蛇王娟

营业中

休息中

開始涼涼地，就會走入黎食蛇王娟，真係好好味，又平。次次黎食都會叫細套餐的， $ 60 蛇羹: 好足料架，啖啖蛇肉，😋😋蛇湯好好味，樣樣野都好夠熱。而糯米飯好煙un ,都有4-5片臘腸架！六十蚊有晒三樣野食，真係好抵又好味，所以每次都專登入黎食。😉😉

去完玩好肚餓，朋友話帶我食蛇，吓夏天咁熱食蛇，我一直以為冬天先會食蛇，同埋我咁大個女都未食過，好驚驚，不過你話食，我實陪你㗎叫左碗細蛇羹40元兩份食，我試下就夠，但上檯分量都唔小，外觀原來唔係咁恐怖，我一直誤會左，食落肉質爽爽地，我唔抗拒，但又唔太吸引。叫蛇羹會送蛇湯，好大碗，還有無限添飲，個蛇湯反而煲得幾好味，老闆娘話用左幾種蛇煲，但講完我又唔記得，個湯飲落辣辣地，飲完個身好溫暖，但又唔係熱個種，好滿足。除蛇外，其實間店還有平價飯食，都幾抵。

聽聞官塘的蛇羮好出名，電視台也曾到來採訪，地圖上顯示有好幾間蛇店，便去其中一間品嚐一下。到了宜安街，只見兩間蛇店，蛇王娟是其中之一，也是掛得最多電視台採訪合照的一間。地方舒適，冷氣開放。部份蛇店買大蛇羮都會送湯，但這店連買細蛇羮也會送湯，還要送大碗湯，喝完一碗如果你不示意結帳，會為你端一碗新湯，可謂抵食夾大碗。娟姐非常好客，會推介你吃甚麼甚麼，除了蛇羮，還有雞翼、唐生菜等等，客人直言回應便可，拒絕也無相干。她還會叫你多喝湯水，對皮膚好、對脾胃好等等，服務相當不錯。

天氣凍冰冰 去開觀塘宜安街無理由唔食蛇王娟蛇娟王出名又平又足料 今次我地兩個人就叫左個A餐 一碗大蛇羹 兩碗五蛇湯 一碗大糯米飯 $90 夠晒飽肚我最鍾意就係個五蛇湯 飲完個身好暖 唔夠仲可以添加另外碗蛇羹又好足料 見到好多一條條蛇肉 去宜安街真係一定要試下蛇王娟

話說我們行宜安街找煲仔飯，找到間拉麵店，因為緣份我找到了一間不錯的拉麵店。 不過，最重要係，這條小小的街道，有數不盡的海鮮小炒，有煲仔飯，有蛇店，而最吸引我們的，就係蛇王娟。 在門口看到那激大碗的蛇羹已經非常誘人，於是我想就不如吃完拉麵，來吃碗蛇羹暖胃吧。 最重要價錢係好好好平。 叫蛇羹有蛇湯送，係呢個冬天點止係佳音，直頭係雪中送炭。 我喜歡這裡的就是那社區人情味和舊區的感覺，店員和客人都有說有笑，加上那個非常平易近人的價錢，和九記的貴價和剛剛和人客吵架的新聞，完全是強烈對比。 A餐係大蛇羹，大蛇湯和大糯米飯，九十蚊，如果在香港區，分分鐘可能一碗蛇羹也吃不到。 這裡的大蛇羹，非常大碗，真係以湯碗來載蛇羹，蛇肉大條粗獷又多，成碗蛇羹足料到你一定會吃得飽，觀乎這裡客人都吃到個個要抱著個肚離開。 蛇湯又是飲完覺得high high，那個濃度叫你知道是非常補身，飲完便會暖暖的，仲有兩個人一個餐都會送兩碗蛇湯，那人情味，不得了。 最後吃的糯米飯反而最普通，但都因為蛇羹和蛇湯太出色，糯米飯雖不是粒粒靚，但夾著那些腊味蔥花豉油的配合，味道是可以的，最重要是價錢相宜。 今晚也見到老闆蛇王娟

