蕃喜工房

营业中

休息中

Well! 唔鐘意食番茄🍅的我，見人人都讚好的小店，就勇敢試一試。挑戰！叫了一碗香茅雞中翼番茄米線，外賣。去附近公園食。（因為，堂食地方較少）嘩！真係估唔到，外賣野食，仲熱過自己煮的麵。先把米線、雞中翼、番茄、芫茜，倒落番茄濃湯裏。首先，飲一啖湯，誰不知，碗低好熱；當時，有少少後悔，應該搵張檯接著個碗嚟食。飲完湯，放低，再試食雞翼、米線、餸等等。好好味呀！又好溫暖，而且，大大碗，真係好飽肚！ 值得一讚👍🏻你都不防試一試，相信會好似我咁，鐘意了番茄濃湯😋😋

正👍🏻番茄湯濃郁 好番茄🍅～呢間番茄湯無渣 食完面再飲湯好正同埋呢間嘅咖喱飯都好好食 邪惡咖喱 濃郁好味 真材實料 咖喱除咗咖喱汁之外仲有茄子同薯仔 超正 一碗飯超大份 強力推薦

自小就對蕃茄十分喜愛，凡是該店有蕃茄湯底可選的我也毫不猶豫會點。這家小店在屋企附近當然要幫襯吓啦。 這次試了香茅豬扒蕃茄米線， 豬扒醃得非常入味， 蕃茄湯味道濃郁，米線份量很足夠。整碗湯也喝光。好味道😋老板服務殷勤有禮貌，以WhatsApp落單很方便。會繼續幫襯的。

成日都見到好多人排隊，今日見佢有糖食，即刻坐低。試吓佢用真正蕃茄煮嘅湯底。好吸引，米線好滑，豬膶好好食，香茅雞翼好入味。我哋仲嗌左自己手打魚餅，同埋麻辣墨魚咀。全部都令我哋好驚奇，因為性價比好高。

係呢條充滿各式美食既小巷入面，蕃喜工房都食過好幾次，湯面係主角，但係每次都額外必定會叫埋涼麵，尤其是喺悶熱嘅天氣下胃口唔太好，食依個涼麵就岩數啦麵身清爽硬度適中，簡單的配搭青瓜絲粟米粒已經足夠價錢合理

買左幾次試過蕃茄麻辣牛肉幼麪蕃茄蛋米粉蕃茄牛肋條加炒蛋烏冬點過泰奶佢既蕃茄湯好好味唔辣既就食到濃濃既蕃茄味辣既就更加惹味，我個人更推辣味蕃茄，好正而佢地既量每次都好多唔會好似其他店咁碎碎濕濕用真既滑牛片而牛肋條都蚊到淋哂好好味，炒蛋就嫩滑好有蛋味（應該用大既啡蛋，可能湖北蛋/泰國蛋，蛋味好明顯），必需多多幫襯正外賣都咁高質🫶🏻，如果大家住附近一定一定要多多支持、店主真係用心整個蕃茄湯，好好飲呀

最初新開張嘅時候 粉嘅份量偏少 連我係細食之人都覺得少 但開咗幾個月 今日再去試 份量正常返好多 連個碗都大咗 叫咗個蕃茄湯原味豬扒米線 $42 原味已經係蕃茄濃湯 香煎豬扒都好惹味 性價比不錯 改善後應該會多啲幫襯 💛

20231006🌤️🌬️1️⃣Friday 🌹😍在炮台山發現一間用蕃茄做主角的專門店，主打濃郁蕃茄湯麵，店子除了湯麵，還提供涼麵、 特色小食及樽仔飲品。🤩心情有點興奮，因為我喜歡飲蕃茄湯，但，不喜歡吃蕃茄，我是否一個怪人？🍅蕃茄的營養多多，茄紅素是一種植化素， 抗氧化力強，可以改善心血管疾病，也有防癌和抗癌的效果，尤其是對抗前列腺癌的效果特別顯著。👨‍🍳如果熟悉我的朋友都知道， 我喜歡與餐廳老闆或廚師傾談，「蕃喜工房」也不例外, 與老闆Louis 言語之間，得知Louis有一段時間在不同西餐廳及中菜館做廚師工作，希望有得著，開「蕃喜工房」前在各區尋找有什麼特色的菜館可做🎊終於在6月26日，星期一「蕃喜工房」開張啦！🕗Louis 每清早大約八時回到店舖作好準備，每鍋蕃茄湯用大量新鮮蕃茄、豬骨及紅蘿蔔， 用慢火淆製而成， 最重要的步驟用人手隔渣(心機) ❤️📃差不多餐牌上的蕃茄湯米線，我都重複吃過，除了牛肉，我問 Louis, 我今日吃餐肉好還是鯛魚? Louis 立刻回覆，吃鯛魚有益 D, 🐟我就要鯛魚烏冬加滑蛋，額外加餸加$10；一人小店，每次出單不用10分鐘，外賣會分開湯底及麵各上😋我每次都會

