蕃茄仔

营业中

休息中

呢碗係雞排餃子刀銷麵，啲雞排係煎過哂既，所以都幾香口，啲餃子裡面有啲菜同肉。湯底係蕃茄湯底，麵條都幾有咬口既，配合埋啲酸酸地幾開胃既湯底，整體幾好味。不過食完之後有啲口渴，都飲咗好多水。

蕃茄仔的牛脷上海麵。牛脷煮得很軟，煮得嫩滑，有慢煮嘅效果，同時好夠味，並唔喺白烚的淡而無味，這一點已經非常成功，因為製成品非常好吃。價錢大眾化，親民又實惠，是街坊價，我經常光顧，是午餐，下午茶和晚餐必點之選。最喜歡它的蕃茄湯底夠濃味，讓通粉完全掛上湯汁，非常惹味好吃，讓人一試難忘，從此愛上，欲罷不能，經常掛念那種味道。吃得出湯底用料十足，在我心中是完美的料理，家中根本不能自己煮到，因為需要的材料很多，深感這是一道用心的料理，感謝廚師的用心和專業。上海麵煮得恰到好處，不太軟亦不太硬，是剛好的狀態，充分顯示廚師的專業，並非一般家庭主婦可媲美。單單這一點已經很值得我們光顧和支持。而且份量十足，用了個誠意也是100分。這種美味，經常讓我回味無窮。

話說我本身已經好鐘意食蕃茄，又好鐘意食刀削麵，所以次次去完希雲大廈拎包裹都會順便嚟蕃茄仔食碗麵😂之前食過特級安格斯牛肩胛，同埋慢火澳洲和牛𦟌，今次就試下芝士雞柳刀削麵，加$10轉麻辣蕃茄濃湯（中辣）。雖然我食得辣，但都覺得中辣幾辣，甚至蓋過咗本身蕃茄湯底嘅香甜，淨係食到辣味，所以我都冇咩點飲個湯🥲 下次都係食返原味/小辣湯底好啲。芝士雞柳反而有驚喜，因為我本身唔鐘意食雞，好驚食到雞肉質地鞋/有雪藏味，但呢款雞柳比較似將雞扒切粒，同芝士好夾，仲食到少少焦香😛提提大家餐廳只收現金，同埋食嘅時候小心整污糟件衫😂

有日喺銅鑼灣做完gym唔知食咩好，PT介紹我可以去希雲街試吓呢間主打蕃茄湯底嘅餐廳～嗰日揀咗相對低卡嘅【特級安格斯牛肩胛套餐】💰92本身以為牛肩胛即係牛腱，上網查過先知原來係唔同部位，牛肩胛肉質比較結實，一共有四件。蕃茄湯底鮮甜濃郁，配上刀削麵好掛汁👍🏻味道方面其實OK，但略嫌呢個價錢肉量有啲少，相對冇辦法好好補充蛋白質😢😢當日由於係一人進食，排咗好耐隊都只可以坐Bar枱，都幾唔舒服😢

今日六點鐘入去食飯，入到去先得一枱客，我同朋友拎住一袋二袋，所以就每人一張單人枱坐住先。由頭到尾見住我哋入嚟招呼都冇打過，直程冇出過個Bar枱😂😂 見到我哋坐咗兩張單人枱，即刻黑晒面。我都即刻反映咗話到時有客嚟嘅話我哋會讓返張枱出嚟。跟住佢秒咗我哋一下，就係收銀處叫出嚟要我哋要調去另一張枱。公道啲講，佢冇鬧人嘅，但服務態度係零。咁我無謂阻住佢哋做生意，冇食就走咗🤷🏻‍♂️ 間嘢好唔好食我就唔知啦，但我覺得你唔想做生意囉😂😂

蕃茄湯底非常濃郁，而且是很天然的蕃茄蓉作湯底，可以選擇辣度！配料方面牛肩胛非常之重牛味及新鮮，雞扒外脆內軟，非常好吃！價錢合理CP值很高的一間湯麵店🥰值得下一次的回顧😝

吾休做呀？ 服務態度極差，冇禮貌，野食好食都吾會再去💩 以前食過幾次，第一次遇到咁差既服務態度，啲客好似欠咗你咁！睇cm個個都話個收佬男人態度差，原來吾係得我地咁認為！

入黎攞位嘅時候企係收銀嘅先生一邊撳住手機，一邊態度極差咁講冇4人位，已經令人第一印象好差。之後見有位就入左去，想坐低個下就比個位先生講「我收左野再坐得唔得呀！」，咁咪企係度等佢收先。之後就聽到個位先生同廚房同事好大聲，語氣極差咁講「又唔係冇位」。認真做得服務業，有禮貌咁對待客人我相信係機本，就算要講客壞話都麻煩入返廚房細講。成件事令人對依個品牌印象大跌。建議大家去九龍灣分店，一樣咁好食，態度仲好啲。

