蓬萊咖哩屋

营业中

休息中

雖然OPENRICE顯示落場時間係下午3時至5時30分，不過見門口掛住營業中既牌就照5時15分入去試下啦。入面既侍應就準備中，但都可以用餐。今次係第二次食，上次睇左OPENRICE食評，有人話二人套餐唔抵食，所以上次散叫食左$4XX。經過研究之後發現二人套餐抵唔抵食既關鍵係味道、份量、價錢之間既比例。第一次食過之後，已經確認佢既咖哩係上品，所以味道唔需要擔心，關鍵在於份量。由於二人套餐沒寫明份量，有D取巧既餐廳會全部當1份既意思，為左試下當中有沒陰謀，所以我叫左個二人餐。其實落單既時候侍應已經確認左，原來一齊都沒陰謀$318二人套餐詳細既意思其實係咁0.   免費脆餅(跟人數送)1.  可選 湯 或 咖啡角 (最多兩份)2.  蒜爆菜心(共一份)3.  鐵板咖喱雞5件 (共一份)4.  可選 牛、羊或雞咖哩 (共一份)5.   炒飯一碟6.   蒜香烤餅3件7.   自選飲品 (共兩杯)(可選酸乳)開餐前會有一次性濕紙巾抺手及提供免費樽裝水。免費脆餅當時沒諗住寫食評，所以沒影相，係薄薄既脆餅，可以點甜甜既洋蔥汁或微辣香草汁。咖啡角當時沒諗住寫食評，所以沒影相， 湯 決定支持小店，所以飲

本來想試吓其他餐廳，但因為已經三點幾間間都落晒場，路過見到呢間蓬萊咖喱屋，裏面仲有兩三台客，就入咗去試吓啦。餐廳入面食物種類好多，有印度亦都有尼泊爾風味嘅嘢食。今次冇食一般嘅咖喱，而係叫呢個尼泊爾辣汁餃子，睇個樣好似韓式食物咁，而事實上亦都係甜辣甜辣嘅味道，只不過比起平時嘅辣醬辣幾倍，食完不停飲水。。餃子皮比較單㗎，入邊係菜肉嘅餡料味道都唔錯。有個腰果汁牛肉，同一般嘅咖喱好唔同係印度菜入邊難得唔辣嘅汁，少少甜，好香濃。另外叫個薄餅，洋蔥餡料嘅，喺薄餅入邊包左牛油三個嘅洋蔥單食都好簡，但係就比較油膩。整體上係唔錯嘅一餐，盛為三百幾蚊。$$

今次去咗間響嚮的Indy's食印度菜，真係一個驚喜呀！首先，佢嘅印度燒雞簡直係得意，嫩滑雞肉包裹著濃郁香料，嗌火嘅炭香味，正到飛起！再講講嗰個咖哩羊肉啦，辣度啱啱好，舌頭上覺得到一陣陣暖流，肉質又腍又滑👌。食佢條芝士naan，鬆軟得嚟又緊貼芝士，呢個絕對係我心目中嘅黃金拍檔啊！至於芝士咖哩魚，湯頭鮮美，個魚肉咬落去彈牙，而個cheese naan又是餐桌上嘅秀色可餐。奶茶就淡淡幽香飄出，啖啖滑溜，餐尾一杯，簡直滿足到不得了。真係彈指間，已經好似去咗舊印度行咗一轉，個腦海裡依然環繞住咖哩嘅醇馥香氣，念念不忘呀！

朋友一直都好推薦哩間印度菜，今次終於有機會試，果然冇失望一坐低就有前菜，薄薄既脆片配埋乳酪汁Tandoori Ell $168 🌟🌟🌟🌟大鱔燒得剛剛好，唔會好硬，鍾意食鱔要試下Beef Briskec Curry $108 🌟🌟🌟Lahsun Nan $28🌟🌟🌟🌟有得揀大中小辣，我地揀小辣，咖哩味好濃，牛腩已經切得細細件，配埋蒜蓉烤餅，烤餅很厚身，配埋咖哩食一流👍🏻👍🏻Momo $31🌟🌟🌟🌟我地一行2個人，怕食唔哂一碟餃子，於是問下可唔可以叫半份，餐廳好好可以比我地order 半份，試到哩個尼泊爾餃子，皮係比較厚身，仲有跟一個似咖哩既汁Lassi Mango $32🌟🌟🌟酸酸甜甜都好開胃

