影片
营业时间
今日营业
07:30 - 20:30
星期一至日
07:30 - 20:30
以上资料只供参考，请与餐厅确认详情
呢間包舖嘅裝潢好特別，好有港式味道，都係一啲綠色黃色紅色嘅霓虹燈裝飾，非常之有趣！佢店面嘅衛生程度都幾好，擺設幾整齊乾淨。中間有一個透明櫃，裝左幾款包，其中見到牛角包比較突出。而且價錢亦都幾合理，我睇中左個黑松露芝士火腿牛角包，都係$16 ，個size幾大個，就揀咗嚟試。拎上手就有少少失望嘅，因為佢係有啲偏凍，個牛角包都唔算脆身，因為我買嗰陣係早上10點幾左右，正常應該都算係比較新鮮，但係都咁快就已經凍左。講返味道，佢話有黑松露味，但係其實我就食唔出嘅，因為黑松露嘅味道好強烈，但係完全唔覺佢有。跟住佢話有芝士，其實我食咗幾啖嗰陣時完全唔覺得自己食緊芝士，佢有啲似係食緊一啲忌廉嘅感覺，雖然唔似芝士，但係忌廉嘅感覺都幾好食，甜甜地，不過個忌廉係有啲凍，定係本身就係咁?雖然食唔出佢講既味道, 但我覺得個味道係唔錯嘅!
继续阅读