華星冰室 (西洋菜南街)

营业中

休息中

老公帶我食好西，佢話呢度出名，平日日頭經過都係排長龍啊！晚餐反而唔使排隊，即刻有位。老公推介意粉，我就想食通粉，order常餐义燒意粉改通粉，唔知點解侍應問係咪要炒蛋，我又順應佢改炒蛋，有點後悔。總的來講，通粉質地唔錯，之但係湯底唔掂，有d杰，似乎粉漿過多，通粉煮過龍。炒蛋反而有驚喜，唔太生又夠味，配厚多士，即刻加番分。

今次有朋友係外國返嚟，於是特登帶佢去朝聖食—— 華星冰室☕️🍜🍞但今次有啲失望，我哋每人叫左個常餐，有叉燒意粉 多士同埋炒蛋🍝🍞🥚首先，叉燒意粉個湯底冇之前咁濃咁creamy🥺🥺🥺雖然叉燒都係薄切，但係感覺上比之前少😭😭😭😭而且意粉比較軟身，咬落去唔夠彈牙！然後，再嚟炒蛋比較稀，但勝在頗滑🤘🏻呢間冰室大部份時間都好多人，好多時候都要搭枱。如果要同朋友Catch up坐低傾計嘅話，就真係唔建議🥴

幫襯華星，全因為朋友從星加坡返黎香港，指明去華星食早餐，咁... 無辦法啦，順吓遠方朋友意思.門口貼哂海報，唔知入面咩環境，入到去，爆場！望吓個餐牌，選擇極少，無咩心水，再望望其他食客，個個都點通粉，咁... 是但點個通粉早餐算，邊食邊等.再望望個CCTV，吓？已經要排隊！有咩咁特別吸引要排隊食通粉？首先通粉唔係我中意嘅坑通，通粉亦煮得唔夠耐，唔係我中意嘅口感.多士夠厚炒蛋滑，但都係一般茶記水平啫，無咩特別，價錢又唔係特別平，明星效應吸引？如果要排隊幫襯，我必閃，最滿意係冷氣足夠。

星期日同男朋友去食Tea突然好想食華星，男朋友話未食過，好想帶佢試哂啲佢未食過既野喔🤩🤩🤩好彩唔使等位就即刻有位坐，如果要等位我諗我應該會放棄，因為今日真係好熱。我地嗌左「叉燒意粉」「凍奶茶」「火腿炒蛋」「常餐」同埋「森美鹵脾」。。常餐就包左叉燒意粉火腿炒蛋加杯奶茶，首先杯凍奶茶我係少甜左，都係好甜，所以就叫侍應幫我換多杯，不過都係好甜「叉燒意粉」冇咩特別，湯底好似唔夠以前咁creamy ，而且叉燒都係薄切既，火腿炒蛋啲炒蛋比較稀，整體麻麻哋。「森美鹵脾」我反而幾鍾意，啲瑞士汁真係好夠入味，果然係招牌嘅菜式

位於旺角西洋菜南街107號地下的華星冰室，主打茶餐廳，茶餐廳的裝修十分有特色，吸引不少遊客來吃飯。冰室的位置位於旺角，地理位置方便。。和其他茶餐廳一樣，餐牌都是夾在桌面上，而且中英對照，清楚易明。晚上六時至十時半提供九款碟頭飯，可以半價點一客飲品。碟頭飯份量十足，身型高大的男士也夠吃，女士們也可以分享吃。落單後約十分鐘，食物便來到，新鮮熱辣。首先來到的是蔥油雞脾紅腸飯，雞脾的尺寸夠大，啖啖肉，很夠送飯，香口而不膩，可見炸雞脾時的油溫控制得宜。蔥油醬的味道也相當不錯，當中加了不少蒜粒，令整體味道更豐富。旁邊還有粟米粒和紅腸作伴菜。茶餐廳由男士主理，食物份量相對地較為多，但整體上環境也頗為乾淨衛生。。另一款為滑蛋叉燒飯，叉燒片長長得一條，主要是瘦叉燒，味道微甜，份量充足。滑蛋汁口感滑溜，味道鹹鹹香香，而且還加了少許韮黃和香蔥吊味。當日天氣炎熱，點了兩杯冷飲作跟餐飲品，飲品夠大杯，口感冰爽。凍檸茶味道頗佳，茶底出色，味道回甘。阿華田味道濃郁，加了少許淡奶令口感更幼滑。

