菲菲麵館 (已結業)

菲菲麵館-潮食麵檔前衛的黑白階磚，水泥色的外牆，紅色銀色的高椅子，和一般坊間麵店不同，帶來新潮特色的感覺。牛魔王腩汁麵無牛無歡的我，這款麵食就最適合我了，牛魔王有齊各種牛的部位，有牛腩、牛筋、牛展，牛尾、牛脷、牛肚，配上濃濃的腩汁，牛味相當濃烈，肉質又好，最重要是份量多，性價比之選。招牌大雜薈小食當然唔少得，招牌大雜薈有豬紅、魚蛋、豬皮、豬腸、牛柏葉、水魷魚、雞翼尖、生菜，款式多，爽口夠入味，配上甜醬辣醬後地道得很！芝士波士頓龍蝦肥牛拉麵大大隻的開邊芝士波士頓龍蝦，熱騰騰剛烤焗好的龍蝦，表面上佈滿熱溶芝士各芝士粉，彈牙、惹味！湯底選用海龍皇湯，當中啖啖龍蝦湯的鮮味，配上肥牛和麵食，完整度高的一款麵食。

好耐無食過車仔麵了，今晚心血來潮想食，所以就走到the wave 試新餐廳。嘩嘩嘩！連車仔麵都有長者優惠，$12有三餸，真的很少見到呢！我們點了兩個前菜，這個醉雞子有很重的花雕酒味，雞子一向少食，這樣食雞子還是很一次。另一款就是我的至愛酸薑皮蛋，實在估不到這裡也有這款經典粵式涼菜，皮蛋是糖心的，子薑脆嫩無渣，酸甜醒胃。我選了經典車仔麵$47，話明經典，就有齊車仔麵中最愛歡迎的食物，分別是魚蛋、豬大腸、豬皮、豬紅和蘿蔔。我再額外點選了豆卜、響鈴和花膠。我選了清雞湯和油麵，蘿蔔和豆卜都入味，豬大腸都幾乾淨，沒有肥膏，花膠大大件的，加點甜醬和辣油，正！蝦子餅就勇於嘗試，選了個推介牛鞭和牛波子麵$60，再點選了牛蒡，牛肚，來一個特制的牛肉臟之夜！他說當然要吃點特別的，他選了蕃茄湯及粉絲，真的是一反車仔麵的傳統，創新又特別。原來蕃茄湯都幾好味，很濃，酸酸的，很開胃。粉絲浸了蕃茄湯，真的不錯！

觀塘新開左間車仔麵，係the wave一樓，就同朋友幫襯下。經典車仔麵 $47 蕃茄濃湯米線向來係我既最愛, 湯底都唔錯, 如果米線軟淋少少就更正。 本身已經好足料, 有齊豬洪, 豬皮, 蘿蔔等等。 加料每樣9蚊, 加左海參，花膠同魚蛋。 魚蛋彈牙充滿咖喱香, 花膠同海參都唔錯, 不過份量唔夠多有d唔夠喉添。 朋友點左牛魔王麵 $56，一樣係勁豐富。 竹庶茅根海底椰 加$10 夏日炎炎又爆瘡, 適合點d清熱既飲品, 消暑解渴都唔錯。

講到車仔麵都應該好多人食過了，也是陪住成長食的街邊食物，朋友知我喜歡食車仔麵，就介紹我試下，首先環境已經不一樣了，地方乾淨好光猛， 職員很年輕和好有禮貌，由於是第一次來食沒看清楚買食程序，坐下就圈好自己想食嘅嘢！就給職員，他們太好了竟然送到我面前，後來先知原來是自己先買飛仔再去取麵食 頓時有點不好意思 服務太好了讚湯底很特色特別，餸菜也高級架！似酒樓餸菜，不似食開嘅車仔麵餸菜，價錢當然貴些啦！本人覺得中午餐就貴咗D，不過餸菜就好有睇頭所以不算貴，而且最不一樣是，我們入來食時係見有5個女仔，之後就來襯都一群一群男人來食，差不多有成廿幾個男人，呢間菲菲車仔麵果然不一樣的車仔麵。好光猛的門口細看餐才知買食程序蕃茄濃湯牛鞭牛波子粗麵 再加餸牛筋 海參 花膠 竹笙你碗麵 真的似酒樓食材海龍皇湯牛魔王拉麵 再加了餸花膠真材實料的花膠 好淋湯底望落去好濃 味道似牛腩味清甜飲館 好環保不是用膠的皮蛋酸薑好有心思 擺放很美配襯芝麻 入口好香

