萬發海鮮火鍋菜館

营业中

休息中

同事們一個月一次既聚餐，大家話想食中餐，同事提議不如try下大角咀亮賢居果間中菜館，佢住果頭既，次次食飯時候行過都見到排哂隊，呢個同事一向係一個可靠既證人，所以我地都無異議7點鐘一去到，樓高兩層既中菜館已經開始爆場人氣果然旺盛三文魚刺身，都新鮮既，但食落唔算好肥美蒜蓉粉絲蒸帶子，隻帶子好大隻啖啖肉而且超級新鮮粉絲索晒啲汁特別惹味胡椒豬肚雞湯據聞好似要預訂先有，勁大煲入面真係有個豬肚載着隻雞嫁！所以要等侍應過嚟，剪開左個豬肚先有得食隻雞同豬肚湯料十足，而湯頭十分甜美，勁濃郁好夠胡椒味，超好飲！大推薯仔粒炒牛肉個薯仔炸到卜卜趣先再去炒而牛肉好林身，咬落有酒味兩者夾埋一齊炒，真係好正啊雪𥚃紅，芥蘭煲，超惹味萬發石頭飯，好食！

琴日有同事做埋最後一日退休。有一個同事話出去大角咀食fell well飯，所以就介紹左呢間，放工之後去咗呢間度食宵夜。其實呢個地方都幾偏僻，出面成條街都無人，如果自己離開就要小心啲😥不過好處係大把位泊車。其實呢一間野可以當係普通嘅大排檔，但係我覺得水準比較高，我哋10幾個人帶咗八碟餸一煲胡椒豬肚雞湯，不過煲湯個人覺得有少少鹹。整體而言，食物嘅質素係比較高嘅，值得返去再食，只不過地點有啲唔方便。小炒王呢一碟野堅正，薯仔好食過牛肉蝦都炒得好夠味

三五好友 約食萬發雖然大角咀既位置的確有啲唔係好就腳不過有揸車既人 就會比較方便呢間地方大 有兩層 成間酒樓咁但都滿哂人 應該好出色下估唔到呢到頭盤都有刺身食 即刻叫左碟三文魚開下個胃 厚厚實實既新鮮味道🐠🐠🐠滷水豬腳仔 唔係到到有 但都好大隻 份量都幾多下 啲汁又好夠味 荷葉包飯 原來有成咁多配料 真係好香噴噴😋😋😋黃金魷魚 用o左咸蛋黃炒 啲味道拍得住大排擋既味道薯仔牛柳粒 啲薯仔炸到個皮脆身內軟 原來咁簡單既菜式都咁出色

今晚三個人三個餸。1、豉油皇鵝腸2、雪裏紅芥蘭3、麻辣雞煲 用石鍋上嘅芥蘭，見到內裏有蝦米冬菇粒肉粒，聞落都幾香。鵝腸賣相相當靚仔，明顯見到底層銀芽，跟住係主角鵝腸，面層係幼削蔥絲。不過！鵝腸幾大條但係漂過嚟個種，原先見個汁咁深色，點知食落淡戌戌而且又唔夠熱，叫人來換個碟。好咗d但都係偏淡。唔掂！最後嘅雞煲，香就夠香，食落麻椒偏少，唔夠麻，辣度就ok, 但係雞肉就麻麻，雞煲嘅香味入唔到落雞肉入面。食面頭一啖食到個汁之後。第二啖就無乜味，而且有d實，唔似新鮮雞。有啲失望嘅一餐

今晚經過這酒家見到有位便進去食晚餐。因為它經常滿坐所以每次都是走過吧了。這裡的 裝修及環境令人覺得這裏是一個食街坊小菜的地方 。坐下先叫了一支啤酒。本想試一試這裡的海鮮但可惜最近食得太多，所以叫了三個地道小菜試試這裡的厨藝。Menu 裡面有很多菜式。第一味是瓦煲通菜， 熱辣辣上枱，煮法及味道都不錯。第二個菜是咕嚕肉。色香味都可以接受。第三個菜是薑蔥瓦撐魚泡，味道及質量都很好。 這個晚餐很經濟及味道不錯。有機會一定會再次光顧。

