華香雞 (已結業)

好多年前經常喺旺角太子嗰間華香雞度幫襯 。聽講華香雞重出江湖，咁今日晏晝就去食咗lunch裝修就冇以前喺旺角太子嗰邊咁靚呀，只係一般茶餐廳嘅裝修。入到去，我就點咗佢嘅招牌華香雞黃薑飯 .我既愛人(老婆)就點咗烏龍茶香雞黃薑飯。佢雞味道ok嘅。但係冇想像中咁滑 ，佢哋標榜無味精、 雞精、防腐劑、冇人造色素可能呢個係冇咁滑嘅原因掛。以佢呢個價錢性價比係好高嘅 。食個lunch係絕對可以接受。如果你哋鍾意食雞可以去 一試。

先談談地點。如果搭巴士到海濱花園總站，穿過停車場行數分鐘便到華香雞。否則，要繞一圈。幸運地有茶香雞。點了黃薑飯㷛。餐$45, 送湯或熱飲。我要了湯。試了一口，全冇味精。湯內不少南瓜，豬骨。清甜。飯上檯時，如鐵板燒般沙沙響。飯熱呼呼的出煙！雞和飯中間是夾雜葱和洋蔥的炒蛋。如果有偏食的話，記緊事先張揚。否則，要自己慢慢挑了。其實，那洋蔥炒蛋。。。好食！原來。。飯底有層脆脆的飯焦！原本為雞而來，結果飯更吸引~

我係海濱嘅街坊，平時都無乜點留意依間餐廳，但今日經過依間餐廳俾佢好濃烈嘅雞香果吸引左。一入到間餐廳，拎起menu 見到有好多唔同種類烹調嘅雞。當睇到好疑惑唔知揀咩好個時，有個伙記好熱情同我介紹唔同雞有咩特別同埋傾左陣計關於華香雞嘅故事。原來依間鋪頭已經有差唔多三十年嘅歴史，係全盛時期差唔多有十幾間分店，不過可惜因為金融海嘯影響宜家已經得番一間。最後我揀左食茶香雞黃薑飯同加左個老火湯茶香雞個感覺同食油雞差唔多，不過有陣淡淡茶葉蛋嘅茶香味。隻雞唔油同好香口，都幾好食，不過口感有少少粗。至於黃薑飯，好似海南雞油飯咁好香。成碟茶雞飯40$都算幾好食。個日嘅老火湯係菜乾南北杏雞腳湯，好好味而且無乜味精，好有住家嘅感覺，強烈推介。雖然依間鋪頭幾好食，但好似仲係新開張階段，飲品選擇唔多。不過我都幾推介海濱人食依間餐廳

得知呢間老字號在荃灣落腳，我呢啲為食一族，又要出動啦！去到八點鐘，要排隊。等咗四張枱才到我哋。我同朋友兩個人初頭想食茶香雞，點知（賣晒）! 轉醉香鷄，又賣哂，係咪咁好賣呀唯有叫招牌菜-華香雞（半隻）配例湯（加$7），味道比較清淡！華香鷄雞肉嫩滑，唔太肥，鷄本身已經鹹鹹哋（但冇乜鷄味, 可能係冰鮮雞的原因吧！）唔點蔥蓉都可以另外叫咗一個華香雞+黃飯煲，原來有差不多半隻雞咁多，配炒蛋+炒飯。蛋炒得夠滑，不過炒飯底好油，本人不太喜歡！另外叫咗咖喱牛腩試一試，不過本人不太識欣賞，因為牛腩汁好淡今晚食咗好多嘢，超飽，但味道不是想像中的老字號，食完仲好口喝添！

一個消失的品牌。華香雞，曾經風光一時，分店遍地開花，勢頭似搞上市。忽然，後勁不繼，甚至有回塘跡像，最終，分店數目減至零。我不在死因研究庭工作，沒有考究它的死因。人屎不能復生，但品牌垮掉卻有權復活。某天，路經海濱花園，驚見華香雞的名字。當日店子仍在裝修，工程搞得七七八八，看來不日便營業。此時，我己將這店子，悄悄地放在我的Wish List之中。有個晚上，屋企無煮飯，要食自己，我想，機會終於來了。阿姐向我推介煎麵，說十分好吃的。既然如此，煎麵就煎麵啦！可配雞、牛、豬或魚，咁，梗係叫雞喇~學麗梅姐話齋，雞有雞味，可是，肌膚很粗嚡。或者，最近出現關公災難既化妝品品牌，可考慮贊助些護膚品俾佢。所謂煎麵，或者是有輕輕煎過既，但我未夠明察秋毫，唔多覺。可以煎香Ｄ啦！原本想叫杯咖啡，但阿姐話剛剛開張，未Ready……