影片
优惠
5折
[优惠低至5折] 龙虾刺身、海胆优惠套餐（1位用，2位起）
$638
$1,278
鲤鱼门向来出名食海鲜🦞见到呢间出名食蒸气海鲜粥底，当然要入黎试下！店员强调我哋负责食就可以 绝对唔需要亲自烹调煮海鲜🦞我同友人点了一个尊贵海鲜套餐基本上好多都系飞机货，所以真系好新鲜架～加拿大海虎虾虾头有甘甜的虾膏！虾肉亦非常弹牙！不用蘸任何酱汁也食得出其鲜味！大西洋活青口青口夹住啲海藻，店员表示这才是即捞新鲜青口！吃下去好清甜！韩国釜山鳗鱼新鲜由韩国🇰🇷空运过来的鳗鱼，蒸熟后可以蘸wasabi及豉油一起吃，更有提鲜作用！有少量鱼骨刺 享用时要更小心啦～秘制南非干鲍店员会系厨房煮熟后，再给客人享用干鲍肉质结实，很新鲜，配上冬菇一起吃，十分美味！野生琵琶龙虾平时波士顿龙虾🦞食得多，呢款外形独特的龙虾🦞真系第1次见，表面有毛毛的质感，肉质弹牙新鲜～韩国大元贝表面放上蟹黄酱，店员强调不用蘸任何酱汁，便可以吃得出其鲜味！元贝肉质亦很新鲜，拌上蟹黄酱一起吃，鲜味更十足！黄金翡翠螺螺肉大只弹牙！餐厅仲会提供一只小叉方便食客进食，反而好多酒店🏨buffet都未必有呢个服务～罕有大黄奄蟹超多橙黄色蟹膏，味道亦很甘甜，蟹肉无庸置疑亦很新鲜啦～～韩国珍珠蚝有好多蚝水，千万不要倒左佢，精华黎架！蚝🦪肉当然系肥美饱满啦！有机蔬菜🥬篮粟米🌽清甜！生菜🥬娃娃菜亦很新鲜！海鲜粥底呢个压轴登场啦～将前面咁多样海鲜🦞嘅精华放晒个粥底配上菜脯+猪骨+葱花+粟米🌽粒吃落去除左可以清肠胃之余，仲食到好多海鲜🦞嘅精华！椰汁🥥炖雪燕浓郁嘅椰汁，再将雪燕拌匀，甜度亦刚刚好，为这顿饭画上完美句号！
继续阅读
旧同学聚会，去咗鲤鱼门蟹仙华舫食海鲜，餐厅设有海景雅座，提供不同类型的海鲜套餐，海鲜是以当天新鲜运到的提供，所以套餐的海鲜会有啲唔同。海鲜是用蒸的烹调方法，可以保持海鲜原汁原味。尊贵海鲜套餐**时令海鲜会因应当日空到港为准**秘制原只南非干鲍 :鲍鱼入味有口感。加拿大野生海虎虾口感紧实且鲜美。黄金翡翠螺肉质肥厚，爽口弹牙。韩国釜山蚝鲜甜、清爽且无腥味。大西洋野生青口的味道鲜甜且富有海水味，肉质嫩滑且饱满。蟹皇大元贝鲜甜且弹牙，带有浓郁的海鲜鲜味，因为加入了蟹皇，整体鲜味更加奢华和丰富。韩国釜山野生鳗鱼：鲜嫩弹牙，油脂甘香。大黄奄蟹半只：味道甘香鲜美，蟹膏丰腴且口感细腻柔滑，蟹肉嫩甜弹。野生琵琶龙虾肉质鲜甜爽口，味道类似龙虾，且鲜味突。有机蔬菜篮味道清新自然，带有蔬菜本身的甘甜与鲜美，且口感嫩脆。食完海鲜就粥底, 蒸海鲜嘅精华漏落粥底, 再加入了咸猪肉、芋粒、粟米、菜脯和葱花, 粥底绵滑, 鲜味十足。奉送甜品：椰汁雪燕椰香浓郁、甜度适中。
