蘇杭冰室

营业中

休息中

唔夠人用，等咗好耐先有人落單，侍應態度好差，我叫左沙嗲牛肉米粉，比咗公仔麵，話我冇講過，我冇出去，所以我都check 單，所以我都算，我冇叫佢換返米粉俾我，之後仲要喺其他人批評我

中午食飯嘅時候真係好多人排隊，次次經過都俾佢地嘅芝士汁撈公仔麵吸引，好多芝士鋪喺麵上邊，睇落好好味，所以就專登去試一下。叫左個配雞扒，芝士其實係幾多嘅，塊扒都算大，蛋都炒得幾滑，d芝士汁同d麵撈埋一齊好好味，啱曬芝士控。

我最近去咗蘇杭冰室食牛肉蝦仁滑蛋炒飯，味道還可以，中規中矩。炒飯係用香氣十足嘅蘇杭飯炒製成，米粒鬆散。牛肉同蝦仁炒得恰到好處，肉質鮮嫩，蝦仁彈牙，口感ok。滑蛋裹在炒飯上，增添了一層柔軟嘅口感。我仲叫咗一杯熱檸水，解渴又清新。如果你鍾意傳統的炒飯，可以嚟呢度試下。加埋一杯熱檸水，絕對能夠滿足你的味蕾。不過如果你對於口味有特別要求，可能需要再考慮其他選擇。

服務態度超級超級超級差！叫野食話1號餐佢晦晦氣氣問1號係咩呀講啦！無野呀呀伯，你態度好d問人得唔得？服務態度超差，早咗10分鐘入嚟等叫下午茶，佢話唔比我地等下午茶？？？係咁催人叫野食又話要等好耐，我地又唔係趕時間，出面又無人排隊，催嚟催去，永遠都唔再嚟！

今日黎到上環有野搞，食左個唔太好食既早餐後一路行到呢到，見到餐牌都有幾多款式就入黎食多少少野。襯午市前叫左個雞扒包食。一黎到見到比menu既大好多，雞扒量多，醬料調味剛剛好。唯一包皮係乾身d。

同事好鍾意叫呢間嘅下午茶，差唔多每次都係叫炸雞髀配沙律或者薯條加紅豆冰！下午茶食雞髀紅豆冰，真係一流，不過每次都要睇彩數炸雞髀質素有少少飄忽，佢有時真係炸到入邊啲肉好滑樓外邊香脆，但係有時就會炸到太乾🤪

好耐無黎，今日退步咗。但都係ok嘅間店位唔多，一張4人小圓枱要坐5個人，見其他枱不停催客走，都可以理解嘅。還好我本身都趕時間，坐低到埋單16分鐘，所以我無比人催🤭✌️碟飯比起以前蝦仁細隻咗但數量無多到，蛋量少過以前，味道就無變依然keep到水準嘅，不過啲米飯就有生米，可能我唔好彩係鍋底最後嗰碟吧，差不多每啖都混咗硬嘅飯粒，呢樣真係唔多好。😅上環，$61蚊連凍飲，附近都無乜抵食嘅茶記，硬食啦😂。

蘇杭冰室位置位於蘇杭街街頭，他是有兩間再同一條街的人多的時候就會兩間都會開門，佢最出名就是食滑蛋飯Menu上面有七成多也是含滑蛋的菜式，變化多端魚滑蛋飯滑蛋撈麵等等再配合其他肉類乳豬扒雞扒。價位大約$56起滑蛋叉燒飯值得一讚是叉燒有輕微煎個表面脆脆地，加上炒滑蛋同埋甜豉油真的很好吃，簡單配上熱奶茶，就是香港人典形的午餐了杯奶茶是很港式的絲襪奶茶，重茶香雞扒滑蛋飯雞扒大大幾件，是次個滑蛋好似小了很多，唔通是因為單價高企關係

係中上環返工返咗咁耐，一直都知依間冰室嘅存在，但成日都聽到好多人話他們的服務態度好差，所以成日都唔敢去食，不過今次同事話佢哋嘅吉列豬扒好正，就捉埋我一齊去食整體價錢係上環來講又唔係好貴，不過座位就真係坐得唔係好舒服，不過茶餐廳都係食完就走，唔會坐得耐，所以都好正常咖哩吉列豬扒飯 $58 推薦指數🗯️：🌟🌟🌟🌟一上枱就知道點解同事一定要拉我一齊食，因為塊吉列豬扒真係好大塊，有我成隻手咁大，而且仲好厚身，食落口外脆內軟，雖然表面炸到乾晒，但裏面仲好Juice，配搭咖喱一齊食，簡直就係靈魂組合，他們的咖喱也很香濃，唔會好浠，配飯食都唔錯，不過就唔可以成日食，因為真係好熱氣最後，如果想要啲好服務，真係唔好嚟，但係為咗方便食個飯，唔會坐得耐都可以嚟試試

