薄餅博士

营业中

休息中

行完山攰到得返半條人命，又餓又攰，求其去左附近食返D野補充體力，叫左個平日特價套餐，一個大薄餅，一個肉醬意粉，一盒雞翼，同埋兩個忌廉湯。薄餅雞肉蘑菇，薄底，薄餅焗得夠脆，但略嫌芝士不足，面頭既醬汁都係好重味精，食完勁口渴。肉醬意粉面頭舖滿肉醬，但係下面係完全咩汁都無，成盒意粉都好乾，撈開D肉醬都係乾爭爭，同埋好濃味，超鹹。雞翼8隻雞翼唔大隻，但係落左好多醬汁去醃，完全剩係食到D汁既鹹味忌廉湯麵粉開既湯，得幾粒粟米。成餐剩係覺得自己食左好多味精落肚，返到屋企要狂飲水。

今晚我們叫咗「PHD薄餅博士」嘅外賣速遞返屋企食！由於上次我們已經叫咗新推出嘅新款批套餐，所以今次我們叫咗傳統嘅4人家庭餐：PHD珍寶批嘅材料相當足料有爽滑嘅牛肉粒、香辣嘅五香肉粒、菠蘿、蘑菇、洋蔥、青椒、蕃茄醬汁，味道好惹味，口感非常豐富，而薄餅嘅質感亦好軟熟！蒜蓉燒汁海鮮長通粉嘅長通粉相當煙韌彈牙，醬汁係蒜蓉配燒汁，出嚟嘅味道非常夾，而且超惹味，食落有種齒頰留香嘅感覺！一番和風飯「唐揚炸鷄.溫泉蛋」嘅炸鷄外層炸粉就厚身咗啲啲，但入面嘅肉質就好鬆軟嫩滑，溫泉蛋做得相當出色，唔會煮到過熟，而無咗流心出嚟嘅效果，米飯亦好軟熟，而且仲有啲紫菜碎灑上飯面！另外！惠顧滿$180就有一客意式肉醬意粉送，意粉嘅質感好煙煙韌韌，肉醬嘅味道好濃郁，而且份量十足，唔會因為係贈品而會減少咗食物嘅份量！

今晚我們叫咗「PHD薄餅博士」外賣速遞返屋企食！我們叫咗今期新推出嘅新款批套餐，3-4人激安之果物套餐：鮮芒海鮮蟹棒大批嘅質感相當軟熟，厚薄度適中，材料非常豐富有香甜嘅芒果、蟹棒、魷魚、精選海鮮、青瓜同蘑菇再配上和風美容醬，食落感覺好清新，唔會因為有過多嘅芝士，而有好膩好滯嘅感覺！黑糖鷄翼嘅肉質好嫩滑，而且相當入味，醬汁嘅味道除咗有香甜嘅黑糖味之外，仲有淡淡嘅芥末味，味道超清香惹味！葡汁鷄皇意粉嘅意粉麵質好煙韌彈牙，鷄肉嘅肉質好軟滑，醬汁嘅味道相當濃郁，而且有好香濃嘅椰汁香味！忌廉鷄蓉粟米湯嘅濃稠度調教得恰到好處，唔會稠到好似漿糊咁，又或者過稀！輕盈沙律嘅沙律菜好清甜新鮮，沙律黑醋係分開另上，唔會就咁加落去一直浸著，而令到沙律菜變腍！黑糖豆乳布甸食落質感都幾滑溜，有淡淡嘅豆乳香味，再加埋香甜嘅黑糖漿一齊食，感覺都幾特別！另外我們再單點咗個野莓蜜桃烤鷄大批嘅材料亦都係好豐富有香辣嘅黑糖胡椒鷄肉、烤煙肉、蜜桃、秋葵同蘑菇再配上和風美容醬同野莓美容醬，味道非常惹味香口！總括：所有食物嘅味道大至上都相當唔錯，唯一要批評嘅地方就係薄餅切得比較差，一啲都唔平均，有啲就好大件，有啲就比較細件，有啲美

打工仔每餐都盡量慳，薄餅博士逢星期二都會推出優惠，有時候我們會連續幾個星期二都來吃特價pizza，年中都可以慳唔少😅新一年優惠繼續，$69有個大批，說是外賣自取優惠，但其實可以堂食的，2個人1個大批，想唔飽都難，如果人多還可以半價再配指定飯或麵其實平日的套餐價錢也不貴，如果不喜歡指定款式也可以選擇單點，因為所有單點食物也有8折優惠我們2人點了千島夏威夷大批$69雖然味道不及pizza hurt ，但也有拉絲效果😂另加$8換了杯凍朱古力，不過很甜啊！