继续阅读
嚟鲤鱼门食海鲜，真系可以写篇游记，因为成套体验都好舒服。短短地嘅车程，去咗个气氛好似离岛嘅地方。虽然海边嘅空间对比起西贡、南丫岛唔算话好大，但就好 chill，可以轻轻松松散步，有啲人会喺度钓鱼，而且海景好开扬，令心情好好。一直好担心喺香港食海鲜会俾人㓥，惊「时价」呢两个字，又惊埋单先发现有隐藏收费。跟喺鲤鱼门附近住嘅朋友嚟咗呢间——套餐价，冇隐藏收费。去到发觉几枱食客同店员好熟，本身都惊系咪要识人先有靓嘢食，但后尾发觉原来店员对我哋呢啲生面口嘅生客都系好 nice，同埋海鲜都一样系咁靓。啲客同店员熟，应该因为店员真系好亲切，好似同街坊、同朋友咁倾偈。如果人多，真系好建议早啲啲 book 定枱，因为头先讲𠮶个靓景，餐厅有两张大枱系食到正——可以一路食一路睇日落。而如果少人，或者冇 book 枱，都冇话蚀底，因为佢系有个海边嘅 outdoor 地方，可以饱览靓景。呢个位都几细心，因为一大班人食饭，总可能有人有吸烟习惯，都算方便烟民朋友；或者唔食烟，拎支啤酒睇日落都同样 chill。我哋嗌咗相对平嘅套餐，$449/位，但系都好丰富，用料好靓。听店员介绍会感觉到佢哋对自己出品唔 hard sell，但好有信心。每样海鲜都有来历，唻自世界各地，套餐入面系冇用嚟凑数嘅 item，而且系冇任何一样 item 你会觉得佢失手。蟹、鲍鱼、龙虾呢啲贵 item 靓就好合理，但佢哋系连最后个甜品都用好重料嘅椰汁雪燕。最普通嘅虾都有名堂，我都系第一次知，原来野生嘅虾海水味浓咁多、又鲜咁多，同平时食嘅虾完全两回事。元贝上面仲铺满蟹膏。我比较少喺海鲜档食海鲜，之前喺南丫岛食过平民少少嘅，有虾、有鱿鱼、有扇贝、有炒饭，三百几一个人，已经觉得好值得。今餐连加一 $541/位，但豪华程度就上咗另一个层次，仲系纯粹系蒸，连豉油调味都唔使嘅质素，真系觉得好值得。好希望呢啲有心做嘅餐厅可以做得住。(所有图片为原图，请重新审阅）
继续阅读
好耐冇入鲤鱼门，第一次试呢间蟹仙华舫～餐厅晚上都好旺场 staff好服务 用心介绍海鲜🦞见到都有好多常客🧐 我地两个叫左🏷️尊贵海鲜套餐 $449/位, staff话每日都系飞机货，保证每样食材绝对新鲜! 餐厅仲有个加分位，可以边食饭边睇靓海景！💯加拿大海虎虾虾肉肉质新鲜弹牙！ 虾头更有鲜甜的橙虾膏！不会有任何苦涩味~店员建议不用蘸任何酱汁，才食得出海鲜的鲜味.大西洋活青口表面放上蟹黄酱，记得不用蘸酱汁直接享用便可！咁岩食到一只青口夹住海藻，店员表示咁先系新鲜捕获青口！ 吃下去犹如置身大西洋添呀~.韩国釜山鳗鱼由韩国🇰🇷空运过来的鳗鱼，店员建设蒸熟后可以蘸wasabi & 豉油调味，有提鲜作用！ 