蓉芳 (已結業)

🌞蓉芳多國菜☀️荃灣篇🗣🗣🗣🗣🗣之前經過荃灣千色匯時就發現咗哩間餐廳，仲以為係咖啡廳，同埋有賣brunch果種！brunch西式都有不過估唔到連埋中式菜式都有架1.蓉芳全日早餐有丹麥多士+班尼迪蛋、炒菇、雞排、茄汁焗豆、沙律、煙肉、英式香腸，多士唔會太大片配上班尼迪蛋嘅流黃口感又香濃又酥脆，炒菇香氣十足，雞排爽口鮮嫩、茄汁焗豆細膩多汁，唔知嗌乜嘅人最適合呢道菜式喇！2.Latte拿鐵表現不錯，咖啡香濃郁，加上奶也給不少味道很香濃，喝起來很飽和，一早的開始可以來一杯呀😋😋😋今日嗌咗👇👇👇裝潢🐽🐽🐽🐽食物🐽🐽🐽🐽服務🐽🐽🐽

小妹好鍾意食全日早餐啊，最鍾意乜嘢都有啲，可以食唔同嘅味道蓉芳嘅全日早餐都唔錯，好豐富，有唔同嘅味道。作為一個假日嘅全日早餐來講，好收貨㗎喇！今次都唔係第一次食啦，同上一次比較，都保持到水準，收貨！

同朋友行完千色經過見到間西式餐廳有落地大玻璃，而且見到裝修好靚，所以就要求了店員坐窗邊位，會同朋友瘋狂打卡🙈，門口條馬路仲可以泊車，一路食野可以一路睇住架車🤣。我地揀左個伯爵茶朱古力同香蕉芝士蛋糕，香蕉芝士蛋糕真係好好食，可能我本身又鍾意食香蕉同芝士，香蕉唔會埋沒左芝士既味道，加埋啲cream入口又係另一樣層次🤤。差唔多食完啲蛋糕之後我地每人叫左一杯野飲，我朋友叫左凍鴛鴦，而我就叫左凍奶茶，杯野飲好大杯單叫既話對得住個價錢！入口茶香味好香，茶底唔會苦澀兼且入口後仲徘徊緊啲茶香味👍最後值得一讚既，因為落單既時候有選擇困難症👉👈更改左三次飲品…🙏但係店員都冇態度同眼神轉差，而且仲keep住左個腰果眼神對待我😍我地要求坐窗邊位都即刻帶我地入座，因為行完千色買咗好多野，店員幫我拉開左張凳俾我坐🥳值得再有下一次過嚟幫襯

係千色店行完街，累累地想搵間Cafe坐下，想食個三文治飲杯嘢，原本諗住去Pacific Coffee，但係見到隔離開咗間新嘢！都幾光猛，裝修都唔錯，又有落地玻璃，入到門口員工叫我掃安心出行，隨便坐😊一坐低都未嘆夠冷氣，員工就不停介紹Menu，不過因為佢介紹完，我原本想食個三文治🥪變咗食左份全日早餐🤣🤣🤣唔緊要啦，我自己都好鍾意食水波蛋，一於試吓佢個蛋蛋～又真係幾滑幾香～口感好企，超好味仲有佢塊雞扒又煎得幾香～餐飲普普通通la ，但都好有誠意～唔會甜到糖尿病la😋之後員工可能見我食完，又再介紹我食甜品🍮可惜我太飽了，唯有下次再試，欣賞佢嘅服務態度，同埋不停比意見我！最適合我有選擇困難症嘅人，有機會會再來

去完拜神，搭返小巴落嚟，經過商場轉角，見到一間叫蓉芳餐廳，初頭以為高級餐廳，入到去睇睇餐牌原來食物唔貴的，我叫咗個西班牙紅毛豬鞍扒+凍檸茶，不過因為第一次過嚟，店員都有問我需唔需要介紹食物，佢介紹我飲佢哋出名嘅果汁，服務態度都唔錯！但最後我都叫咗杯凍檸茶佢茶底都幾濃郁，成杯野唔會太甜，而豬鞍估唔到咁爽口😋好正，旁邊仲有啲配薯菜，D薯蓉好滑，淡淡口味好適合我不喜歡重口味的人～值得回頭嘅餐廳，下次再去試其他食物

上次過黎貴餐廳食飯結賬時，門口著黑白間條的員工好心同我講話餐廳消費一定金額就有95折優惠。我後來回來埋單時有個著西裝衫的員工矮矮地既，收左我正價後仲要同我講（要主動提出先有折扣）！請問打折呢啲是否要客人主動提出先有既呢？又唔係優惠券或者其他coupon，只可以講真係好無語，無誠信的餐廳唔會再幫襯

今次去咗荃灣搵食，喺千色店地下見到一間裝修好美麗嘅餐廳，朋友話不如試吓，餐廳內環境好，燈光充足，我們選擇了一個卡位，今次選擇share食，先點選了一個蓉芳雜扒（雞扒，豬扒，牛扒，德國珍寶腸）可配飯/意粉/沙律，我哋點選了沙律🥗，另外一個是香濃蝦汁鮮蝦意粉🍝，至於餐飲我們點選了特飲，洛神玫瑰花茶。我們叫雜扒餐配沙律的原因是覺得肉嘅份量會多，當上菜就發現好似一個人嘅份量，有少許失望，至於鮮蝦意粉汁較甜，至於兩杯特飲OK的。