這家餐廳整體而言味道真的很不錯。我訂了set lunch，其中的咖哩有點稀，讓我有些失望。不過，momo這道尼泊爾餃子真的好吃，讓我非常滿意。我們點了set lunch後，食物很快就送上桌面。我挑選的咖哩口感有點稀，讓我覺得料理師或許可以再調整一下食譜，讓咖哩湯汁更加濃郁一些。不過，食材的新鮮度非常好，味道也相當不錯，讓我還是很享受這道咖哩。接著，我們點了尼泊爾餃子，momo，這道菜色真的非常美味，很值得一試。餃子皮很薄，內餡口感爽口，配上醬汁更是美味。我非常喜歡這道菜，真的很好吃。

每次經過都好多人食，想試左勁耐，今日難得喺附近又唔洗等位，無理由唔食呀麻😛印度開胃特色飲品🤯嗌之前完全零idea，但佢講明特色就試試去，黎到望到隻色心知不妙😂啡色嘅飲品真係第一次，老實講佢個外貌係勁唔討好，似落去係話梅味🤔只可以話幾特別，但真係飲唔慣雞肉咖喱Masala 🌟🌟🌟🌟🌟辣到可以揀大中小辣，咖喱味好濃，啲雞唔算太滑但都唔鞋，可接受，用黎送飯同烤餅一流👍🏻蒜蓉烤餅 🌟🌟🌟🌟🌟烤餅口感好好！簿嘅地方係脆，邊邊位好軟熟嘅麵包口感，但係有少少麥香味😍鐵板羊肉件 🌟🌟🌟🌟🌟一擺上枱勁香，總共有六塊大大件，食落好香香料味，肉有羊味但唔蘇，我本時唔食羊既都覺得好味，已且肉質全熟得黎唔會鞋餃子 🌟🌟🌟餃子因人而異，佢個皮厚得黎係有咬口，我個人幾鐘意食，但如果鍾意皮簿爆餡嘅可能未必鐘意。佢有碗埋個汁，我食完都唔知係咩汁嚟，食落有少少似咖哩但又唔完全係。想講但係勁抵食，一碟有成11-12粒🤯整體評分 8.5-9/10真係好推薦大家過嚟食，我地兩個人食咁多野都只係人頭$200左右，仲要每樣餸都物超所值👍🏻

住係元朗幾十年，成日都經過蓬萊咖哩屋，但就一路無機會試~! 適逢最近發現疫情下，佢提供左外賣自取優惠，二人餐抑後都只係二百幾蚊，有咖哩角、蒜容烤包、菜、五香雞件、印度黃飯、咖哩雞/牛/羊，叫埋兩杯芒果特飲又唔洗加錢，份量充足，真係抵到爛！係味道方面，咖哩角同咖哩羊都十分惹味，然後用佢地咖哩去撈個印度黃飯，更令食慾大增。至於蒜容烤包係我的至愛，點Ｄ咖哩去食，味道真係十分配合，想食多幾塊。食到辣辣地，飲返杯芒果特飲，解渴之餘，又有點透心涼。呢間餐廳係元朗屹立咁耐，果然堅揪

