薯仔屋 (已結業)

朋友介紹我去銅鑼灣既樓上CAFE客人唔多但好有朋友屋企既感覺一入到去見到D模型，玩具真係感覺幾特別似上左朋友屋企睇人既收藏品呢仲有櫃擺滿漫畫，有HUNTER><~ 環境寧靜，又有電視睇，坐得又舒服兩個人去食，一人一個套餐$138 +特飲$15 ^^分別點左B 和C餐海龍皇汁燴大蝦意大利粉薯仔屋招牌炸魚薯條配上沙律及蒜容包包又脆又香口炸魚薯條份量又多大份薯條每條好似手指咁粗新鮮炸起 咁曬熱氣^^炸魚肉質滑，好好食，唔會腥粉又唔太厚，岩岩好我自己就叫左杯小桃飲品，都幾好飲仲有加左碟香蒜焗菇，好香口，份量又多最喜歡蒜容味夠濃﹗ 又易入口，唔會太草每樣食物都好足料意大利粉，蝦夠大粒彈牙﹗汁夠，又大大碟整體價錢中等，野食質素良好份量足料，我覺得三個人食兩個主餐夠曬，兩個女仔食一定有剩^^環境都好岩同朋友仔/同事吹下水位置唔難搵，都易搵。

話說foodpigss🐷🐷一直都幾鐘意去樓上cafe 事關可以慢慢悠閒咁過 其實係幾寫意🤗 而今次就誤打誤撞咁去左銅鑼灣呢間隠世樓上cafe🤡🐷🐷首先就食左個二人至尊份量套餐（$188/per head） 頭盤係芝士蒜蓉包 都算唔錯而沙律方面 🐷🐷就揀左呑拿魚長通粉🤗 其實本身唔太鐘意食呑拿魚同長通粉 但估唔同佢地夾埋沙律會咁match咁好食🤤 另外小食方面 🐷🐷就揀左香草炸雞翼 都炸得好惹味 仲香噴噴 所以忍唔住叫多幾隻黎食🙊重點嘅主菜方面 🐷🐷就揀左佢嘅金獎菜式醬燒豬仔全骨配肉醬薯仔屋鋪天薯條 啲肉燒得好入味又juicy👍🏻 而薯條都好脆 配埋d肉醬真係冇得彈😽真係岩曬🐷🐷呢啲薯條控😆另外仲有碟西班牙茄汁磨菇煙肉意粉 軟硬度適中 茄汁又夠多 所以唔會覺得過份乾😺而是日甜品就係泡芙 夾住雲尼拿味雪糕 最後每人仲會配一杯特飲 🐷🐷就揀左水蜜桃奶昔 雖然水蜜桃味唔太重 但味道都幾好 又唔會太甜 仲有種熟悉的感覺🤔不得不提店裡面除左有好多靚靚擺設之外 仲有好多board game玩🤓 最重要係有個非常可愛又精靈嘅小朋友教我地玩😘 當中呢盒籤籤入扣係佢話覺得最好玩 而🐷🐷都覺得好刺激🤣 總

與男友上完fitness堂成身散哂,到附近搵間樓上cafe坐下食晚餐,一上黎覺得有d熟口面,原來好耐之前黎過!令我想起n年前讀U時最中意一班人上樓上cafe玩......足球機仲喺度,另外多咗好多board game、成櫃漫畫及模型,連小朋友corner都有,大人打機,細路可以砌積木玩車仔!做完運動超肚餓order左二人至尊份量套餐 ($188/位)頭盤:芝士蒜蓉包脆卜卜好易咬,面頭有層芝士好惹味,細細塊唔怕膩沙律:凱撒沙律caesar salad 一向係我至愛,菜夠新鮮,配上麵包糠及煙肉碎yummy!太細碟唔夠食呀!小食:薯仔屋蜜汁雞翼雞翼係我另一至愛,加了少少香草,蜜糖份量剛好唔會過甜，而且焗到雞翼表面帶焦，我一個食10隻都得!主菜:11"薯仔屋至尊薄餅菜料都係常見辣肉腸、蘑菇、番茄醬等,最驚喜係個餅底,薄到好似食緊梳打餅！我一個ko左4件~主菜:米蘭蕃茄肉醬千層麵賣相吸引,連匙羹都好大隻!新鮮焗好熱辣辣,肉醬保留蕃茄酸度，芝士香濃焗到可以拉絲...甜品:藍莓芝士蛋糕飲品:洋甘菊花茶,乳酸綠茶做完運動就食得咁豐富,所以專登order乳酸綠茶同埋花茶,感覺冇咁肥哈哈不過做運動就係為左