以前去過深水埗老店好幾次，味道不錯知道大角咀有間分店，一行五人經過入去食入到去，話晒都係新樓下面，門面裝修比位處唐樓既老店好坐底叫左蝦，魚，蠔，整多2個小炒先上蝦，蠔，味道都ok一般海鮮飯店質素到上斑2味就出事了因為幾個都喜歡食魚所以沒叫例牌，叫左條$7xx既班整2味條魚有2，3斤重但是2味拿上來加埋都冇20舊向個伙記投訴問佢2，3斤既魚得咁多？同例牌有咩分別？個伙記看看後只是笑說一句“廚房今次真係偷得過份左”之後也沒有幫我地跟進咁既情況，之後什麼都食不知味隨後埋單$1xxx走左咁樣做生意法冇報警已經算同佢好客氣簡直不知所謂，永不錄用

已經係第N次黎位於大角咀既萬發海鮮火鍋菜館，但寫食評就係第一次！今次帶左係外國返黎既親戚一試呢間禁出名既小菜館。今晚雖然係星期四既平日晚上，但餐廳都坐無虛席，證明有幾巴閉！我地一共8個人，好彩有預早訂位，俾左張大枱我地唔洗迫！我地一共叫左6個餸，分別有燒鵝，乳豬，貴妃雞，雜菜煲，薯仔牛柳粒同豬肚湯！1.明爐燒鵝（半隻）燒鵝烤得油令令，令人非常有食慾。燒鵝既肉質非常鮮嫩可口，雖然睇落好深色，但味道剛剛好。2.即燒乳豬（半隻）乳豬真係做到即燒，而且非常熱騰騰，外皮燒得非常脆口，肉唔會過肥，半肥胖瘦，雖然只係叫咗半隻，份量非常之足。3.金牌貴妃雞（半隻）貴妃雞本身有少少調味所以都唔需要點任何醬汁，雖然餐廳嘅雞通常都一定係雪藏嘅雞，但係呢隻雞就食唔出任何雪味，雞既外皮做得非常爽脆，肉質亦都非常之鮮嫩。4.海味雜菜煲雜菜煲其實有兩款選擇，一款是海鮮，一款係海味，因為上次已經叫過海鮮所以今次就叫海味試下。雜菜煲嘅份量好多，唯一唔好係粉絲煮得過林。5.薯仔牛柳粒呢個餸係餐廳既名牌，幾乎每一枱都係會點，而我每次黎呢間餐廳都會點既一個名菜！牛柳粒用黑椒和鹽作為調味，食落香林，牛肉味濃郁，薯仔炸到金黃色，

一直都聽响大角咀返工既朋友講呢間小菜好正，今日終於可以一試！招牌脆皮燒雞：淨係睇個樣都覺得佢係脆卜卜，離遠都聞到雞油香。我先夾咗一件雞腿位置，我最鍾意雞腿又滑又多肉。要大讚的是雞的皮，平時的等很怕吃雞皮，因為肥肥的口感很可怕。但是！這裡的燒雞的皮像是薯皮一般香脆，一脆一滑，美妙的口感！瀨尿蝦皇點解被稱為皇？一睇就知，同手前臂一樣粗呀，大大隻呀！我地四個人點了兩隻，瀨尿蝦中間已切開了，方便進食。椒鹽乾蒜鋪滿哂成食瀨尿蝦，椒鹽香味四溢。雖然有辣椒，但辣度不會太強，不能吃辣的我也大口大口地吃下。肉質鮮美又爽口，絕對要讚，超級惹味。薯仔牛柳粒也是十分到家的。一上到枱，惹味的香氣已經傳入我的鼻，可見牛柳粒十分厚肉，食落口不韌，仲充滿肉汁，啖啖肉，超值😍但原來牛柳粒都只係配角，薯仔先係主角，少少脆的薯仔粒一咬下去粉粉的，不會過軟，吸收了牛肉的味道，實在是這道菜的精華所在。