一至五特價餐 日日驚喜超值餐 外賣速遞118選了沖繩黑糖胡椒烤雞普通批，自稱手工拉pizza，價錢俾叫了多年的必xx平，今晚就提議兩條友仔試一試。自從xx大加價兼嚴重縮水後，已有點想罷食，今日呢度幾好，雞粒同菇加洋蔥粟米青瓜芝士唔少，胡椒香唔錯，但而家普通批同迷你批無分別，批底唔算好軟熟，可以更好。蜜糖BBQ雞翼雞翼偏瘦卻又是我喜，奇怪的我，蜜味ok，肉質亦嫩唔干身。忌廉雞蓉粟米湯飲完會飽左，不過不失。食後感：等左八個字就有得食，落雨關係已好快，其實其他批好刺我喜歡的千島海鮮都唔貴，但就不列入呢個特惠內既批了。二人餐黎講好平呀，落雨濕濕唔想郁，天時，地理，人和。

wow Tuesday真係好吸引呀 ！有兩個批可以任揀每個都係69蚊咋！今次買咗個千島夏威夷批！最鍾意就係食呢個醬嘅味道！甜甜酸酸咁好正！就算上面唔係好多餡，淨係可能得啲火腿粟米，都覺得好好味雖然其實係好鬼肥！哈哈 69蚊都一啲都唔hea！個批烤得好脆！而且我出了成個批勁大，三個人share都唔過份！不過今次除咗個批仲要讚嘅係佢加8蚊嗰件雞！真係好食過kfc啲雞呀！個皮炸得超脆！調味都調得好好味！好香嘅黑椒同埋鹽味！一咬落去自己都聽到有聲！“賊” 咁樣！而且雞肉好嫩滑！下次有機會淨係叫件雞嚟食都好！

話說個日返工睇到⬇忍唔住同幾個同事夾左個黎食！係我最愛既千島夏威夷其實食pizza真係唔一定要有好貴既料，最緊要係個pie底夠好味，芝士夠多，醬夠濃&甜就ok la. 呢個pizza就完全做到呢個效果！所以就算得火腿粟米我都覺得好鬼正！加個意粉同8隻鷄翼都係150蚊到，真心抵！食到好飽！個雞翼好嫩滑，皮亦焗得好香脆！意粉上面個醬無pizzahut咁好味，如果可以多返d蕃茄既酸就更好啦！

記得以前PHD嘅下午茶，質素唔錯，兼且價錢幾抵，但係呢次個炸脾薯角，真係令我大失所望！！薯角份量大大縮水，但係如果味道搭夠，我都無咩所謂，可惜嘅係，薯角味道非常之淡，佢嗰種淡味唔單止係無落鹽，無落胡椒粉嗰種淡，而係跟一啲薯仔嘅味道都無，可想而知，佢地選材係幾咁嘅求其！！

其實PHD和Pizza Hut 都是同一個集團的，PHD近年開了很多分店，是日路過大角咀，發現有一間PHD，而且這間PHD比較好，因為除了有外賣之外，還有堂食坐位，最重要是有一人Pizza套餐，如果突然間想食Pizza，這裡是最方便不過。點了的迷你批套餐($35)包括個一個千島海鮮Pizza和忌廉雞蓉栗米湯。整個Pizza賣相唔錯，味道也比想像中好，有芝士香味，海鮮餡料份量足又新鮮，餡料包括有蝦、蟹柳粒、菠蘿、青椒、紅椒，千島醬同海鮮材料都幾夾到，Pizza的餅質鬆軟，份量剛剛好一個人吃。反而忌廉雞蓉栗米湯是比想像中差，沒有什麼湯料，只有非常濃的味精味道。

系日陸運會剛剛完咗好攰又想食Pizza就近來咗大角咀PHD食到一半發現冇影相Pizza除左啲青椒我唔鐘意食之外整體都okay手拉薄餅即場製作夠新鮮味道都還可堂食普通批較平時其他pizza店小好多葡汁雞皇飯最強推介！之前都有叫過PHD外賣Pizza一般但系同學都對啲飯讚不絕口咖喱飯雞皇飯都不俗唯獨拿破崙海鮮味道極怪初嘗需三思芝士卷芝士味不重不太新鮮炸得不夠鬆脆在PHD堂食或外賣自取都可以七五折今次兩個人就一個pizza再加個飯加個小食都系平均每人四十幾真系好抵但系多啲選擇就好

PHD近年擴張神速，近來發現，原來已經殺入大角咀，這家PHD有些坐位，客人可以買下來「堂食」，而且座位空間感出奇地不錯，能跟一般快餐店媲美，有一人套餐，一個人但想食PIZZA的話，絕對是個好選擇。脆香雞十分香口，但味道偏咸，大件足料，不怕熱氣的話，試得過！迷你批還可以加芝心，另加八元，整個批意外地不俗，具芝士香味，而且餅質柔軟，材料也算足，在連鎖薄餅中算是很不錯，份量亦不算少，一個人吃，剛剛好！

大角咀新開分店，坐位不是很多，總算舒適寬敞。服務員很有禮，用心介紹。最後選了迷你批加芝心、腸仔漢堡意粉、小食拼盤。Pizza:新鮮焗起，熱辣辣，兩人份量剛剛好；意粉：意粉淋咗少少，汁料淡咗少少，好似茶記貨色；小食併盤：有薯角、雞粒、芝士春卷，大致上味道可口，但個人認為可再炸燶點。

身為pizza hut的副線,出品必定有保證,再加上呢度有幾個位可以坐低堂食,故此晚上早點過嚟.叫了兩個$35餐,一份是燒烤雞肉迷你批配汽水,另一份是芝士配滑豆腐雞皇飯配粟米忌廉湯.迷你批的大細和pizza hut的下午茶pizza差不多,但雖然是即叫即做,而味道則比較遜色,pizza皮不夠厚,尤幸饀料相對較多.至於個豆腐雞皇飯,有點喜出望外,芝士味不太濃,豆腐很滑,加上適量的雞肉,配合得很好,而且味道亦不會鹹.加$22有四隻蜜糖BBQ雞翼,雞翼比pizza hut大隻點,味道亦夠甜.$35有個焗飯+一罐汽水做晚餐,還有pizza hut風味,值得推介.