蘇山雞飯

营业中

休息中

今次同朋友去咗太子隨便搵咗一間抵食嘅餐廳，望入去呢間蘇山雞飯睇落都幾企理，就入咗去試，發現大份夾抵食！鮮油咖吔多士：這款多士外觀金黃，咬落去外皮酥脆，內裡軟熟，搭配上店家自製的鮮油咖吔，非常邪惡好有滿足感。參巴辣蝦醬通菜：通菜本身爽口，加上濃郁的參巴辣蝦醬，食落好香，但係唔會太辣，唔好食辣都可以食到。招牌海南雞（半隻）：雞肉烹調得恰到好處，肉質嫩滑，雞皮略帶脆感，配上秘製醬料，鹹香適中，如果唔係好食澱粉質嘅就可以好似我哋咁樣嗌半隻雞唔使嗌飯，咁樣嗌都好抵！咖吔油條配薄荷朱古力雪糕：創意十足嘅甜品，將熱熱的咖吔油炸鬼同冰涼的薄荷朱古力雪糕結合，一熱一冷的對比，呢個配搭都幾新鮮。開心果椰子奶昔：呢款奶昔以開心果和椰子做主角，口感滑順，開心果的獨特香味與椰子配合，令到成件事好豐富！

檳城黑豉油叉澆油飯配魚丸湯🐷濃郁的黑豉油醬汁滲入米飯，帶來獨特的香氣，配上厚切叉燒，肉質鮮嫩多汁。魚丸湯清淡爽口，與叉燒飯形成完美的平衡🤤豐盛辣死你嗎🐔豐富組合的飯，東巴牛肉、炸雞脾和江魚仔椰漿飯的組合，讓人感受到濃郁的辛香與椰漿的濃厚，搭配花生的香脆，層次豐富😍咖吔油條配薄荷朱古力雪糕蛋🍫創意甜品。酥脆的油條搭配冰涼的薄荷朱古力雪糕，口感對比鮮明，每一口都帶來驚喜的清新感😁砂拉越菠蘿冰🍍是炎炎夏日的最佳選擇。時令菠蘿取肉攪拌，原汁原味，呈現無法抗拒的清涼感受，確保每一杯都來自一整個菠蘿，帶來純正的果香與解渴體驗☺️

今次同舊同事食晚餐，中間位置喺太子，於是就選擇咗呢一間食位置寬敞，四個人剛好有位，真的很幸運🐔海南雞飯雞肉都非常嫩滑，再配雞雜冬瓜湯，而且這碗冬瓜湯完全不吝嗇，可以食到內臟，贊！👍🏻必食🥥🐔火焰醬香椰子雞窩（半只雞跟油飯）侍應即場點火，打開後，香氣和酒氣撲鼻，絕對有別於外面的椰子雞窩！湯底是以椰子水和雞湯煮成，足足有半只，還有走地雞和茅台🍶湯頭味道豐富，椰青香且清甜，散髮陣陣酒香，🥄絕對無添加任何味精，令人想一飲再飲；再吃嫩滑雞塊，絕！菠蘿冰🍍🍧真系菠蘿食菠蘿冰，真的配雞煲一流，一冰一火！✨馬拉盞椰菜苗這碟椰菜苗為主搭配馬拉盞醬汁，正！🍞鮮油咖央多士必食甜點，香脆可口，作為馬拉嘅甜品，一定要試試先覺得完！🍦開心果椰子奶昔沒想到開心果味道很濃，配上椰子味道剛好

平時收工行過太子都見呢間蘇山雞飯入面環境好好，仲差不多日日都有排長龍！今日終於黎試下🤣一行四人，到既時候尚早，職員好快安排佐位置俾我地坐👍🏻蘇媽蘇媽一向以星馬泰美食聞名同埋為招牌，當然喜愛東南亞食物既我地即刻叫佐佢地既招牌菜，招牌海南走地雞（半隻）招牌豬手飯，小食拼盤，招牌豬扒摻摻！😋😋當中走地雞比叫飯多大碟好多，雞既份量都好多！味道絕對比普通海南雞掂！（招牌豬扒摻摻既豬扒都好surprise！佢用佐香茅黎調味，煎得岩岩好，香脆，肉汁又鎖住。👍🏻至於拼盤就不過不失，岩一眾大胃王食唔飽加餸！夏天熱辣辣，食物又有少少熱氣食飽後叫佐杯開心果椰子奶昔同椰青，如果你係椰控就一定唔好錯過啦，相當重椰子味👍🏻