好耐好耐都冇去過食大排檔既美食，於是今日就決定去萬發到食飯，因為坐得舒服得黎又可以食到想食既美食....餐牌睇到花多眼亂，於是一大班人就咩都點啲黎食啦.....一黎到梗係點左個乳豬例牌黎食先，因為黎到呢到一定要叫佢個招牌菜，就係燒乳豬！仲要係即叫即燒，保證新鮮。味道真係超好味，乳豬皮好脆口而且好鬆化，乳豬仲要好厚身，肉質仲好juice ，真係好好味！之後就點左例牌燒鵝黎試下啦....燒鵝肉嫩多汁，皮脆內香，味道岩岩好。係時候要叫芝士海蝦伊麵黎試下，一上枱就聞到芝士味好濃，伊麵好幼滑爽口，一啲都唔淋，海蝦好爽口而且都幾大隻，加埋啲芝士汁，味道唔錯。之後我地叫左碟蒜蓉炒豆苗，份量十足而且超好味，豆苗好爽脆，味道十分好味，值得推介。想食大排檔既美食又點少得蠔餅，蠔餅炸得岩岩好，金黃色澤令人食欲大開，脆卜卜既蛋餅同埋蠔仔既味道好好味。呢到碟碟真係落足本，就連沙拉骨都份量十足，沙拉骨味道唔錯而且愈食愈開胃。最後點左個薯仔牛柳粒真係超好味，味道惹味之餘牛柳粒仲好多汁鮮嫩，薯仔吸收哂牛肉既精華，真係令人一舊接一舊。呢到既野食真係超好味，下次一大班人聚舊一定要再黎食過！

為了超好味的薯仔牛柳粒，今晚我們又去了萬發晚飯。首選當然是招牌薯仔牛柳粒，另外又叫了翠塘豆腐和糯米飯，當然不能夠只吃肉沒有蔬菜，於是再叫了個海味雜菜煲。我的至愛薯仔牛柳粒依然是一貫美味，牛柳粒香淋軟滑，牛味濃郁。而薯仔粒則外層炸得香脆，而裏面的薯肉軟綿綿，非常非常好味。同行友人第一次試也讚口不絕，讚果然是好介紹。翠塘豆腐也做得不錯，底層是蒸蛋白，再把菜粒和海鮮粒勾獻，淋在上面，令底層的蛋白更感滋味豐富。糯米飯裏頭有豐富臘肉臘腸，飯粒分明，不會過咸，做得不錯。雜菜煲也很有水準，蔬菜新鮮，亦有不少鮮蝦魷魚，增加了滋味。總括來說這頓晚飯吃得很滿足，同朋友人也讚我好介紹，說新年時要帶他家人再來試一次美味的薯仔牛柳粒。

有日同朋友去了大角咀行市集，大角咀有時有特色市集。我同朋友行完市集之後，就在附近揾餐廳吃飯。途徑見到萬發海鮮酒家。加上附近餐廳選擇不多,就行入去這裡，地方十分舒適，徐了稍為嘈佐些小。2個人叫了4個食品，這裡食品亦都OK,服務就－般味道蒜香骨牛肉，味道十分惹味,牛肉口感好淋 ，牛肉味濃郁石鍋炒飯，個炒飯十分惹味，亦不是太咸，炒飯夠爽口京都骨,酸酸甜甜好開胃 ，肉質夠淋同十分入味雜菜碢，十分清淡,菜十分新鮮，煮得夠淋

今天老友帶我到大角咀的萬發吃飯，說這間飯店的小菜不錯，咁當然要試下啦！去到飯店門口，人頭擁擁，好在朋友有預先訂枱。我們人小小，就叫了招牌菜薯仔牛柳粒，豉椒炒花蛤，海鮮雜菜煲。首先送上豉椒炒花蛤，大大隻，鮮甜又肥美，配豉椒炒，真是不二之選！招牌菜出場了，薯仔牛柳粒，牛味十足，肉汁味美，而薯仔更正，炸得外脆内軟，外層有蜜糖味。這個必食呀！海鮮雜菜煲，充滿海鮮的鮮味，有魚有蝦魷魚又有菜，和之前兩道菜的味道比較，這個較清淡，可以中和一下，確是不錯的選擇。這飯店的街坊小菜很有鑊氣，就像大排檔一樣，而且小菜的份量也很大碟。下次最好叫多D朋友一齊來，可以叫多些菜式！朋友，今次冇介紹錯，還有，多謝哂！

