華記食堂

营业中

休息中

少去石門覓食，今日決定唔食酒店底麥記，幾貴都吃返一間石門茶餐廳。時：早上11地：無裝修，但有看港產片的，真係，好似放飯的地方，好XX風雲甘。長枱黑盤，都可以啦。食品：H3和牛溫泉蛋大飯飲品：凍豆漿優：好好味只有蛋同汁，啲牛。。。。去吉吉食吧。飯超多，有多汁，食到尾都好多汁我相信係地盤飯size缺：無咩人，自助，但算貴，唔係酒店附近就貴掛衛生唔掂，都無咩人，又收乾淨食客啲餐盤。都有小蚊子，我怕飛入飯同飲品不回頭店。

今日返石門做嘢，去華記食堂食晏，黎一個三餸飯，雖然選擇唔及真正嘅三餸飯店，但勝在出品企理，味道合理，地方夠大，大熱天時冷氣充足，我係會員仲有例湯/油菜/冰凍綠豆沙送，我揀左綠豆沙，真係食到飽狠死😅 三餸飯叫左鮮茄滑蛋牛肉，酸甜度啱啱好，牛肉又唔會老，滑蛋蝦仁炒蛋，蝦仁略嫌細隻，但係蛋仍然係嫩滑，香辣蘿蔔牛筋腩，牛腩頗淋，蘿蔔都鮮甜，帶有少少微辣，非常開胃。眼見現場大部份客人都係男士，相信呢度份量充足。

扒完龍舟飢腸轆轆， 叫咗午餐68元雜扒少飯奶茶+生菜10元。 黑椒粉茄汁醋自助隨意加。 份量ok， 我習慣去比較唔同餐廳奶茶的質素， 但呢間奶茶no comment. 其它OK 環境寬敞舒適。

X你 比六十幾蚊食個餐都受呢度員工氣叫你比隻「差」我姐我怕你聽唔到咪叫多次囉…都比你話希望老闆提下邊個係客人囉食完一次 以後唔食 希望你哋執笠啦我又唔係態度差 我得罪你咩？！

華記食物種類都算多，加上公司係附近，之前1星期有3日成班同事去食，但每次都有同事被金毛女收銀員黑面同語氣差對待，而家基本上除非其他餐廳無位，我地先會去幫襯！希望餐廳負責人可以正視吓問題啦！

食餐飯姐都要受氣，個收銀真係每次都黑面😒😠好似個個都欠咗佢咁，仲要比佢鬧以後唔要跟佢㩒機程序🤬。其實淨係收銀有咁大怨氣咩？仲要係對住客人喎。強烈建議佢轉其入廚房應該無咁燥

估唔到在華記都可食到 韓式燜牛尾飯，熱騰騰的牛尾，味道有少少辣，汁唔夠多，紅蘿蔔比例較多。味道4.5/5分。飯與餸的比例不平均，餸應再多一點會天好。凍奶茶，可能冰化了，今次有點淡，可天濃一點

最近常與公司同事出街食午餐，唯一食極唔厭就是華記車仔面，我的最愛，作為一個牛魔王今次叫了個自選車仔面，三餸一面，牛腩汁配肥牛、牛肚、牛腩米粉，味道4/5分，失在一分在於，分量不足，唔夠食啊，速度4/5分，提醒大家食呢間車仔面係唔洗叫菜的，佢哋個車面係有菜的。

今日又同同事到華記食飯，今次等多一陣，叫左個下午茶—公司三文治配熱奶茶，本來以為公司三文治分量唔會太多，其實剛剛好。公司三文治夠分量，如果是午餐肉就更好。薯條有點軟了。熱奶茶夠滑，更多奶會更好。

餓到唔記得影相日記--今日又同同事出街食，今次食我的至愛---車仔麵，呢間店係會送菜，大家唔好蝕底比佢。今次叫呢個車仔車仔麵，有豬腩&牛腩&牛肚(牛腩汁)米線配凍OT，夠米，好食，好足料，味道4星

心血來潮想食啲‘’邪惡嘢‘’，所以選了這個鐵板蒜片燒汁豚肉飯！😋第一下，有些似Pepper Lunch的感覺，係用的醬汁不同，之後見到有很多芝士係面，太開心了，不用加錢都可以有甘多芝士，對芝士控的我，有些驚喜！🥰味道上，豚肉都不錯👍在這偏僻的石門工業區，找到這質素，也是稱心滿意了😘😌😗

上星期先去完石門呢區，今日又黎石門見客，不過就係下午茶時段，客人叫我黎左一間食堂，但門面睇落真係唔似食堂，入到去先知原來係快餐店咁既食堂，裝修有啲工業風效果，下午茶時段無乜人，環境清靜，坐得舒服，我同客人買左個西多士，我就要左個厚鮮牛油蛋多士，老實講，又真係幾好食，但就好邪惡，一入口勁大舊牛油，食完呢餐真係要減減肥，價錢都唔貴，估唔到石門工廠區都有呢啲質素既食堂，下次放假可以再去石門睇下仲有咩好野食。

咁啱嚟到呢邊諗住食個下午茶醫肚啲下午茶都算幾貴 就咁一個乾炒牛河都要43蚊成碟牛河有四塊牛肉 無牛味就不在話下仲要有啲怪味.. 咬都咬唔爛炒河勁油 火喉都未夠不過依到無咩野食揀 無計..

因為工作關係基本上都係去到邊食到邊，但係呢間真係接受唔到。求其叫左個霸皇雞飯，食飽就算啦！首先個飯唔算太熱，啲雞又肥又無雞味，都算，而家唔係咁容易搵到有雞味嘅雞。重點黎啦！首先啲葱上枱時已經黃晒仲有陣醋味，唔係主菜問題不大，啲雞熟唔透，仲要凍嘅！反轉睇仲有驚喜，內臟都未清晒！唔係咁玩呀！60蚊食啲咁嘅嘢，真係無下次！

華記係石門既老字號， 前幾年翻新過， 靚左好多， 我通常食早餐， 好少食晏畫。但係近日佢有個$39lunch, show 一show 會員app就有， 我就去試試。今日特價既係黑椒汁煙鴨胸豬扒意粉， 會員價$39。 食得快得濟唔記得咗影相。碟野好大碟， 呢個價可算係疫情價， 鴨胸係厚切， 豬扒好大塊下， 如果配飯會勁飽， 我就鐘意佢配意粉啦。黑椒汁味道夠濃， 唔會水汪汪，豬扒有味都鬆軟， 鴨胸亦不會太肥， 味道適中。 最緊要係咁既質素 只賣$39！ 佢每星期唔同 未知下星期係咩， 不過會員app會通知👍 仲有， 我同事以為呢間係藍絲華記既， 其實唔係， 呢間係另一個集團， 同佢無關， 黃店黎架。✌🏻✌🏻✌🏻