海南雞飯喺香港嘅受歡迎程度真係唔講得笑，無論係海南雞飯嘅專門店定係茶餐廳都會見到佢嘅身影。今次嚟到呢間人氣餐廳，主打星馬菜，仲長期都好多人排隊，一於試下佢嘅招牌菜。 火焰醬香椰子雞窩以瓦煲一路煲住椰子雞，開蓋之前侍應將酒淋落煲邊，造成火焰效果。椰子湯入面有椰子、杞子等材料，好清甜，即刻飲咗兩碗先！雞肉好嫩滑，有微微嘅酒香，亦有椰子嘅香甜。配埋油飯好夠飽。 獅城芽菜走地雞飯雞肉一樣嫩滑唔肥，淋上炒過嘅蒜汁好香口，配三色醬汁各有風味；芽菜厚身清爽多汁；雞雜冬瓜湯暖胃。 鮮油咖央多士厚厚嘅牛油同咖央勁邪惡！烘底多士熱熱哋，令牛油有少少溶化，咬落有鹹甜鹹甜嘅味道。 砂拉越菠蘿冰砂拉越係馬來西亞嘅行政區域，盛產菠蘿。飲得出係鮮菠蘿打出嚟，爽口解渴。 開心果椰子奶昔好creamy，椰奶味重得嚟開心果味都好出，兩者味道幾夾。

這間餐廳以前有食過，價格親民水準唔錯，他們的海南雞飯確係好食，今次encore再來食，試下其他新野先。牛車水醬油雞飯 $85此菜式有點似廣東菜的豉油雞，雞件醃得尚算入味，醬油甜味比咸味重，雞肉幾嫩滑，另配三款醬汁佐食，但最重點推介的其實是那碗油飯，雞汁精華令油飯香口而油潤，飯粒偏軟身但好好食。另此餐跟配雞雜冬瓜湯，味道鮮美可口。火焰醬香椰子雞窩 $168雞窩上桌時，店員同時拿著一杯矛台酒及沙漏前來，原來係即席將酒倒在煲蓋上再點火，用沙漏計時，夠鐘後一打開，不但有酒香更有香濃椰子味撲鼻而來。湯底超級清甜，完全是整顆椰子水作湯底，再加少少酒味及雞味，好飲到成煲湯清晒。雞件有半隻雞份量之多，但始終是煲了湯的雞肉，不算太嫰但亦不鞋口。反而椰子肉就好軟嫰，好好食。麻辣玻璃魷魚通菜 $25(跟餐另加)跟餐另以半價加的菜式，魷魚質地好彈牙爽口，麻辣醬料幾香口，醬汁滲入通菜內都幾惹味好食。砂拉越菠蘿冰 $48原個菠蘿上桌份外吸晴，飲得出無額外的糖水，純天然果汁製成的沙冰，還有片厚切菠蘿果肉，夠清甜，超級解喝。涷生椰拿鐵 $12口感很順滑又不會很甜，比一般拿鐵多了一點點椰奶味。

呢間餐廳應該係第二次黎，第一次食完記憶點唔高，不過不失，所以無寫食評。今次由朋友提議試下，朋友見ipenrice好評咁多就想試下食，餐廳位置方便，坐位以九龍黎講幾舒服。今次點左豬扒啦沙摻摻，啦沙湯底好夠味，料都幾好，豬扒另上，賣相唔錯，不過可惜有兩三塊豬好肥，但以份量黎講，非常有交代。飲品方面，點左凍薏米檸檬水，驚喜點係無冰但好夠凍，岩哂我呢d偽健康人士，入面仲有一條糖冬瓜，但唔會太甜。朋友點左老鼠粉，目測料無咁多，但似乎都好夠飽，但佢表示薄荷飲品比較差，飲一啖已經唔想飲。Overall 好壞參半，但價位唔算低，人均90左右，性價比一般。

好耐之前食過一次蘇山雞飯，念念不忙佢隻海南雞🤭原來而加係太子都開咗一間，方便好多呀👍🏼人流好旺，個場6半去到已經full哂，食到7點半再望一望已經要排隊😂好誇張！獅城芽菜走地雞(半隻) $140寫明係走地雞㗎！真係得里度先有！雖然啲皮無好黃，但入面超嫩👍🏼有啲凍啫喱添呀！味道唔會好咸，無咩骨，明顯店員處理過👍🏼唔會食到好污糟❤️雞肉比較瘦，健康人士必點！海南豬扒叻沙摻摻 $70有得揀老鼠粉，米粉，油麵！我地就揀咗油麵，湯底好香有椰香味又唔會太辣😍仲附送魚蛋片同白魚蛋添呀！！豬扒先至最正👍🏼我地食完都讚不絕口！好香香茅，又唔會太油！有啲肥肉痴邊，好好味😎下次都要再點！！里個餐我加咗$49要小食拼盤2人份量黎，不過好豐富好多嘢食😱性價比高！有魚餅，炸蝦，炸雞中翼，炸雞髀仔，肉串👍🏼👍🏼有水準呀！開心果椰子奶昔 $35好香呀！！椰子奶昔好飲好消薯👍🏼👍🏼仲加咗開心果，個色好似healthy drinks😂