今日茶餐同屋企人黎左食蓉芳，我哋一行八個人本身都諗住未必食到，行到過嚟嘅時候門口女職員都表示8位需要排隊同埋未必可以坐埋，但係因為我哋有老人家所以我就文會唔會可以安排到就係比老人家坐先，後來有個戴眼鏡男职员又再問我哋几多位，最後佢見我哋有老人家就邀請一台客人掉位幫我哋盡量一齊坐，服務好貼心。我哋叫咗牛扒同豬扒，牛排就感觉比较多斤，chia 都偏干同硬，可能未够数，但整体都唔错。豬扒薑蔥油就略咸。而其他嘢食都唔錯。希望職員可以保持，食物亦都可以繼續进步。

茶餐廳貨色收cafe價錢⋯⋯叫兩樣嘢，扮到明一齊食。每人唔俾隻碟都算。上all day breakfast 又唔俾把刀。塊雞扮點食。舉極手冇人黎，要自己行出去兩轉問攞碟攞刀。呢啲餐廳一次都嫌多👎🏻啲枱櫈又污糟。啲水杯又一點點黑色。

經過見到新開餐廳，環境睇落ok本身想試下呢到既下午茶餐。，不過職員既態度十分惡劣。有個著西裝外套的職員落單時講野十分無禮貌。。仲隱約聽到抱怨的句子。我想講的是你們的態度十分惡劣！點左一個黑松露薯條，雖然價錢不算貴（份量都好大），..但系你地真系要管理下職員ge態度咯！到收銀台埋單時，有個帶眼鏡的西裝外套的男店員好無禮貌！唔會再幫襯第二次。

出奇地好味😋全日早餐好抵食，又好大份，以我男人來講，份量很足夠，煎得很香，可以食到咁好味嘅嘢，成個人醒神晒！服務和環境方面比想像中好👍員工會同我講（先生早晨！隨便坐，睇啱食咩可以隨便叫我！）之後就會放低餐牌俾你揀嘢食👍掂晒～立即好窩心，起碼唔似其他茶餐廳🍴好似趕頭趕命咁，吹客人落單～對客人來講，禮貌令到我值得回頭嘅一間餐廳仲有個牛腩飯好精緻，味道幾濃，不過就唔係幾喜歡佢加咗紅蘿蔔，牛腩口感入口不會好韌，入哂咖哩味

經過見到新開，就入去試吓質素，叫咗一個豬扒飯外貌普普通通，估唔到有幾好食，豬扒好鬆脆，食物質素唔錯吧想稱讚一下佢哋嘅員工服務態度好好，安排座位都很好，雖然唔係高級餐廳，但佢地好有笑容唔會黑口黑面！餐牌價錢唔會好貴，地方闊落，適合家庭去食，質素環境幾好，下次試埋佢晚餐先，今次試咗佢地午餐，其實佢哋個餐牌都好多元化，好多種類，實有一樣啱口味，招呼好好，因為我話想坐窗口位，員工立即安排！佢哋個奶茶都好香滑，佢個朱古力西多士幾有特色可以試吓，又脆又香，唯一唔好就係唔夠多朱古力醬下次叫店員加多少少先，因為本人太鍾意好食朱古力店員得閒嘅時候都會周圍抹下枱清潔，感覺上餐廳幾衛生，走嘅時候店員仲有溫馨嘅一句（多謝晒🥰拜拜）

坐落千色店內！未講食物先形容裝修，舒舒服服的，第一印象唔錯！是次晚餐，點了普通的香草雞意粉，馬來咖哩牛腩飯，冰磚咖啡；全部都唔錯呀！食唔使招積，坐得舒適，價錢合理的，只係新開冇乜人識！

之前經過見到呢間新開嘅食店， 本來諗住試早餐或者午餐，但係朋友話不如試下晚餐， 位置好方便，喺荃灣千色店地下入去， 晚上食客不多， 食物味道賣相都唔錯 ，不過唔多選擇 ， 特別係飯類只有兩款都係牛， 一個咖哩牛腩飯，另一個唔記得 ，因為朋友唔食牛所以冇叫。 啲座位都舒服，大部分卡位， 不過冷氣好凍。呢個雞翼都炸得好香脆， 味道都唔錯。$38雜扒餐不過不失。$ 95 套餐反而呢個意粉 ( $80 套餐 )，一嚟到好香， 味道都唔錯 ，有驚喜😋 其實呢間餐廳多數都係意粉類， 有叫到黑松露薯條，但係唔記得影相， 熱辣辣，外脆內軟， 好味。因為套餐包飲品，叫咗杯凍朱古力， 普普通通。 反而隔離枱叫熱咖啡，都聞到好香呀🙂侍應生得三個 ，都係年輕人，都有禮貌， 下次可以嚟試下午茶 ，食吓啲甜品。呢間餐廳都收費都唔算貴。😙

這餐廳開業時適逢第五波剛發生。餐廳位置方便，位置在荃灣千色店內店內設計有心思，清雅乾淨餐飲設計創新，凍咖啡和冰鎮咖啡好飲疫情時來光顧，表示支持今次order 的「黑松露芝士惹菌吐司」好失望，因為餡料是室溫，兩個可能性：1）預先整好沒有充分加熱就攞出來2）餐廳冷氣偏凍，所以食物沒有即時由廚房送到客人，直至到食物溫度亦都冷了一半伴碟的沙律，新鮮。即磨咖啡味道拖移生意難做，每一個部份都要處理好，希望這店會改善，生意蒸蒸日上。