入座時間13:55左右，相信已經過咗最繁忙嘅午飯時間，唔使等位就入得，嘢食大概14:05左右嚟曬，我哋食得算快，大約14:25就食完，4位淨返兩杯嘢飲，一杯滿，一杯飲淨一半，個店員講咗句：出邊有人等緊位，飲完杯嘢就麻煩快啲走啦！我即刻覺得好有問題，我之後講咗句：我哋未飲完嘢喎！之後，店員再講：慢慢飲埋先！點知話口未完，同一個店員又再講：飲埋杯嘢就好交枱啦下！咁我個同事仲有大半杯嘢未飲完，咪叫佢攞個外賣杯，諗住拎走飲囉！點知個店員又話：外賣杯要加$2。我心諗，你又要係咁趕人走，然後人哋又未飲完嘢。個重點係，好多枱人都係早嚟過我哋，叫我哋交枱只係因為我哋食得快！不知所謂！食咗20分鐘就催人交枱，以後都唔會再幫襯！

夜晚收工諗住食埋先番屋企。諗住平平哋食，就去咗蘇杭冰室。本身打算食個茶餐，但晏晝食咗又廢事食番差唔多嘅嘢。望望吓見個叉燒炒蛋飯唔錯，就嗌呢個加蝦仁。夜晚無乜人，等咗一陣已經有得食。上到枱賣相唔差，炒蛋滑身有蛋香，叉燒就普通茶記會食到嘅叉燒。至於蝦仁就有啲凍冰冰。嘢食嚟講就不過不失啦，無乜特別驚喜或者失望。不過有段小插曲，臨俾錢嗰陣見到張單打多咗一項寫住外賣，跟住收多兩蚊。我唔知係唔小心定點啦，如果大家會嚟食嘅話就記得checkcheck張單先好俾錢啊。

哈哈😆！這一日，為了趕上6:00pm前的下午茶，我便用急速的步伐，到達上環，再急急腳趕去蘇杭冰室。結果，我5:50左右坐下來了。一坐低，看了餐牌，便點了未食過的炸雞髀公仔麵，職員問我想配什麼湯底，雞湯？還是番茄湯？我心想，都未試過這間的番茄湯底，便一於試吓吧！（因為這是我第二次到上環呢間冰室食飯，上次好似是食吉列豬扒，上次好好👍🏻食）餐飲便點了一杯熱華田。先來杯熱華田，不錯！因為好多時，外面/一般茶記華田都比較淡口，但呢間的華田，味道濃郁，好味😋！因為我自己都好喜歡飲華田，所以對華田的要求都好高，呢杯絕對是above average 的「華田」，哈哈哈😆！之後到炸雞髀同公仔麵🍜啦（分碟上）炸雞髀都好入味，好食！不過可能炸少一分鐘會更好（我自己估，因為滑中，又有少少過熟）但仍然好食，至於公仔麵，我便後悔沒選擇「雞湯」，因為我選了番茄湯底，比我預期中酸，不過我自己覺得是茄膏味較重，我本身都食得酸，但這湯底的酸，我個人覺得同公仔麵不夾。可能同意粉/通粉會夾D!到最後，見好多客人點了「常餐」，有炒滑蛋，睇落好似好好食咁！我又追加$6，加埋。哈哈😆炒蛋賣相不錯👍🏻，味道都ok! 不過，我自己都係

蘇杭冰室走傳統快式茶餐路線，出餐極快，從落餐到上菜只需3分鐘，非常迅速，十分適合Lunch Time時間光顧，並且菜單豐富，所有菜餐廳常見菜式均有供應，是午餐之良選。

入去叫咗個下午茶，佢哋應該差唔多要收工，大概四點多，叫咗個西多士同埋一杯熱奶茶。奶茶唔夠熱亦都唔夠茶香。西多士等咗20分鐘先上，相信係即叫即整，但係唔夠蛋漿，好似兩塊白麵包擺落去油度浸咗就拎上嚟一樣，中間花生醬格格不入冇甜味，亦冇花生味。進食時有幾台客人，因臨近收工，鋪頭要求預先俾錢，有三台食客比完錢冇耐就差唔多同一時間離開，老闆娘竟然當住食客面前話啲人係咪‘死x晒，突然之間唔見晒人嘅？’其實我都唔明使唔使咁講嘢，大家都係啱啱幫襯完你，支持完呢間餐廳，你竟然咁樣樣講野，好似當啲食客垃圾咁，有咩你都背住食客先講啦吓嘛

今次晚餐一個人叫咗個蔥花叉燒滑蛋飯又比預期中驚喜喎！🍛叉燒夠林，整得剛剛好，唔會好鞋、唔會攝牙啦🤭🤭送飯一流👍🏻👍🏻👍🏻環境方面，用咗復古懷舊設計好好feel😋整體係性價比幾高、幾抵食嘅一餐😊