放工後，同老公去觀塘工業區內的outlet買完運動鞋，見時間不早，所以搵了這家車仔麵醫肚，雖然它不是什麼隱世美食，但勝在環境乾淨及舒適。我選了一碗三餸麵，沙嗲湯底又幾香，還帶一點甜；想不到會有驚喜，居然有"牛尾" ，忟得都幾淋；第一次揀菠菜，吸收沙嗲湯味後，味道又唔錯喎。另外，貪心的我，又加了小食"麻辣豬耳" ，口感很爽脆，如果麻辣味重一點應該更佳。而老公選了湯飯，他說很好吃，仲成碗食清光，我都試了他的"海龍皇湯" ，有蝦的鮮甜味，做湯飯又真係幾正。

這天放工後，我獨自在觀塘吃晚餐，經朋友介紹，我們決定試一試這間，進入店鋪後，看見店內的顧客很多，店內環境舒適和清潔衛生，給我一種舒服的感覺，便決定入去試一試牛魔王麵($56)香稔軟嫩的牛腩，非常香稔軟嫩牛筋，有嚼勁的牛舌，軟彈煙韌的牛尾，嫩滑細密的牛展，爽彈鮮美的牛大腸，十分彈牙的米線，用新鮮的番茄製成番茄湯十分濃郁，用細碎的蔥鋪面，牛的份量非常多，質素非常高，牛非常新鮮豆漿($10)豆漿新鮮，味道恰到好處，不會太甜整體來說，枱與枱之間有一定的空間感，冷氣的温度恰到好處，不會太凍和太熱，十分舒適，餐廳亦提供長者優惠，現今很少餐廳會提供優惠給有需要幫助的人士，是一間有良心的餐廳，老闆親自非常注重食物的質素，親自在廚房監督食物烹調的過程，食物的選擇延多，食物的質素非常高，食物的用料非常新鮮，價錢相對非常合理，店員有良好的服務態度和有禮貌，所以我認為這間餐廳值得再去惠顧

喺觀塘the wave入面開左呢間車仔麵，見今晚想食輕便啲就食佢嘅麵啦。室內環境佈置感覺好young好Fresh 同thewave嘅感覺好配合點餐係用一塊膠板加用白板筆揀選自己嘅材料感覺好新鮮得來又好環保♻️我覺得呢到好特別 佢啲湯底唔係剩係得腩汁或者清湯，竟然有番茄濃湯，海龍皇湯，麻辣湯等等。。仲有一樣幾特別嘅就係麵底竟然有得揀瀨粉同加芫荽好多芫荽，我叫咗海龍王湯底，好香鮮蝦味，瀨粉雖然唔係好吸味，但係飲海龍王湯都覺得好香濃。幾個送都幾出色，但係豬紅就略嫌失色，有啲咸，但其他都幾好味鴨腎煮得超淋而且好入味👍🏼👍🏼推薦牛𦟌淋得黎好重滷水味，覺得佢其他牛嘅配菜應該都會質素不錯👍🏼有機會可以試牛魔王套餐。因為覺得佢調既滷水汁整得幾入味車仔麵有得叫響鈴已經好新鮮，而且佢仲會分開另上，抵讚菠菜呀通常車仔麵都係得生菜菜心。呢度有多款菜選擇唔使剩係得1味咁悶湯底係成碗麵精髓濃郁蝦味同其他材料好夾 特別係枝竹呢啲吸味既食材

