薯仔屋 (已結業)

約了好耐，終於約到食飯喇👏🏻👏🏻👏🏻要搵個地方暢談，一定是搵間樓上cafe估唔到咁都俾朋友搵到呢間咁骨緻的cafe地方雖然不算很大，但環境舒適，佈置精美，環境靜，好啱傾計啊！搵個靚位坐低，好肚餓要點左野食先😋我們唔想煩就決定點個2人set dinner😆包左沙律、小食、兩個主食、甜品同兩杯特飲... 我們就選了凱薩沙拉、蜜汁雞翼、金牌醬燒豬仔全肋骨、蕃茄肉醬千層麵、芝士蛋糕，飲品就是紅粉佳人、粉嫩小桃食物全是即叫即做，好新鮮、熱騰騰😋😋先上飲品，顏色好美，味道不錯凱薩沙拉配上兩塊蒜蓉烤多士，多士烤得香脆得宜。蜜汁雞翼都焗得皮脆肉嫩，甜蜜的滋味😊 醬燒豬肋骨伴有粗薯條，豬肋骨肉多又嫩，外面肉有燒汁味，又似有微微的芥末味，不錯的口感和味道，而且咁粗薯條第一次見😳 成隻手指公咁粗，面頭有濃濃的芝士醬汁同酸忌廉配薯條一起吃😋 醬夾的味道，很好👍🏻 蕃茄肉醬千層麵好多蕃茄肉醬同芝士，麵不會很乾，很juicy開胃的蕃茄醬汁。 食到咁上下都好飽了🤭，甜品係芝士餅，份量好適中，太好了，好味又甜蜜的感覺慢慢一邊食一邊傾計，感覺良好😁傾下計又可以玩card games，睇漫畫，打機都得😆😆盡玩盡玩😎真係

經過功課既洗禮 人已經疲憊不堪 男朋友帶我去左一個小地方係一個好有家既感覺既咖啡室仲有小朋友玩既地方 好適合一家人來玩下hea下地方温馨又好有個人特色香蕉/芒果奶昔 很推介佢奶昔唔單止好夠凍 仲要有好清新既奶味 小店做到呢個味道好難得前菜係沙津同牛油多士 多士好脆 而且有好濃既牛油香港 而沙津裹面都有麵包粒 口感香口實在沙津醬料 有濃濃既芝士味香炸雞翼 係新鮮炸的 多汁香口超級多芝士既千層麵一碗絕對夠兩個人食裹面既麵同薯蓉綿 再夾埋d肉醬 香濃可口芝士肉醬薯條又係新鮮炸的 每一道菜都落足心機仲有就算攤凍一陣食都係脆的多芝士到拉絲好邪惡豬仔肉好冧 用叉刮就刮到d肉落來我食得好乾淨 食淨條骨個汁係好經典既bbq味最後仲有甜品嘆咁耐以來既壓力無曬堅用心既小店推介千層麵 同佢沙津奶昔都好正

今次同朋友嚟cafe食下午茶吹水，見食評唔錯就揀哩間，一入去覺得環境很不錯，幾有家的感覺，周圍都係模型，放得好靚好整齊，而且仲有一個小角落係小朋友的little playground，玩具都好多，好有心思，近廚房仲有部遊戲機，又有漫畫櫃，boardgame櫃，足球機都有部，cafe唔算大，其實只容納到4圍朋友，但感覺唔會好迫而家感覺令人幾放鬆，確實很不錯，食物方面，我只評我自己點的餐：肉醬舖天芝士焗薯$64 + 雜果賓治(跟餐加$15)，焗薯不錯的，不過再多少少肉醬，同埋個焗薯開口再大多少少少的話，會好味好多，不過在CWB區來說價錢超級親民，雜果賓治則很一般，希望老闆可以轉用環保飲管哦。

自從有次來到碰到關門後，看見可訂位，便在前兩天已訂位。第一次來，位置上較難揾，在這位置，google map 不太準確。進內，看見環境只有四張枱，十分寬敞，十分寫意，裏面還有很多遊玩區和卡牌。可惜今天我和兩個友人只是聚餐和談天。它只有三個餐，以人頭收費。今次我們點了以每人為$158 的餐。芝士蒜蓉包，吞拿魚長沙粉沙津，黃金炸薯餅，薯仔屋蜜汁雞翼，薯仔屋至尊薄餅和卡邦拿白菌煙肉意粉。飲品點了凍冷茶，凍健康奶綠和凍奶茶。凍杏霜：不會太稀，有點意外可以選擇健康奶綠：特別的選擇，味道蠻特別，顏色為白色，奶味重，味道好喝凍奶茶：正常蒜蓉包:較硬，蒜蓉味不足夠，普通。吞拿魚長通粉： 沙津醬和長通粉的味道不太配合卡邦尼意粉：煙肉充足，但略嫌不夠香口，醬汁稍稀，蘑菇充足，白汁味道與外面的不太一樣，不是本人最喜歡的白汁味道，上桌時的温度適中。薯仔屋至尊薄餅：是最好吃的，皮薄而又脆口。黃金炸薯餅：熱呼呼的，但茄汁很冷，破壞了薯餅的惹味。薯仔屋蜜汁雞翼：不過不失，蜜糖味濃，入味，但不太特別整體：各食物好壞參半，味道普通。

