影片
营业时间
今日营业
06:00 - 20:00
星期一至日
06:00 - 20:00
以上资料只供参考，请与餐厅确认详情
有一日出開街咁岩經過呢間蒸點，見到都有d人排隊就順便埋去睇下，見到d野食都幾抵食，我就去湊熱鬧買幾件試下👍👍 我總共買左3樣野食，首先個蔥油餅（$5.5）都幾大塊，夠鹹同埋都好多蔥，又好味過同平過一d麵包，如果早餐買件快食都幾正🤣另一樣就係中式簿餐（$6），相信有部分人可能飲茶都食過呢個點心，佢同茶樓既味道差唔多，當然冇咁大塊，但都有4份3左右大，同埋因為佢蒸既就唔會脆，不過$6食到呢個質素既點心算係超值🤩最後一樣就係菜肉包（$5），呢個係比較失望既一個，雖然個包都大，但係個餡係好少，同埋冇乜味，有比較就有傷害，因為同頭果2樣比較真係唔好🥲注意‼️呢間鋪係冇堂食架，全部都係外賣，住得遠既話要係屋企蒸番熱食先好味🌟
继续阅读
一間喺深水埗嘅蒸包蒸飯舖，其實可以話係檔仔嚟嘅，因為冇堂食，其實喺深水埗生活左一段時間，淨係識得去對面生隆買糯米糍同埋馬仔。其實之前有朋友介紹過佢啲蒸包好好味，一直都冇去試，因為成日都排長龍，心諗一間有乜舖仔有幾好食，真係唔試，唔知佢好。價錢非常之平民，一個蒸飯$19，份量係同平時茶樓盅飯比飯多少少，送多少少。當日我買咗鵪鶉蛋燒賣，排骨飯，同埋麥皮饅頭，同埋椰菜鍋貼。鵪鶉蛋燒賣唔記得咗影相。幾樣嘢夾埋都唔使$50，真係窮人因物。平得來又有質素。有時收工想買啲簡單嘢返屋企食飯，呢個係一個唔錯嘅選擇
继续阅读
每次經過深水埗北河街街市附近，我都一定會去呢間外賣小店買佢地嘅鍋貼🥟，同樣地，每次去到必定見佢地大排長龍🚶♂️🚶♂️🚶♂️。佢地主要係賣蒸包，蒸飯，點心同埋生煎類。價錢亦十分親民🥰，講緊4~5蚊一個蒸包😍；18蚊一個蒸飯😍。由於實在太多人去買喇，所以如果唔好彩😌，去到時你想買嘅嘢剛好賣哂，咁你就要等下一輪，到時候記得問下一輪要等幾耐，有時好快，有時差不多要等約20~25分鐘😅😅。蔥油餅 $5煎到外脆內軟🥰，而且非常厚身，十分飽肚，正所謂又平又滿足☺️。韭菜豬肉鍋貼 $11/3pcs外皮煎得金黄😍，係稍為厚咗少少😶，但餡料非常充足👍，韭菜豬肉比例剛剛好😊，無話大家搶走大家嘅味🥰。自己覺得比椰菜豬腳鍋貼出色😋。總括而言，以呢個價錢買到呢個質素嘅嘢食😋，我個人覺得十分超值👍。
继续阅读
有啲嘢要去北河街攪攪，行過見到呢間只有外賣嘅食店，見到啲鍋貼幾吸引，10元有3隻，仲有韮菜同椰菜兩款，我怕韮菜太大味所以買左椰菜豬肉鍋貼 ，同埋好少有得賣嘅薄‘餐’，真係有驚喜 ，好好味，我下次會專程過黎買同埋試下其他嘢食。啲嘢賣得咁平都唔知頂唔頂得順香港啲貴租，希望下次去仲係度啦
继续阅读
星期六為了趕緊回家晚上看韓國電視綜藝節目，所以一早已經乘搭交通工具前往「深水埗」，光顧位於「荔枝角道」的中式點心店「蒸點」，購買他們製造的「鮮奶饅頭」跟蒸「香菇滑雞」作為晚餐的一部分。我本來是想購買「蒸點」的「香菇滑雞飯」，可惜「蒸點」當時的「香菇滑雞飯」已經售罄，只剩下沒有配「白飯」版本的「香菇滑雞」可以供我選擇，我別無選擇下購買「香菇滑雞」。跟著我再拿着「蒸點」的「香菇滑雞」和「鮮奶饅頭」，在「深水埗」另一邊食完下午茶，食完下午茶乘搭巴士前往「新蒲崗」，購買外賣自取「牛腩飯」之後，就乘搭專綫小巴返回「西貢」。「蒸點」「香菇滑雞」是名副其實「滑雞」，因為「雞肉」完全沒有連着骨頭，即使「香菇滑雞」被我長時間運輸，曾經擱在一旁未享用，但是雞肉實際口感仍然保持嫩滑，只是雞肉表面的雞油稍為冷凍，凝固成為啫喱而已。至於「香菇滑雞」雞肉的實際味道，因為雞肉表面有一層雞油包裹保護着，所以「香菇滑雞」「雞肉」實際味道由雞肉裡面到外面，都食到雞裡面的甜味，還有來自「雞油」的少許鮮甜味。至於「鮮奶饅頭」裡面的口感，即使曾經被我長時間乘搭交通工具，「鮮奶饅頭」曾被迫擱在一旁，所以「鮮奶饅頭」實際口感，難以完全回復剛出爐時的香軟口感感覺，但是質地仍不算硬，不難用牙齒撕開和咀嚼。至於「鮮奶饅頭」裡面的味道，我覺得「鮮奶饅頭」裡面，確實是有來自「鮮奶」的甜味，只是我覺得「鮮奶饅頭」可能需要在被蒸熟之後，「鮮奶饅頭」裡面的「鮮奶」甜味，才會真正從「鮮奶饅頭」裡面散發出來。我覺得「蒸點」「鮮奶饅頭」味道的確擁有「鮮奶」甜味，至於「鮮奶饅頭」的實際口感也不太硬，我勉強算是能夠從「鮮奶饅頭」裡面，食到來自「鮮奶」的甜味。我覺得如果把甜味的「鮮奶饅頭」當作為平日早餐食品，或者下午茶小食食品，偶然一解口癮也未嘗不可。可惜我住「西貢」，想把「蒸點」「鮮奶饅頭」當作早餐，不是一件易做的事。至於「香菇滑雞」口感算是嫩滑，味道不會太鹹，只是可惜「雞肉」溫度太快冷卻，回家後或許需要跟「鮮奶饅頭」一起翻蒸，才能真正享用了。
继续阅读
您可能会有兴趣的...