蠔站 (黃金廣場) (已結業)

星期日諗住開開心心同老婆去食蠔，叫左14隻，2隻10蚊蠔，另外一set $398 12隻， 仲加左20蚊upgrade 左兩隻，分別係美國、蘇格蘭、澳洲蠔同老婆一人7隻，點個食完反到屋企兩個都柯到7彩，呢間野以後點都唔會再去了。

見關注組成日講蠔站，近近地係Open Rice 訂位試多次！ 上次同朋友去無試$10/蠔，今次靚蠔又點，$10隻蠔又點！共食咗一打蠔，加啲小食，我哋不嬲無飯隱！職員好好介紹，會有張紙list out當晚有咩蠔！我哋最想encore Marger，性價比高！小食點咗魷魚🦑鬚，送酒一流！下次可能揀星期二做promote，半打蠔再送杯酒！🥂

環境寧静，食物一流，生蠔價廉物美。上址服務員非常殷勤，有禮，細心。願意同客人溝通，絕不會hard sell其他貴少少嘅生蠔，但我當晚食過其中日本同愛爾蘭嘅貴少少生蠔，係非常之好食，只需需要35度一隻，肥美鮮甜，絕對合格。

🦪🦪🦪星期日lunch想食蠔，即刻search到依間，連鎖西餐廳主攻生蠔海鮮，食物質素、環境，服務都攞哂分去飲食平台訂位有77折，會抵食好多，星期日午餐時段可以坐低慢慢食，環境唔錯，值得推介店員細心介紹是日特選靚靚新鮮生蠔，於是簡左三款試下Pacific Rock ($39)黎自美國，店員介紹係最creamy 既一款，的確真係味道濃厚，漲卜卜既，唔捨得一啖食哂，想慢慢品嚐Tong Yeong Rock ($49)望落唔夠漲卜卜，但食落口佢既肉比較實，係黎自韓國既，無噤creamy，三款之中唔算好突出Nelia ($69)係黎自南非，店員極推介係是日最好最靚既，的確味道最鮮，而且好大隻，一啖真係咬唔哂，三款當中佢係最好食👍🏻👍🏻👍🏻香脆蒜蓉包($48)好脆，加埋牛油好香，如果單單食既，會比較熱氣，最好order埋個湯一齊食香辣炸雞翼($78)雞翼剛剛炸起好熱，但食落口唔覺有辣味，似普通炸雞翼，如果點左醬係會更好食，味道會再多返少少層次感自選五十五十薄餅($198)可以選擇兩款口味，簡左黑松露野菌、華麗皇室薄餅鋪滿芝士，黑松露野菌好香，夾埋芝士無得輸，邊位好脆，餅底都唔太厚剛剛好，而華麗皇

話說夜晚太肚餓，好突然喺OpenRice搵到銅鑼灣蠔站有優惠$10@隻蠔，我即刻網上book咗位食。職員好好人，送咗杯🍷我哋試。我哋都買2技白酒飲。佢哋嘅蠔真係好有驚喜，$10蠔唔輸蝕啲正價蠔。👍🏻我哋另外叫咗六款生蠔。美國蠔肉質好Creamy🤤

已經黎過幾次一想食蠔就會上黎今晚都唔例外想食蠔去蠔站一入到去有一位男員工招呼問我地有冇係OpenRice訂枱我地話冇（其實每次都係walk in）咁我地問佢係咪OR訂會平啲之後就有另一個女店員話唔好OR即訂叫我地做會員 會平啲仲送甜品比我地食😂原來佢枱上有個qr code做會員 全線用得佢會比OR訂枱再平10%！即係OR 8折佢就7折我地個日去係星期六會員係有9折（當然唔計$10蠔）但menu食物& drinks都有原來入要仲有兩間private room(可打通）$6000 以上消費就可以訂多人聚會 今下酒食下蠔都係個唔錯選擇💯

第二次去呢間今次同朋友叫左兩打$10蠔每人食一打蠔好正今次同上次一樣都係法國🇫🇷蠔 但比上次好食每隻蠔比上次厚身海水味跟濃但今次開蠔麻麻食到有啲碎而第一打上既時候有一隻睇落壞左佢都好好係第二打幫我地換過隻最好係個auntie既服務兩次去都一樣咁好會因為佢下次再幫襯👍🏻

去過oyster station樂富和尖沙咀店好多好多次，都係keep到食物質素之餘，仲係正常上菜速度。第一次光顧銅鑼灣分店，真係跌晒眼鏡，正常二人食一餐，竟然食左2小時半。只係食左24隻蠔同兩碟熟食。同法國大餐有得揮真係’岀色’ ！如果要談心談到打烊，呢間餐廳好合適。真係唔肚餓都 等到肚餓到癲左呀！！！唔知點解可以耐到咁。。。。。話想取消又話整緊。。。。但都再一等再等。。。一拖再拖。。。。。。好差！銅鑼灣分店！

蠔怪有福🥰🥰十蚊蠔 仲要任叫😍😍又唔差 真會encore見佢星期二三仲有oyster nightPackage有幾款蠔連埋酒好似$199熱食就一般9點45去店入面唔多人其他層樓好多都9:30 last order…呢間算開得夜聽講5點半前仲有折