萬發係我家經常會到的中菜館，喜歡它的食物有水準，而且每款都大大碟，價錢又親民，以前每一次都係去石硤尾分店，自從石硤尾分店被收回重建之用，都有一段時間無食，近日家人話掛住萬發的味道，我當然即刻搵下邊度有分店啦，原來近近地大角咀已經有一間呢間分店好大間，係外面已經睇到晒燒味同海鮮，見到都流晒口水除左主餐牌，仲有好多自選套餐，基本上諗得出o既中菜呢度都有得食蜜瓜西施骨螺頭湯 ($188)蜜瓜食得多，用黎煲湯就比較少見，見到碟上的材料都知呢個湯夠晒足料，蜜瓜煲湯好清潤，岩晒而家乾燥的天氣飲用，唔好以為煲完湯的肉就無晒味，點少少鼓油食，淋得黎仲好有肉味薑蔥爆魚卜 ($88)魚卜即係迷你版花膠，但就平得多，就吸收骨膠原就最適合不過，魚卜一點鯹味都無，同埋記得要趁熱食，如果唔係魚卜就會變硬啦薑蔥霸王雞 (半隻 - $98)半隻霸王雞已經好大隻，雞好瘦一點肥膏都無，而且肉質嫩滑，配上爆香左的薑蔥同吃，佐飯一流豉汁蒸鱔 ($148)我地成家都好鐘意食鱔，記得小時候媽媽成日都會買，但媽媽話愈賣愈貴，所以近年都少左食，見到餐牌呢個價錢，媽媽即刻話抵食，自己買都係咁上下價錢咁話，又慳番好多清潔功夫，需知道清潔

今天和一班朋友去完離島玩後，晚上便到了一間萬發海鮮火煱菜館吃小菜，店內的裝修富有中國色彩。我們訂了七点，去到已差不多高朋滿座。我們點了幾款推介名菜，包括薯仔牛柳粒，即燒乳豬，芝士焗龍蝦伊麵， 杞子豬潤浸西洋菜，海味什菜煲，金沙花竹蝦，臘味糯米飯等。薯仔牛柳粒是這店招牌菜，牛柳粒炒得剛剛好，不太乾，也不生，口感鬆軟。金沙花竹蝦，蛋黃份量適中，竹蝦新鮮彈牙，味道鮮味，值得一試。臘味糯米飯很足料，咸味適中，炒得也夠乾身。在這寒冷的冬天，如想暖暖胃，這個飯最佳選擇。

今晚和彬彬到大角咀的萬發海鮮火鍋菜館吃晚飯，彬彬最愛吃中餐，所以今晚去完南丫島，我安排了一間夠獲氣的中餐给他!我們心意相通地点了超值的三宝，包括我最愛的招牌乳豬，澳州龍蝦伊麵及拘紀豬潤浸西洋菜!首先先說招牌乳豬，皮薄又香又脆，而且乳豬甘香，而且焗得十鰜脆，油脂簙薄在皮和肉之間，肉質十分嫰滑也十分滋味，口感一流!澳州龍蝦很大隻，龍蝦肉很新鮮而且麵浸入鮮味的龍蝦汁，真的令人回味無窮，彬彬最喜歡這道菜，真的很鮮美!枸紀豬潤浸西洋菜，這個菜有一点舊式但也是最特式的，因為豬潤切得很簿而且很入味，加上西洋菜很爽口，我覺得真的不錯!大隻彬說他今晚又要减肥了!  Actually, he think this is a Good Dinner that we can enjoy the Great Chinese Food tonight !  We feel so happy for every dishes !