華記餐室

营业中

休息中

同女朋友行大澳既第一餐！見呢間茶餐廳個樣都幾是是正正，就入左去食，因為實在太餓了，所以好快就點左兩個餸！女朋友話想食咸牛肉蛋治就叫左一份，一人一半。份量雖然唔算多，但論味道黎講，真係一流！蛋亦非常滑，半生熟，牛肉非常碎，所以配埋蛋既時候，食落都超滑。咸度剛剛好，唔會過咸，然後就係蝦醬炒飯，40蚊黎講，個份量都算幾多🤣蝦醬炒得幾均勻，淡淡鮮甜味，飯則粒粒分明，口感都唔錯。不過最估唔到係咁平既炒飯仲有蝦食！

叫左個沙爹牛肉湯米$36;分量十充……好大碗、牛肉好多、米粉仲多仲有幾條生菜㖭。味道就一般無咩特別、全天侯都無餐叫的;要全部散叫。枱上有杯有水供應。地方都乾淨同服務快的

It's all because of the delay of my bus 1/7a public holiday But also Saturday So we're not aware of it is a holiday So the bus is 30 minutes a turn having to wait for 23 minutes that is why I am in the Wah Keeits sort of famous and old inside Tai OBut seems I have never been here I order a sandwich No breakfast set Egg and salty beef sandwich 19$although the plain tea they give me is really hot Still Food is expensive in Tai O yet besides the hot tea ☕️ The water wah Kee provided Is ice cool 😎 💯😅

寒冷天氣警告下郊遊，熱量消耗量大，好快肚餓，去到大澳，好多店都無開（天氣凍大家都唔想郁？）氣溫下降又大風（仲甘過沿途嘅時候）快快坐低食飯，選擇唔多，但求有擋風位，呢間好友試過，普通茶餐廳格局，入內已經無乜客，好多枱都食完未執，個伯伯叫我哋坐對正風機嗰張（得嗰張乾淨）佢自己慢慢再執，食物大路茶餐廳食品，快快叫咗兩樣，無叫飲料！叉燒煎蛋飯（$42）賣相正常，叉燒唔嚡，外邊蜜汁微甜，半肥瘦唔會柴皮，ok，煎蛋煎得蛋黃半熟，蛋白熟而嫩滑，好味，白飯較硬，而且微暖，唔夠鬆軟！整體一般奶醬多（$9）只係一塊切半嘅多士，份量細，烘得香脆，練奶加花生醬無敵配搭，半溶好味！伯伯加一個清潔姨姨慢慢收拾，姨姨用幾勁漂白水味嘅水拖地，我哋食緊時，無視我哋拖我哋張枱底地板（想點？）伯伯唔出聲嘅，問佢可唔可以比熱水我哋，佢斟咗就放低，反而收銀婆婆好好笑容！

呢幾日去左大嶼山蒜魚灣露營，所以都預左唔會有咩大餐食，正正常常就夠啦。不過第二日突然間醒起，行出去大澳都係兩個鐘左右，不如就係個邊食埋野啦！假期既大澳真係好多人，所以都無特別去搵邊間好食，是但見到呢間好似唔錯就直接行左入去。呢度無靚靚裝修，睇落非常舊式，好似70-80年代個種傳統茶室/冰室，環境相當old school。今日食菜遠牛肉河，個牛肉唔係醃到軟綿綿無哂味個種，入口仲有正常既牛肉味道同質感，個汁份量剛剛好夠撈河食。成碟既份量都幾大，係平時食個d既1.5倍，如果唔係山入面餓左兩日出黎，應該會食唔哂。唔知係因為餓左兩日，定真係咁好味既關係，同老公兩個人一路食，一路讚好味，真係好好味！

聖誕節去了大嶼山露營，其中一日就行左去大澳行下街。露營無乜特別食Ｄ乜，只係１Ｄ罐頭呀麵呀之類，所以黎到大澳就即刻搵間茶記食返個炒飯先。一入到華記，就感受到一股懷舊既味道。無乜花巧野，你想個飯有咩餸，菜單上有既你都叫得。所以就叫左舍菜遠肉片飯同凍奶茶。凍奶茶茶味重左Ｄ，但奶同茶既比例幾好，不過無圖，因為太口喝，飲完先醒起無影返張相先。無幾耐個飯就到喇，鐘意炒底可以加錢叫，佢都有。Ｄ菜就硬左少少，師傅應該就咁掉Ｄ菜落鑊炒，鐘意爽脆既應該無咩問題，如果鐘意食林身就唔掂啦，因為比出面硬好多。Ｄ肉片幾夠鑊氣，夠入味，而且Ｄ餸份量適中。可能餓左成日，又行完山過黎，食乜都覺得好好味，但我都覺得應該試下呢Ｄ傳統既味道，係香港呢類茶記買少見少啦。

眾所周知香港是一個石屎森林的城市，在市區往往都是高樓大廈。當放假時總會離開市區，走到沒有大廈的地方，呼吸一下大自然的清新空氣。是日來到有東方威尼斯之稱的大澳，呼吸一下清新空氣，也可看看那建築在水上的棚屋。累了，就到了華記餐室，稍為休息一下，順道來一個午餐。女友點了牛腩湯米粉，吃過少許，牛腩軟腍，米粉的爽口，算不錯嘛。好一陣子沒吃過炒粉麵，故點來菜遠牛肉炒米。當中的醬汁沒很多，但是休足夠。深綠色的芥蘭加上牛肉，看來不錯。芥蘭不硬而脆口，牛肉亦沒有纖維過靱又軟腍，米粉炒得結在一起，卻又脆口。其中一杯餐飲為凍奶茶，是在下的飲品。雖然是茶記經常吃到的食物，但是可以滿足多夠沒吃過的食物。