由於男朋友係模型迷，聽講呢間餐廳好多模型，所以今晚食飯帶咗佢嚟呢間餐廳。呢到除咗有模型之外，仲有Board Games同Kids Conner，啱哂一大班朋友或者一家大細嚟！除咗硬件上嘅野，呢到仲有超濃厚嘅人情味！仲有小店員教玩唔同嘅board game添🤣我地今次叫咗個套餐，加兩杯特飲😋1. 凱撒沙律配蒜蓉包餐廳好細心，將沙律菜切到bite size方便進食，菜亦都好新鮮。蒜蓉包超正👍🏿超級脆，好香蒜蓉同牛油味？2. 薯仔屋蜜汁雞翼雞翼焗得啱啱好，多汁嫩滑，蜜汁亦都好香。3. 加拿大肉醬鋪天薯條肉醬香甜，有芝士又有拉絲。薯條新鮮炸起，脆卜卜。呢到除咗茄汁之外，仲有sour cream點，食起上嚟冇咁油膩。4. 西班牙茄汁磨菇煙肉意粉聽佢地講個汁係每日用幾十個番茄揸出嚟，甜得嚟帶點番茄嘅酸味，絕對係誠意之作！呢餐實在食得太開心，一路玩一路食，完全唔記得影特飲😂我地叫個兩杯都係果汁嘅特飲，唔太甜，幾好飲！下次一定再嚟！！

今日完左兩個project，終於可以同男朋友食下好野，黎食薯仔屋試新野。入到去就見到好多模型、board game、足球機，仲有個兒童玩樂區，仲有個大mon可以睇電視，睇落都幾warm🤣。我地見到單嗌好似唔抵，就嗌左個二人至尊套餐。個set都包好多野食，有曬沙律、小食、主菜、甜品，野飲方面就要睇你揀邊個plan。薯仔屋有一本幾頁既menu，入面全部都係野飲😱🥤，我地見咁多選擇就叫左$228 per head既無限任飲。👉🏻 芝士蒜蓉包&凱薩沙律個包好脆好香😋❤️ 沙律既菜幾新鮮🥗👉🏻 蜜汁雞翼外皮脆脆地、甜甜地，好味～咁多樣野食入面最鐘意呢個😆👉🏻 醬燒豬仔全骨&肉醬鋪天薯條佢地既醬燒豬仔骨係得獎菜式黎😱整得好入味，個汁又甜甜地，幾惹味～ 本身以為鋪天薯條係解好多薯條😂（鋪天蓋地啲friend）但原來係肉汁芝士薯條，男朋友好鐘意個薯條🤣👍🏻👉🏻西班牙茄汁蘑菇煙肉意粉食到最後都飽飽地，份量好多呀～所以最後都食唔曬，淨番幾啖👉🏻是日甜品原本見到上碟個陣淨係一粒細泡芙，有少少細望，但原來入面仲有雪硬左既雪糕😱真係好驚喜👉🏻香蕉樂園&雜果賓治香蕉樂園係男朋友點既，佢話幾好飲（我無試到🤣）雜果賓治

今日在朋友的推薦下及帶路下，來到銅鑼灣一間休閒Cafe薯仔屋。進入薯仔屋，就覺得有一種家的感覺，那超軟淋的梳化和咕臣，給我放鬆及自在的感覺，令我放下疲勞，以愉快的心情輕鬆地享受食物。享受美食之余，喜歡的話還可以打嚇機，掟嚇飛鏢，小朋友還可以玩嚇模型，看嚇卡通漫畫書，非常適合朋友及一家子到來享受美食之余，還享受玩樂及一家親。要了2個薯仔屋精選晚餐。先上的是芝士蒜蓉包及是日沙律。白汁素菜意粉128。白汁素菜意粉有西蘭花，青紅椒，粟米粒。西蘭花青青綠綠又爽口，非常多粟米粒，白汁調教得很香，煙煙靭靭的意粉掛著白汁，每一口都有煙韌的白汁意粉，粟米，非常有口感又好味。要了個食神爭霸戰金獎的魁北克鋪天薯條配醬燒豬仔全骨$188。魁北克鋪天薯條配醬燒豬仔全骨，燒烤及醬汁的顏色，令整個豬仔骨，呈深啡色，一排排一條條的豬仔骨非常吸引，豬仔骨肉質雖然有小小鞋，但非常入味，不愧是食神爭霸戰金獎的食品。配餐飲及是日甜品。餐飲要了杏霜及凍阿華田。杏仁霜入口杏仁味濃郁，非常好味。最後以藍莓芝士凍餅及意式芝士餅，為今餐的美味做爲完結，非常完滿。

