蓮花健康素食

营业中

休息中

農曆十五來食素😃之前經過一直想試, 今日終於食到, 同家人一起來品嚐, 可能中午十二點算早, 所以都有好多位😙到一点就開始多人了☺️店員安排二人座位, 要左壺鐵觀音🍵, 望d餐牌好多選擇😅又有d選擇困難, 之後揀左怡香茄子駌鴦米, 係特價68元個張餐牌（今日十五照原價88元）要左一個生菜魚滑豆腐同什菌勝瓜鮮竹球🥰, 之後店員送上兩碗例湯🥣係老黃瓜赤小豆, 清甜好味🤩👍之後送上生菜魚滑豆腐, 賣相好靚仔😻份量就一般, 上面加左d粉絲, 冬菇, 芹菜, 夾d魚滑來食, 佢外面係金黃色, 質感做到鯪魚肉的口味, 個人覺得好似比真魚滑好食🤭有驚喜👍另外d豆腐亦好滑好有豆香味👍👍配埋生菜粉絲食落好清淡😘😋唔錯, 之後又送來什菌勝瓜鮮竹球, 份量也是一般, 顏色好鮮艷好靚👍🤩d勝瓜亦好脆綠清甜, 冬菇雞脾菇都煮得入味, 食落唔油☺️, 食下主角鮮竹球, 亦好香好滑的豆味, 亦都好好食😄係我喜歡的素食材🤭再來怡香茄子駌鴦米, 來到有d嚇親, 乜敢大碟🤣😜🤣佢入面係米粉加粉絲🥰食落都幾夾, 茄子亦煮得好入味, 條條仍然係紫色, 不過如果米粉淋番少少, 粉絲多番dd, 我估會更好味, 整體配搭也好夾😋👍見隔

經過佐敦見到這間蓮花健康素食, 正好就在網紅店佳佳甜品隔鄰, 入內一試, 果然喜出望外, 午餐價廉物美, 60多元有交易, 有湯有餸, 又有飯麵可選擇, 今天我們沒有叫午餐, 選擇了單點 炒糯米飯、鹹魚雞粒炒飯, 炒飯非常乾身, 叉燒熱辣辣上碟時還是脆口的、翠塘豆腐賣相一流, 而且好好味！素肉碎炒蕃薯葉, 味道恰到好處, 高纖健康, 每樣食品都大大碟, 足料, 有鑊氣！少油少鹽！經理又送個老火湯給我們, 紅蘿蔔合掌瓜及很多豆一起煲, 十分清甜滋潤埋單前還送我們木瓜雪耳糖水, 5個人吃了五百多元, 超值

一直都冇留意到呢度原來有間素食餐廳，兩個人晚市入座都幾多人，坐低無耐店員就推介羊腩煲話係招牌菜，冬天先有，真係第一次聽素食都有羊腩煲，見到隔籬枱嘅糯米飯個樣都幾靚，忍唔住就嗌咗店員見我哋嗌咗羊腩煲，但張枱太細細，就建議我哋上樓上一張四人枱坐，座位闊落，員工好Nice，羊腩煲像真度很高，味道亦都不錯，仲跟生菜一碟糯米飯味道亦都不錯，雖然唔會似臘味糯米飯，但都幾好食，齋鹵味就正常發揮，食完之後仲送一碗綠豆糖水埋單之後出門口先發現原來佢有糕點，就買咗兩件椰汁糕外賣，椰汁糕質地好似棉花糖一樣，入口即溶，唔係心目中想食嘅味道，呢個就普通，但有機會會再嚟試吓其他菜式

每次行過人人圭甜品，晚上有幾十人排隊。每逢經過都會有師兄稱讚‘蓮花素食嘅素湯非常好飲，芙蓉腐竹涼瓜’，聽就聽得多，一直都未有興趣想去試🧏‍♂️☀️今日去之前見到OpenRice都有唔少師兄介紹芙蓉腐竹涼瓜🫶🏻🫶🏻🫶🏻睇嚟都係一致讚好。一坐低即刻有湯！散叫都有🥣送、除咗灣仔麗姐廚房之外，依間素湯真係可以排喺第二👌👌☀️👍 10分俾8分🥣🥣🤗我同侍應男職員講好好飲⋯⋯男職員即刻話，我轉頭裝多碗俾你🌞☀️🫶🏻真心正😎😎真心欣賞，不是貪心😓我只係想讚吓大家，俾啲鼓勵🤗🤗其實依個餸，喺普x齋舖都有食過幾次🤩🤩感覺好似煎蛋，幾可亂真，原來係腐竹🤤😬😬外脆內軟冧冧，香脆，唔會煎得太熱氣🫣🤫涼瓜算係新鮮… 食落好享受，腐竹涼瓜同嗰啲碟一樣大⋯⋯驚喜喺下邊有個山菜底（所以食落減少油膩感☘️☘️☘️真心驚喜位！生菜新鮮爽口）🙌🙌正，感覺好抵食！全張單埋單$128，呢間齋舖比較多少少外國人或者回留返嚟嘅人中國人食🙌🙌餐廳乾淨衛生，枱布新淨🧚‍♂️🧚‍♂️🧚‍♂️感覺四正企理🙇🏼🙇🏼最後9:00差唔多食完，收銀姐姐仲送兩大舊馬蹄糕俾我🙇🏻‍♂️🙇🏻‍♂️感覺好正！職員好有親切！有傾有講！行出行入每枱客戶都有啲傾偈💬！服務比一百分！非