係附近上堂，經過見到未到食飯時間已經好多人好有人氣🤪於是試下，員工好給力❤️招呼周到，樂園單唔使好耐就有得食，效率好高。.最近炎炎夏日☀️餐廳仲推出咗幾款消暑特飲，幾有驚喜🫶🏼.招牌海南雞飯$85雞件去哂骨，好貼心呀💖肉質嫩滑，啲雞肉真係高質油飯陣香芧味，香氣四溢，粒粒分明😋.麻辣玻璃魷魚通菜 $25叫套餐加菜類可半價😋玻璃魷魚爽口彈牙 通菜份量好多.開心果椰子奶昔 $32開心果同椰子🥥呢個配搭正中我紅心♥️飲落質感濃厚順滑 砂拉越菠蘿冰 $ 48餐廳保證使用原個菠蘿🍍，每一口都飲到原汁原味的甘甜雖然叫冰但質質似smoothie，夏日消暑真係一流😙😙

今次嚟食蘇山雞飯喺為咗椰子雞煲而嚟冇叫到海南雞，我哋跟餐加咗個麻辣玻璃魷魚通菜，同埋嗌咗下午茶餐嘅白咖喱魚餅扎肉老鼠粉。火焰醬香椰子雞窩🐥跟油飯 （$168）雞窩嚟嘅時候會另外有一樽細酒淋喺面焗住啲雞，沙漏完咗先開蓋。椰子雞窩味道好清甜，椰子水味好出，加埋少少酒同雞味，湯底好出色，可以成個湯底清晒佢😍雞嘅份量唔算好多，肉少多骨，雞肉比較嚡口，雞嚟講就一般，反而入面嘅椰子肉有驚喜，結論係呢個窩嘅椰子出色過個雞。跟餐配嘅油飯同配海南雞嘅一樣，佢唔係純雞油嘅油飯，好香唔會太油膩，飯亦都唔會太濕，係我鍾意嘅油飯回感同味道。跟餐半價嘅麻辣玻璃魷魚通菜🥬魷魚煙韌、菜嘅份量都唔少，上面個辣醬味道無咩特別，入面有乾蒜，個味道有啲似印尼撈麵嗰隻蒜味，整體嚟講幾好食嘅。白咖喱魚餅扎肉老鼠粉🍜（$58）魚餅扎肉加埋有5-6塊，分量唔算少，扎肉都厚身有咬口，而白咖喱湯口感順滑，配埋老鼠粉都幾好食。蘇山雞飯除咗海南雞出色，其他菜式都好食，會再encore😋

間餐廳食完即刻掛住❤️皆因佢樣樣都好好食🥹==============================𝐅𝐨𝐨𝐝 𝐋𝐢𝐬𝐭📌🍚檳城黑豉油叉燒油飯配魚丸湯 呢個叉燒半肥 仲要厚切燶邊😍隨時贏咗港式燒味 真係不得了🥰估唔到黑豉油幾襯 港式嗰隻偏甜 呢隻但係多少少咸反而覺得仲好食👏最欣賞係佢配油飯 雖然肥但係絕對冇罪惡感 因為真係太太太好食🔥🥦馬拉盞椰菜苗 欣賞呢個馬拉盞唔會太鹹 食落去爽脆新鮮👍🏻🐷Susan豬手飯 滿滿嘅骨膠原仲配埋滷水蛋等等 食落去口感豐富😊🌴開心果椰子奶昔 超級好飲嘅奶昔😍做得相當出色👍🏻🍍砂拉越菠蘿冰 打卡able 仲好適合夏天☀️原個菠蘿上 原汁原味嘅甜味非常之解渴🥰

