蝦佬 (已結業)

今天跟同事們來到這裏吃飯，一入門侍應已經熱情招待，並且推介了一款意粉給我們，我們也順她的意思每人來了一份。我們一行四人，坐下時已發覺座位比較峽窄，建議想來此店的人不要帶太多東西。午餐已到，這是一個龍蝦汁撈麵，配料就有一些火腿、洋蔥和「縮水冰藏蝦」。由於龍蝦汁調味不錯，所以整體評分都較高，唯可惜價錢較昂貴，竟然要56元，凍飲另加3蚊。以普通打工仔來說，這午餐價錢已經夠去附近的街市吃兩餐干炒牛河。到飲品方面，我跟同事都點了凍奶茶，但此奶茶沒有奶味、也沒有茶味、更沒有甜味！用我的說話來說，這就只是一杯有奶茶色調的水。希望此店可以調整一下價錢，並且多加對飲料下功夫，以食物水平來說是沒大問題。但在環境、飲料跟價錢都可多加研究。若然如此，此店定必大熱！祝生意興隆

蝦佬算是灣仔的新餐廳應該開了不一年記得當日見證住開張的但一直沒有吃過最某APP有優惠卷，而它又有參與正好試一試它意料之外，店內的空間很少，很少的堂食位置排隊的都是以做外賣為主我買了蝦佬套餐鮮蝦龍蝦汁燴意大利粉配熱綠茶 — $56一打開外賣飯盒，意想不到的香味都飄出來造法有點像卡邦尼意粉，除了蝦肉，有一些洋蔥粒及煙肉粒但它有很濃濃的龍蝦味而且食物的溫度意外的高，非常燙口，應該是即叫即製還有另外兩款選擇的鮮蝦龍蝦汁燴意大利飯龍蝦湯泡飯配蒜香雞扒亦留意到有一些逆市震撼餐最售$28在某APP但應該數量有限，先到先得，售完即止

今日同班同事一齊去買飯食，見到呢間餐廳選擇都好多，有啲價錢仲好平，諗住對自己好d。就要食好d！所以我就揀左$68澳洲和牛配龍蝦湯泡飯！仲要係泡飯咁得意？就試一試！點知返到公司一打開...份量實在太少了....當堂嚇一跳😑佢個食法係泡飯，但睇真d...d和牛本身有汁，溝埋落d龍蝦湯度有點怪怪的....兩者唔太夾....而佢既龍蝦湯本身好咸，仲帶點味精既味道...😣有點失望...如果用呢個價錢...我覺得唔太值得...我食完之後....個肚仲空蕩蕩...😓

上次食潮城魚蛋粉，見到呢間Hello，好似開咗冇耐，就決定下一次幫襯，睇門面設計就麻麻地，幾得簡單下。入到去完全係諗起中學生時代去食lunch，見到其他食緊嘅客人好似食緊大碗飯咁，都唔覺有乜問題，但當我叫咗個炒扁意粉之後，原來都係一款碗上，就覺得好奇怪，不過唔緊要啦，都係食啫！我食嘅係蒜香芝士蝦炒扁意粉，箍牙妹覺得扁意粉有少少硬，但諗住意粉有啲硬都係正常嘅，啲蝦食得出唔係死蝦，唔會霉，同煙肉炒埋一齊嘅味道都算ok，呢個價錢嚟講性價比高。同事就叫咗個期間限定嘅蒜香芝士龍蝦焗扁意粉，佢話味道唔錯，但有個同樣嘅問題就係佢都都覺得扁意粉有啲硬，但呢個價錢嚟講真係好抵食，可惜唔包嘢飲！

依家香港乜都貴，居然比為食嘅我在hokobuy發現蝦佬hello响灣仔有68元的龍蝦餐，配意粉和特飲，唔洗諗即去食。龍蝦餐性價比高，好味，又抵食，下次去試其他。

中伏，有圖自己看。雖然$68話多唔多，但隻龍蝦的確係細，仲要得半隻，同虎蝦差唔多大。份量也很少，唔好話唔值原價$108，特價$68都唔值。蒜香味不足，芝士味都食唔到。