 天氣突然轉凍！！出開去觀堂！朋友推介就食下e間！！門口 有d明星都黎食！！過年都照開 實在難得！再加上唔加價令人十二萬分感動！！菜單！！！唔算貴！蛇更 睇落都幾大碗！！！2個人食都得！！大特寫！！！唔太粗！食落岩岩好！味道方面同出面有少少唔同！！落左d藥才！！蛇湯！！！本來得一碗！見2個人送多碗比我地！！開心！好多地方都冇得送 唔好話送多碗！！人情味濃臘味糯米飯！！都幾多碼！！一個男仔食完都有5成飽！！！豉油味幾好 no飯岩岩好！臘腸都唔叉 冇咩油膩！！冬古就cut到一條粗粗地慨條！！豐富左個口感！老闆娘推介鹵水雞翼！！！好多香料味！唔係用現成慨汁 ！我估係自己教慨！！咸中帶甜！！帶起晒d胃口！！下次會再去食e間！！觀塘區！現時最岩我口味慨蛇蛇！

之前同阿爸阿媽去開牛頭角就來朝聖由細食到大，以前喺觀塘小巴站附近，隔離間印尼嘢又係勁好食。成間鋪本身已經有香香的藥材味。佢d蛇羹大大碗，真係好正，多料又有藥材嘅香味，冇味精，每啖都好補。濃郁嘅湯加埋d脆卜卜同醋，就可以食到成身暖哂。雖然時間耐左佢嘅味道有d及唔上當年，可能而家冇新鮮蛇肉要用冰鮮，但依然係好好食。蛇湯又係第二樣超好飲的。藥材味比較重，飲到底會見到粒粒煮到溶嘅材料。食li d 老店，人情味自然濃d，街坊d。坐d櫈仔，摺枱圍埋一齊就ok, 唔洗拘謹。鐘意飲埋蛇酒補下身子。每一隻碗碗碟碟都好似有個故事。老闆娘會過來吹下水，問你食唔食糯米飯丫，新鮮蒸架每次食都彷彿變翻以前仲細嗰陣咁幸福。

蛇鋪很少是用女性名字命名, 今天則試了觀塘的蛇王娟.心裏第一個疑問, 是一個叫阿娟的女性負責處理蛇嗎? 還是一個男蛇王, 他的太太叫阿娟?不要想太多, 吃蛇就吃蛇. 叫了一個小蛇羹餐, 有蛇羹, 蛇湯, 糯米飯.蛇羹:材料十足. 氣氛上, 店裏坐滿人, 大家埋頭苦吃, 我亦受感染.糯米飯:味道還可以. 蛇湯很好喝. 天氣太冷, 吃完蛇羹及糯米飯, 湯已涼.這裏價廉物美, 是吃蛇的一個好選擇.P.S.  兩件小事:1. 我們坐下時, 桌子有點髒. 我叫了幾次伙計 "可抹一抹枱嗎?", 但他們忙於應付食客, 最後都忘記了. 2. 食物上桌時, 我問伙計"可以給兩對筷子嗎?", 他就將旁邊桌剛離開食客用剰的筷子給了我們. 雖然是獨立包裝, 但感覺有點不好.這種街坊店的性格通常直接, 不轉彎抹角. 可能是我要求太過份.

位於觀塘宜安街上, 除咗有不少食肆之外仲有一間老字號嘅蛇羹店.. 冬天就快到, 當然要食返個蛇羹進補😈😈😈 其實呢條街有兩間蛇王店, 舊時同爸爸過嚟必定食對面嗰間, 不過男朋友反而鍾意食呢間蛇王娟, 所以今次嚟咗呢間家族店鋪, 職員都係屋企人親手打理出面負責裝蛇羹, 店內的蒸爐係糯米飯2個人食, order 左一個A餐 $90大蛇羹, 五蛇湯 及 一碗糯米飯個人感覺對糯米飯麻麻地, 糯米飯唔算十分濕潤, 感覺有點硬... 而且糯米飯本身冇加上豉油煮, 令到原有既飯冇乜味道, 除咗有臘腸蔥花同花生之外, 只係就咁加上少量豉油, 食落唔算太香, 對我黎講一般五蛇湯都幾好, 味道唔夠太濃, 不過飲落好舒服, 配埋蛇羹嘅配搭真係一流❤️😊😊😊最後當然要介紹呢度嘅蛇羹啦! 蛇羹嘅材料都算幾多, 而且內裏除咗有蛇肉同木耳之外, 好似加左有啲類似蛇皮嘅食材, 食落帶點爽口👍🏻 配上不能少既檸檬草, 令蛇羹食落多咗一份清新嘅味道, 好食!整體味道都唔錯, 只係個糯米飯個人感覺比較遜色$90 呢個分量對我同男朋友來講已經好足夠, 幾抵食❤️

