薄餅博士

营业中

休息中

6:13 電話落單，聲稱7:30送到8:10 打電話追，但在電話追單仍然是等待9:10 送到，來了一個焗燶咗嘅Pizza。打左好多電話，還要教那位客服，重新製作一個pizza送來換返那個燶咗嘅pizza，才可追到一個正常pizza。10:10 終於收到一個正常的pizza。由落單到收到一個正常pizza 須要4個小時，我們只想付款得到正常的訂餐體驗，而不是無休止的等待。PHD 已經知道呢張單係漏單，追單就送個燶咗嘅pizza嚟。不會推介俾任何朋友及親友。

pizza 經常性買一送一，食唔晒都有細嘅套餐最鍾意食芝心批每次都熱辣辣呢間pizza 醬料好充足但係又唔會太濕最鍾意Pizza加菠蘿另外，呢度提供罐裝汽水有時話yuu又會有加一蚊換小食都幾優惠但係好似已經改咗做Pizza Hut

由即日起至6月12日於全線PHD分店推出期間限定的手拉薄餅買一送一優惠,精選10款人氣薄餅不限口味任你揀,讓你自由mix & match出心水配搭,而足夠2人分享的普通批平均低至$52就有交易,破天荒的創新「抵」價實在令人難以置信！而我就揀咗兩款都係千島醬嘅pizza🍕😍「千島夏威夷」「千島夏威夷」薄餅鋪上火腿、多汁爽口嘅菠蘿、香甜嘅粟米粒作配料,再加上甜酸開胃嘅千島醬汁,味道perfect match😋充滿夏日風情嘅薄餅口味,必定是大人小朋友嘅最愛😍「千島海鮮」「千島海鮮」嘅餡料非常豐富😍包括有精選海鮮同菠蘿、青椒、紅椒互相配合,海鮮同蔬菜份量好足料,口感豐富😋令味道同口感層次再度昇華,加上酸甜開胃嘅千島醬汁,令人一口接一口,喚起記憶中的味道,身心靈大滿足😍

今日唔使煮飯,阿女話叫pizza返嚟食我哋order咗3人餐 ✨千島海鮮-手拉大批✨千島海鮮.有魷魚、蟹柳、蜆肉、菠蘿、青紅椒,餡料好多,加埋千島醬.非常惹味.✨芝士白汁雞皇-焗飯✨雞件都幾多.配上白汁撈埋一齊食.更好味.✨蜜糖BBQ雞翼(4隻)✨雞翼係烤過的,又帶少少甜,肉質嫩滑,唔錯.✨脆薯角✨可能係送餐時焗住咗.脆薯角已經淋了.始終堂食係爽脆啲.✨忌廉雞蓉粟米湯✨忌廉香滑,仲有雞肉和粟米粒,味道雖然較淡,但都幾好味.

今日嫲嫲話想食pizza，唔好煮飯嗌外賣坐定定等食😙我哋叫咗兩個三人套餐$234，套餐份量幾豐富，又包小食又包嘢飲～千島海鮮 (原片菠蘿)好期待食呢款，啲菠蘿令到賣相好靚😂千島醬好多，好juicy，甚至多到小小滴出嚟😂呢款好惹味～但係啲海鮮貼唔實個Pizza，不斷跌出嚟…菇菇雞佢個名咁得意😂入面有齊蘑菇火腿雞肉，茄汁醬底，係我哋全家都鍾意嘅配搭!牛肉肉醬意粉不過不失，有好輕微嘅辣，個意粉唔會好乾身，有啲醬汁～葡國雞皇飯食到有淡淡椰香味，quite nice BBQ醬焗雞翼 味道唔錯，但係過份淋啦。。。近乎入口即溶。。變得完全冇咬口感薯角唔知點解入口苦苦地。。所以冇食啦。。PHD味道未必係最好，不過價錢唔貴，份量多食得好滿足😚

想食pizza又唔想出咁遠食，近近地就有呢間薄餅博士～同朋友叫左外賣自取 7點幾叫 8點就可以落去拎！真係又方便又快捷！叫左個三人餐 有千島夏威夷薄餅，葡汁雞皇飯同埋雞翼八件，份量啱啱好，仲會有汽水，湯，甜品，沙律揀，而我最鍾意就係呢個千島夏威夷，因為平時已經好鍾意食千島醬，佢個份量仲一啲都唔馬虎，疫情過後，開party，佢一定係我嘅首選

