葵線軒

营业中

休息中

未食過咁難食既米線叫左雲吞冬菇生菜酸辣米線................雲吞：正常野.................冬菇：是酸叔的鮮冬菇 食左一件無再食...................生菜：成個菜心都無摵 留比我..咩料....湯底：不左一更‘酸辣醬’係面....................有樣野好 啲米線發脹晒 夠大碗...............咁都夠膽話有酸辣湯底 好野。...................

哩間可選擇食飯或者車仔麵咁揀餸，我通常都揀餸食，因為夠多種類，我推介豬潤、鴨腎、豬脷，轉麻辣酸辣都不加錢，食物份量都好多，唯一唔好係湯底唔似麻辣，只係得個辣字。

本來野食都正常，但啊姐好似神志不清咁。叫左：青瓜$18，滷水豆腐$12，牛筋油麵$27，凍奶茶$6（正價$14） 青瓜到左，格左陣先話冇豆腐。好！吾緊要！牛麵到左，油麵變左鹼水麵。啊姐話寫錯左同廚房改，廚房話一早咪同你講左冇油麵囉！最後得青瓜同杯奶茶。同朋友諗住快手食完即走！食緊嘅同時又聽到佢同廚房講落錯左其他單。 最後比$32，啊姐追岀利。啊姐：喂喂喂！冇要個麵都仲差12蚊豆腐錢禾！我：啊姐你話冇豆腐丫嘛！我點差你豆腐錢呢？

本人係米線痴，石蘺區好似無乜米線選擇，一係好多人排隊果間，一係就葵線軒。由於係附近返工，要叫外賣返公司食所以都無乜選擇。今日叫左腩肉紫菜米線.湯底就唔係好濃，但係夠酸同埋多肉碎同酸菜。腩肉都似係滷水果隻，偏肥。其實佢d餸同湯底係ok既，但係最緊要既米線卻無乜咬口，唔似譚仔或者三哥果種米線。不過價錢都算平既，兩碗米線埋單都係＄74

叫左個滷水雞翼.豬紅.蘿白.冬菇米線外賣完全唔知咩黎。湯好似水咁淡豬紅臭既。食落去有陣唔知咩味雞翼...白色既滷水雞翼真係第一次見。又係乜味都冇冬菇...直情落小左單冇比。但又問我係咪4樣餸....姐係.....我到底食左d咩

之前食過酸辣米線係幾好食嘅 今次試咗佢嘅麻辣湯米線 但係完全係唔同嘅一回事 佢嘅麻辣湯係有少少甜酸味所以我覺得係好怪 魚腐係幾好食佢係鯪魚肉個種魚腐 肥牛不過不失 豬紅我係平時好鍾意食嘅 但佢呢隻豬紅 唔知係咪未煮熟哂 中間仲係粉紅色嘅 有dd怪

今日係公司忙到死，做到癲左甘滯，連食飯時間到都冇為意，後來同事走過來問我，才知原來過左一點食飯時間，望下電腦個鐘，原來一點半，於是匆匆忙搵間食店，見好耐冇食薯粉，便到葵線軒食，一點半鐘，店內還超多人，我隨意坐下。然後點了韭菜餃豬頸肉薯粉(少辣), 豬頸肉切得薄片，但好彩也不少，味道偏淡味。韭菜餃皮厚共有3隻，韭菜味濃，所以覺得幾入味。芽菜都唔少，很爽口。薯粉似米線，不是透明那款，不是煙靱彈牙，有點兒失望。

(716)其實，這裡已經開了一段日子，今天就在附近搵食，便來試試！要了一碗酸辣米線，餸揀了腩肉及鹵水蛋。腩肉味道都可以，炆腍一些會更好。鹵水蛋，雖然看似不入味，吃起來味道卻不錯。湯底要了小辣，都幾辣，酸度適中。米線，淥得過腍了，影響口感。豆漿，味道不甚喜歡，都飲了。小店細小，地方狹窄，冷氣似乎亦不足夠！