較早前去過尖沙咀諾士佛臺，雖然位置方面，但坐得唔舒服，冷氣直吹頭頂，轉位都冇用，只怕驚吹你唔走...🤕今次試下銅鑼灣依間，閒日放假book定位，中午時間去到，現場都冇咩人，小貓三四枱🐈‍⬛女侍應安排坐了𥦬口位，現場環境感覺好舒服🫠先唔講食物！其實最值得一讚係服務態度，店內女侍應生非常有禮貌，非常有耐心，相比其他一D高級西餐廳都未必做到！👍👩‍💼新鮮即開生蠔，生蠔配白酒，非常美味，最後叫左打半，正👍😋食完生蠔，之後叫左塊3成既肉眼扒，點知來到...😑唉！煎到變左7成😒，件扒幾靚都冇用，比你煎成咁，真係無言...總括來講，環境舒服，女侍應好有禮貌，生蠔新鮮即開，其他熟食質量唔清楚，可能佢叫蠔吧既關係🤔都係一處平日偷閒吹水好地方！

店名: 蠔站地址: 尖沙咀諾士佛臺1號7樓尖沙咀站B1出口，行5分鐘環境: 3.5/5價錢:4.5/5味道: 4/5一直去啲西餐廳食蠔都唔平，而呢間出名有十蚊一隻嘅生蠔🦪另設銅鑼灣，荃灣，天后，大角咀，將軍澳，土瓜灣，樂富分店指定生蠔🦪$10@1隻佢所有分店全日供應🤪生蠔食落味道正常，有少少海水味，唔算好細隻，食落都新鮮唔會有種臭左嘅腥味就算係十蚊一隻，質素都唔會話太差👍🏻🤩#stitchfoodie尖沙咀

情人節晚上7點去一間餐廳名叫”蠔站”，坐低叫焗蠔無焗蠔，叫肉眼扒無肉眼扒，叫生蝦無生蝦。身邊幾枱叫嘢食，不停聽到啲待應話呢樣無，果樣無。西冷牛扒一半都係筋，凍檸茶有怪味。重要節日咁多嘢無，講緊我地都唔夜去，又無提早同客人溝通，又唔出套餐。淨係識打電話黎確認訂位。有問題又唔講。令我同女朋友勁掃興！ 這次的經歷讓我非常失望，我不會再去這家餐廳了。做嘢懶得就懶，就係喜慶節日推啲平時唔好賣嘅。完全唔使理你客人嘅感受！價錢仲無任何優惠。真係當啲客豬咁對待！呼籲大家做節千奇唔好去！

今日朋友生日飯選擇Oyster Station.點了刺身拼盤$428，刺身整體新鮮，軟殻蟹意粉$158，美味，Pizza $168就一般皮有啲硬，芝士拼盤$188，我不是太識欣賞，炸薯條$68 正常送啤酒，德國豬手$288 ，一般有啲位置好硬，自家製焗蟹餅$138 ，美味好多蟹肉甜味蠔$10-60左右，指定$10的蠔，不算肥美可以過下口癮，性價比算好好，已其他的要睇店員介紹，當日店員好好介紹了不同的蠔都好美味，還叫了Horgaarden ，但第一次那些可能已到底味道變了，好彩一同店員講佢一試即換，都算好好服務。回味指數⭐️⭐️⭐️⭐️價錢⭐️⭐️⭐️服務⭐️⭐️⭐️⭐️衛生⭐️⭐️⭐️⭐️

約咗個好朋友銅鑼灣食晚飯，朋友話呢間食蠔超抵，食物質素又不錯，亦很有氣氛，岩晒姊妹黎傾下心事👭▪️八國聯軍生蠔拼盤🦪$398重點有一半係矜貴嘅金箔生蠔，肉質口感一流，很新鮮！▪️酥皮波士頓龍蝦意粉🦞$268▪️炭燒美國CAB肉眼扒🥩12oz $398▪️黑松露野菌忌廉湯 $78▪️白桃乳酸梳打$48▪️鮮青檸檬梳打$48◻️蠔站 (黃金廣場) (銅鑼灣)📍銅鑼灣銅鑼灣軒尼詩道502號黃金廣場9樓

〖 Oyster Station 🦪 銅鑼灣 〗NEXT STATION: OYSTER！😍 有無生蠔控一食就要食一打生蠔？Oyster Station絕對滿足到你 仲可以一次過食哂八國生蠔簡真係蠔痴必到勝地呀！ 【八國聯軍生蠔拼盤 ($398) 】 一次過嘆哂法國、美國、澳洲、 西班牙、愛爾蘭、蘇格蘭、韓國、日本肥美生蠔！ 重點係有矜貴著名金箔生蠔Ostra Regal Gold！貴為法國No. 1生蠔肉質零舍肥美甘甜中帶海水味層次豐富簡稱係蠔痴夢寐以求嘅盛宴呀！ 【生蠔拼盤 ($60) 】如果食完仲未夠喉的話仲可以加$10一隻嘅生蠔 咁嘅價錢真係啪一打都唔會肉赤呀！生蠔當然無八國聯軍咁肥美但依然非常新鮮富海水咸香！ 【酥皮波士頓龍蝦意粉 ($268) 】滿足完蠔癮之後叫番啲Carbs先酥皮波士頓龍蝦賣相比想像中靚黃金酥皮圍住波士頓龍蝦頭 波士頓龍蝦肉質果然彈牙幼身意粉完全索晒龍蝦精華！ 【黃金軟殼蟹天使麵 ($158) 】大大隻金黃色軟殼蟹非常足料最有驚喜係黃金醬汁好濃蛋黃香每條天使麵都掛住香濃醬汁真係一啖接一啖停唔到！ ================