薩莉亞意式餐廳 (西九龍中心)

营业中

休息中

親子時間之後, 帶小朋友們來到哩度, 等左約半個鐘左右就坐低了。食物份量較少, 但我地可以叫多啲野食😁fd話哩個雞肉多利亞唔錯, 試落真係幾香口, 就係一人只分到一兩匙羹哩個我都鍾意, 就係骨太多, 小朋友要好小心因為有一杯杯紅酒叫, 所以叫左火腿配, 感覺唔錯, but酒一般般粟米湯, 攪碎洒啲粟米, 飲落好滑雞翼辣辣地, 如果有唔辣ge揀就好了, 小朋友食唔到哩個薄餅份量又太大了😂 唯一一個食唔洒ge野墨魚汁意粉, 食時要小心, 唔係就就變左污糟貓了~腸偏咸了, 唔係幾ok其實整體食飯都ok, 適合小朋友來, 或細食ge人。但自助野飲就唔得, 朱古力,咖啡都冇咩味, 或覺飲緊淡奶

3月10日 晚市我地點左 ：蒜蓉焗田螺，黑松露野菌意大利粉，邦哥尼意大利粉，水牛芝士pizza。問題黎喇，個田螺整個都係黑色，我問個服務員係咪焦左，佢第一句就話"我地焗啲田螺差唔多全部一樣架"，我只係知佢整個都黑晒焦晒，比人睇既感覺係好似食緊炭咁都已經唔得啦，同埋個服務員啲態度真係好差，可以嘗試用好既態度黎同個客人講野，就算忙＆唔忙，都要用返好既態度講野架ma。黑松露意粉，完全冇味，直頭食唔出有黑松露既少許味道，忌廉汁極少。邦哥尼意粉，我平時食開都唔係好辣，但依個真係辣到食唔到，真係麻麻地。雖然價錢係好平，好抵食，但都唔係咁既服務態度吧。

週末與朋友到西九龍中心逛街，一時興起想到薩利亞食雞翼，於是一行二人到了薩利亞進餐。原本以為只有晚餐時間才會大排長龍，怎料到連下午茶時段也要排隊等候，果然旺場。我們等了大概20分鐘才能入坐，但比起晚餐時段應該算是還好。我們點了周打海鮮湯、芝士焗薯角、辣味雞翼、蒜蓉法包以及布丁🍮。周打海鮮湯味道濃郁，而且還在湯裏面食到很多料芝士焗薯角的芝士及薯角都超多，勁抵食辣味雞翼夠惹味，辣道適中，味道令人回味蒜蓉法包夠香脆，蒜蓉味道亦夠濃蒜味唯布丁🍮與餐牌圖文有點不符，吃起來裡面還有一些吃冰的感覺整體而言，西九龍中心薩利亞食物出色之外，還夠抵食，是回頭率高的西餐廳🍴

男子漢得閒鍾意做d乜？好多野做喎，但其中一樣就係間中去深水埗黃金商場睇吓d電腦野同埋去鴨寮街睇吓有乜筍野執。出開去，順便約我老友阿梁食吓野傾吓計，順便祝賀佢舊年d生意多到接唔切。約左佢去西九呢間，見親阿梁都好羨慕佢，年年都有腦但冇老，歸功於佢自小多運動囉，我都要學吓佢多d做運動喇，應該係never too late嘅。門口攞飛仔等左陣，竟然有卡位坐添，真係vely骨。本menu都幾colourful喎，全部係相，文盲都識叫野食啦。加12蚊重包埋自助飲品添。㩒鍾仔叫侍應嚟落單先。先嚟兩個中華海草。海草好爽，煙煙韌韌，加左d醋同少少辣，認真開胃，真係巧巧食喎再嚟個黑椒蜆肉鐵板煮,蜆肉鮮甜，黑椒辣度啱啱好，又熱辣辣，唯一扣左少少分嘅係有三兩隻蜆有少少沙。蒜汁燒鱿魚嚟啦，鐵板上，巧大隻鱿魚喎咬落啖啖肉，好味得嚟又唔韌，點埋d汁，真係茅得頂，我真係巧…………鍾意食呀。呢個番茄海鲜意粉係我食嘅，有蝦有青口，煮得幾唔錯，難得係d意粉濕度夠，彈牙又唔多油，配埋d番茄，好食得嚟又健康，易消化，唔會有時食d多油意粉咁食完會反胃阿梁話佢呢個番茄煙肉意粉亦係水準之作，食晒，完全冇剩。呢度d後生仔女侍應d制服幾