我係蕃茄控，所有蕃茄菜式都喜歡。全碗湯飲晒，分量一啲都唔少，就算好飽但係一滴湯都唔捨得嘥。用心經營的小小食店。魚餅香口美味。蘿蔔清甜無渣。下次一定再幫襯再食食食。

用料新鮮，無味精，蕃茄湯味濃 ， 並非坊方間用茄醬混出來的味道可比， 一試便知龍與鳳 ，性價比高。鯛魚爽滑兼彈牙， 牛肉新鮮並且大大塊， 幼麵夠滑。另外， 泰式人手製魚餅夠彈牙。

今次叫午餐外賣，特登試咗呢間餐廳。主要俾佢嘅健康餐吸引咗。今次我叫咗鯛魚片，加咗$10烏冬，其他米線，米粉等等係唔使加錢。我加咗$10嘅滑蛋，餐廳都幾多人，份量都幾夠大，個番茄🍅湯底，好濃郁☺️健康得來又好食😋同埋烏冬非常彈牙！味道真係唔錯🤗我連續吃左兩日，叫一份如果唔係大隻嘅話，足夠一個午餐或者晚餐，份量啱啱好。材料好新鮮，餐廳一啲都唔孤寒。仲有其他小食等等可以叫，性價比好高。咁樣一個餐大約$55，絕對啱晒平時返工嘅打工仔，或者附近嘅街坊去試。

朋友介紹炮台山開咗間蕃茄米線小店好正今日去試吓，叫咗鯛魚米線，一飲個湯果然真材實料，真係好好味清甜，魚片爽脆小食樣樣都想試，叫咗麻辣墨魚頭咸蛋雞翼泰式魚餅樣樣都味，而且非常抵食，支持用心小店，下次一定會再來

為支持小店，第一次寫食評。價錢恰當，由$30-$50/碗麵，係平民既價錢！我叫左個滑牛米線加辣外賣🐂🌶️🍜，老闆👨‍🍳一人小店好快出到單，等左無5分鐘個外賣已拎得！而且老闆態度好，有禮貌。返到去一打開個外賣，細心位係咁既價錢竟然會湯/麵分開上！證明老闆對食客既用心，希望外賣客食麵既時候唔會比湯浸到淋晒。其次再睇埋個湯底🥫，老實講我唔係茄湯lover, 但望住個湯唔太稀又唔太杰，但你又feel到佢好足料果種程度，唔怪得門口有個招牌寫住「一個會令你飲晒既湯」。🥫🥫到開始食，牛肉🐂份量適中，滑。又有粟米/茄粒/芫茜配料🌽🍅🍀，算係咁，睇得出老闆唔係果種只為賺錢而比好小配料既人。💪🏽💪🏽再入正題開始飲個湯，feel到老闆既用心，蕃茄味夠、冇渣、滑、湯既熱度適中，令你可以一路食，一路飲湯。而且個湯既濃郁程度有少少似飲緊阿媽煲嘅老火湯咁，係好味既！所以我食食下決定影張相，寫個食評支持小店，免得依啲用心，有誠意既鋪店執一間小一間！

係街方群組睇到有人介紹蕃茄濃湯既米線， 一於就去試下啦。 蕃茄 滑牛米線，真係一試難忘， 我係一個唔係好鍾意食蕃茄嘅人，竟然都會飲曬所有啲湯。 加埋老闆推介加埋川椒油， 令到個湯更加鮮味。 見到佢有泰式冬陰功湯金邊粉，於是 第二日，又試埋，真係都好好味！ 希望佢一路都可以保持呢個水準啦👍👍👍同埋一定會支持小店💪💪💪 我對食物有要求， 所以倒落 自己個煲度再加熱，更加好味😁😁

接男朋友放工，所以去咗附近搵嘢食。行行下見到門面細細，但係飄出非常香嘅蕃茄湯味，決定試一試，男朋友嗌咗鮮牛肉公仔麵，我嗌咗香茅豬扒蕃茄幼面，仲加左小食辣墨魚同辣蘿蔔，仲有自家製冬瓜茶，盛惠$141蚊。大約等左五分鐘都冇，老闆就遞咗兩碗熱辣辣嘅蕃茄湯麵🍜，男朋友話鮮牛肉非常滑嫩，份量多，大約有十舊八舊，而我嘅香茅豬扒亦好好食，老闆即叫即整，個湯超級熱，亦非常濃郁，食得出用咗不少心機與蕃茄，辣墨魚非常出色，老闆服務態度非常好，成間舖面得佢一個打理，出餐亦快，價錢好實惠，每樣都係心機之作，雖然已經有好多面類供應，但如果有通粉同烏冬試吓配呢個湯一定超正，呢個湯係無敵的飲飲下太心急唔小心倒瀉咗，老闆都冇生氣，無論係嘢食定服務態度都係一流的，會再嚟食