萬芳冰室 (建德街)

营业中

休息中

最後呢間係萬芳冰室個招牌係右至左寫既以前係屯門雅都食過門口有話始於1959元朗國呢間都係扮懷舊既但就幾似下係建德街d車房附近d凳真卡位都係藍綠色平日兩點左右黎到都差唔多滿座既不過咁岩有卡位坐有小食有下午茶set就日頭至夜晚都有供應但其實佢d set係檯面張餐牌都有單點平6-8蚊左右差別就係少左個湯同熱飲中西湯凍飲再加3蚊朋友要既係咖哩牛筋腩唔知點解係配粟米粒份量就唔算多焗豬係圓形兜有芝士面頭都好靚仔關注組成日教人要叫大火我就估唔起勇氣去叫有菠羅但得一粒車厘茄豬扒就原塊舖面都幾大塊同埋算厚身既有炸過咬落係實淨唔鞋口既又係栗米粒不過整體唔錯芝士同茄味都好濃埋單就每人七十二lunch黎講少貴不過午晚同價同埋唔要湯唔要野飲會再平d咁都可以接受係入元朗國就比較遠服務就正常姐姐唔係呼呼喝喝果類型有卡位既話都坐得舒服既

  自助清理：少少垃圾都叫我自己抌出去。這意味著餐廳的清潔標準需要改進，不應該讓客人親自處理垃圾。服務效率：叫人落單，十問九唔應。這意味著服務員在回應客人時需要更迅速和有效。廚房效率：一人多廚房一定冧檔。這可能是廚房人手不足或協調不良的問題，需要改進。等待時間：每一份餐就算公仔麵都要最少等15分鐘。這表明食物準備時間過長，需要縮短等待時間。食物質素：食物質素普通。這是一個關鍵問題，餐廳應該努力提高食物的質量。

很久沒有來這家茶餐廳。開了一段時間，它是從屯門過來的，很喜歡他懷舊的佈置。😍其中一樣我比較喜歡吃的的是它的大炸雞髀沙律。雞髀炸得非常脆口，不過可能炸得太鬆脆，所以肉質相對嚡少少，如果可以保留肉汁和肉質嫩滑就更好了。不過大大份真的很吸引。到茶餐廳，比較喜歡喝茶走，就是用煉奶加茶，這種飲品總覺有多一點香港特色，就好像鴛鴦那樣吧。這間餐廳其他的菜式也很受歡迎，例如沙丹豬扒飯等等。不過我多數是下午茶時段才來這邊，有機會試試看。

午餐鮮茄焗豬扒飯 $70配湯&熱飲好味指數 4/5 🍭🍭🍭🍭{整個飯份量好多 豬扒好大件 芝士亦好多好香口 飯係炒過之後再焗 令整體味道更加豐富 午餐還配有湯和飲品 非常好味又飽肚}常餐大豬扒出前一丁 $55配紅腸 煎蛋 多士 熱飲好味指數 4/5 🍭🍭🍭🍭{出前一丁需要加$5 如果食通粉 米粉 意粉都唔洗加 麵煮既時間剛好 不太腍或硬 豬扒大件 肉質軟身 配上既紅腸亦不錯 有三塊 煎得不會太乾 多士烘過香口 牛油不多}

突然發現，居然住在元朗但未食過呢間老字號，經過又有時間就去食個tea。裝修嚟講，由門口大閘，到室內的綠色色調，都充滿懷舊嘅感覺，想影相嘅朋友應該會幾鐘意。加上牆上的亂世佳人壁畫，氛圍滿滿。食物就食咗2個下午茶：生炸大豬扒配沙律 +凍檸茶 $46生炸大雞髀 配薯條 +紅豆冰 $56+$12味道上就係經典茶餐味道，說不上有驚喜，但亦算正常發揮。生炸大雞髀真係好大隻，但亦真係好乾🙈，無想像中的juicy。茶餐嚟講就不過不失，其他食物又唔知點呢～

下午茶，去左朋友介紹的萬芳茶記，聽講塊雞扒好大塊，所以去到都叫左雞扒沙律。份量係好大塊，成隻手甘大，不過味道我覺得一般，可能炸耐左，攪到‘乾爭爭’，食落好重油味。試過就算🤣

今日食早餐,叫咗2份奶茶走甜同埋牛扒蛋跟住黎到,奶茶冇走甜😤牛扒变左雞扒😤同個伙吃阿姐講,立即黑面（重點係佢錯,佢唔會同你講對唔住兼夾好似係你錯🙄）跟住有個黑色衫好似係高級啲嘅阿姐用冇尾音嘅語氣同我講“咁我換一個畀你啦”（我叫咗兩個餐兩個都錯！我唔明明明係佢錯但係只係換1個畀我🙄跟住我問佢點解兩個錯係換一個？佢繼續用冇尾音好唔耐煩嘅語氣同我講：咁你食唔食呀！？喺嗰一刻我以為我呢餐係免費唔使畀錢😡所以奉勸如果有睇呢篇食評嘅人,如果自問受唔到氣就唔好幫襯呢間餐廳同埋坦白講佢啲食物非常普通多士好明顯係隔離麵包好硬嘅嗰塊雞扒,煎到乾爭爭冇曬水分成日都話啲內地人投訴香港服務態度差呢個真係真事,尤其是我呢啲呢間餐廳嗰啲唔知服務咗幾多年嘅阿姐長期對啲客口黑面黑如果想受氣,就多啲嚟幫襯啦

