影片
以上资料只供参考，请与餐厅确认详情
是日黎到華記新舖食晚飯，不用等位！華記有個特價小菜推介，碟碟$52.都好多選擇。 由於太肚餓2人決定叫3碟小菜，xo 醬翠肉瓜炒豬頸肉$52，一上桌好大碟，味道就一般，還可以。京都焗肉排$52，呢個就誠意推介 特別之處係佢係用排骨，唔係用梳打粉搞到無晒質感ge 豬扒，而且平時食京都肉排，一定洋蔥多過肉。呢個味道濃味甜甜地唔過咸，真材實料，粒粒排骨，$52真係抵到爛椒鹽茄子拼鮮魷$88。茄子炸得通透唔過乾，但鮮魷就唔合格粉厚兼無味！3個小菜加1白飯，埋單200頭左右…
继续阅读
店名：華記小廚地址：香港仔湖南街好味指數：7.8／10價錢：$53三杯雞飯+例湯+白飯（轉肉燥飯+$5）呢間鋪開左一個月倒，次次行過都見無咩人食，以為一定唔好食。今日鼓起好大勇氣入去試佢其中一個招牌菜色-三杯雞。先說例湯，可以說是真才實料，不似普通茶餐廳例湯般，這裡的比較濃郁，湯料也挺好吃，喝後也不感口渴。肉燥飯也不錯的，餸料和汁夠多。三杯雞的份量非常大，兩人吃也非常夠，而且配料如蒜頭，薄荷葉等也做得相當好吃。誠意推薦！大家要多多支持呢間小店啦！ 查看更多
继续阅读
其實最一開始都唔知呢間店啦，因為有朋友介紹，所以我地全家人就去咗呢度食野，咁呢度的開店時間由下午4點開到凌晨2點，因為佢開呢段時間啦，所以我地先揀呢間店，因為我地可以慢慢食，而且我地屋企人返學的返學，返工的返工，好難約到時間，但呢間店開到咁夜，岩曬我地的聚餐時間，唔會好似趕綿羊咁，食完就走咁辛苦。佢地的野食有好多，睇餐牌時睇到眼都花埋。見到咁多野食，咁我地一家人就一人揀咗一個菜先，我地有十個人，包括親戚，所以我地就揀咁十個菜先，我個朋友強力推薦咗個雞煲，所以我地就第一個菜就揀咗雞煲。華府記雞煲$138因為我地係9點鐘之後先去，所以我地有半價，所以真係好底，而且呢個仲係個度我招牌菜，個度的員工都有同我地介紹呢個雞煲～^_^個雞煲又幾足料下，同我地係出面食個d雞煲都幾似下，但係個d汁都幾好食。之後我地又選咗水煮佳花魚，佢要$178，比雞煲仲要貴，但係我真係好鐘意食水煮魚，所以我最後都有揀到，雖然比雞煲貴，但係都係正常價錢。好好食啊！！燒沖茨仔牛柳粒$98，其實我地食呢個餸係為咗個啤酒，佢送咗一枝啤酒，咁我係唔飲酒，佢地鐘意飲就叫吧，反正我都只係食個d牛柳粒，額，其實同牛肉差唔多.....豉椒炒蜆$52其實真係平，平時係茶餐廳食都冇咁平，d汁真係好好食，但我唔係幾鐘意食蜆，我覺得食得好麻煩，但係佢地想食，咁就叫咗呢個餸。仲有其他野食，冰鎮鮮鮑$28，超平囉，28蚊!！！本來睇到咁平就諗住試食下，但平都會有好野食，唔係貴先係好食。仲有台式鴨舌$48、蒜香凍花螺$68、鹽酥雞$58咁上面個d都係特別好食個d，仲有其他我唔係幾記得啦。但整體黎講都係唔錯的，因為d野食都唔算太貴，而且d小菜都好好食，好采有朋友介紹唔係都唔知有間咁的店。Ps:其實間店搵路係幾方便下，因為佢係巴士站旁邊，咁落咗車就好快見到間店，但係因為我地多人，而個段時間又幾多人係個度食，所以我地要去後巷上2樓（間店有2層，幾大下），上樓梯個條路又斜，唔好行囉。所以係呢方面我真係要強調下，如果想去食就要早小小去，唔係就要去後巷上2樓。
继续阅读