早排同朋友黎銅鑼灣行街，去到咁上下就搵下野食。係利舞臺附近既街道，搵到呢間樓上cafe，係大廈外面已經見到招牌，非常易認。同朋友叫左一個2人至尊份量套餐，揀左凱撒沙律、蜜汁雞翼、醬燒豬仔全骨同西班牙茄汁磨菇煙肉意粉。首先個凱撒沙律就非常新鮮雖然材料比較簡單，但味道都唔錯，沙律醬份量適中，生菜都好爽口，作為頭盤黎講幾清新開胃之後黎既蜜汁雞翼真係非常讚4隻雞翼size普通，但係肉質鮮嫩，最緊要係蜜汁落得非常足料，同埋完全唔會有燶既地方。食完見到隻碟仲有好多蜜糖，岩哂我呢d鍾意食甜野既人之後就黎到主菜既醬燒豬仔全骨 同 鋪天薯條。講左個豬仔骨先，呢個真係我咁耐以來食過最好食既pork ribs，比起Ruby XXX既好食好多豬仔骨勁大份，而且大部分都係肉，唔會成舊骨乜都無得食食落去好軟熟 唔會over cooked 醬汁足夠，唔會蓋左d肉既味，好出色抵佢攞獎至於個薯仔就係一個驚喜。本來以為只係個豬仔骨既配菜，但其實落足哂料，可以獨當一面：有bbq醬、邪惡芝士、肉醬同埋cream。薯條唔係好脆個種，不過都夠乾身 唔會因爲d醬變到淋哂無口感。飲品方面想清淡少少，叫左兩杯花茶：洋甘菊同迷迭香。兩杯

銅鑼灣崇光、希慎廣場及時代廣場一帶，向來都是香港，甚至是全球最繁忙的商業區。要在這區搵食，真的要動動腦筋。由時代廣場往利舞台方向行，經過希慎道後，一帶盡是舊式住宅，與繁華的商業區形成強烈對比。走到新會道4號，外表是一幢古舊的唐樓，但想不到內有乾坤。4樓這間薯仔屋，門面有點顯得低調。不過，在打開門之後，就彷如進入了一間玩具店，據聞內裡全都是店主的珍藏品。雖然我不完全認識他們，但如果有玩過超級機械人大戰，都應該會對他們有一定印象。除了玩具外，漫畫、手動足球機、卡片遊戲及電玩等，一應俱全，最適合一大班人開Party ﹗ 當然，我們來這裡不是看玩具，吃才是主菜。我們點了一個每人188元，共5道菜+甜品的套餐，份量甚大，絕對吃得飽﹗首先出場的是芝士蒜蓉包，芝士味濃，甚且焗得甚香，十分可口﹗吞拿魚長通粉沙律是另一個前菜，味道恰到好處﹗接下來的，開始進入戲肉，一味比一味好吃﹗ 肉醬焗蕃茄千層麵可謂真材實料，用叉分開後，看到內裡層次分明，看得出花了不少功夫，而且味道濃郁﹗然後是招牌菜豬仔全骨配鋪天薯條，是薯仔屋的得獎作品。兩味菜一起上，一起吃又得，分開吃又得，適隨尊便﹗薯條是美式做法，原個薯仔連皮垂直

