藝餐 (已結業)

叫咗個外賣餐盒，$48 ：一個泡菜 x 三款小食 (今日嘅系黑豆👍，蛋餅👍，薯仔👌) x 主菜配日本米(揀左辣豬肉) ,  要了少辣, 裏面有好多菜同豬肉, 韓式辣醬配搭好味， 小食裏面最愛黑豆及蛋餅,  自製黑豆甜甜好味去餸飯食,  收銀韓國男老闆唔識講廣東話，只識講國語英文，好禮貌。如果有下午茶就好啦。下次想試吓炸雞

超級喜歡食韓國野，可惜葵芳區一直只有韓點一家比較有韓味既店，講既韓味係食時真係感覺到韓國既味道…但…前幾日因為朋友要唻食德國野而上open rice搵電話book既時候，竟然發現葵涌廣場(下稱葵廣)一間叫做藝餐既小店新開左，有食評係韓國人開既正宗韓國食店~ 奇怪…日日都喺葵廣巡視業務(shopping)既女人仔竟然唔知！？仔細睇睇地址…決定聽日去最熟悉既葵廣尋韓味~lunch去到葵廣一樓，有一條平時唔會行過去既小巷最大機會，女人仔直接向大家樂前進，再轉入旁邊有一間配鎖匙補鞋小舖既小巷…就見到一間新淨光潔既食店寫住”韓式精神糧食小廚藝餐”…係佢la~望過去…lunch竟然只係坐左四枱客 =.=但熱愛韓食既女人仔當然唔會因為咁而退縮！行過去就有一個女待應行埋唻招呼女人仔坐底再奉上麥茶，睇睇menu，以葵廣唻講價格正常(飯麵$4x，小食$2x)，要左一個R3豬肉蓋飯~女待應落單後就奉上泡菜，好快就有一碟勁香既豬肉蓋飯放左喺miu面前，份量偏少對女生唻講剛好(男士相信就要叫多個小食)~豬肉係帶少少肥既位置食感好好，配上椰菜蘿蔔洋蔥辣炒，只可以講真係韓味吖~~~望望廚房其實好細，有一位亞珠媽同一

晚飯時間到葵芳，想起有間新開的韓國餐廳，所以就去試下，可能新餐廳關係，無乜人幫襯，由於得兩個人，只係叫左個韓式炒雞 ，由於叫左小小小辣，但朋友仍覺得辣，而我覺得有係韓國食嘅感覺另外仲有三碟前菜，其中個黑豆非常美味店內有兩位韓國阿朱媽主廚，有韓國嘅味道，總括黎講有下次