸今天見到每天特價蒸飯$6.8是炸菜肉片飯但是我地㨂貴少少的其他蒸飯就是兩個北菇滑雞飯...飲早茶已經食過幾次冬菇甜甜地又香濃好味 我好鍾意食呢D甜甜地既冬菇可惜太細件！雞肉入味好滑, 唔係死實實, 不過有少少雪味. 幸好醃得夠味, 蓋過了大部份雪味. 雞油滲咗落去D飯度 令到D飯好有油香甜豉油煮過, 下了適量更好味燒賣重重的香菇味，豬肉打得鬆化，口感不硬陳村粉太實了一點，口感不夠滑溜，可幸上面的蒸排骨還算不錯侍應服務中規中距！算是三粒星的水準⋯⋯埋單兩人52元，又真的是經濟的。因為七月八月是免茶芥不過如果要吃好一點！在這一區應還有不少的選擇當然一分錢 一分貨以價錢對比所以可以給個笑臉的

看見酒家外牆大廣告「瘋狂任飲任食海鮮火鍋放題」每位$98，有10款湯底免費任選，有每位5款海鮮送，有70款火鍋配料任食，多款啤酒，韓國飲品及汽水無限量任飲。看看食評都是劣評，但看這價錢，就抱著平常心去試下，我們一行三人約7:30到，已有九成滿場，環境一般酒樓格調，但場面非常熱鬧，經理安排我們座位，就講解火鍋如何收費及有什麼任飲任食，每位$98有安格斯肥牛每位一碟約5片，每位送是日海鮮5款，70款火鍋配料，啤酒及汽水任飲任食，如要食好D可以加$50/位升級配料，可以任食多12款刁鑽配料，如有膏鮮鵝腸、超正黑拍葉、安格斯肥牛、大海生蝦、新鮮田雞、雞公子等等....經理講解非常專業及清楚，我們就選了升級配料每位$148，免費湯底有10款，我們就選了大家都喜歡的香辣蟹走地雞鍋。約6分鐘鍋底到，看看絕不馬虎，有一隻蟹半隻，味道也不錯，以這個價錢有海鮮、80多款配料、啤酒汽水、甜品及雪糕任飲任食值得一讚！

同事門收工後是晚又來吃飯！也不是第一次來給安排坐了六人的大檯循例也要出去魚缸看一看。拿一隻龍蝦！差不多兩斤應該夠吧！坐番埋位邊談天說地邊等吃！燒鵝例牌先上，鵝肉既肥美，輕微的羶香！再加上脆而酥化的鵝皮！入口感覺肉嫩而厚身的鵝肉。上湯龍蝦伊面龍蝦肉不算多！很多殼, 但肉算彈牙. 伊面份量也很夠！清蒸大海班兩斤重，足夠六人份。魚肉肉質結實，入口鮮香幼嫩。魚香味十足，火喉剛剛好。蒜茸粉絲蒸聖子皇六隻每隻大而肥美，肉質爽口彈牙入口鮮甜美味，粉絲與蒜茸蓋在肉上粉絲吸附聖子汁，十分開胃。蒜子上湯浸白菜，上湯是魚湯。加了炸蒜子去除了腥味！很是鮮美，令平凡的菜變成一個高尚的時髦小菜這裡只是一間小店服務人員都是四十至五十歳阿姐級招呼就麻麻，環境衛生普通！年半內。由辣蟹莊，轉手至金港！至今轉為華悦！經營模式沒甚改變價錢親民所以我們都一直追隨！位於官塘工業區不算難找.只是地鐵開源道行入去.不過就要行到好入。但分公司在附近，而且價錢公道所以久不久來這裡！

Yahoo呢個團購$108，我地四位食火鍋中伏,搵笨與團購資料不實滾水加沙茶醬嘅湯底.食北京填鴨催了２次等一個半個鐘送唻,六點半開始食都無唒小食,雪糕拒冇雪糕,團購餐寫安格斯肥牛火鍋吾供應安格斯肥年,冇海鮮.Yahoo團購應取消呢個奸商合作!大家千萬不要上當!