📢唔知點解間中都會想走去銅鑼灣希雲街一帶行下搵下嘢食，與繁華鬧市嘅中心點有著一種對比嘅感覺 。一個找到呢間都頗多好評嘅🍜蕃茄麵店，細細嘅店舖中午時間座得滿滿，仲有條人龍等待入座，果然人氣🍅.📢開到餐牌上居然有鴨肉🦆，二話不說就即刻落單，等緊嘅同時坐喺靠窗嘅孤獨位置，看住人來人往嘅街道，感覺有點兒喘息空間，比坐在內裡嘅感覺好 。玻璃上列出各款蕃茄麵嘅餸料，原來選擇都唔少，相信可以再去試試🍅.———————————————————————————🍜輕煎三味鴨蕃茄麵🍅🦆💬超濃郁嘅蕃茄湯底，係杰身嘅口感，絕對係會掛在麵條上，啖啖都有香濃嘅蕃茄味道 。沒有查問三味鴨即是邊三種味道，相信係同三杯雞類似吧 。的確鴨肉煎過後好香口，肉嫩而且鴨皮香脆，感覺良好🍅

市面上主打蕃茄湯底嘅舖頭，除咗番茄師兄，星座冰室，勝香園之外仲有呢一間蕃茄仔（懷念佢哋以前喺小西灣嘅滑蛋仔都勁正！😋）蕃茄仔個特點係口感特別濃稠，因為佢哋每日用幾十斤嘅新鮮蕃茄🍅🍅🍅 再加大量蔬菜同香料打造而成呢碗濃郁蕃茄濃湯~湯底真係夠曬厚身掛湯，口感係用 blender 整成嘅西湯咁~ 仲可以加入乾蒜同葱重口味，正呀喂~牛魔王 - 一碗有齊牛肩胛同和牛𦟌，個人比較鍾意牛肩胛，牛味濃兼且好有油脂香~略嫌份量太少到喉唔到肺熱溶芝士厚切牛舌，有三件厚厚嘅份量都幾足料 牛舌外脆內嫩，謎之有少少鹹牛肉嘅味道~加咗啲芝士更加鹹香 🧀（但如果佢係用碎芝士再熱溶應該成個樣同味道都會更加昇華~）麵底可以選擇刀削麵，上海麵 等等。刀削麵煙靭有口感而上海麵更加柔軟索湯~如果鍾意滑韌又爽口兼且超吸汁嘅嘅仲可以試吓葛絲，更加有驚喜~

香港都有好幾間店舖出名蕃茄湯底，蕃茄仔就係其中一間，今次一於試試佢！🍜 大滿足豚三寶（$95）我嗌咗呢個係豚肉為主嘅三寶麵，揀咗自家鮮茄濃湯+ 上海麵（走蔥version），免加一。豚肉三寶有豬扒、豚肉片、豬軟骨，當中我覺得最出色係佢煎得好香，香到我覺得仲出色過佢個蕃茄湯😆 豬扒同豚肉片都煎得超香口，至於豬軟骨就一般～ 蕃茄湯底都幾濃，但我覺得配上海麵，個麵唔太掛湯，可能揀其他會好啲，但佢麵底選擇又唔多🙈 最後我都差唔多飲晒個湯😝 有機會都可能encore，但相比之下，呢間定價有啲高，難啲做到恆常食嘅舖頭～

態度差 嘢食又唔好食 蕃茄湯底冇蕃茄味 全部茄膏 執鬼咗佢 如果經過千祈唔好行入去唔係包保你一定中伏我發誓以後唔會再食呢間嘢保證一定唔會 Worst as hxll 邊個去食邊個中伏？

！大推！最愛蕃茄湯麵嘅Top3其中之一就係銅鑼灣希雲街嘅【蕃茄仔🍅】好食到每個月都要黎食一次！每次都係嗌依碗😂😂⭐️蕃茄濃湯炭烤風味雞扒刀削麵⭐️首先，個蕃茄湯真係好濃郁好好味，每次我都會飲曬啲湯🥹😋然後佢加左啲乾蒜同葱喺湯入面令到個味道再昇華左！（唔鐘意嘅乾蒜同葱嘅朋友都可以走左佢😜）雞扒方面佢燒得好香，雞肉好嫩滑，個皮又好香脆，真係不得了！刀削麵方便，好有口感，做到蕃茄湯掛麵嘅效果！成個配搭都好出色！

一直都好鍾意呢間番茄麵，同出面嘅番茄麵唔同，呢間湯底濃郁，番茄味酸酸甜甜好滋味，牛肉鮮嫩多汁，加拿大豬肉片都好好味，上海幼麵吸曬番茄湯底，好快食完一碗，大滿足！

系中午時段黎食，都幾多附近既學生黎光顧。我同frd食芝士牛舌套餐同芝士雞柳套餐，量好大份，胃比較細既可以考慮share一齊食總體而言湯得番茄湯好濃感覺無味精，系幾好飲牛舌夠厚夠味，雞柳量多，會不知不覺飲曬d番茄湯(⁎⁍̴̛ᴗ⁍̴̛⁎)食玩無會想飲水但會想漱口，因為番茄湯真系好濃好多沙🤣店內飲品雖額外俾錢但水系免費自己倒～