萬發海鮮菜館

营业中

休息中

在香港的美食地圖上，深水埗以其地道的風味和多樣的選擇而聞名。萬發餐廳以其經典的薯仔牛柳粒吸引了不少食客，值得大家一試。薯仔牛柳粒的主要成分是嫩滑的牛柳和香脆的薯仔。牛柳經過精心腌製，保留了肉質的鮮嫩，配合特製醬汁，味道濃郁且不過於油膩。薯仔則外脆內軟，香氣撲鼻，與牛肉的鮮美相得益彰。每一口都能感受到牛肉的鮮甜和薯仔的香脆，口感層次分明。薯仔牛柳粒的份量相當足夠，適合與朋友分享。價位亦相對合理，性價比高，是許多食客願意回訪的重要原因。對於喜愛肉類和薯仔的小食者來說，這道菜無疑是滿足味蕾的最佳選擇。萬發的薯仔牛柳粒是一道不容錯過的美食。無論是從口味、質量都是十分的出色，配上白飯更是一絕。😍😍😍

-一大班人食飯一定揀萬發，仲要係九江街呢間，其實佢有幾多個舖位依然係一個迷薯仔牛柳粒水準唔穩定，有時會得好少牛柳，同埋薯仔炸得唔夠脆，不過中size都已經超大碟夠八個人食，暫時未見到大size實物，食薯仔食到停唔到口🤤，jap爆滷水拼盤超大碟一定要叫，有我最鍾意食嘅魷魚牛腱，椒鹽鮮魷份量都有好多，最重要係炸皮薄，通菜煲都好大煲、雖然價錢有啲唔抵生炒骨完全係over rate，完全冇諗過佢咬落真係脆，炸得好好食而家先知原來炸子雞係叫做風沙雞，都係一定要叫，炸皮薄得來香脆肉嫩，但唔係甘香皮爽海蜇手撕雞可以唔使叫，手撕雞得好少😖仲有啲咩係must need?🫡🫡-▶︎薯仔牛柳粒中size | $138▶︎滷水拼盤 | $168▶︎椒鹽鮮魷 | $138▶︎生炒骨 | $118▶︎金牌風沙雞 | $138▶︎啫啫通菜煲 | $88▶︎海蜇手撕雞 | $118-📌  -👅【萬發海鮮菜館】📍深水埗九江街150-152號地舖-            

最近我去咗萬發海鮮酒家，因為我一向都好鐘意食佢個薯仔牛柳粒，份量又大，味道又好食。每次去都期待能夠享受呢道招牌菜，但今次的經驗真係有啲失望。以前嘅薯仔牛柳粒，薯仔外脆內軟，口感惹味，搭配嫩滑的牛柳，真係一絕，簡直係唔可以錯過。但今次食到的薯仔竟然唔脆，變得軟綿，完全冇咗以前嗰種令人驚喜的口感。而牛柳方面，雖然仲有啲味道，但口感好似有啲乾，冇咗以前咁嫩滑。其他菜式的表現都一般，冇咗以前的水準，尤其係小菜，感覺份量都變少咗，令整個用餐體驗減分。冇左招牌菜式，喱次真係幾失望，應該短期內都唔會再返去食啦。

唔會再幫襯。職員好惡，態度又差，又鬧顧客，簡直不知所謂，自己聽錯嘢，又話返我哋！安排好混亂，想落單又唔知搵邊個，過黎就開始鬧人，唔知邊度得罪咗佢。環境好差，預咗大排檔唔會咁乾淨。但個碗好似冇洗過咁。上面都係油漬！食物方面，都好多油。炒蜆全部都係殼。唔會再黎呢間食！啲嘢普普通通，再好食咁嘅態度我都唔會再黎，我都唔會推薦朋友去食！應該係我食大排檔體驗最差一次！入座未食晒，就開始趕人走！唔會再黎呢間食！