時間不等人天氣亦如常,正式感覺踏入秋季、夏日已變得越來越模糊,寫上九百篇食文自己外出搵食也越甚為挑剔,今日就選擇「食蛇」檔午飯。。這條「宜安街」其實可算謂內街行人不算太多,當然吸納也是周邊街坊為主,其實蛇舖好多已進化到不只賣蛇羹,生意難撈夾雜食品亦是供求需要~「蛇羹」當然是首選,甚麼糯米飯、肉餅飯、滷水雞翼,廚娘駕輕就熟,所以覺得沒需要拿錢包付自己煮得到而又可能好食過之食物、蛇羹HK$40.送到,兼奉送一碗「蛇湯」,蛇羹撈兩撈「羹」質感稀薄適中,濃濃蛇骨烹煮下蛇羹香味源源不絕、不過就略嫌蛇與瘦肉比例下少了點,木耳比冬菇絲還要多、不過在價錢上要控掣「成本」這一環定在必行~奉來「蛇湯」感覺上有輕輕藥材味又略帯有點點紅棗香,味道上不太強勁、連我這個不大愛飲中藥材廚娘也可報銷, 放心這碗「蛇湯」是跟蛇羹一併奉上, (不另收費)~燃燒體的一糰火,迎接即將來的冬節、需要時我回再來．．記著:出外用餐勿過於挑剔,這頓飯會來得更愉快味美。

今天天氣稍涼，路經觀塘此蛇店，今晚就吃蛇做晚餐。店鋪裝修都是一般蛇店模樣，很舊式，而且附近是小巴站，有很多相熟司機幫襯柯打左一個一人份量蛇餐，有蛇羹，蛇湯及糯米飯主菜蛇羹，蛇似很大條，很足料，落埋薄脆很惹味糯米飯豉油是淋在飯面而不是在煮過程中加入，所以飯比較淡味手，鱲腸雖片得薄，但佢感覺太硬身蛇湯很大碗，夠火候，但嫌落得太多胡椒粉，辣味好重埋單$80；好蛇者路經可一試

好耐無嚟蛇王娟了，所以今晚要嚟蛇一蛇。最愛食呢間，因為真係好足料，蛇肉、雞肉、木耳..........加埋薄脆一齊食，真係好鬼正！跟住呢碗蛇湯，可以添加的，今晚我自己都飲咗兩碗。熱辣辣好滋補，食完蛇羹同個湯成個人暖晒。生炒糯米飯，煙煙unun加埋d獵腸好香，簡直絕配。

冬天想暖笠笠, 吃蛇羹最適合不過。 雖是平日2pm, 客人來往不斷, 每個都是吃著蛇餐, 包括蛇羹, 蛇湯及瓦煲糯米飯。不夠5分鍾, 熱辣辣的蛇餐便很快送上。 蛇羹很足料, 蛇肉肥美, 入口淡淡肉, 配料黑木耳爽囗彈牙, 吃一碗已很飽肚, 不像一般碗仔翅的那麼稀。 單單一碗細小的糯米飯, 芬香撲鼻, 滿載臘腸, 花生及䓤花, 可是飯卻硬了點兒。 蛇湯味道濃烈, 不是滾湯, 應是煲了很久的老火湯吧。吃完整個蛇宴, 全身暖笠笠, 是冬天首選。

自從E-max戲院有午夜場特價之後,呢度就變成我星期五宵夜既熱門選擇,呢度既蛇羹,蛇湯,臘味飯簡直係買少見少,臘味飯飯粒分明,我最怕食腍飯,所以呢個飯就very good啦~, 蛇羹都好足料食落唔會有漿糊感覺.最印象深刻其實係個蛇湯,藥材味好濃,喝完成個人暖哂,話之佢出面得3-4度, 另一個特色係佢既蛇湯係免費添飲!而且店員好好人行過見你冇湯會主動問你加唔加多碗,非常細心.

今晚上完堂，又在《蛇王娟》燒夜。見生維炸蛇丸五粒都係$39，試吓先！坐低當然娟姐會先放下一碗蛇湯，先點炸蛇丸同蛇。蛇火同平時一樣ok，蛇丸一咬下去，有些像以前在酒樓吃的炸蝦丸，唔錯！值得一試！！