嘉賓大廈附近 睇完醫生 找找食晚飯 行下行下見到呢間素食 裝修簡潔清新🥰仲有特價菜式68蚊 😂一於入去健康一下叫咗兩個餸🥢豉汁味菜涼瓜牛片$68牛肉片係用麵筋 口感煙韌 涼瓜新鮮 味菜野味 豆豉味不算太濃 炒得不油膩健康之選 不失好味🥢雜菌勝瓜鮮竹球$68有鮮冬菇雞髀菇 鮮爆炒很香口勝瓜新鮮 又有薑片紅蘿蔔 好似好有營養咁 特別想讚下鮮竹球非常有豆味白飯$12圓拱形好大碗小食 $11花生香口新鮮脆卜卜茶錢$12🤪痴線勁多嘢送餐湯 (南瓜湯唔記得影相) 三款甜品(包括 馬豆糕 奶黃卷 綠豆沙 )簡直不敢相信，如此有誠意，我哋只係叫咗兩個特價餸都送咁多嘢

諗住去佐敦裕華國貨買嘢…下下經過一間素食店…. 見佢裏面嘅乾淨企理，所以入去試吓🥳🥳門口仲有好多中式嘅素食點心我去到嘅時候已經差唔多下晝五點幾…竟然仲會有午餐叫…而且仲有好多選擇在我叫咗最鍾意食嘅鰻魚…的而且確呢間素食店嘅鰻魚真係好好味佢哋嘅鰻魚好軟熟，而且整得好入味而且亦會附上一碗例湯其實最最特別驚喜喺竟然最後尾會有糖水送….當然堂食會計$12茶錢仲有+1…..所以今餐食$77如果出邊黍計呢個價錢都幾合理

經過好多次都想試下，今日終於試到，入內樓面姐姐熱情招呼，開茶點菜便送上足料例湯～好飲！！荔芋紫菜卷～香脆好食👍芙蓉涼瓜煎鮮竹～好特別😋好好味嘅什錦齋… 略為鹹咗少少嘅廈門炒米食到好飽要打包之際，還要送上番薯糖水及糕點，唔好睇佢哋係送嘅…都係非常足料絕對有誠意之作👍👍👍

第1次試蓮花健康素食，餐廳嘅風格，無論係菜式、餐牌設計定裝修，都同維亞軒素食類近，但部分食物嘅價錢較貴。晚市會送例湯、糖水同糕點，我哋當晚係送西洋菜蓮藕紅蘿蔔湯、西米露同馬蹄糕。芝士香草焗鮮茄 ($98 /2個)蕃茄嘅表面鋪有一塊芝士去焗，入面裝有唔同嘅配料，例如素蝦粒、粟米粒、甘筍粒、素肉碎、菇粒等，配料整體爽口，有香草嘅香味。菠蘿咕嚕肉 ($95)咕嚕肉應該用咗素肉整成，但口感幾特意，有少少爽口，有別於傳統用大豆纖維整成嘅素肉，皮薄。清炒蕃薯葉 ($85)蕃薯葉好嫩。茄粒炒蘿蔔糕 ($90)蘿蔔糕煎過，外表脆口。欖角肉崧炒鴛鴦飯 ($85)炒飯乾身，用咗白米同紅米炒成，配料有素肉碎、菜心粒、冬菇、粟米粒、甘筍粒......