6家人約到一齊食飯真係好難得！不過地點真係好難唸，尤其當中嘅七小福！而家同學仔爸爸推介呢間小廚！話食物一流，仲可以比到閣樓雅座！包到兩張大枱！咁大家當然無問題！去到時原來閣樓要在後巷進入，而且要行上一條好斜嘅鐵梯！上到去無窗！比較焗，有一枱客人頂唔住轉返樓下坐！環境係三張大枱加啲細枱！比較窄！上面有廁所（只限開小）加個水吧！去到熟手嘅已經叫定食物！（因為唔係我叫，食物名稱我自己唸嘅）香煎豬潤：呢個賣相黑媽媽，味道無得頂，一向我對豬潤一般，唔鍾意沙沙嘅感覺，呢個唔會不特止，彈牙加個惹味醬汁（好杰身，好似叉燒醬）我哋直頭食晒encore之外，再留返啲汁去點其他食物！我比咗一件肥髀，佢照食都無話有怪味！蛋黃小卷：賣相可愛，好似切片嘅烚蛋，但蛋黃有撈啲咸蛋同火腿？真係唔知點煮！味道咸香，好特別！炸珍珠蠔：細細隻，好香口，蠔無沙無怪味！送酒一流！金蒜娃娃菜：平時唔喜歡娃娃菜嘅我，居然覺得好味，娃娃菜煮得透，索晒汁但又保持到咬口！上湯唔會過咸，清甜好味！水煮龍疐（小辣）：個賣相舖滿辣椒好恐怖，但食落只有小麻，唔會無晒知覺！魚肉好滑，最令人回味嘅係墊底嘅闊扁薯粉，好彈牙又索汁！夾雜嘅青瓜可以解辣！正！口水雞（小辣）一樣小辣！唔會比汁液搶走雞嘅味道！雞肉好滑！食得出食物原味！招牌炒飯：好香好香嘅豉油王炒飯，飯粒沾滿豉油，粒粒分明，飯粒乾身彈牙，其他配料完全失色，蔬菜粒只係增加口感！正正正！沙拉骨：唸住呢啲餸無驚喜，點知都令人回味，沙拉醬酸酸地開胃，特別在排骨炸到外脆內軟，仲有肉汁！好味呀～～～梅菜扣肉：呢個梅菜偏甜！而且唔爽口，扣肉唔會有肥膩嘅口感，肥油已經迫晒出來，所以肥膏變得彈口！係個汁太甜失色啲！椒鹽雙拼（豆腐及鮮魷）：香口惹味，豆腐外脆內滑，仲要細細粒！鮮魷彈牙唔韌！好味！蠔餅：蠔仔用足，新鮮好味！但唔夠脆面，蛋液又無薯粉彈牙嘅感覺，只有蛋好削！可能呢度唔做潮州式，所以唔同！炸鯪魚球：唔知點解無比蜆介醬，不過我哋覺得夠味都無攞！鯪魚球彈牙，鯪魚味濃！好味！菠蘿咕嚕肉：酸酸甜甜，配炸得香脆嘅肉排，加爽口蔬菜！100分！炸豬手：自己對豬手一般，呢度南乳醃得入味，但我食嗰件骨太大！無肉，所以唔覺好味！食物無得頂，避風塘風味！所有香口食物好味道！店員勤快，攞汽水落單上菜一腳踢！對小朋友好包容，小朋友唔小心打倒汽水，攞毛巾同拖地！辛苦了！
继续阅读
此店開業以來，共光顧了堂食四五次，這是外賣自取的第三次，亦是比較失望的一次。從個人觀察所得，樓面員工的經驗和效率都進步不少，但廚房出品仍然飄忽參差。此店是唐樓地舖，面積有限，區內亦較少主打中式小炒的地舖，所以常常結構性地爆場。點了兩款特價小菜，因為外賣膠盒影響了賣相，為公平起見，沒有拍照。「蒜蓉蒸娃娃菜」($48)不吝嗇蒜蓉，所以充滿蒜香。但蒜味亦霸道地完全掩蓋了娃娃菜的原味，真難平衡！更糟的是，蒸煮後留下非常大量油膩的水份，把全部的娃娃菜淹沒，說是「油浸娃娃菜」更貼切。「紅棗雲耳蒸雞」($48)有紅棗，但未能散發棗香；有雲耳，又欠缺原味；有雞，但寥寥可數的雞件多半是頭頭尾尾，相信是下欄。整體味道只是來自調味料而非來自食物本身。同上，蒸煮後都變成「油浸雞」。特價小菜，理解的！總結：也許是特價款式，食物份量偏少。味道更是近乎不合格。跟之前幾次比較有天淵之別。這次兩道菜式都不能達到我的標準。考慮到是特價菜，亦考慮到當時客滿給廚房的壓力、外賣打包形成額外水份、節日晚市爆場等因素，性價比還是不合格。
继续阅读