PHD 手拉薄餅我老公好鍾意食PIZZA，以批底黎講，PHD係最好食，所以就點左個2-3人餐，另加兩隻炸雞脾🍗。網上點餐，大約一小時內就到，而且黎到都係熱既。不過我都有再放係焗爐到熱住佢，熱食好味D。PHD 多寶普通批，比想像中細，不過餡料都算足，批底好軟熟。炸雞🍗感覺似肯德基，不過都肉嫩多汁。葡汁雞皇飯，覺得PhD 既飯或意粉，最好味係呢款。黑糖豆乳布丁🍮，唔落黑糖都ok 夠味。落左黑糖都好味😋。

5點幾家人話今晚想吃pizza,但天氣太熱又不想出街，想起phd薄餅博士5：30pm前還可以叫下午茶餐，那麽我便立刻上網訂講。迷你pizza/意粉/飯配飲品/湯只需43元,我們三大一小叫了四個下午茶餐。肉醬意粉比較乾身，肉醬粉量較少。芝士海鮮長通粉，有魷魚仔，青口仔，蟹柳，長通粉太淋，味道還可以。千島夏威夷有火腿，菠蘿，粟米，千島汁，芝士粉量算多，配上千島汁很惹味。千島海鮮比較豐富，有海鮮，菠蘿，青紅椒，千島汁，配上青紅椒比較有口感，餅底都算鬆化。滿$220加$1可以換蒜香包，麵面大大塊很鬆軟，但蒜蓉太少。加$10有兩隻雞翼，加了6隻。 柚子雞翼和蜜糖雞翼很淋，偏甜。加$10要了一個黑糖豆乳布丁，小小一杯，豆味濃郁。

作為傳統無飯家庭，晚餐自理。是次，老哥話想食PIZZA，但覺得PIZZAHUT又貴又質素下降，話之前食過呢間唔錯，就試下呢間。（其實呢間都係PIZZAHUT旗下）外賣比單上說的時間早到，速遞員算有禮。叫了＄118套餐 ＋＄28要了大批 這餐PIZZA只有三款可選⋯⋯選了雞肉磨菇口味味的。雞肉蘑菇PIZZA，雞肉粒足夠但沒有什麼味道蘑菇偏少，芝士味不濃，批不算脆口有點麵粉香，整體來說很清的一個批，沒什麼特別。蜜糖雞翼，比較像燒烤醬雞翼（還是真的給錯了？），蜜糖味不濃，反而很多燒烤醬，但味道算不錯。雞蓉栗米湯，粉團開的湯要求不能太高⋯⋯但能給我一點雞蓉跟栗米嗎？價錢＄146，不能說便宜，聽說炸雞好吃，如有下次，還是試一下正常口味的PIZZA跟炸雞比較好。

病病地唔出街啦！屋企附近開左PHD，一向都覺得PHD好食過"XX客"，橫掂唔想出街，咁就叫Pizza啦！今晚試左呢個日日驚喜超值餐，外賣自取$108，送黎就$118，反正老公都要出去，就叫佢外賣自取。個餐有一個Pizza，兩客湯同一客雞翼。先講個湯，忌廉雞蓉粟米湯，湯比較"希"，忌廉味唔多，打開蓋都無乜香味，相反雞蓉同粟米就好多，如果可以加多少少菇，個湯應該會好飲d。Pizza有幾款選擇，因為工人姐姐唔食豬肉，我地叫左美式蘑菇烤雞，pizza係普通批，分開6塊。Pizza個皮好薄，但係唔係好脆，可能我地遲左少少去攞，食落已經林晒，似係食緊d硬硬地既麵包，Pizaa焗既時間岩岩好，起碼唔覺得燶。餡料上面加左沙律醬，感覺無畫蛇添足，食落都幾Match，蘑菇同雞肉份量平均，蘑菇夠煙韌，雞肉都似處理過，少少咸味。可能餡料比較普通，味道都只屬普通。蜜糖BBQ雞翼有8隻！蜜糖味好香濃，每隻雞翼都呈橙橙地色，十足十BBQ過既雞翼，咬落雞翼都幾大隻，啖啖肉(唔係瘦雞)，肉同骨易分離，蜜糖既甜味充滿住每隻雞翼，可惜係雞翼稍為有少少油，用錫紙盒裝住，d油真係清晰可見呢！