萬芳係元朗比較偏僻地方, 出左元朗地鐵站都需要行一陣, 店面裝修比較懷舊望望價錢, 以冰室 /茶座黎計算係中上價叫左個蕃茄焗豬,同薯條雞脾蕃茄焗豬食得出材料新鮮不過略嫌少蕃茄用茄醬而唔係茄膏有加分, 芝士味濃薯條雞脾就比較一般, 無太大驚喜, 雞脾有少少乾不過整體食物質素算不錯

放假就約咗元朗搵個朋友諗住傾下計探一探佢個小朋友,夜晚之後呢就行過呢間比較有舊式香港茶餐廳裝修嘅冰室,我就叫咗個招牌焗豬扒飯,啲燒汁都唔錯幾惹味,豬扒份量都充足,下次可以再試下其他！

所在的地方屬不顯眼的位置，不是街坊的話，需時尋找⋯舊式冰室環境，舊式電影海報、舊款吊扇、厚玻璃枱面、抬頭有舊式鐵欄⋯是次點了👉🏻星洲炒米；有應有的顏色，叉燒、火腿絲、洋蔥韮黃，較幾年前食細了很多的「蝦仁」（留尾殼：是萬芳的特色），味道屬中上，有微咖喱和辣味，食完碟底亦不會油淋淋；👉🏻鮮茄焗豬扒飯👉🏻其實唔多見到有蕃茄，但鮮焗的飯上枱時就被瓦碟燙到，真係即叫即焗，茄汁舖滿碟面，豬扒帶骨，size不少，目測有1cm厚，焗飯是蛋炒飯底，將茄汁連飯一齊食，有兒時味道同感覺；生炸雞髀拼薯條👉🏻生炸雞髀斷咗骨，影響買相📸不影響味道，雞皮炸到脆卜卜，怕肥都要食埋佢，上台時雞髀肉汁漏晒肉汁出嚟，令到咁係太脆嘅薯片有少少淋，對薯條有少少失望，下次改試沙律紅豆冰、凍檸茶👉🏻紅豆冰個樣好得，味道正常，不過紅豆有少少硬；凍檸茶茶底不錯食物即制有溫度，味道屬中上

係角落位一間充滿年代特色既冰室，係快速發展嘅香港社會已經買少見少，呢間冰室除左保留復古風味，入面d食物質素亦都唔馬虎，而係真係見到師傅既真功夫！西多士新鮮好味，迷你乾炒牛河鑊氣十足，細細份，份量啱啱好～一杯嘢飲+一份輕食，就已經係香港人心目中最完美最麻甩嘅茶餐廳下午茶☕️😌

呢間冰室本身係老字號裝修都主打懷舊嘅風味夜晩人數唔多唔使等位招牌生炸大雞髀配薯條呢個係佢哋嘅招牌菜一隻雞髀炸起嚟仲大過你塊面肉質嫩滑 充滿醃汁嘅味道外皮仲要卜卜脆法蘭西多士正常 size 花生醬嘅味道好香同一般嘅茶記又冇咩大分別生煎豬扒配薯條都係正常發揮最後來一杯紅豆冰冰嘅形狀非常特別奶香味濃郁下面啖啖都係紅豆嚟到我諗食招牌菜就夠

萬芳冰室位於元朗，位置有點偏僻，尋找泊車位置亦需要靠運氣。這餐廳吸引人的賣點是六十年代的懷舊風格，令人慕名而來。無敵生炸大雞髀配薯條🍗🍟，依舊好味道，是必點之選，再加上红豆冰，簡直一絕。公司三文治，材料也十分豐富，有蛋，蕃茄🍅，青菜，午餐肉，加上烤過的土司🍞，豐富營養又可飽餐一頓總結來說，這裡價位是平民價，而且食物的水準和質素，還有技術都很好，性價比極高，每次去元朗光顧也要排隊，證明大受歡迎！

山長水遠入來元朗來試下老字號充滿懷舊風味的萬芳冰室，特登來試下巨型炸脾，中午去到已經開始排隊，大約20分鐘就有位，位置唔多，需要搭台，比較逼，裝修好有懷舊感。生炸雞全翼（2件）配沙律（HKD 33）雞翅炸得有D乾，不過好脆，又入味，個沙律青瓜蘋果紅蘿蔔好新鮮配買薯仔，真系好好食。生炸招牌大雞脾配薯條（HKD 43）不愧系大雞脾超級巨型大過我塊面😂我一個人根本食唔曬，肌肉入味，肉質感覺一般，無咩驚喜，就系一個比較大的炸雞脾。萬芳招牌紅豆冰（HKD 27）最有驚喜紅豆冰，紅豆粒粒分明，食落口起沙，甜度適中，非常好飲。

呢間野，其實唔係第一次食，之前係成日2個人食，今次4個不過經過今次，真係永久blacklist,無台，唔出聲，唔截人，我地行入去揾完無位，佢櫃檯就派籌比我後面既人，（我仲要只係係個櫃台前幾步）豆腐潤禁大間店，你已經見到我地無位，啲員工叫緊我地返出去等，你櫃檯個阿姐就唔好派飛比後面啦，比籌我時，我見到頭先羅籌既係3人，唔係2人，即係點都要等成張檯，（如果2人正常係會搭台，同我地4人唔同，我就唔會叫個阿姐叫返我地先）而且個櫃檯阿姐既做法，根本就有問題，見到禁，我同佢講：係我地先架喎佢：無辦法，唔可以係人地手上羅返張籌我：禁你一陣有台叫返我地先佢：唔得禁喎，number係佢地先我：禁佢地都見到，知係我地入先架喎佢繼續話唔得～就得我同羅左籌兩台人等，佢地3個，我地4個，都可以禁樣，勁，唔會再去！