薩莉亞於香港地開完一家又一家,以西餐pizza意粉來說,絕對是平霸！而走勻咁多間，很多時都會遇到大排長龍的情況，(得寶那一間是表表者) 相對深水埗西九龍這一家，它要輪候的時間也算十分合理 就以今次等候為例,約五分鐘就已經有卡位坐啦。佢嘅特色就是平嘅而水準平心而論亦都係非常之可以接受,性價比非常之高！三文魚沙律,材料十足,而菜並不會找到有爛的情況,而且煙三文魚也有5塊，交到貨。墨汁意大利飯,墨汁充足味道亦可,偏淡。當然啦,溫泉蛋卡邦拿意大利粉味道更勝一籌,溫泉蛋做得非常之好，一篤就穿撈埋來食就一流！ 意大利菜湯相對就油多一點但味道還可,以菜湯來說配料合格。 黑椒蜆肉一定要點,這個鐵板蜆肉只係價值19蚊但係味道非常不錯而且隻隻都是開口沒有一隻是合口。而且每一隻都有蜆肉在內，畀大排檔食炒蜆，其開口命中率之高實在天淵之別！感動！ 甜蝦粗管麵即芝士焗粗通粉,味道佳，芝士焦過效果甘香。以200蚊不到的價錢,唔收加一，吃到這麼多道菜，已經非常滿足，夫復何求。飽肚，味道唔錯，真是開飯啦！

同朋友係西九龍行完街就去薩莉亞食野，係中午時間真係有好多人去食飯，所以都要等左一陣先有得入。因為我地得幾個人，所以就唔到好多野食。今次去食就叫左兩個飯、周打海鮮湯、焗田螺、一個pizza同甜品。薩莉亞D野食一向都好好食，雖然份量比較少，但係勝在夠平。如果多人一齊去食，就可以食到好多野。

(1.) 意粉 - 意粉大份，不過料不足，味道普通，意粉味普通，蜆有好多沙。(2.) 肉眼牛扒寫明是美國入口，但是沒有牛味，不嫰滑，好鞋，味道和大家樂牛扒差不多。味道普通，但都抵食啦！價錢取勝！

好耐冇食呢間出名又平又抵食既西餐廳西九龍中心店一向多人 星期六晚等左好耐先有位2位大食之人 今日一於想食咩就食咩1. 必叫甜蝦沙律 - 我最愛 個沙律汁好好味 甜蝦雖然細隻但份量都算多 2. 意大利菜湯 - 難飲 勁稀 個feel 好油 兩個人都飲唔哂3.茄汁海鮮意粉 - 意粉超大份 不過料不足 味道就普通 賣相更加冇既 好有自家製感覺4. 辣味雞翼 - 必食之作！好入味同埋都夠辣5. 煙肉菠菜 - 下面張相認得好核突，但一上菜真係咁嘅樣嘅...完全冇賣相可言 菠菜味道都好青 麻麻地6. 魷魚 - 不過不失 不過可以再燒多陣lol 7. 煮蜆 - 味道份量都OK ,咁嘅價錢值得一試8. 最後帶咗甜品Tiramisu 同朱古力雪糕慕絲，味道好個朱古力好正加埋每人$12 既飲品吧，埋單$209/2人味道普通什至有d 比較難食，但都抵食啦！價錢取勝！