萬發係深水埗名物🤣6人以上先有得book位，平日7點前就要去到攞位啦，如果唔係就要等到8:15pm（因為今晚我4個人食，7點入，8點食得7788，就開始叫人埋單🥹😓）嘢食新鮮有鑊氣👍🏻大大兜，$138有勁大兜蜜椒薯仔牛柳粒，超級好食呀😍😍😍薑蔥生蠔煲都唔錯，平時唔食蠔嘅，我都食咗一個😎芝士海蝦伊麵真係勁多芝士🤣🤣好濃好濟～好味！有好多間舖位，坐得都迫，好full，想食真係要早啲拎位，真係排曬長龍😇😇認住呢一間分店唔好去錯，聽聞呢間分店係最好食😆😆如果大班朋友想坐耐啲就真係要考慮清楚🥹🥹因為真係好多人等位，冇得坐耐啲

態度勁差，以後唔會再幫襯，啲嘢食又多油又鹹，同埋好多都炒燶晒。重點係我泊車喺門口，問佢係咪泊呢度就得，佢同我講冇人抄牌，嗰個都泊呢度。的確佢嘅時候好多車泊晒門口，我以為佢見到咖啡仔就會講聲，點知咁冇人情味，唔會再幫襯，亦唔會推介身邊嘅人去食！

地道鑊氣小炒當然要去大排檔，是日就到訪了人氣大排檔深水埗嘅萬發海鮮飯店，一嚐大排檔風味😚黑椒薯仔牛柳粒 $138魚香茄子煲 $108豉汁蒸白鱔 $148金牌風沙雞 (半隻) $138馬拉盞通菜 $88薑葱生蠔煲 $208椒鹽鮮魷 $138梅菜扣肉煲 $128酥炸小塘菜 $128鑊氣十足嘅小炒，配上冰涼啤酒，充滿地道風味，一大棚人暢聚暢飲最適合不過。

最出名嘅黑椒薯仔牛柳粒，一碟10粒牛柳都冇，成碟都係薯仔，雖然薯仔係比較好食，但淨食薯仔就唔值呢個價啫啫通菜煲超正避風塘瀨尿蝦完全唔入味，$300/1隻，勁貴豉椒炒蜆勁多沙冇下次，唔怪得晚餐時間去都唔洗等位

1. 訂枱時，没有講明只可食兩小時，人到齊後就話食兩小時要走。嘗試倾談點解唔可以食耐啲，侍應態度極差地問你：咁你想食幾耐吖？2. 在地下等候齊人期間，其中一人上二樓去厠所，都要被二楼侍應責駡，點解楼下有厕所唔去，要走上黎呀？3. 我到達食店門口時，見到侍應就講话我訂咗位，侍應好不禮貌地叫我：攞位過去嗰边啦。我話我訂咗位架，佢就更加大聲不禮貌地話：訂咗位都要過去攞位架，呢度厨房黎架嘛。其實你哋可唔可以禮貌啲呢？你哋係咪以為自己唔憂做呀？係咪以為人哋唔食你哋就冇嘢食呀？结果：我哋九個人，起身即走唔食奉勸：大家真係要考慮吓，咁嘅服務態度，係咪仲要幫襯呢？貼錢買爛受！