之前食過糖水和包包, 繼續向吃的方向出發。第三站來到人人讚好的華記餐室。我點了一份占醬多, 熱鴛鴦果占和花生醬比例平均, 搽得十分均勻, 每一口也會吃到甜美的占醬多士亦烤得剛剛好, 咬落去夠香夠脆但又不失麵包應有的香味。熱鴛鴦就真係麻麻地, 由其是茶味較為遜色, 花奶亦都落得唔夠, 所以飲落去稀溜溜咁。見到其他客人食緊大墟頭碟頭飯, 份量大到一碟可以兩人分享。不過人情味茶室，唔計呢啲。

在大澳隨便找一間茶餐廳午飯所以來到了華記我叫左個沙爹牛肉出前一叮$30平時出面食既沙爹牛肉都係一片片冇乜味但呢個牛肉似係新鮮牛肉一舊舊切出食左去竟然有牛味，牛肉亦好軟身至於出前一叮，煮得啱啱好因為好耐冇食過一叮，所以覺得今餐好食凍O茶呢個就冇乜特別，不過茶味較濃餐廳入面有個伯伯，都應該好老佢負責幫我地落單，但出奇地醒目一秒就寫完個order，完全冇漏單凍檸茶少甜都準確無誤到最後埋單，因為我地6個人仲預先準備好每人一張單比我地等我地唔洗計黎計去服務抵讚

今日去左大澳, 好多人呀, 入到去已經3點幾啦, 未食飯, 就去醫肚先, 呢間茶餐廳都好旺場, 我們叫左一碟時菜牛肉炒河, 每人一杯凍飲先, 好熱, 我飲凍檸茶, 媽媽飲凍檸水, 飲品好快嚟, 凍檸茶好濃的顏色, 味道都好濃呀, 好有茶味, 檸檬已經係篤好左, 好解渴呀, 好好味.果碟河等等等左好耐都未嚟, 問仕應攞定碗仔, 佢先問我們叫咩, 原來佢落漏單, 但係其實我隔離的人同我同時間叫, 佢都未嚟, 即係炒嘢係要等好耐架.又等左一陣終於嚟啦, 唔係好大碟的, 不過都好多菜及牛肉, 菜係菜芯嚟架, 都幾甜, 牛肉都入味及淋身的, 都好多汁的, 幾好味呀.

去完大彿, 坐巴士去大澳, 行左一陣見到呢間餐廳, 入去食個下午茶先!地方都乾淨, 檯與檯之間好闊落, 坐得好舒服!雞翼出前一丁 - 魯水雞翼, 雞翼都好入味好香, 不過個麵就煮得 "林"左d乾炒牛河 - 幼身河粉, 味好夠, 不過就油左d, 唔夠乾身, 牛肉無咩牛味, 咸左少少我地仲叫左一杯凍檸茶同一支大可樂, 每人HK$35, 都幾合理, 唔因會因為係遊客多的關係而加價要一提, 個侍應大叔好好人, 落單又快, 最重要係, 唔會因為有其他客等位, 而要坐緊的客人搬位去讓張檯出來, 反而叫人慢慢坐, 真係好尊重每一位客人!

同男朋友黎到大澳好肚餓~都係食左正餐先~我就食左個叉燒蛋治 $ 15都唔錯架 , 落料都幾足 而男朋友就食左個雞排飯 $29大大碟 ~ 都幾抵食 ( 但我張相手震了所以唔POST上黎啦 XD )待應幾好人~~因為我地重決定緊飲唔飲野既時候~佢就話 : 一係我幫你地落左雞排飯先啦 ~因為要慢慢煎~~怕你地等得耐 呢間可以話價錢同食物質素睇齊啦

黎到大澳，都無話想試咩特別的菜，肚餓時就求其搵一間入去食。一行二人，入去見到有蝦醬炒飯就試下，而且果日幾凍，叫多個枝竹羊肉飯暖身，想不到一試難忘。蝦醬炒飯：揚州炒飯+蝦醬，確實是一個美味配撘，蝦醬係大澳出產的特色醬料，一定要試。枝竹羊肉飯：羊肉幾軟綿綿，而且又入味，連我本身唔鍾意食羊肉既，食左一口都覺得好食。茶餐廳的飯確實係抵食夾大件，d飯多到我食唔晒，十分適合胃口大的人。間餐廳多做居民生意，可以見到佢地幾有人情味總結：大澳特色菜，一定要試，夠晒經濟實惠！

坐車車去左大澳~都係去左食上次食過既e間野食因為想食蝦醬炒飯^ ^男朋友話想食海鮮d既野..不過無~蝦醬炒飯繼續好好食^ ^不過真係好大碟~最尾都係食5曬~俾左男朋友食~好味好味好味既蝦醬炒飯.... 係楊洲炒飯加蝦醬..下次都再會食~個侍應好正..落單好快..可惜佢5肯同我合照> <

檸蜜必飲, 係大澳既蜂蜜, 唔識野既人拎佢同cheap菜蜜比, 完全唔識食夾唔識飲西多士必食, 牛油係檸檬牛油, 好香唔漏雲吞: 一碗12隻, 飽哂, 無味精, 無大地魚煲既湯底, 但雲吞大粒好多料