今日放假 同朋友食個反 突然諗起呢間野 其中一碟叫左羅勒墨魚仔 食左一半 咬到爽口GE野 吐左出黎 ......... 不知明物體 問店員咩黎 反問我咩黎 oooo 道歉都冇句 仲要之前個啖吞左 嬲 嬲爆服務態度差 落張單都黑口黑臉

帶過小朋友去過幾間食，除左呢間之外其他都有 bb櫈提拱，但呢間竟然可以無！！即使現場客人唔多啲員工亦唔會主動幫手，仲用埋啲唔好既語氣問你做乜野？如果帶小朋友黎食就要小心！！

墨魚汁飯 圖文不符見餐牌有返墨魚汁飯 滿心歡喜叫左黎食點知個飯一黎到同餐牌圖片係兩回事汁又多又稀👎🏻 味道就靜係得個鹹字同個女侍應反映 問個墨魚汁飯係咪咁樣架 佢話係 仲要話換咗都係一樣

呢到都搵到有平既PIZZA食呀 好YEAH 因為我都好鐘意食PIZZA 又好耐未食過 咁就入左去食喇 今日叫左個水牛之士PIZZA PIZZA夠溥身都幾好食 之士都夠多 可以啖啖都食到之士味 仲有個卡BOR尼意粉都好好食 好CREAME

薩莉亞出名好抵食，中學時最愛同朋友黎食。今日忽然間好想食，係深水埗買完野就黎西九呢間分店食2個人叫左4樣野食，其實都好飽～～辣味雞翼($32)每次都一定會叫，辣辣地好惹味！雞肉多利亞 $29係白汁雞肉焗飯呀，仲有唔小既芝士香～不過，汁太多了，吃多會有點膩，反而飯唔係太多，有Ｄ意想不到～邦哥尼意大利粉　$29好抵食，仲有唔小既蜆，味道開胃，但食到中途我就覺得太辣了><蒜汁燒魷魚原筒魷魚，肉質軟腍，不過味道比較單調，但性價比很高！餐牌

咁岩經過薩莉亞， 又好耐冇食，於是排隊食，等左成45min， 如果唔使等咁耐就好了。D 菜好快就到， 唔使等， 但坐得唔耐， 食完就立即收野， d staff好忙， 都係自己搞掂。我最鍾意香辣雞翼，口感十足， 雞肉嫩，不會太韌，皮脆肉嫩，味道唔錯， 而且十分便宜。So Yummy～之後我食茄汁蜆肉意粉，啲汁唔夠，蜆肉食到有沙，蜆肉冇咩味道， 份量唔多， 十分普通燒魷魚好味， 汁夠多， 不過有點鹹， 如果隻魷魚可以成一塊塊就好。總括而言， 咁平又食到咁多野， 係好好超值r， 食幾多荷包都唔痛。

話明一分錢一分貨，雖然唔係什麼中伏之選，不過味道確實可以接受，只係平民化d。星期六的晚上足足等左個幾鐘先有枱，由選擇不多，好快就決定哂食乜了。之後食物都好快一碟碟到齊。由於大家等到都好肚餓的關係，我影唔切所有食物的相，所以我今次只係講下幾碟食物的味道吧。前菜係中華海草，其實都係平時食開果d味，無特別。水牛芝士pizza 。熱辣辣都幾不錯，但芝士的分佈唔平均。羅勒墨魚仔。呢個冷盤都好味，細細碟可以一試。三文魚沙律，當然唔能夠期望有好多分量的三文魚啦。味道不過不失。如果d菜再新鮮d，感覺會良好d。黃金粟米pizza $29。成個薄餅都係粟米，味道還可以，個賣樣好求其隨意。墨魚汁意大利粉。👇🏻與餐牌的圖片分別好大，成碟黑麻麻，都唔覺有墨魚圈在意利中，當然墨魚汁就不太濃啦。芝士煙肉焗薯角。整法無難度，所以不過不失。如果一大班人係純粹熱鬧下聚下，呢到係一係平價經濟之選。如果係要求食物質素的話，就另作他選哂。一分錢一分貨。