今日年初一去佐敦分店食野老公想食咖哩齋，我就問A職員可唔可以叫出面d預食梨堂食職員話可以，我就同老公出去買買完番梨食食下B職員就話：下次唔好買外賣堂食我就驚訝話下？！唔得架到點嘅菜上先，再問番A職員剛剛另一位話唔可以堂食跟住佢話「係呀，唔得架」我仲R頭，就話岩岩我明明問左你嘅（原來堂食有得點而價錢唔同，簡單方可以屈完我叫我補差價就我吧？）叫一個菜都100以上，仲有前菜茶芥，如果佢覺得有人想慳dd 先咁做就真係好古怪嘅想法重點明明問完職員都可以一時一樣我都無野好爭論佢講錯唔認，或者隨口應就算咁就無啦啦比我受左氣，佢咩責任都無我就費事開佢年最後咩心情都無連野都無食就走

最近想食下齋，之後朋友介紹蓮花健康素食俾我🥙 第一次幫襯，店內乾整企理，仲播住播住佛系音樂，短暫淨化咗我生活上嘅壓力👍👍呢度嘅午餐真係好抵食，中午lunch set HK$60左右包埋前菜同糖水，好適合一家大細黎食，唔覺意點都會叫多左少少🤭大滿足🥰今次5個人又真係好似食咗好多野😋 可能姐姐都覺得我地有啲煩，叫完又叫😆 我哋食咗嘅有：紫菜荔芋卷、菠蘿咕嚕玉、沙拉排骨、蜜燒素豚玉、春卷、腐皮卷、雜齋等等，多到我都唔係每樣都記得要手機食先📷 食完先記得無記錄低，哈哈🤣🤣

真係谷住度氣，去齋舖食個便飯，唔係熟客姐，唔洗呼呼喝喝嘅！明明未夠6點可以叫客飯，隔離檯早我地幾分鐘入場都可以叫客飯，我哋就比收銀亞姐噴到一面屁，態度極差叫話冇得叫，坐唔夠半間舖嘅客，都唔算好忙，對住其他客就多謝前多謝後，就連買外賣齋鹵味嘅客都係多謝前多謝後！我哋呢，問飲乜野茶都要問兩次，我哋話冇客飯叫做乜又隊個例湯落黎，亞姐勁勞氣話送嘅，唔要就收走，我哋答好，佢就嬲爆爆咁收仲要係掉入廚房Pang一聲！若果佢對全場嘅食客都係咁嘅態度，我ok ar, 當佢更年期或者M到，但偏偏就係對我咁差囉

有機會會再幫襯素食店之一， 朋友約吃素第一次幫襯，店內乾整企理，冷氣十足， 食物滾熱辣，味美用心制作，我們兩個人叫了砵仔焗魚腸（有陳皮），石頭窩飯:有驚喜， 雜菜煲一般，飯後仲送姜汁蕃薯糖水，兩個人埋單$340質數唔錯唔會太多油，味道唔會太濃砵仔焗魚腸：要小心上桌滾熱辣，味道層次分明，陳皮味濃，但要快食，否則食到尾會覺得有啲乾身，因為個砵嘅餘溫繼續發熱，實際價錢唔太記得只記得120左右石頭窩飯：掛著食唔記得影相上桌滾熱辣，味道層次很豐富，份量十足（夠3人食）有仲食緊韓式海鮮窩飯嘅感覺，正正正，價錢唔太記得只係記很120左右

午巿$47一個餐，仲有例湯糖水，真係好抵食。例湯今次係蓮藕紅蘿蔔眉豆湯，清甜暖胃。小菜份量足，素雞煎到好香口，炒入翠肉瓜好有鑊氣，又無話好多茨汁。甜品有南瓜西米，真係太飽，食左一半，好綿軟既南瓜西米，又唔係好甜。係裝修有啲舊，員工匆匆忙忙咁，同店入面既佛系音樂成對比。

午餐免費例湯 ~ 椰子，紅蘿蔔，黃豆前菜小食 ~ 醃酸菜 。 爽口。甜，酸，辣度適中。椰汁南瓜芋頭很香 裏面的配料有唐芹，秀珍菇，紅蘿蔔。芙蓉鮮腐竹煎豆角本人特別推介很少素食館有這道菜，外脆內軟。飯後送了椰汁西米露。不太甜，很不錯，但忘了拍照

朋友話食菜多會生女😂食肉多會生仔🤣唔知食返啲素肉會唔會有龍鳳胎😂😂😂呢度嘅午餐非常抵食，由星期一至日11點到6點都有lunch set $60左右包埋前菜同糖水，得閒同屋企人飲吓茶都幾好芽菜清熱解毒，有埋湯水滋潤吓呢碟廈門炒米，落咗少少茄汁炒，有冬菇青椒、素蝦，炒得比較濕，冇燶邊燶底魚香茄子，比較入味🤤菠蘿咕嚕肉👍淡淡素肉，個肉食落好似有兩種豆腐齋，一種實淨啲，一種鬆啲。最後送埋糖水😋