平時食華星已經慣左一入去就叫常餐通粉炒蛋熱奶茶🙆🏻‍♀️ 好似係第一次同朋友夜晚去食～ 原來依家出埋晚餐🍴我地叫左兩個餐 咖哩牛肉🥘同鮮茄雞扒🍅 兩個餸都好夠汁同超好餸飯🤤 餐配兩大碟白飯🍚 四個人都夠食😋 晚餐包埋餐飲 華星嘅奶茶真係夠香滑☕️😍 一流👍🏻 滿足又經濟實惠的一餐😆

可能越出名水準越差，見到好多人介紹以為好好食入到去，餐廳服務好一般，菠蘿油唔熱嘅，檸檬茶一送到黎就已經係有苦澀味好苦好苦，大概個朋友過嚟試點知水真係咁都幾失望下

華星冰室常餐好出名，無論早午晚都好多人食常餐，咁晚餐🥣Menu你試過未？🤣-🐷咖哩豬扒飯咖喱味道夠香辣，撈飯一流，豬扒亦一啲都唔嚡～-🍗蔥油雞牌紅腸飯雞髀炸得熱辣辣而且外皮香脆，雞髀肉仍然保持嫩滑質感👅仲有特色菠蘿冰同紅豆冰，分量十足架！-食物質素不錯，環境都可以，冷氣夠凍，員工主要係中年嘅男人，感覺幾有人情味，同埋做嘢好快手！同埋出菜真係好快，唔使點等，特別係肚餓一入到黎好快就食得。...🌟全線華星冰室 18:00-22:30 供應.其他餐牌：

餐廳冷氣夠凍。常餐47元，美味，夠飽，抵食。叉燒湯意粉，叉燒份量略少，肉質𣎴靱，有少少甜味，意粉份量足夠，意粉軟硬適中，湯底淡淡地，有少少雞湯味道。火腿兩小片，未經煮熱。厚多士手兩大片，外脆內軟，有牛油味道。炒蛋軟滑好吃。熱奶茶香濃。

平時去華星冰室都係食早餐同常餐多☺️行過見到晚餐有新Menu就一於去試吓先😍叫咗滑蛋叉燒飯，啲蛋真係好似嗰啲粟米羹咁好滑呀！平時都好鍾意食華星嘅叉燒，晚餐叉燒份量都夠多又唔會好多肥肉，啱晒怕肥嘅我，雖然係瘦叉燒但唔會好難咬！仲叫咗套餐配嘅熱檸水，估唔到都好多片檸檬🍋喎😍足料👍🏻咖喱豬扒飯咖喱帶點辣，唔係甜嗰隻嚟嘅，加埋豬扒薯仔一齊送飯食，好滿足！豬扒有口感，唔會話好林，雖然係炸過但係唔會好肥膩！

一個人嘅浪漫應該係蔥油雞脾飯兩個人嘅浪漫就叫埋滑蛋叉燒飯晚餐：蔥油雞脾飯 你以為主角係雞髀咁就錯喇！係蔥油呀！將佢撈埋啲飯到，加埋甜甜地既粟米粒，唔洗有餸，都可以成碗食晒。大大隻炸雞髀，脆雞皮咬落去肉嫩雞油仲系入面，配上紅腸夠曬老鬼。滑蛋叉燒飯叉燒成為了最佳配角，因為汁先系主角，配上蛋花入口超滑溜，滿載蔥香，鐘意食濕飯既可以大口大口吃，五分鐘必食完，兩個晚餐，兩個人，飲返杯正宗港式奶茶，簡簡單單又一餐