呢排多左去灣仔，平時灣仔周圍都咁多人，但到星期日竟然有一絲寧靜，可以慢慢食個brunch～「蝦佬」都見佢開左一排，一直都想試下，因為個名幾得意呵呵。我估佢都係食蝦啦！今次我嗌左A4餐，鮮蝦燴意粉，連綠茶，56元。味道很不錯，份量岩岩好，夠飽。個汁收得都岩岩好，唔好水浸咁多汁或者好乾～而且啲蝦唔洗剝殼，蝦肉都好彈牙，而且都有好多舊。唔錯～友人嗌左個「豬排龍蝦湯扁意粉」，38元。因為無哂羅宋湯所以轉左做龍蝦湯。麵的份量都好足，麵質彈牙，個湯仲好濃郁～都是滿意的。總括來講，今次食「蝦佬」都是個滿意，略嫌店內冷氣有啲唔夠，有點焗。以價錢﹑份量同味道來講，在灣仔商業區入面，都算不錯～可以再食～

見團購有$68焗龍蝦+主食+飲品，好似幾抵，買左2張同朋友lunchtime一試。**因為龍蝦供應數量有限，所有食之前2日，記得打電話/whatsapp預訂。鋪頭比較細間所以位唔多，遲少少到可能要等位，而且位同位之間都比較逼，食食下職員出出入入拎食材好驚會撞到。蒜蓉牛油芝士焗龍蝦+龍蝦汁焗飯+芒果特飲>>(半隻)龍蝦無雪味，夠肉地，而且肉質結實，唔錯! 焗飯味道偏淡，龍蝦汁味唔重，所以睇顏色都好淺色，入面有少少洋蔥粒同煙肉，不過不失。芒果特飲就一般般，有D芒果味，ok啦~法式芝士牛油焗龍蝦+蒜香牛油扁意粉+奇異果特飲>>龍蝦同上面一樣幾好，呢款可能芝士多D所以香D。意粉D餸同上面個飯一樣，只係唔係龍蝦汁，而係蒜蓉炒，因此較焗飯味濃，但份量就無飯咁多啦，大食的可能未必夠飽。奇異果特飲無試，但朋友話ok，我亦同有奇異果核響入面嘅xD鋪頭人手似乎唔夠...送餐永遠得一位大姐，收銀就係一位哥哥，格局係快餐店style，先俾錢之後等食。睇餐牌其他飯餐都係$40左右，以灣仔區計算係咁啦，但隔離檯一行6~7人似乎唔太滿意D食物 (因為龍蝦sold out，佢地食普通飯

前幾天剛剛收到蝦佬的菜單，當然要一試啦。套餐價錢都唔算貴$52-$68，而且還有期間限定（蒜香芝士焗龍蝦扁意粉）。重點見到有Hello28，$28便可以有一盒，而且款式都算多梅菜扣肉、魚香茄子、麻婆豆腐等...大食王，買食2盒食都係$56。蒜香芝士焗龍蝦扁意粉 - $68蒜香芝士焗龍蝦一打開香噴噴，有半隻龍蝦佈滿了芝士，龍蝦肉都算多，而且有芝士配搭更添口感。原本以為扁意粉只有很小，不夠吃，但原來吃了一會都覺飽肚，只可惜食到尾油分較多，未能完全吃完。

灣仔地鐵站駱克道出口一出對面就望到，好清楚嘅蝦佬，以龍蝦做主角值得一試啊！這店其實是快餐店，入鋪頭首先揀完食物，就要先行俾錢！ 主角要是龍蝦梗係樣樣都食龍蝦啦，我和老友揀咗焗龍蝦意粉和豬扒龍蝦湯飯！店員話焗龍蝦要等20至30分鐘，為咗食主角當然冇問題，最終只需等差不多15分鐘就有得食啦！龍蝦湯飯絕對冇問題，湯包住粒粒飯好豐富，配豬扒勉勉強強啦，一定稱不上大件夾抵食㗎啦！輪到真正主角原價$108 依家$68嘅焗龍蝦意粉， 中等size味道普普通通，肉質夠爽，沒有雪味，扁意粉有洋蔥同煙肉炒過， 香味適中！成間鋪頭， 基本上食物係合格及中上， 亦都會返轉頭再食嘅，但最大問題係用膠匙，膠义，試問點樣去食一隻龍蝦同埋分開一塊沒有切好成條狀的豬扒呢！ 本人弱質女流，真係拮唔到嚟食， 希望你哋用返鐵义鐵匙，救救地球🌍！