上年聖誕食完後念念不忘，一直都好想再嚟食。趁住今日冬至，一於食晚餐做個冬。照舊都係叫咗個二人餐（$318，另收加一，但上年攞咗張VIP卡，有85折，埋單$303）前菜，二片脆脆薄餅，微辣香口，青色醬清爽，醃洋蔥醃紅蘿蔔開胃。餐湯/咖喱角，要哂咖哩角，外層鬆化，入面咖哩薯蓉惹味。清炒時菜，食到不少香料味，但今次油咗啲啲。咖哩雞/牛/羊，揀咗羊肉（小辣），咖哩辣甜酸，多重層次；羊肉炆得好腍，冇乜羊騷味。蒜蓉燒餅，即烤，熱辣辣，蒜蓉味唔重，用嚟點咖哩一齊食冇得輸。印度黃飯，長條米粒，乾身，又係啱哂撈咖哩一齊食。串烤五香雞件，鐵板上，勁惹味，醃製醬汁少少辣，雞件烤得超好，表面稍稍焦香，裡面雞肉嫩滑而且仲有肉汁，另外墊底嘅洋蔥絲、椰菜絲、紅蘿蔔絲，吸哂味。正。餐飲，嘉士伯啤酒，爽爆。

食得印度菜一定會叫既naan，呢個係香蔥款，仲叫左個芝士款，我覺得整得偏油。兩個人食叫一個naan就夠，真係飽到食唔落😂呢個係前菜黎，薄脆片，點下啲醬又幾得意，但啲醬辣辣地。雞雞，好吃🥹隔離既咖喱都好吃🥹呢到啲野食，我倆個人都都食唔晒，所以叫少一個naan😂

可能因為太耐冇飛, 呢期中意食唔同既菜式去感受下異國風情同當自己去左旅行咁, 而今晚係平安夜, 我地去左間一直以來係元朗國都好想去既一間尼泊爾餐廳🇳🇵早幾日已經book定位, 當晚到場所有侍應都係尼泊爾人, 一開始會比濕紙巾你抺手, 十分衞生, 而且飲用水係支裝唔係廚房既自家水令我好放人飲水(因本人除左飲茶會飲既熱水係餐廳從來唔飲其他水)正式落單其車我地都冇咩諗法, 因我地從來未試過, 所以叫店員介紹下：不過可能第一次食, 有好多難以形容既味覺😅1/ Aloo Chat $52我諗呢個係尼泊爾既沙律, 食物冇咩特別、但特別在佢既source, 食落酸酸辣辣咁, 幾開胃😄2/ Chicken Curry $98開頭以為好辣, 但食落冇任何感到辣, 雞肉好多舊而且冇根👍🏾👍🏾3/ Saag Paneer $88芝士菠菜我叫咗小辣但識落十分之辣,不過係好食既, 而我老婆覺得唔係好辣😅4/ Zafrani Pullao $52飯有啲乾, 呢個味真係有的食唔慣5/ Cheese Nan $30烤餅做得好唔錯，厚厚地點埋咖喱仲好食，一共有四件6/ Lassi Mango $32落左單之後見其他枱既

餐廳提供不同人數嘅預設套餐，我就揀咗二人餐（$318+10%）。餐前送咗兩片脆片，青色醬十分清爽，醃紅蘿蔔、醃洋蔥酸酸哋好開胃。餐湯（雞肉忌廉湯，濃度適中，味道不錯）、咖哩角（熱辣辣，外面鬆脆，裡面咖哩薯蓉香味重）各要咗一份。羊肉咖哩，要咗微辣，咖哩香味重，而且有蕃茄底，甜甜辣辣，多重口感；羊肉大約有五/六件，有羊騷味但唔重，肉炆得好淋，而且唔肥，好食。蒜蓉燒餅，熱辣辣（辣手），蒜味唔太重，點咖哩一齊食冇得輸。串烤五香雞件，即叫即做，鐵板上，雞件外面香口、內裡有肉汁，醬料醃味好惹味；連埋鐵板底嘅洋蔥、椰菜絲、紅蘿蔔絲都勁入味，正。清炒時菜，用咗不少香料炒，好惹味。印度黃飯，米粒長，乾身，撈咖哩啱哂。餐飲要咗2杯啤酒，跑完啤一啤，爽爆。呢餐食得超滿足，食物質素又好，價錢又合理，絕對值得推薦。