之前經過旺角，想食平平地，就走左去好出名既華星冰室食晚飯啦。原來最近晚餐新左menu，我地分別叫左鮮茄豬扒飯同葱油雞脾紅腸飯、各$65連一杯熱飲。鮮茄豬扒飯真係用新鮮番茄整個番茄汁，個味道唔會好假同太酸。而且豬扒都好多舊，都好霖、汁同飯既比例剛剛好！葱油雞脾紅腸飯，本身見到得一小堆葱油，怕會好乾，但完全唔會、非常夠味唔乾！蒜蓉味道比較重。雞脾紅腸係乾炸，姐係唔另外加麵粉炸，好香脆、雖然紅腸就油左少少，但又唔會有厚厚既麵衣！雞脾裏面重好juicy~少食茶餐廳、冰室既我都讚口不絕！

我很愛吃華星， 已經來過好多次， 平常都是吃常餐或是重口味出前一丁 超好吃的！這次來看到新推出了幾款晚餐， 就試試看吧！蔥油雞脾紅腸飯華星的炸雞脾是很出名的， 先醃製過後炸得脆脆的雞脾， 一啖雞脾一啖飯， 再搭配特製蔥油來拌飯，正！ 紅腸也很好吃。再配上凍檸茶港式紅茶加上幾片新鮮檸檬， 和預先加好的糖水， 酸酸甜甜的，好清爽！好味！滑蛋叉燒飯很港式的滑蛋， 煮到像羹的蛋汁來拌飯吃， 這樣飯會充滿蛋香和蔥香叉燒有6塊， 比較瘦但不柴， 不用擔心會吃胖。熱奶茶熱奶茶也是華星的招牌菜之一， 也是我每次來必喝的。 金黃色的奶茶， 茶味和奶味的濃郁配搭， 喝完還有點回甘。想吃個港式復古晚餐！ 來華星吧！

餐廳的星味濃烈，周圍放滿了不少明星的合照與簽名，很遺憾，從沒遇上明星呢。回頭率高，食物都是有水準的。要是門外沒人排隊，一定是來旺角吃東西的首選。還是最愛營養餐，既輕盈又飽肚，全日供應，有點像all day breakfast。炒蛋是厚實的，有蛋味跟牛油味，多士是香脆的，烤至金黃色，沒有邊。火腿是煮的，非油煎炸，不是很油。哎呀，怎麼營養餐有加工食物？看清一點，這餐有碳水、蛋白質、脂肪，不就是一份完整的餐點嗎。唯桌面比較狹窄，繁忙時間要搭枱，跟對家的食客共享桌子時，低頭進食時容易碰到頭，得很有技巧、禮讓的，進食每一口。

去親華星冰室都係食常餐同多士，今次發現左佢地新出嘅晚餐，菜式同價錢都ok，所以決定試下！我試左當中嘅滑蛋叉燒飯同葱油雞脾紅腸飯。.滑蛋叉燒飯係我去茶餐廳成日叫嘅菜式之一，所以我都有番咁上下要求🤣有好多茶餐廳嘅滑蛋叉燒飯其實係炒蛋叉燒飯，但最正宗嘅滑蛋叉燒飯其實係好似華星呢個咁，個滑蛋係好似有蛋絲嘅芡汁咁，撈飯食一流！另外，華星嘅叉燒瘦得黎唔會好柴，咬落去都有肉汁，調味又唔會太甜我平時好少叫葱油系列，因為好多時啲葱油會搞到個飯同麵濕哂，啲油浸到成碟好肥膩，食一兩啖就會唔想食。但華星嘅呢個葱油飯唔同，個葱油係擺係白飯上面，撈幾多落個飯到悉隨尊便，幾貼心。我試食左少少葱油覺得好香口而且唔係好膩，所以我好大膽咁撈哂，我食到一半覺得個葱油可以再多啲啲就好個炸雞脾好正🍗size已經取勝，仲要外皮炸到好脆但入面保持到肉嫩多汁，好食到我平時唔係好食雞皮嘅人都食哂，哈哈.題外話，侍應好友善，係客人走嘅時候會提醒客人拎齊物品。總括而言，正價比高，味道一流，值得一試！