今日去完MOKO 睇野，參巴辣蝦醬通菜經過炒之後保留左脆嫩的口感,濃郁的參巴辣醬又添加咗強烈嘅香辣風味。✅✅黑白雞飯（海南雞+醬油雞）海南雞肉鮮嫩多汁,醬油雞嘅鮮美滋味,另外dipping sauce 都幾好食，油飯都吾錯，有雞味👌🏻肉骨茶湯頭盛載左排骨嘅精華,飲落去非常醇厚可口。較似新加坡果種，多白胡椒味👍🏻夜市沙嗲肉質鮮嫩,調料恰到好處,再加埋特製嘅沙嗲醬,整個口感層次豐富，有雞同埋牛😝娘惹咖哩牛筋腩干撈老鼠粉咖哩牛筋腩帶有濃郁嘅馬來風味,配搭上彈牙可口嘅老鼠粉,口感豐富。😋😋開心果椰子奶昔清爽可口嘅椰子奶昔,配搭香脆可口嘅開心果,絕對係一款消暑解渴嘅絕佳飲品。菠雞冰原個菠蘿，非常抵飲🤝🤝😋😋

今日喺太子呢邊上完堂，約朋友喺附近呢間比較多人排隊嘅馬來西亞餐廳試試，心心念念咗好耐嘅肉骨茶終於有得飲下啦！肉骨茶呢度嘅肉骨茶係傳統嘅胡椒風味，亦都係我個人偏鍾意嘅style，大量嘅原粒白胡椒同排骨去熬煮湯底，白胡椒嘅清香充滿住整個湯，但飲落並唔會太辣，啱曬啲鍾意聞落香而唔係太食得辣嘅朋友。黑白雞飯（海南雞+醬油雞）呢度嘅黑白雞飯即係海南雞同醬油雞兩種，雞件比較肥美，個人比較鍾意海南雞，點上特調醬汁食真係幾惹味，醬油雞都唔錯，皮滑肉嫩。娘惹咖哩牛筋腩干撈老鼠粉娘惹咖哩夠曬地道，出面比較少有乾撈老鼠粉，今次我專登點嚟試一試，老鼠粉即係市面上嘅銀針粉，咖哩調味恰到好處，濃香而唔辣，牛筋腩炆得好淋，配上呢種咁香濃嘅咖哩夠曬入味，令本身唔鍾意食太多澱粉質嘅我都一啖接一啖停唔到口呀！參巴辣蝦醬通菜濃郁嘅參巴醬同通菜一齊炒簡直天衣都無縫，通菜夠曬入味，帶微辣香氣，而且份量都唔少，兩個人share啱啱好。特色小食拼盤包括有雞翼、泰式魚餅、脆炸鳳尾蝦春卷、豬肉串。個人覺得最特別嘅係脆炸鳳尾蝦春卷，外皮係網狀脆紙卷成，入面係彈牙嘅蝦肉混和豬肉等食材製成，食落非常之香脆，而且市面較少食到。另一個係豬肉串，

太子呢邊都多野食可以揀，今次揀左呢間海南雞，仍然都keep得住水準既，海南雞飯套餐65蚊算幾抵，加熱薏米水都係免費，叫多左咖吔多士。地方算幾舒服又有卡位可以坐唔會太擠迫既感覺。海南雞飯，點左油飯不過今次食油飯係有啲飯焦，個人就覺得ok既無問題而海南雞口感係唔錯，雞夠滑而且份量算唔少，所以話幾抵既。湯就幾足料，因為都有唔少腎係湯入邊，自己都鍾意食，所以呢個套餐係會選擇之一。另外個咖吔都好味，咬落去既鮮油口感幾正，好味，唔錯。總結黎講，都算抵食，間唔中都會黎食下而且價錢合理。

📍 蘇山雞飯 Susan Chicken Rice🌍太子彌敦道759-761號藍馬之城地下2-3號舖Shop 2-3, G/F, The Lamma City, 759-761 Nathan Road, Prince Edward📝整體評分：8 ／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸招牌海南雞飯 ◂ ＄８５ ✿ 雞比較肥美，雞味濃郁且肉質嫩滑，油飯香味十足，三色醬是黑醬油、薑蓉及辣椒醬，不同蘸醬不同口味~▸星州叻沙雜錦湯飯 ◂＄８５ ✿ 叉燒、鮮蝦、青口、魚蛋、魚片、豆卜，材料超級豐富，拌埋炸乾蔥同辣醬勁惹味，不過飯太多湯不夠。▸ 泰式魚餅◂ ＄１９(半價) ✿ 次次黎都會叫嘅小食，肉汁滿滿魚餅~▸開心果椰子奶昔 ◂＄３２ ✿ 綿密香濃果仁香中散發出絲絲椰子甜味，飽腹感滿滿。▸ 砂拉越菠蘿冰◂＄４８ ✿ 整個菠蘿呈上，果肉打成沙冰，原汁原味，超級fresh又透心涼，夏天飲好爽。