大學時代的回憶都在上樓cafe，今晚大學同學聚會又去懷緬一下，以前總喜歡在那裡留連，又唔返屋企，個時呢度真係第二個家。有我鍾意的鋼之鍊金術師figure。偶像基仔都黎過。睇下漫畫又食下飯，可以好宅咁過一晚。點左精選晚餐和兩個小食。頭盤係芝士蒜蓉包+是日沙律+吞拿魚粟米長通粉。Garlic bread很香脆，salad份量小左D，長通粉唔錯，幾彈牙。芝士西蘭花焗薯皮($108 4隻)配雜果沙律，色彩繽紛，有蘿蔔、青瓜、薯仔、蘋果和菠蘿，十分懷舊的沙律，好耐冇食過，真材實料，都幾健康。Potato skin焗得幾香脆，原來薯皮和西蘭花都可以係一個good mix，點sour cream食，令口感更豐富。呢度Signature dish 係魁北克鋪天薯條配醬燒豬仔全骨 ($188)，用上美國入口的Baby rib，肉portion多骨又細，肉質唔單止嫩滑，而且濕潤度高又入味，仲好juicy，配上BBQ醬都幾實，唔會太稀。Quebec poutine薯條真心覺得好味道，濃郁的醬料有bbq sauce、芝士、gravy、肉醬和sour cream， 多種texture的混合，十分滋味。仲攞獎添！

今日去開銅鑼灣見客......收咗工無無聊聊....蹱啱我老友唔使OT.....就約埋佢去周圍貢下......行吓行吓去返呢間餐廳.....仲記得我上次食佢嗰個心太軟....真係好味到你流連忘返.....係我食過全香港最正嘅心太軟......仲要呢間樓上店既食物水準.....係可以達到酒店級嘅味道......呢間隱世薯仔屋嘅特別之處......在於佢喺坐立於一個無人知境既街道上....係一座吾起眼既舊樓上面....竟然有間上至老幼....下至親朋....都可以玩到樂極忘型既地方呢度適合約埋三五知己聚首一堂....除咗以聽音樂....玩電腦（自備）....呢度仲有好多game俾你玩餐飽如果你想靜靜地.....仲有大把慢畫書比慢慢嘆.......呢度仲有個細路仔樂園.....細到一歲.....大到十歲...你都唔使驚佢哋會悶到咸如果情侶來.....望住個漆黑天空.....靜靜地談心....一件樂事也肚餓就梗係要開餐啦......呢度個食物水準....媲美酒店級......而且份量超大......仲可以包場慢慢嘆.....呢個螺肉酥皮正到暈淨係見到呢個凱撒沙律.....出面已經要幾十蚊...

朋友聚會，吹水時光，於是揀左呢間樓上鋪試試‧地鐵站一出都要行10分鐘，但入到去，感覺吾錯，佈置同擺設全部同<玩>有關，舊式街機，電視，足球機，飛標，broad game, 小朋友專區都有，麻雀雖小，五臟俱全，有得食，仲有漫畫睇添。 叫左個2人至尊餐： 先來蒜香多士： 好香，多士烤到好香脆，上層夾上芝士、煙肉，好味 凱撒沙律： 新鮮生菜連一粒粒烤香麵包粒，配上 煙肉乾、芝士條 味覺好豐富！ 蜜汁雞翼： 雞皮烤得金黃帶焦香，雞翼細隻，但肉質嫩滑，蜜汁香甜，食完想再叫主菜就揀左「醬燒豬仔全骨配肉醬薯仔屋(薯條)」：份量適中，豬仔骨醬汁惹味、出色。醬汁中加入了蜜糖，甜味適中，燒焗後，肉質感好林，好鬆軟，多汁、入味，吾錯配菜薯條！薯條炸得唔只夠脆口，加埋酸忌廉同自製肉醬汁，邪惡美味。 千層面： 份量大，熱辣辣上檯，賣相吸引！極多醬，肉醬又濃、開胃，面又吾會好硬，加上芝士一齊食，真系好 最後加左$28轉心太軟作終結，心太軟用左黑朱古力，甜度剛好，外皮簿，又流心附兩特飲：吾會好甜，有果香。