平時去開街邊食車仔麵，預左係污糟，今次這間舖有意外驚喜，裝修好靚，周圍乾淨，價錢又唔貴。桌上有四款調味料給大家選擇，連陳醋都有，總有一款岩你。我點了竹笙，魚腐，豬肝，竹笙超大塊，而且有好幾塊，餸都比外邊車仔麵多，點烏冬都不需要加錢。魚腐軟綿綿，又有鮮味，好吃。整碗麵絕對是餸比麵多，食得很滿足。朋友點了豬紅，牛筋，蘿蔔，蟹子丸，豬紅很香，口感是爽口的，不會黏牙齒。蘿蔔煮得很軟，配蕃茄湯好吃。點了可樂，原來是支裝，很有懷舊風。店內提倡環保，飲管不會主動供應，欣賞他們的用心。

今日去左bauhaus 開倉，行完之後見到有間新開既車仔麵，感覺都好乾淨係要先到cashier落單，然後再去自取我就要左個麻辣湯菜心+八爪魚+花膠+竹笙+南乳豬手粉絲好少車仔麵檔有粉絲食架呢個麻辣湯麻味好夠，不過辣味可以再多返少少就perfect喇可能我食得偏辣雖然辣味對於我來說不夠，但都有越食越想食既感覺花膠係用左新鮮花膠的，好軟腍腍都好大塊八爪魚都係好少會係車仔麵檔會出現，煮得耐左少少，有點韌，不過我好鐘意食八爪魚南乳豬手超入味，又炆得好軟腍一定要食呢個呀

本身諗住食對面間泰國野，但好多人排隊，排排下隊個侍應問我地食唔食車仔麵，唔洗排隊！我地見唔洗等 而且車仔麵應該無幾難食，所以就入左去！坐低無耐 無啦啦 counter出左條人龍，入去果陣都無架⋯突然有大概7-8人⋯原來係揀完野食出去俾錢買飛 再自己睇號碼去拎。一排排左3個字隊⋯拎到碗麵果陣簡直唔敢信碗野係自己架😧 文字已經形容唔到眼前碗野有幾咁瘋狂了，睇圖吧😩😩😩好想問下老闆到底呢碗野佢自己會唔會食得落？$12 果兩粒牛腩⋯唔知以為碗野係食剩架！ 整果個過到自己果關果下好野！試一次就夠哂⋯

到底係咩嘢會令到師傅寫食評呢? 係愛? 定係責任呢? 如果要師傅答，師傅會話係一種回憶! 偶然睇返自己寫過嘅食評，不經不覺發覺都去咗好多間唔同嘅食店餐廳，有些餐廳仍然屹立不倒，有些餐廳就已經關門大吉，有好味的也有唔好味的。呢啲回憶偶然攞返出嚟再睇下都幾過癮，所以亦都令到師傅想留住更多回憶。好閒話休題，話說早幾日好友食家'乜都放入窿'叫師父一齊食飯，難得夾到時咁梗係要去食啦，於是乎好友食家'乜都放入窿'就介紹呢一間餐廳，專食車仔麵嘅，理由只得兩個 ，第一師傅好鍾意食車仔麵，第二原來呢間餐廳係好友食家'乜都放入窿'嘅朋友新開，既然係咁就一定要嚟撐一撐場，學唐牛話齋一碗好食嘅車仔麵都唔係容易，就等師傅睇下乜野葫蘆賣乜藥。入到食店，店內非常光猛，冷氣都算充足，對一間新開嘅餐廳嚟講係非常之合情合理，所以入去第一個感覺係不錯嘅。 於是乎當然係睇下有乜嘢好食啦，唔睇由自可，一睇人都傻 ，嗰個餐牌嘅選擇種類係非常之多，淨係啲車仔餸都超過60款，作為一間車仔麵店黎講，呢個選擇真係非常之多，單單係湯底都有成六款你揀，問你死未! 花多自然眼亂，不過始終都要柯打嘢食。師傅自認個人比較保守，連食都係保守少少，所