影片
以上资料只供参考，请与餐厅确认详情
相关文章
天气开始干燥转凉，相信懒过狗既香港友除左被窦之外，另一种会谂起既野就系食蛇，变相就系拍左1年乌蝇既食蛇业终于发市既日子来临，但网上有一大堆杂乱无章既蛇宴推荐，实在难以得知边间好食，边间出色😞所以反正唔知去边，个人就一定选择去蛇店，因为绝大部分酒楼既菜单都系得1至3味系同蛇有关，其余都系d咩羊腩煲，鳝，感觉真心想食蛇宴就应该味味都系同蛇有关先最过瘾有见及此，今次就同同事去左位于旺角既食蛇老店《蛇王业》去试下60年不倒既手艺🐍先来蛇羹，讲真就咁睇都见到十分足料，热辣辣简直救人一命，蛇肉同菇既比例刚刚好，份量仲要位位3碗仲有剩，老字号绝对唔洗担心食紧以鸡代蛇既蛇羹七彩炒蛇丝，蛇既份量差少少，椒丝几多，加埋唔知点解存在既炸脆脆，扣分不少，但单论蛇丝就依然好味🤤椒丝同西芹单单带来清爽口感炸蛇丸，估唔到只系半席都做到人人2粒，仲要唔细粒嫁㖞，加埋你都睇到吸油纸都冇咩油，食落弹牙又味浓，一食就知冇味精，绝对唔系街外d滥竽充数既烂鬼虾丸啰椒盐蛇骨腩，当到呢一秒都仲担心紧自己系咪真系食紧蛇肉既傻猪猪们终于可以放心，成旧蛇骨放你面前本身以为要「轮」骨，但一咬落去原来好多肉，简单好似食紧猪仔骨咁啖啖肉，劲惹味咬开肉质丝丝分明，真系估佢唔到，真心推荐🥰🥰本餐第二最爱生扣蛇骨腩，全晚最爱😻！一眼望落去以为食火锅炸鱼皮，但原来块蛇皮好似骨胶源咁弹滑仲要其实好多肉系入面，汶到好淋又冇骨，成旧食真系超级满足，必食🤣🤣蛇汁时蔬，没什么特别，但我喜欢食菜加上成晚都系肉，硬生生一个人食左7成😙清清肠胃到左尾声，再上蛇汁贵妃鸡，当时都饱到反转，食左1件感觉比较（鞋），但就同酒楼烧味差唔多，不过不失😗蛤蚧汤，不得了，姐系果d好似壁虎🦎既野味汤，药材味几重，有dd 甘但又几好饮，饮完成个人暖起上黎，雄风都番埋黎🔥🔥🔥🔥🔥糯米饭，炒得几干身，又唔会痴到一大旧，上味唔错冇话面果d先有味。烟烟韧韧写上完美句号🤡🤡🤡其实中间仲有味炖山瑞，姐系水鱼果d，但由于一下子就比人夹晒，我连食既机会都冇，相信味道都应该唔会差得去边，大补之物失之交臂🥹总括来说，完美的一餐，过往系酒楼，公联会既蛇宴完全同佢冇得比，加埋d店员好鬼亲切有讲有笑，仲要送左支50度既蛇胆酒，一饮立即(wing)但又好鬼好饮，行气活血男人味出晒黎🥴将来齐脚绝对会再帮衬
继续阅读
上周五约了三五知己聚一聚, 天气转凉+识射波一步所以当晚决定去深水埗寻宝小店一间装修普普通通, 不过见到很多形形色色的蛇制产品, 例如一樽樽的蛇酒, 一包包唔知乜嘢. 店员介绍孖宝就系蛇羹加腊味饭, 有大小2个size 以供选择. 蛇羹偏淡不过够热, 蛇肉亦都很足够；腊味饭就普通不过以几十蚊的价钱来讲就想同经济实惠了, 没有投诉我见当晚店员亦都在小小的地方内准备开三席, 看来亦有识货之人懂得揾呢个地方交通尚算方便, 可以再嚟
继续阅读
近排天气转凉，同班朋友去食个蛇宴补下先.........一坐低就有枝蛇酒比我地，可惜小编吾饮酒。唯为交比朋友饮左佢首先黎系系蛇匙，超足料味道又吾会太咸，非常好味！！！仲要每人食到2碗跟住就系七彩炒蛇丝，味道ok，蛇肉都多！呢个炸蛇丸，好味又弹牙！！接住更系椒盐蛇碌，非常松脆！！味道刚刚好不会死咸！呢个糯米饭炒得非常好味，吾会软淋淋，非常干身，而且配料超多！呢个蛇汤，汤料十分丰富，汤既味道十分浓郁，小编食完之后身体十分之暖蛇汁鸡，只鸡肉质十分滑......而且肉质弹牙，十分好味。呢个系蛇汁煮水鱼！！！小编只食左小小，口感爽滑.........蛇汁烩生菜，超多杞子。蛇汁味道浓厚！！
继续阅读
同太太去旺角朗豪坊行街街，行完顺便去斜对面一整条专卖新鲜生菓的街shopping下，见到呢间蛇舖，入去试下先，舖内招呼订食蛇宴的客人，我们就拍住拖坐舖外，叫了一大$75，一细$45....食后感……好似今年冬天，oh 我食了蛇，无甚么特别，当然系无乜惊喜啦……完！
继续阅读
每次抵港都必须来打卡的地方，爱极了这里的蛇羹，满满一碗都是肉，天气冷的时候来上一碗感觉真的是很幸福。糯米饭的味道就有点意料之外，有点点硬，口感上没有软糯，吃起来比较干。
继续阅读