上次去完小桃之後，一直未忘果陣個店員推介另一間有機打有足球機有標掟既Cafe, 正是今次食評既主角-薯仔屋今次都係兩丁友去食，係食佢既晚餐。環境薯仔屋比小桃更加隱蔽，我今次第一次去就行錯左路，但黎過一次就知道其實同時代廣場好近，幾步行到過黎。入到去首先係見到幾個佈滿晒figures既陳列櫃。 大部分figure都係機械人､ 超人之類，如果我細細個黎到一定發癲！入面有個地方劃咗出嚟畀小朋友玩， 嗰日我哋去嗰陣咁啱撞到老闆個仔喺度玩緊。有街機打街霸，好懷舊足球機都任你玩呀！仲有得掟飛標食物我哋叫咗個二人餐， 因為好熱所以揀咗任飲普通飲品嗰個set凱撒沙律：好多生菜，麵包粒蓋面，全部脆卜卜不得了既蒜蓉包， 水牛芝士連麵包一齊烘，香脆麵包加埋融化左既芝士令我兩三口就將佢解決了。蜜汁雞翼：正正常常，但我本身好鍾意食，表皮少少脆，非常惹味鋪天薯條連秘醬豬仔骨：薯條： 面頭既醬係無敵，溶化咗嘅芝士痴住嗰啲薯條，令人食唔停口。薯條略嫌唔夠脆。肉醬茄汁千層麵：又一茄汁芝士混合邪惡之作，份量足以填滿兩人肚子剩餘既空位。檸茶偏甜～普通嘢飲包括奶茶咖啡汽水檸茶等，我哋前後嗌咗3罐汽水加1杯檸茶～傾到口渴任你點

當入到呢一間餐廳嘅時候.....我相信無論大人細路....公公婆婆.....都會搵到自己鍾意嘅遊戲....而且更適合一家大細....親朋戚友......三五知己聯誼嘅好地方.....你要靜既有靜.....動既有動......開埋party都仲得......你話有乜地方可以咁完美.......裏面雖然乜都有得玩.....但係當你有一刻想靜靜地嘅時候....你可以坐喺度聽下悠和嘅音樂....睇下書....欣賞下出邊獨有嘅風景.....🌹🌹🌹而且裏邊有好多大人細路都啱玩嘅遊戲....差不多有十幾20款.....去到七個人一齊玩嘅都有....仲可以有好多吾同既game俾你對打........ 啲遊戲多到嚇死你.....連BB仔嘅搖馬仔都有.....☄️☄️☄️☄️☄️☄️呢個心太軟.....吾好話我誇大.....絕對可以媲美大酒店嘅水準.....尤其是我最鍾意食朱古力心太軟嘅粉絲.....佢嘅朱古力濃郁到極點.....當你一督開個心....佢嗰啲濃郁嘅朱古力醬會慢慢流出來.....你食落去個種鬆軟程度......真係令你一試難忘.......😘😘😘🔥💥👍🏻💥🔥💥👍🏻☄️👍🏻🔥💥👍🏻☄️🔥💥👍🏻真係好想講...

等完好耐無見嘅姊妹收工後緊係搵間cafe坐低靜靜地談心，上網search一search去左最近我地嘅薯仔屋。雖然今晚係閒日，但店舖細細都坐滿晒人... 有別於一般cafe，呢度除左有board game玩，仲有超級多其他嘅小玩意！！剩係個月光寶盒game都玩左我地半個鐘~~一大班人黎呢度食飯相信絕對唔會悶~ 貴為吃貨嘅我地緊係2人至尊份量套餐！芝士蒜蓉包烘得幾香口同脆身，如果有埋餐湯配搭就一流吞拿魚長通粉沙律不過不失，長通粉唔會太林身，沙律醬酸酸甜甜，味道幾開胃~薯仔屋蜜汁雞翼炸得幾脆身，蜜糖味亦重，忍唔住勁快KO左成碟！到重頭戲醬燒豬仔全骨！！配搭嘅醬汁香濃，而且酸酸地一啲都唔膩，肉質亦唔會好似出面食開嘅豬仔骨咁硬身，所以都好易切開，口感外脆內軟，值得推介！肉醬薯仔屋舖天薯條香脆大大條，加埋肉醬超配搭，最欣賞係肉醬面層嘅酸忌廉係面，味道頓時清新左，好似食多左都唔會有罪惡感xD最後嘅米蘭肉醬蕃茄焗千層麵嘅麵好太塊，肉醬亦超full，芝士香濃，完全滿足左我呢個芝士控！！整體黎講，食物質素算係上乘之作，不過個人認為小店賣嘅更是人情與服務，店員唔多，只有一兩個，但老闆娘會同顧客打成一片，