係銅鑼灣咁耐都未利過呢到真係浪費左！薯仔屋雖然係樓上鋪，但其實都好易搵，就係利園一期。呢到應該係男人既天堂又有模樣睇 又有棋玩 仲有漫畫書！我好似變左第三者咁😂😂晚餐set都好抵 我地選左至尊份量套餐 個餐仲包特飲 可以係menu任選 其實呢到野飲仲多款過野食🙈比其中兩頁大家睇下叫左杯冬之夕陽同香蕉樂園 飲得出有生果呀😍😍香蕉樂園更加有雪糕！芝士蒜蓉包 超級脆 完全唔會硬 岩岩好 沙拉既菜都好新鮮蜜糖雞翼 顏色岩岩好👍🏻個意粉超大碟 去到呢刻都有點飽 但唔好忘記仲有個ribs 意粉比較似西式 偏硬 個人利講就幾鐘意利薯仔屋梗係要食薯仔！個薯條唔知點解可以口感咁脆但又唔會好油咁 上面仲有拉到絲既芝士！Ribs都不錯呀😍睇得出店員有睇我地食完先會上下一道菜 咁就唔會吹凍左d野食 其實係好少既事 但睇得出店員係好用心👍🏻

今日倖存者同朋友去到呢間銅鑼灣老字號-薯仔屋！坐立銅鑼灣13年，一入門口見到唔少明星都黎過，櫥櫃裝滿不少模型：高達、迪士尼等等都有,充滿童年回憶！ cafe 更有桌遊、街機同足球機，大人細路都岩玩！倖存者去嗰日都有唔少家長帶埋小朋友黎，岩晒一家大細用餐。店員耐心同我地推介食物同桌遊之外，又會主動問食物如何，十分細心體貼！倖存者同朋友都肚餓，叫咗4人餐(平均每人$120），每道菜式份量多，唔使驚食唔飽！豬仔骨配薯條豬仔骨略嫌熟，但入味，粗條薯條配上肉醬加sour cream變得格外出色，倖存者同朋友推薦呢道必食菜俾大家肉醬意粉正正常常，足料薯仔屋雞翼上到枱仲好熱，外表烤到微焦，塗上層層蜜糖，好食芝士牛油蒜蓉包微暖香脆法式包加濃郁蒜蓉味健康沙律份量大，無額外落調味，夠晒健康

It’s finally the weekend and this time the four of us came to this place for dinner - it’s a traditional place for gathering as it has been around for more than 10 years! the interior inside is filled with toys and board games, very suitable for a bunch of people it they want to chill at a spot. we ordered the first set menu in which included a salad, two snacks and two mains. the chicken wings we’re delicious 😋 with the crispy grilled skin and moist meat.the cheese broccoli was juicy then came

一入到來簡直是家的感覺有種番到屋企想一野撻落張梳化度放鬆哂既感覺完全好放鬆好無拘無束又有電玩又有小朋友角落海量漫畫餐廳叫 *薯仔屋* 完全好貼切撻左落梳化之後就叫左碟金獎菜式豬仔骨燒汁岩岩好唔會太濃烈味道剛好食感唔會太 heavy好有水準呢個薯條🍟是我成世人覺得最好食既薯條可能我個人食得太小薯條啦 🤣每食完一條會想再食下一條有種特別既香料應該是擰獎既秘密薄荷朱古力甜味適中整體調配出來好平均唔會話太多朱古力味無左薄荷味桂花茶離遠都聞到陣陣桂花既幽香神奇既是佢個茶壺一直都好保溫同朋友chill 左差不多三個鐘都仲暖不用有蠟燭座暖保溫🤤🍹🍹🍹另外想講既係佢個飲品menu 有成12頁12頁12頁😱有選擇困難症既人真係好難先揀到最想飲的因為樣樣都好吸引架搞到我樣樣都想叫來飲不過留番下次再上來慢慢chill仲有湯送 都好多湯料蒜蓉包仲好脆薯蓉有些煙肉微咸口感不會太糊長通粉沙律加吞拿魚醬好開胃甜品怪 一定要叫呢個招牌心太軟係超級流心的大廚整緊既時候個d 香味充滿成間薯仔屋夾集住香味等緊既時間會好期待心太軟出場好多朱古力漿流出來朱古力甜度恰好為食既我永遠都覺得食心太軟是需要兩個雪糕球🤤黑白既配合好多玩