係灣仔做完個 facial 整完容之後，行行下街見到有平野執，一間以龍蝦做主題嘅餐廳，裝修似西式茶記，以平民價回饋大家，我就平平地飲左個龍蝦湯 $20，係幾抵飲，唔洗下下就到去高級餐廳飲成舊水一碗，而個龍蝦味係的確幾出都濃嘅，另外仲有幾隻蝦仔比你撩下牙，不過龍蝦湯黎講我都係比較中意飲龍蝦忌廉湯多啲，個口感實在啲豐富啲溶啲，另外見啲餐都好平，咩牛柳粒蝦飯都係賣三十蚊好抵食，可惜果時食飽左留返下次試 🤤🤤-蝦佬灣仔駱克道 123 號地下中環威靈頓街 97 號地下 1 號舖

呢日又係要喺會展番工～早一日食完南記，喺附近行下嘅時候見到呢間「蝦佬」😳門口個叔叔好有禮貌好熱情咁派傳單俾我地我地見到張餐單即刻留曬口水🤤🤤好似好正咁！於是決定翌日黎幫襯💓.我係黑松露愛好者💓💓一見到有黑松露嘅食物基本上唔洗點諗佢仲要有埋雞肉😍所以我就叫左一客松露雞肉意粉（$49）配埋有熱綠茶～一黎到，我對佢個樣有啲失望🙈同餐牌張相有啲分別～不過心諗唔緊要啦，好食就得啦試第一啖，覺得有啲淡口🤔諗緊係咪未撈勻於是撈一撈、兜幾兜再試係真係唔夠味😭可能我比較重口味啦我覺得黑松露味好淡，而且個意粉有啲乾冇汁嘅意粉唔夠味其實真係差咁啲菇 🍄同雞肉嘅份量都尚可接受但味道唔夠，令到我覺得呢餐好唔滿足😞

今日落毛毛雨，吹住風，好想食啲暖粒粒既嘢，於是去咗依度買個湯飯做lunch。叫左個龍蝦湯泡飯配牛肉粒 - 外賣自取。12:20pm左右去到，唔滿座，都好快有得攞。返到公司打開蓋，發現原來湯同飯係一早放埋一齊，另外有一個黑色兜裝牛肉粒，有啲椰菜墊底。一開始啲湯同飯係分開咗，要用餐具攪一攪勻佢先有相中既效果。睇佢個兜仔細細，撈勻之後都幾多飯，女仔食應該都會幾飽。講吓味道先，龍蝦湯好香，濃得嚟又唔會過鹹，啲飯有少少硬，有啲risotto feel (亂講)，可能驚浸住湯會好快腍(?)，我鍾意腍少少既飯。牛肉粒腍度還可以，係有啲筋，但味道有蒜頭香味，不過油咗啲，個兜底有層油浸住。同場加映:鮮蝦龍蝦汁意大利燴飯 上次叫左個燴飯 --> 但其實係似炒飯多啲入口都好香龍蝦味，仲有粒粒蝦肉，係洋蔥粒多咗啲XD但如果要㨂，我應該會揀食湯飯，濕濕地好食啲

第一次叫送外賣，遲咗十個字，多次聯絡都仲係話送緊，又話無人手，又話多單，最後先知送錯地方但又有人俾錢。所以無理會，再由頭叫過，再送已經一個鐘後。第二次，2019年3月6日，幫同事叫4個飯A11,最後送咗4個A3。追問之下，仲要即刻影單我睇話自己無落錯單，但詳細睇都錯數目，叫「A11牛柳粒湯飯」送就送咗「A3大蝦意粉」，今日仲勁，一句道歉都無。下次真係揾你叫。公平說句，味道係好味，但已經係農歷新年之前既事，新年後外賣單最少二百都難湊數，好彩湊到叫外賣又錯到離晒譜。

龍蝦湯牛粒飯牛粒鬆軟牛味濃, 但是龍蝦湯吃不到龍蝦味, 而且整個賣相沒有盛意炸雞龍蝦汁意粉基本上沒有多少龍蝦汁,意粉吃起來很乾沒味道, 炸雞也不好吃, 沒有肉汁兩杯特飲基本上是汽水梳打, 沒有特別環境坐椅非常簡單, 先付款點餐再享用除了算便宜, 真的沒有亮點, 隔離茶記相信會更好, 絕對不會再去吃