之前係社交網見朋友介紹薯仔屋唔錯，有得食，又有得玩，仲有漫畫睇，男朋友同我呢個大細佬去到實開心死🙈🙈薯仔屋地方雖細，但入到去好有家既感覺，佈置同擺設全部同玩有關，舊式街機，電視，足球機，飛標，broad game, 小朋友專區都有，真係麻雀雖小，五臟俱全 。門後仲掛滿藝人相，估唔到呢道原來禁出名！😝我地點左個蜜汁雞翼，雞皮烤得金黃，雞翼較細隻，但肉質嫩滑 蜜汁香甜，令人食上癮之後點左一個鋪天薯條配醬燒豬仔全骨套餐前菜有蒜蓉包加吞拿魚長通粉沙律，唔好望個樣以為好普通，個包食落好香脆，蒜香味濃郁，加埋上層被烤過既芝士，勁好食。沙律 - 長通粉煮得剛好，軟硬度適中，配上吞拿魚沙拉醬同粟米粒，味道好夾。食神金獎豬仔骨終於擺在眼前啦，豬仔骨醬汁制得適中唔會過甜又唔會過多，肉既質感好林好鬆軟，但又唔會悔散，加上豬骨醬料香濃惹味配菜薯條又係一必食， 炸得唔只夠脆口，加埋酸忌廉同自製肉醬汁，邪惡美味，食唔停口。薯仔控既我為左焗薯而放棄左2人餐🤣，當熱辣辣香噴噴既薯仔放係面前已經流哂口水，薯仔上面配上大量芝士及煙肉，香口滋味，食既時候芝士仲做到拉絲效果，正到脾之後食埋心太軟作結，個人認為呢道心太軟暫時黎

老實講樓上cafe我比較少幫襯，一般都係朋友介紹先會黎，唔會貿貿然咁自己走上來。今晚約左男友喺銅鑼灣吃晚飯，去openrice搵吓睇有咩好嘢食果陣發現薯仔屋出奇地多人捧場同埋啲圖片真係好吸引，有好多board games, 漫畫書，同埋好多好得意嘅模型擺設就立刻決定上去試下。上到去就有位工作人員熱情招待，介紹餐牌同埋遊戲職員同我地介紹話呢D模型儲左四十幾年了好靚嘅貓貓🐱公仔好多漫畫書，我兒時的回憶有比小朋友玩樂的corner 近門口仲有缸金魚🐠🐟仲有個足球機講下食物先，我地發現呢間cafe除左好多野玩之外，食物質素仲好高尤其是豬筋骨同雞翼。真係超美味我地叫左套餐。沙律菜好青翠鮮綠。即叫即整嘅雞翼超香超美味又夠熱根住我哋就叫攞左獎嘅豬肋骨果然高質素，真係好耐無食過D咁正嘅豬肋骨，炸薯條都好好味，唔會好燶，唔會有油益味意粉都唔錯份量仲好足夠最後仲有個甜品係tiramisu 蛋糕套餐包兩杯特飲，我地點左洋甘菊茶同玫瑰花茶，兩款都好掂總結: 今次上黎樓上cafe果然有驚喜，好適合一大夥人開party。賣單先$414，平均每人$207有咁多野玩包埋食物飲品，真係好抵

呢個兒時玩地，細個成日都來，而家大個左，當然要同班frd再來，細味下童年回憶啦❤🤗睇個佈局就知，呢個cafe專 for gathering ！有哂game , 模型，電視， re u簡直係首選！👏講返嘢食先，質素都好好架！西班牙茄汁煙肉磨菇意粉：即叫即整，汁同出面d好唔同，唔係罐頭倒出來的，濃濃的蕃茄味，岩哂蕃茄控既我❤D意粉仲入哂味添，唔讚唔得😎米蘭肉醬蕃茄千層面：嘩！冇唸過甘足料😱😱係爆多肉醬，配蕃茄汁，絕對係絕配😍真係千層架，冇偷工減料的xd不過，我下次要叫唔同“色“既嘢，大家都係蕃茄味😂                        甜品方面，記得加錢要招牌既   '心太軟'😍😍😍❤好正架！一試難忘一切！Wa Wa Wa！真係溶岩漿甘流哂出來 😍飲品推薦：薄荷朱古力沙冰濃濃的，薄荷同朱古力味果然係最佳拍檔😜仲有雪糕球，唸起都正❤