不过或者会有少量鱼骨，食用时要稍为留神啦～秘制南非干鲍呢个厨房即制干鲍, 一上台便可享用干鲍肉质扎实, 炊汁浓稠, 再配上鲜北菇一起吃, 鲜味十足!野生琵琶龙虾平时听波士顿龙虾🦞就听得多，呢款身形独特既龙虾🦞绝对系大开眼界，表面有毛毛的质感，肉质特别鲜甜，仲有微微的甘甜龙虾膏~大元贝放上蟹黄酱，店员再次强调不用蘸任何酱汁，否则只会糟塌元贝鲜味！肉质无庸置疑绝对新鲜，拌上蟹黄酱一起吃，令鲜味更上一层楼！黄金翡翠螺餐厅好贴心会提供一只小叉方便食客进食，螺肉超级弹牙，亦不需要蘸酱汁即可享用!.罕有大黄奄蟹海量的橙黄色蟹膏，吃下去非常鲜甜，不会任何怪异味~肉质当然系新鲜啦~韩国珍珠蚝有好多蚝水，店员强调千奇唔好倒左佢，系蚝既精华黎架！蚝🦪肉肥美饱满，亦唔会有腥臭味~.有机蔬菜🥬篮生菜🥬娃娃菜翠绿新鲜！粟米🌽清甜！呢个可能稍为清淡左D，就真系可以蘸酱汁啦~.海鲜粥底将前面咁多样海鲜🦞嘅精华慢慢咁渗透入个粥底里再配上菜脯 & 葱花等配菜, 吃下去有D口感~每一口粥都食到好多海鲜🦞嘅精华！竹蔗茅根水绝对透心凉之选！喝下去有浓郁的竹蔗味，在这个炎炎夏日下，尤其凉快！椰汁🥥炖雪燕椰汁超浓郁，再将大量雪燕拌匀，甜度刚刚好，亦为这顿饭画上完美句号！
继续阅读
今次同朋友去鲤鱼门玩，日落超级靓，呢间餐厅仲可以出去同日落打卡🌄试咗个「尊贵海鲜套餐」（$449/位），逐样同大家解剖下！ 大黄奄蟹：成只手掌咁大，蟹盖爆膏！金黄色嘅蟹膏浓到似流沙包咁，蟹肉鲜甜得嚟带淡淡海水味，啜晒d汁先舍得食肉🦀野生琵琶龙虾：唔同普通龙虾，肉质超弹牙，虾尾肉一梳梳咁起出嚟，超级鲜味，可以连豉油都唔洗蘸🦞秘制南非干鲍：淋得嚟有咬口，中间微微溏心，酱汁入味！加拿大海虎虾：虾肉爽脆，虾头爆膏，记得啜埋个虾头🤭韩国釜山鳗鱼：皮蒸到微微起胶，鱼肉一瓣瓣咁，油香超浓但完全唔腥，蘸少少wasabi鼓油，味道更上一层楼💚韩国大元贝：贝柱厚过五蚊银，蒸完唔缩水，咬落去爆鲜甜汁液，大元贝仲要配埋用蟹膏自家制酱汁，食到舔舔脷👅黄金翡翠螺：螺肉大粒到凸出壳，用牙签一挑就成旧出嚟，爽口得嚟带少少韧劲，海水味超浓🌊韩国珍珠蚝：蚝肚饱满到泻，劲鲜甜，完全冇金属味🦪因为当天冇青口，所以转左蛏子俾我哋：蛏子超级鲜味，蘸少少蒜蓉豉油完美😍海鲜粥底：吸晒成锅海鲜精华，粥底绵滑，里面仲有蟹肉丝同虾油香，我忍唔住食左三碗🙂↕️有机蔬菜篮：蔬菜新鲜，吸少少海鲜汁已经好够味🥬椰汁炖雪燕：最后仲有甜品作结，椰香清甜唔腻，雪燕有咬口😍总结：每样海鲜都睇得到店舖海鲜系超级新鲜，店员蒸嘅时间拿捏准确，$449呢个质素真心抵！
继续阅读
您可能会有兴趣的...