經朋友介紹，話呢度蒸氣鍋十粥底火鍋放題好正，我同幾個朋友就來試下，環境尚可，可能繁忙時間人客比較多，服務就無咁周到，蒸鍋十粥底火鍋放題每位$188，有10款海鮮擇6款，海鮮出來有冰底，海鮮非常新鮮及夠份量，有個服務員，就教我地蒸海鮮流程及時間，非常有專業，咁樣蒸海鮮食真係極之原汁原味又鮮味，因海鮮非常新鮮，唔須要點醬油D海鮮都好好食，蒸晒海鮮就用含有海鮮精華既粥底打邊爐，任食火鍋配料有70款，多款啤酒、韓國飲品及汽水無限量任飲，岩晒我地飲得之人，最後食埋精華粥，鮮味無窮，一試難忘！下次一定會再來及介紹埋朋友來

老老實實，第一次寫食評，真係呢間嘢差到我忍唔住要寫。今日同住成家人黎食飯，有張海報寫住「晚市，11位以上燒鵝$168/1隻」另一個位大大隻寫住「半價$168」。我老豆好開心啦，因為我地岩好11個人。但唔小心就係冇留意到個「晚市」兩個字，不過都算了。個叫自己唔知鄭經理定謝經理既人，扮曬好口，李生前李生後咁。然後我地話，咁我地11個人可以點隻燒鵝啦係咪？個經理話係啊，抵食啊！（我想問，我地指住個poster既時候點解佢唔提醒我地係晚市，然後仲話係啊，好抵食。我覺得佢哋根本就係有心唔提你，咁意圖就已經係想呃錢啦）跟住唔知點解上咗兩籠我地冇叫既送，不過我公公年紀大唔知道已經夾咗就算了（真係令我覺得好費解，冇點格硬打咗單，不過茶樓有時都發生就算了）然後到埋單，隻燒鵝$168變成$440。本身諗住就算「半價$168」咁正價都係336遮，何來$440。啱先好好口個咩謝經理即刻反轉豬肚，大大聲話「中午唔同價喔」。今時今日香港，邊度搵d中午貴過夜晚既地方啊！而且你張門口完全冇寫「中午晚黑唔同價」。今次真係見識到茶樓點呃人。同埋成件事令人最嬲既係，佢哋既意圖就係呃人，見你誤會唔講，更加引導你消費。我只能夠

老婆想食北京填鴨，又可以食火鍋，又話有小食放題。諗住試試買Yahoo呢個團購，咁就中伏。去到等個湯底等咗半粒鐘，東張西望開始直到做完，先有個好似滾水嘅鴛鴦湯底送過唻。剔火鍋料，加小菜紙，再問佢送填鴨，再等半個鐘乜都無送唻，得個鍋底係度滾，心情跌到落谷底。諗住起身問佢攞返張Q磅揾Yahoo退錢。佢就送幾碟火鍋料同埋填鴨（半隻得八片）唻，諗住佢上得慢咁就再剔喇。果幾碟火鍋料食完（只有三片牛肉，尤魚，三隻蝦，響鈴，同豆腐）填鴨食完又坐係度等，小食無影。最後忍無可忍起身走人，我連要現金比嘅服務費，我都唔比。點解可以有d人可以咁做生意。我聽日就打上Yahoo投訴。

本來慶祝生日，見咁多長輩住響附近，就搵一間近近地，方便搭車嘅酒樓，聚下，食下飯啦。上網見到呢間酒樓有優惠，6人餐768，上網搵間酒樓，又無資料，一個食評都無。我心諗，可能新酒樓，做緊優惠掛。於是訂位喇。上到酒樓，間酒樓一啲都唔似新，周圍都好舊，而侍應話我地因爲有8個人，所以6人餐需要再依額外人頭加錢，每人頭加200蚊。另外任飲要加錢，再茶介，服務費因爲星期六日關係所以再加多啲。最後都要成千幾蚊走人。至於味道方面，好一般水準嘅酒樓，服務態度都係好一般。當本來好期待壽包環節，好在望到包底有舊黑色野，睇清楚原來小強囉！！！長輩有啲都咬緊個包，即刻想嘔出嚟。搵經理，經理話只好比多一籠壽包，我地見到壽包都已經無晒胃口⋯⋯⋯⋯

環境一般，衛生一般，食品部份尚可（海鮮、叉燒）都算係咁。要加$50升級先有得食，但牛肉真係不得了，根本食唔到落口，見到人地仲誇張，好似得肥肉咁制，更加唔駛食。加$50食海鮮飽就算了。點嘢食第一轉已經嚟唔齊，跟住再點點極都唔嚟，要追服務員先嚟一次，起碼點4～5張紙先嚟一次嘢食。去廁所仲要見到佢地用筷子通個洗手盤，望住佢都落無其事咁，仲要同我講通唔到添，跟住繼續！服務態度差，不停激嬲客，送嘢食勁耐，等到人地都走埋。