本身對薯仔都情有獨鍾，平時都好鍾意食薯容、焗薯、薯仔呢D薯製食物😛 。今日經友人介紹，先發現呢間高質餐廳—薯仔屋。薯仔屋係4/F, 搭𨋢上到去就會見到。一入去就已經見到好大堆漫畫書、board game，中間仲有個足球機、仲有wii玩！好正，呢度絕對係朋友聚會好選擇，大家可以係呢度度過一個悠閒既下午🤤。地方唔算太大，但好有家既感覺，好warm。我同朋友叫完野食就開始搵野玩。仲有仲有！呢度都好岩一家大細黎，因為呢度有一個玩具corner, 我地見到兩個小朋友係度玩得好開心，完全唔捨得走，而家長又傾得好開心（難得可以放鬆，唔洗湊仔一陣）😛好啦，咁講下野食先。正值lunch時段，我同我個frd都叫左lunch set。每個lunch set 都會送湯同麵包，價錢又合理抵食。個frd仲加左$15轉特飲呀！我叫左個煙肉芝士焗薯拼沙津。😛上菜個陣個薯仔熱熱地，岩岩焗好，芝士就熔左少少，所以做到個拉絲效果！芝士同煙肉份量岩岩好，吊到薯仔既味，同時唔會遮蓋到薯仔本身既味。值得推薦！朋友就叫左個招牌菜啦！醬燒BB豬仔全骨，配鋪天薯條。道菜一上黎，嘩咁大舊豬仔骨！友人話估唔到咁大舊，就分左少少比我試。試左

用餐環境這裡最大的賣點是一流的遊戲聚居地，多款boardgames，遊戲，動漫書，🎯飛鏢… 是聚會用餐的好地方。B. 鮮茄虎蝦三文魚意粉 $56超高質意粉，每一條意粉都索曬D番茄汁，好好味。😍 虎蝦肉質肥美，煙三文魚散發著煙燻的香味，內裡鮮嫩。F. 醬燒BB豬仔全骨配鋪天薯條 $98拎過金獎的菜式，必嗌！薯條超級大條，外面炸到又香又酥，入面薯肉滿滿，超滿意！配上表面的芝士醬更是一流。至於豬仔全骨，肉質鮮嫩，非常惹味。芝士焗田螺酥皮 $58香脆酥皮包著超大隻的田螺，芝士控的最愛！一啖一個，high tea必備。招牌心太軟 +$20作為飯後甜品，賣相十分出色，兩人share完全可以勝付。雪糕奶味十足，不算太甜。絕妙尤物 +$15🍑水蜜桃味，酸酸甜甜非常開胃，很夏天的感覺。

放工想搵個地方輕鬆下，傾下計，玩下board game，薯仔屋絕對係一個好地方。話說同另一半黎薯仔屋食野，當日都有一班學生黎玩，老闆就好用心去介紹d board game點玩，非常貼心。而老闆亦向我地推介薯仔屋有咩好食。呢度除左一d set dinner之外，仲可以散叫pizza、其他不同小食。下次黎要食醬燒豬仔骨先得。晚餐包一杯飲品。特飲就要加小小錢。仲有一個沙律同一塊芝士蒜蓉包。塊包新鮮即焗，好味。我地叫左海龍皇汁燴大蝦意大利粉，一碟都有四五隻蝦，意大利粉煮得個軟硬度適中，d 汁都幾咸香。另外，我地亦都叫左米蘭肉醬蕃茄焗千層麵，呢個千層麵煮好好食，蕃茄醬煮得好濃郁，而千層麵唔會太腍，亦唔會太生，所以個火喉控制得幾好。最後仲有一個甜品。

心血來潮事件簿(13)🤤今日得閒又同朋友黎左依間cafe到食，好特別依間一入去就充滿童年回憶，有好多以前會砌嘅模型同埋會煲嘅漫畫，真係令人好懷念☺️多啦～今次就同朋友叫左依個餐，四個人食嘅份量啱啱好😎頭盤我地叫左餐包同埋凱撒同埋吞拿魚長通粉沙律，一見就知份量十足😎之後我地小食叫左香草燴田螺同埋焗芝士西蘭花，要特別介紹下田螺，賣相唔錯之餘，仲有一種人口即融嘅感覺，真係會令人食過返尋味架多啦🤤🤤🤤主菜我地特別叫左佢攞過獎嘅豬仔骨，真係名不虛傳，食落感覺鬆軟之餘，佢又唔會整得太過焦，係好啱我地的口味，黎到有機會一定要叫黎食😎之後我地都叫左佢個卡邦尼意粉，佢依個整法正恰到好處，食落你唔會覺得太過膩，然後又會帶出卡邦尼應有味道，真係好難得😎最後就係佢個甜品 --- 雪糕泡芙，真係好好食同整得好有心機☺️鍾意返去童年回憶的各位，你地不妨黎依間搵返你地嘅「當年」😎