元朗一間歷史悠久嘅咖哩屋，由大門開始，裝修佈置都充滿異國風情。前菜先送上薄脆小食，配上近似乳酪嘅醬汁，同醃洋蔥醬汁，可惜薄脆有少少疏氣，唔夠脆口。而餐湯就唔係太合口味咖哩牛配白飯咖哩非常香濃，牛肉鬆軟得黎有咬口，而且唔會被咖喱搶晒味！而白飯就用上印度米，比平時食開嘅飯無咁有咬口，個人麻麻地呢款米，下次都係叫返烤包！烤雞配薯仔烤包烤雞非常惹味，雞肉好嫩滑！而薯仔烤包夾住左一層薄薄嘅咖哩薯仔，就咁食都已經好好味！非常推介呢一道菜！凍檸茶茶底比平時飲到嘅凍檸茶香濃，但係略嫌甜左少少凍印度奶茶帶有好重嘅香料味，個人接受得到值得一讚嘅係，餐廳嘅衛生做得幾好，每枱都有一支大樽裝水，同用上即棄紙枱布。

來元朗吃一個午餐，朋友介紹吃咖喱的地方，一直是餐廳口袋名單。餐廳內播放着柔和的印度還是尼泊爾的音樂，有特色也令人舒服。🔸咖喱牛配烤包咖喱就是很印度的咖喱，很香，微辣，沾着烤包吃，不會吃不完的一道菜。烤包也給得很大方，三大塊的，剛好可把所有咖喱都吃完，而且聽說是用炭爐烤的，特別有風味。🔸烤雞配薯仔烤包烤雞隨鐵板而上，送到枱上時還是發出滋滋聲地烤，雞肉用各樣香料醃製，稍辣，烤起來也算滑，配一個薯仔烤包，就是薄餅中夾一層薯仔蓉，是好吃的。還有的是，點了印度拉茶作餐飲，這個味道實在超出我想像，喝下去的時候跟奶茶沒什麼分別，但是那後勁的是一堆香料的味道，上網一看，是薑、荳蔻、丁香以及肉桂混合而成的，只能說，沒能欣賞這種像擁有神奇力量的味道。

噚日15-5-2021 (Sat) 晏晝,同老公入元朗睇鳳眼藍前食個晏,嚟到元朗,原本想懲罰夏捌月https://www.openrice.com/zh/hongkong/r-%E5%A4%8F%E6%8D%8C%E6%9C%88-%E5%85%83%E6%9C%97-%E8%A5%BF%E5%BC%8F-r509587,不過search到呢間,圓一圓老公想食印度咖哩啦.我哋嚟到,見到門口好靚,充滿尼泊爾特色,入到去,女侍應安排地哋坐近門口嘅二人枱,我唔想,我指住另一張4人枱,問個男嘅可唔可以坐嗰張?佢答可以.一坐低,男嘅遞上一人一件濕紙巾抹手,而女侍應即送上兩件印度薄餅同兩個醬汁.我哋睇完menu,決定要$318.00加一嘅二人餐.落完單就食嗰兩件印度薄餅,唔知係咪我哋好耐至食,有少少腍,而味道係有少少辣.醬汁方面,有酸乳?同糖醋浸洋蔥?酸乳質地較稀,味道亦清.糖醋浸洋蔥酸酸甜甜咁,我鍾意呢個.然後餐中食物嚟喇:1. 咖哩角上次喺荃灣嘅巴巴站漏單冇食(4月7日刊登嘅呢篇https://www.openrice.com/zh/hongkong/review/yeah-%E6%AD%A3

今日由大埔坐64K 去元朗搵食，坐左個半鐘車，終於去到元朗巴士總站出面既蓬萊咖哩屋。等了5分鐘就有位，我們點了午餐咖哩羊$75跟咖哩雞$62跟飯及烤餅，餐茶點了凍印度奶茶及凍檸茶。先黎一個薄脆烤得得脆很好吃，忌廉餐湯好飲。飯是用印度的小米夠細長乾身，配咖哩一流。烤餅有3塊。雞肉好嫩滑應該是用了雞腿肉，羊肉都夠晒淋夠入味，兩樣都超一流。印度奶茶很特別，可以一試，很特別。今餐很滿足，用料，烹調都很滿意，非常好吃的一餐印度午餐。