喺深水埗開咗好耐嘅小炒菜館，入邊有好多海鮮，今次我同屋企人冇叫到海鮮，叫咗好多肉類，✔️第一樣叫嘅出晒名勁大兜嘅薯仔牛柳粒$138,炸過嘅薯仔再兜兜蜜糖加入晒味嘅牛柳粒超好食！！90分✔️跟住整個滑蛋蝦仁$138！今次蛋就炒得比較實淨，呢個一般般！60分✔️炸豬大腸$128炸到脆卜卜，再加醬汁好食70分！✔️蝦醬西蘭花鮮魷，另外上一碟蝦醬，唔係煮埋落去，先有有好大塊，所以一！60分✔️豉椒蒸鱔$148，蒸到過火，蒸到有啲硬！麻麻哋，但味道唔錯！60分✔️魚香茄子煲$98，勁香，上枱嘅時候仲係熱撲撲，好香鹹香味，茄子好腍入晒味！90分✔️胡椒豬肚粉腸湯$118，好濃，夠多豬肚，夠多胡椒！飲落好暖胃，酸菜啱啱好，唔會好酸！90分✔️蒜蓉炒菜心，菜心好大條，分量大碟！人多必叫！80分好多座位，所以唔怕人多去會等位！上菜速度10分鐘左右！超級快手！價錢六個人食，大概$1083，每人$$200內！非常抵食，建議人多食係最化算！亦會再去食！

8個人食飯，嗌咗8個餸6枝啤酒。嗌嘅時候有個阿叔已經開始催。然後入座起未夠45分鐘已經開始催埋單。叫咗啤酒餸個啲咩都未食完就好似催命鬼咁催，咁都要食完飲完先走得㗎嘛。lunch 食飯都冇咁急，真係cls。咁大家都怕麻煩快啲食晒佢，但2個阿姑職員成個刑警咁係後面不𥄫住又係咁催。明明隔離有幾枱早嚟過我哋又唔見佢催。食物內容唔講，但啲職員咁嘅態度，要比錢食飯嘅大家真係要諗清楚。比完錢重要受氣，gathering 記得千奇唔好揀呢間咁嘅嘢，lunch 要快食就隨便啦！

訂枱無提及有限時，全餐食到背脊骨落，要睇啲伙記啲面色食嘢，連叫佢攞個蛋糕出嚟都驚驚地，好啦食完蛋糕傾下計啦，個伙記姐就好惡話：食哂嘢啦，你地都坐咗好耐架啦，出面有人等緊位，無奈地走啦！最後收錢個伙記阿哥終於有笑下啦！唔講嘢食就一般大排檔嘢、但係對伙記咁既服務態度，唔使諗啦⋯⋯莫明！

香港人均＄150計食左無數次嘅大排檔香港大排檔很多，不過我食過最正嘅薯仔牛柳粒一定係萬發！-黑椒薯仔牛柳粒土豆炸到脆皮，內心咬落軟棉，食落口感似拔絲地瓜！牛柳雖然沒有薯仔那麼驚艷，不過都係軟嫩不柴好味嘅，整體就偏鹹比較重口味，會食好多飯台！-風沙雞脆皮炸子雞，表面有些脆脆，口感很好，食左好多次都維持到水平，火候掌握嘅好好，皮脆肉嫩不柴的-蒸白鱔我超愛，但是又怕腥，在萬發吃次次都是肥美不腥，豆鼓汁拌飯（又要食多一碗飯合-炸蠔餅多人的時候都會叫這個，很香脆，大size 直接是一大盆好壯觀，但是最近幾次吃中間比較厚粉，蠔仔的份量也普通，就不做推薦了多人食可以和姐姐說加大 size！價錢合理！

呢間大排檔不嬲都好出名，成日都同朋友去食 佢嘅薯仔黑椒牛柳粒真係必點 薯仔係炸過牛柳，又大粒份量又多又抵食另外個芝士西蘭花都係一定必嗌 仲要配埋白飯，撈飯食一流！ 適合朋友聚會傾偈一流

提起深水埗小菜，萬發呢個名應該無人不識，每次朋友係深水埗聚會，都好多時候會揀萬發，今晚同老婆兩個人來再食下佢。餐牌對於我呢個老顧客來講都係可有可無，唔使點睇就叫左黑椒薯仔牛柳粒，啫啫通菜煲同手撕雞。萬發自稱黑椒薯仔牛柳粒係佢哋研發出嚟，薯仔炸得香脆，牛肉黑椒味濃，的確惹味。其他兩味菜都好啱老婆口味，佢食得好滿意。